Nomad Burger (已搬遷) 新店位置

剛剛開喺屋企附近，立即去試吓，薯條不錯，夠香脆，beef 好香牛肉味、多汁，好好味，芝士要另加$5，梗係加啦！ 不過size 就細d，大概好似麥記漢堡包咁上下大，不過$50 都差唔多了，整體不錯，會再幫襯！😍

Nomad burger最近喺北角插旗，開咗限時3個月嘅pop up店，港島人終於可以食到，不過店內只有少量位置，附近嘅人不妨買走返公司或屋企慢慢品嘗。餐牌由包、醬汁到配料都自由選擇，靈活度高，仲有其他小食可以揀。◽️ 安格斯牛肉 車打芝士 松露蛋黃醬 牛油漢堡 牛肉肉味十足又保留到肉汁，個包又好味，半溶芝士增加「芝」味，不過醬唔係太食到松露味。◽️ 手撕豬 車打芝士 煙肉 醃青瓜 全素麵包手撕豬唔會太乾，煙肉煎至香脆，配埋醃青瓜都好豐富。◽️ 炸魚 焦糖洋蔥 芥末蛋黃醬 全素麵包炸魚賣相爭啲，有少少燶樣，焦糖洋蔥增加一份香甜。◽️ 三重松露薯條、汽水 +$28薯條即炸，灑上少許松露粉，再蘸埋松露醬，如果松露味可以再重啲就好啦。◽️ 薯條、汽水 +$18正常薯條就配茄汁，夠哂熱，飲品只得汽水可揀。