NON KITCHEN

營業中

休息中

放工想搵d好西食，今次的地就去左呢間講左好耐既工廈扒房試試佢🤓-🍽️Dinner set for 2 $658🥗吞拿魚柚子醋雜菜沙律雜菜沙律配上甜甜酸酸既柚子醋同一片半生熟既吞拿魚，好開胃👍🏼-🦞龍蝦湯 +$38飲到龍蝦既鮮味，加上粒粒龍蝦肉，鐘意海鮮既朋友係唔錯既選擇👌🏼-🥔香蒜薯蓉焗田螺 +$77田螺肉既份量都唔少而且幾大粒，配上用炒洋蔥mix埋既薯蓉，味道有層次又creamy，好惹味😍-🥩炭燒美國CAB肉眼牛扒 (12oz)牛扒叫咗五成熟，外皮煎到焦香十足，肉質嫩，脂肪比例都岩岩好，一啖牛扒一啖薯蓉好滿足🤩-🍕煙三文魚薄餅呢個係餐廳既招牌pizza，配料有煙三文魚、洋蔥、紅椒等等，用左薄脆批底，口感十足，加埋蜜糖芥末醬，好滋味🤤

💙Ricotta Spinach Tortelloni菠菜芝士意大利餛飩配松露忌廉汁，細細粒，入面包住全部都係芝士，份量有15-18粒，忌廉汁夠creamy😆.💙Rack of Lamb炭燒塔斯曼尼亞羊扒，炭香味好濃！揀左7成熟，切開肉有少少粉紅，岩岩好🥰 肉質幾軟淋～ 黑松露薯蓉棉滑，不錯～.💙Profiterol意大利雪糕泡芙，雪糕包着泡芙，泡芙又有包住雪糕，擺碟都有心思，想食雪糕既可以試下呢個😂😂

今日同牛頭角返工嘅朋友去食飯，揀左呢間有任食沙律吧同餐湯半自助西餐，佢啲main course質素真係好唔錯呀😍＊＊＊＊＊🐥燒美國帶骨雞胸 $148呢塊帶骨雞胸超級嫩滑，唔講都唔知係雞胸黎！😆加埋個黑椒汁夠晒惹味🤍🐮炭燒紐西蘭西冷牛扒 $188西冷我哋叫左七成，佢個網燒嘅格紋實在太靚啦🤩食落都好香，比一般用鑊煎嘅香味係唔同架～🧅炸洋蔥圈 $68炸洋蔥圈估唔到咁大兜，仲有茄汁同芥末蛋黃醬可以點添！😛＊＊＊＊＊

我哋叫咗個2人Set $658前菜有湯同沙律🥗仲有餐包🥖主菜🍖甜品🧁飲品沙律正常發揮餐前包要讚，好香外皮好脆仲有埋超好食嘅棒棒餅配埋個香草醬好好食主菜：黑松露野菌意式燴飯要讚吓呢個飯，完全出乎意料地好食味道香濃之餘，完全做出意大利飯嗰隻外脆內煙韌嘅口感粒粒都好Creamy超香黑松露味炭燒美國安格斯西冷牛扒呢個係第二次encore上次食完念念不忘😍呢個牛扒一睇就有誠意外面燒到好靚，入口就好有炭燒味我哋嗌咗五成熟超有肉汁😋意大利雪糕泡芙雪糕藏係泡芙𥚃面但我都想試吓Tiramisu 啊額外加咗$38味道都唔錯，同埋有啲酒味

今天來到觀塘工廠大廈內的 一間西餐廳non kitchen ，店內佈置優雅。前菜是阿拉斯加蟹肉牛油果塔，它結合了新鮮的阿拉斯加蟹肉和濃郁的牛油果，口感豐富。小食拼盤中的香辣脆雞翼帶有辣味和酥脆口感，黑松露薯條散發出迷人的松露香氣，炸洋蔥圈則酥脆可口。主食的西班牙海鮮飯內有帶子，青口，蝦，蜆和魷魚，海鮮十分豐富，米飯有汁而且不太硬 。最後，流心乳酪芝士蛋糕是一道甜品，充滿濃郁的芝士味道，蛋糕中心的奶香流心讓口感更加豐富。

嚟到觀塘區同好朋友食餞行飯。揀呢度，因為想坐得舒服d， 傾計又夠靜。 呢度嘅Lunch set 好正， 沙律、餐包、餐湯都係任飲任食，雖然係side dishes，但1d都唔馬虎喎，沙律菜都幾多選擇，除左沙律菜，仲有紅菜頭、薯仔沙律等。餐包都有好幾款，我揀左黑麥包 ，意外地好軟綿綿，有麥香。 餐湯蕃茄湯要大讚，超濃味，啖啖蕃茄蓉，蕃茄獨有嘅甜酸味瞬間就擠滿整個口腔，一再添飲😋 main course 我揀左菠菜芝士意大利餛飩配辣蕃茄汁($128)。個汁有辣嘅香味，但無辣嘅刺激口感，極易入口；餛飩一口一隻，有幾隻仲係賬卜卜嘅，好足料。 超鍾意食薯條，所以見到只係$48就可以加配埋黑松露薯條，當然要加埋啦。滿滿嘅黑松露灑滿薯條表面，每一條都有濃郁嘅松露味，如果可以有埋芝士伴食就超完美。雖然無芝士，但有茄汁同香草醬伴食，個人覺得香草醬非常搭配，反而茄汁味太香濃，蓋過了黑松露嘅香而變得喧賓奪主。 最後飲埋杯凍咖啡，喺咁舒服嘅環境下同朋友暢談、餞行，呢餐可以完美落幕。

突然望下個日曆先醒起，原來今日係七夕！😍就約老細去食番餐啦～💞同事介紹呢間，佢食過午餐，有semi buffet，話唔錯，晚餐有set for two ,set for four…唔想諗就揀個set啦！！🤭😘頭盤係吞拿魚柚子醋雜菜沙律，個柚子醋汁調得好好味～酸味味十分開胃！😋👍🏻我要咗野菌湯，香濃綿滑，一入口忍唔住：唔～～～🥴咗一聲😌😌😌🤭老細加錢轉龍蝦湯，我覺得可以再濃郁一啲，不過龍蝦肉好鮮嫩！佢跟湯一齊上嗰兩件focaccia非常鬆軟！😋👏🏻👏🏻👏🏻👍🏻主菜我叫咗蒜香魷魚炒墨汁意粉，老細梗係鋸扒啦！叫咗佢至愛嘅rib eye，medium rare～用炭火燒嘅牛扒真係好香！😚有陣炭燒嘅焦香味，配黑松露薯蓉同青豆。我個意粉真係十分好味，啲蒜蓉好香，但估唔到鮮魷可以咁鮮嫩！😋👍🏻👍🏻真係忍唔住清曬碟～老細話想試下個小食拼盤，又估唔到做得唔錯！👍🏻雞中翼開咗半，炸得非常唔錯，肉質仲好嫩滑juicy；黑松露薯條幾特別；洋蔥圈都炸得好出色，配兩款醬。甜品跟餐係雪糕泡芙，泡芙有朱古力雪糕餡，好香滑～～我梗係食我至愛嘅tiramisu啦～估唔到酒香咁濃郁…🥰😚😋大滿足的一餐！願我倆永遠開開心心！

🚩觀塘鴻圖道🚩隱世工廈高質西餐廳，進入工廈既樓梯，沿途都見到餐廳既special menu有咩推介，一開餐廳門口就見到餐廳非常寬敞闊落😀坐低就見到份以雜誌形式設計既Dinner Menu🔖好靚好特別☺️☺️Set dinner for 2 $658（Salad+Main+Pizza/Pasta+dessert+drinks)🥗吞拿魚柚子醋雜誌菜沙律沙律菜配上柚子醋加埋吞拿魚係上面，全部都好夾，食完開左個胃，可以食多d🤣🤣🍲是日餐湯：椰菜花忌廉湯飲落第一啖好重椰菜花既味道，湯比較Creamy，但可能因為有椰菜花打成蓉，變左湯唔會太膩🥩炭燒安格斯特級西冷牛扒（10oz）+$70叫左5成熟，肉質實正，牛味較重😋😋但中間都嫩口，食落有層次感😊😊😊🦑蒜香魷魚炒墨魚汁意粉蒜味香濃，唔係會食到黑媽媽既墨汁意粉，係意粉本來是黑色，用蒜容炒到勁香，好有獲氣，魷魚都多而大塊☺️☺️☺️🍨意大利雪糕泡芙外層有層意大利雪糕包住舊雪糕泡芙，外面是雲尼拿，裡面係朱古力雪糕味泡芙🥹🥹🥹好好食，飯後甜品一流😀😀📍 Non Kitchen (觀塘)🗺️ 觀塘鴻圖道12精棉工業大廈1樓

好少出牛頭角工作，同事推薦左一間牛頭角工廈嘅西餐廳，位於近牛頭角站附近好易搵。19:30去到餐廳估唔到平日晚上幾多客人，餐廳地方寬敞，播著簡單嘅音樂，環境都幾舒適。我地叫左個2人餐 $658， 有沙律、餐湯、主菜、甜品、餐飲 。🥗吞拿魚柚子醋雜菜沙律 - 厚切吞拿魚同沙律菜柚子醋好開胃。🥩炭燒美國CAB肉眼牛扒 - 肉眼燒得好香，5成熟煎得剛剛好，肉質好有咬口，如果再多脂肪D更好，薯蓉都好好味。🍕煙三文魚薄餅 - Pizza餅底好香脆，佈滿芝士、煙三文魚、火箭菜，配埋蜜糖芥末醬，味道好清新。🍮意大利雪糕泡芙 - 泡芙內包裹住雪糕球，味道唔會好甜。🍮朱古力心太軟 +$38 - 一切開就會見到D朱古力醬好流心，仲有雲尼拿雪糕，好味。餐湯、餐飲味道正常，唔特別講。💁🏻‍♀️特別想讚一下店員嘅服務態度，因為好難得當晚所有店員都係非常有禮貌，當晚晌呢度嘅用餐氣氛好愉快。雖然價錢唔算好平，但我地覺得食物同服務質素都好值。難怪晌工廠區內，平日晚市都可以咁好生意👍🏻

工廈入面都有高質既西餐可以食, 呢間non kitchen 係牛頭角既工廈, 一入到黎個環境都覺得好chill 好舒服, 燈光好柔和, 我地睇完一輪最後都係決定食佢既2人餐, 因為2人餐有哂湯、沙律、main course x 2 、野飲同甜品, 夠哂豐富! 我地叫左佢既set for 2 $658 再加一~ 個湯好好飲, 勁creamy ~ 好濃味, 落足料, 而裒前既麵包都係好有誠意! 好好食! 沙律就夠哂新鮮好味道!我杜main course就叫左肉眼12OZ 同埋墨魚汁意粉! 肉眼7成熟, 生熟程度岩岩好, 配埋既肉汁味道好好, 仲有grill 過既紋, 無論視覺上定味覺上都好令人滿足! 墨魚汁意粉既墨魚夠哂好食同彈牙! 真係叫得冇錯! 野飲我地都係叫左凍檸茶, 而甜品就要番佢跟餐送既甜品, 下次可以試下加錢要佢個心太軟, 不過佢呢個意大利雪糕泡芙都已經好好食, 好滿足!

ROASTED U.S. SPRING CHICKEN燒原隻春雞 $268叫完之後等咗around 20分鐘先到，上檯熱辣辣👍🏻估計即叫即烤，雞皮好脆之餘啲肉都好juicy！幾好食不過就價錢偏貴Risotto with Scallop帶子意大利燴飯 $158用菠菜忌廉汁燴飯，飯唔會太淋幾有咬口，而且唔會太膩～帶子有三大粒，咬落都幾彈牙爽口，整體都幾好食NON Cheese Cake 流心乳酪芝士蛋糕 $98是日mvp！必叫！叫完要等15分鐘左右，因為佢哋即叫即烤，本身有啲想放棄因為趕時間🥲好彩冇唔要！因為真係好食！即烤流心效果勁好！乳酪味都幾出唔太甜，配埋oreo 餅底都唔會好膩！好食！Btw門口寫住「本食堂只招待本大廈員工」，想知點解🤣

性價比高西式晚餐昨晚要去觀塘區順便接朋友放工近近地返兜返之前試過不錯的西餐. 叫左個二人餐， 有齊沙律餐湯主菜甜品餐飲而且份量大大份連加一七百零蚊性價比相當不俗. 是日餐湯係南瓜湯，味道不錯. 餐包配上大大舊松露牛油有驚喜. 餐飲叫左兩杯冰凍檸檬茶夠冰爽. #吞拿魚柚子醋雜菜沙律 吞拿魚扒外皮煎得焦香但內裡不失鮮嫩，酸酸甜甜柚子醋醬汁配上新鮮沙律菜清新開胃. #煙三文魚薄餅Pizza餅薄而香脆，用料十足，佈滿芝士洋蔥香草煙三文魚配搭火箭菜，配埋開胃酸酸甜甜醬汁口味清新，整體咸甜味道配合，口感層次豐富.#炭燒美國CAB肉眼牛扒 12oz好香炭香味，三成熟煎得剛剛好唔會腥肉汁juicy 肉味濃郁夠raw 肉質鮮嫩咬口十足. #意大利雪糕泡芙兩種質感三種口味，雲呢拿雪糕包住鬆軟泡芙，泡芙裡面再包住棉棉朱古力雪糕，加上伴碟朱古力脆脆鮮甜雜果，為一頓豐富晚餐作結，剛好，滿足！

觀塘區有時都想去啲坐得好啲嘅餐廳食午餐，慢慢享受吓個lunch time。呢間餐廳夠晒大，所以就算等位都唔會等好耐。好好彩一去到就有位，午市基本上滿座。午餐包自助沙律吧任食，仲有餐湯、麵包等等。我哋叫咗兩個午餐：一個慢煮豬手、一個牛肉漢堡包配薯條。喺等待餐點嚟嘅時候出去自助區拎咗啲沙律、湯。麵包有牛角包、餐包、味道都唔錯。沙律菜都幾新鮮，湯係忌廉湯。嘢食好快就到。漢堡包牛肉夠厚夠香😋有芝士、洋蔥、蕃茄等等。薯條好香脆！慢煮豬手夠晒腍。皮同肉都好腍，份量夠多，而且仲配有薯蓉。見到午市套餐都可以加$48配心太軟，平時食呢個都唔平，所以即刻加咗，心太軟蛋糕朱古力味香濃新鮮焗起，入邊朱古力流心唔錯，仲配有雲呢拿雪糕同水果。最後午餐仲包餐飲，揀咗熱檸水熱檸茶。

今日要到觀塘購買旅行喼，順道便到Non Kitchen一試餐廳的半自助午餐。客人只要在menu選一款主菜，便可享用任食沙律及餐湯，性價比不俗。我和朋友分別選了車打芝士牛肉漢堡及香煎魚柳兩款主菜，加配一份意粉及兩份甜品(蘋果撻及朱古力心太軟)。任食沙律及餐湯是自助形式，是日餐湯為蕃茄甘筍湯，湯勝在夠熱。沙律吧提供紅菜頭，粟米，菠蘿，薯仔沙律及沙律菜等。喜歡以餐包拌湯吃的朋友更可任取餐包(牛角包)品嚐呢。主菜方面，兩大片魚柳煎得香口，拌以薯蓉吃，份量十足。而牛肉漢堡亦屬正常發揮，拌碟的薯條都炸得香脆可口。壓軸兩款甜品可謂整頓午餐的精粹。蘋果撻撻皮酥香脆口，充滿蘋果香味。而心太軟亦做到流心效果，當我用刀切開時，朱古力醬便一湧而出，感覺治癒。我和朋友全程食足3小時，邊傾談邊享受食物，真是暢快。

來到這間餐廳有英式嘅風情餐牌係用雜誌特質來設計幾特別的😘牆壁上放置著懷舊的暖水壺，成為咗一個打卡點。除咗可以單叫食物，這裏還有套餐的選擇，套餐入面會有沙律有湯，仲可以加錢有小食選擇添，如果鍾意飲酒嘅朋友可以加58蚊就有一杯啦。今次我想叫嗌咗個西蘭花湯，有一份配搭嘅餐前包點，大家一定要食呀麵包係用辣椒乾去烤焗而成的，非常之特別味道好清新辣椒嘅香氣非常突出。單骨雞翼蒜蓉味好足夠，蟹肉他他一邊有牛油果做配搭食落去嘅時候油黑胡椒嘅味道。派咗一份羊架同埋軟殼蟹黑松露意粉🔥🔥第一次食軟殼蟹配西式意大利粉好特別呀黑松露好好味呀。羊扒嗌咗五成熟，但係唔好血淋淋㗎，羊肉嘅口感好有咬口👍🏻