影片
港鐵香港站 C 出口, 步行約8分鐘
繼續閱讀
電話號碼
24151333
開飯介紹
室內設計以時尚和風設計為概念，佔地2,100平方呎，更有戶外花園。資深日籍廚藝團隊每日製作人氣雞湯拉麵，並提供近60款的居酒屋美食及爐端燒料理。
繼續閱讀
營業時間
今日營業
12:00 - 16:00
17:30 - 00:00
星期一至二
12:00 - 16:00
17:30 - 23:00
星期三至五
12:00 - 16:00
17:30 - 00:00
星期六
12:00 - 00:00
星期日
12:00 - 22:00
*最後落單時間: 16:00; 22:15 (一至二); 16:00; 23:15(三至五); 17:00 ; 23:15(六); 17:00 ; 21:15 (日)
以上資料只供參考, 請與餐廳確認詳情
有關獎賞計劃
相關文章
再次去中環嘅Nojo，真係好開心重新發現呢個好地方，尤其係喺Liberty同Sevva關門之後，搵到新嘅聚腳點。呢度嘅環境好舒服，好chill，係下班後放鬆嘅perfect選擇！我哋由兩杯清新mocktail開始：Tsukada Fruit Tea（橙汁、菠蘿汁、荔枝、紅茶）同Yuzu Mango Mule（柚子蜜、芒果蓉、薑汁啤酒、青檸、青瓜），兩杯都好好飲，為晚餐定下好氣氛。前菜有暖胃嘅芝麻醬水餃子、濃郁蟹膏醬麵包（我最鍾意嘅之一）、雜錦豆炒豚腩肉菠菜，仲有味道豐富嘅牡蠣同八爪魚大阪燒餅。意外驚喜係炸煮大根同鶉蛋，第一次試鵪鶉蛋配蘿蔔炸到脆脆，超正！重頭戲係招牌醬油拉麵：麵條彈牙，雞腿肉嫩滑，炸牛蒡香口，湯底濃郁鮮味十足，完全搶晒鏡。最後壓軸係和牛鹽釜焼，火候剛好，粉紅色澤靚，帶有淡淡鹽香，提升咗呢款優質和牛嘅層次。仲有佢哋嘅NORDAQ優質任飲有汽礦泉水，只係$15，健康又抵飲。Nojo真係食物同氣氛嘅完美結合，成為我喺中環下班後嘅新寵！
繼續閱讀
位於中環砵典乍街「NOJO」原來是來自九州宮崎縣「塚田農場」的副線，主打日式拉麵和多款居酒屋美食，餐廳有室內室外的座位，非常喜歡Outdoor 位置裝潢設計，以高身木糸枱凳為主，環境好Chill ，可以一邊飲傾偈，一邊招牌品嚐美食👍▪️Boiled Dumplings $ 68水餃子｜雞肉餃子加上花生醬忌廉醬汁，呢個配搭超好味，食完之後好開胃▪️Stir-fried Pork Belly & Spinach with Nuts $ 48雜錦豆炒豚腩肉同菠菜｜好有鑊氣嘅炒物，肥美肉嫩嘅豬腩肉配合蔬菜和雜錦豆，味道鹹香鹹香夠晒惹味▪️Deep-fried Quail Egg & Daikon Oden炸煮大根同鶉蛋｜就是好像串揚一樣，外層皮薄香脆，大根超級鮮甜，而鵪鶉蛋外脆內軟，好香口▪️Oyster & Octopus Okonomiyaki $ 78牡蠣同八爪魚大阪燒餅｜最鍾意食嘅這款燒餅，煙靭嘅薄餅中藏有滿滿餡料，八爪魚爽口又彈牙，而牡蠣非常鮮味，好味道▪️Crab Paste Toast $ 68蟹肉醬麵包｜充滿蟹肉蟹膏嘅濃郁味道，配上香脆嘅多士，味道甘香美味▪️Soy Sauce Ramen $ 148雞白湯醬油拉麵｜雞髀先以日本醬油、胡椒等材料以60度慢煮2小時，再塗上日本醬油炙燒，皮脆肉嫩入口即化，湯底以日本直送的雞白湯作靈魂，再加雞腳、豬背脂等材料熬製，啖啖骨膠原精華，拉麵更加用上日本小麥粉及加拿大麵粉製成，再加日本醬油、黑蒜油調味，麵條超掛湯，口感煙韌帶陣陣麥香，配合濃濃的雞白湯底，非常滋味▪️Salt Baked Wagyu $ 298和牛鹽崟燒｜和牛先煎香外層，再用用厚厚嘅海鹽包住和牛和雜菜焗，上枱時店員會整走晒面層嘅海鹽，一打開時香味濃郁，主角和牛一切開肉質部份仍呈粉嫩狀態，口感外焦內軟，肉質Juicy味道充滿鹽香牛味香濃👍▪️Pistachio Martini $ 128大熱嘅開心果碎和醬配合馬天尼，口感帶Creamy有開心果嘅甜香和Martini濃郁嘅酒味，兩者混合一齊原來非常之夾▪️Yuzu & Umeshu Tody $ 118原來這個係熱飲，熱嘅梅酒再自行加上柚子果醬，梅香中帶柚子味道嘅梅酒，夠晒甜蜜，冬天飲就最適合飲完非常暖胃
繼續閱讀
平時好少喺石板街食嘢，喺ig見到個雞髀拉麵好吸引🤩假期lunch hour去竟然冇乜人！Open kitchen見到廚師整拉麵，挨近bar檯見到好多酒！Lunch set combo for 2 $288 (+10% service charge)Appetizer: Overnight Sake Lees Marinated Fried Chicken上菜嘅時候熱辣辣，有5塊都幾大塊，啱啱炸起，要攤一陣先擺到入口🤣 入口好香sake味，炸衣同賣醃製嘅時候應該都落咗sake，味道鹹中帶甜，咬多幾啖覺得有啲偏鹹。Soy sauce +$20濃郁嘅醬油湯底，加埋有燒烤香味嘅雞髀，份量好足，好掛湯，但雞髀唔算嫩。面頭嘅炸牛蒡稍嫌好重油味。🫢Yuzu Salt比較清新嘅拉麵之選！雞白湯湯底，飲落好順滑，帶淡淡嘅柚子香味，面頭有啲豌豆苗、大蔥、粟米芯、兩粒雞肉丸，整體冇Soy sauce咁鹹，個人鍾意呢款多啲～🤤Drink: Green tea估唔到係成壺咁上🤣幾得意～拉麵係粗麥粉整嘅拉麵，質感唔錯，唔會好冧，湯底都好多款式揀，中環地段嚟講性價比都算高！
繼續閱讀
上次同朋友約去中環嘅Nojo食拉麵,真係好enjoy呢次經歷!我點了鴨胸肉鹽拉麵,朋友就揀咗雞髀醬油拉麵。第一眼見到,兩碗面都擺得好靚,賣相真係好吸引,都忍唔住要影落黎check吓。我嘅鴨胸肉鹽拉麵,面底質感好順滑,唔會太硬身,反而帶點兒蛋麵嘅手感。不過一個驚喜就係面上仲有好濃郁嘅香味,做得好啱,令人口水直流。鴨胸肉好嫩滑,又唔會乾身,配襯住鹽味剛剛好,好飽肚。朋友點嘅雞髀醬油拉麵,個醬汁濃郁咁加埋肉嫩嘅雞髀,真係好襯。佢話份量好足夠,味道都好好,唔會太鹹。我哋仲叫咗幾杯啤酒,食飽飲足之後,慢慢聊天吹水,真係好放鬆。總括嚟講,呢間Nojo真係一個好去處,不論係食定係飲都好到屈,絕對值得推介俾其他朋友!我哋以後會再嚟!
繼續閱讀
Nojo價錢: $68/ $148/ $128/ $98服務🍴: 3.3/5環境🗾: 3.7/5性價比🥢: 4/5回頭率😚: 3.7/5-Nojo最出名佢地的雞腿醬油拉麪，開左咁耐都爲去試過。今次約埋d朋友用openrice book枱，weekend夜晚都有8折優惠😱每人食小小加cocktail，人均只需要$200到。但除左拉麪，d dish都比較適合少人share。-✅Kurosatsuma chicken skewers. 一串有3粒雞肉加其他的配菜。雞肉烤得塊皮夠脆，肉質好嫩，同埋係比一般的雞肉有雞味，用日本薩摩雞係唔同d! 其他有d番茄仔、椒、菇同瓜，全部都唔會好乾🤓-✅✅Japanese Wagyu Tartar. 呢個他他又唔同西餐的他他，呢到無任何creamy的調味，只係酸酸地加香草的味道，同埋因為好多紫洋蔥粒，味道有小小辛辣感，惹味得來仲食到牛味。牛肉切細粒，無筋，係有d脂肪的水，所以質地幾軟熟🥰呢個好味！-🆗Scared Bonito (Kagoshima Ibusuki) w/ White Ponzu. 呢個一定一定要點汁食，如果唔係會超級腥！鰹魚就好似呑拿魚赤身咁，外皮輕輕烤過，入面仲係生的，肉質結實。沾啲醋食可以僻醒😂 同埋後面有啲沙律菜都幾好。-✅✅Chilled sesame dandan ramen special. 呢個估唔到幾好食！！😋 用黃色冷麵個d去做，質地好彈牙煙韌🤩調味係芝麻醬+辣椒油+醬油jelly，食落最出係擔擔麵的麻醬味，微微的辣。面頭有d辣肉碎、木魚，再加車厘茄，味道有層次，感覺涼爽，好啱夏天同想清新啲的感覺的時候食。
繼續閱讀
您可能會有興趣的...