Noc Noc

營業中

休息中

放工後最想就係跟愛人搵吃，食lunch嘅時候已經不斷睇有咩地方坐得舒服又有嘢食最緊要可以飲番杯，又唔太嘈嘅地方hea吓…被我發現係大埔有咁好情調嘅酒吧+餐廳就揸車入去。坐底每張枱都有點蠟燭,眼見多數都係三五知已坐底飲嘢同食嘢吹水咁，環境唔算嘈吵仲有一種令人relax嘅感覺，酒吧餐廳嚟講依間菜式比較多選擇，所以我叫咗個德國豬手，海鮮意大利飯跟2杯生啤，食物質素值得一贊個海鮮意大利飯味道剛剛好又足料，粒粒飯都包住咗個汁，而德國豬手個皮就無連所店咁脆，但勝在個豬手面有少少脆食落去仲可以感受到豬皮個 collagen又唔會油膩下次跟閨密又多個地方去

假期完結之後首天上班，當然不太習慣，於是下班後就跟E先生來Happy Hour。 Noc Noc地方不大，但頗為熱鬧，氣氛不錯！ 餐牌上除了飲品，還有食物，大可以歡樂時光順便吃個晚餐。Margarita $58冰凍清新，酒味濃重。Sex on the beach $58香甜果味，容易入口。 摩天輪拼盤 $158 小食摩天輪最得女生歡心，五款小食，配以三款調味醬汁。 雜菜沙律沙律菜清新爽口。 炸薯條外脆內軟，薯味十足。 炸魚手指 炸魚香口鬆脆。 炸魷魚圈 香脆魷魚圈， 煙韌可口。 炸水牛芝士條 水牛芝士流心且味濃，可是外皮有點硬。

o係大埔覓食～見倒依間幾多正評，Openrice 訂座仲有9折～決定黎一試！餐廳幾有情調，晚飯時間都幾full，記得要提前訂座～ 炸薯條(Cheese sauce, black truffle sauce, honey mustard)估唔到炸薯條竟然有驚喜～三款醬都好好味，自己最鍾意係Honey mustard薯條份量算多龍蝦汁燴海鮮天使麵海鮮份量好足料，味道都唔錯嘅西班牙海鮮燴飯叫多左個又係海鮮配料ge Risotto，哈哈同樣係配料好夠多～不過Risotto 個飯唔係整得太好食整體黎講野食味道中規中矩，性價比合理嘅份量都算多o係大埔黎講係唔錯ge 西餐

朋友住大埔，叫佢搵個地方可以坐得耐傾計，飲下野，佢就介紹呢間，果然無介紹錯，成餐我都好滿意😂😂😂呢到野食選擇都幾多，有扒、意粉、飯、沙律、burger。。仲有勁多小食揀。我地最我地散叫左兩個main dishes，黑松露天使麵同肉眼扒。兩個都好出色👍🏽👍🏽👍🏽黑松露天使麵勁香！d菇既分量都好多！本身睇到個麵好似有d dry，仲有d擔心。但食落其實每條麵都有sause包住，好香好香黑松露味。另外肉眼扒有得揀幾多成熟，我地揀左5成熟。件扒煮得岩岩好，唔會太熟，而且佢都好大塊下，同埋都幾厚身👍🏽👍🏽d配菜都好多！我地每人叫左杯cocktail，我揀左Pina Colada，真心好飲！飲個下係酒味，吞個下好香椰奶味，仲夾雜住d菠蘿味😍😋如果你好鐘意椰香味，你一定要試吓👍🏽👍🏽👍🏽

朋友生日所以想搵間有FEEL 又舒服既餐廳, 開OPENRICE呢間好高評價所以決定試一試!而且早一日係OPENRICE 訂左台有9折7pm 去到, 安排左門口位比我同朋友, 環境好舒服寬敞! 餐廳燈光暗好有feel, 而且每台都有放置爉燭, 可惜無影到相我地點左龍蝦汁海鮮天使麵, 呢個真係力推!! 好好味既天使麵又多海鮮!和風海鮮薄餅, 呢個批我中意佢係薄批底有小小脆口果隻!但個人口味覺得個漿汁多左小小, 咸左d! 1個批分到6件! 我地2個女仔食晒要打包炸水牛芝士條都推薦!叫左杯Mango smoothie, 其實NOCNOC 有好多野飲, 有酒精無酒精類都有! 見好多客都叫左紅酒啤酒,可惜我地都唔好酒精影左野食既menu only

朋友遇到賤老闆需要訴苦，剛辭職的她儲埋不少怨氣要爆發。佢係好酒之人，順應佢要求揾個可以飲酒傾計的地方，而我就唔太飲酒。揾到呢間野有小食，有酒，仲有正餐，符合我既要求。餐廳外表貼近酒吧，主要以高椅吧台為主，亦有一兩枱係茶几座位。既然係酒吧格局，燈光自然偏暗，但桌上早已預備點點蠋光。掩蓋朋友的疲態但又足夠照亮朋友的表情，哈哈！朋友點左杯long island, 價錢合理又幾大杯。我自己就專食野，叫個蒜香牛柳粒同朋友share。Bar黎講佢既小食好大份，牛粒應該有約15粒。蒜香牛柳粒油炸後再同炸蒜一齊炒，非常惹味，送啤酒最佳。肉粒外層炸得乾身而內裏好冧，酒吧有小炒真係第一次試。牛柳下有沙律菜陪襯，沙律算新鮮，不過無醋無汁比較單調一點，唔知係咪預客人食呢？去食西餐叫Carbonara，儘管材料平凡但最容易分辦餐廳質素。食材只係基本的雞蛋忌廉煙肉同意粉，特別在多左一隻生蛋黃。Carbonara滑不溜口，唔係單靠heavy cream。最正係拌入的生雞蛋無熟到，帶蛋濃濃黃黃香，我同朋友都好鍾意。無諗過意粉好得過大部分西餐，一百蚊仲有找。貌似細細份的意粉容量好大架，我同朋友每都夾左2碟半。由於無預算

平時都係大埔食得多野，之前聽朋友NOC NOC既評價唔錯但一直都未有機會試，今日早收工就去左食番餐好既。位置算係係太和入少少既位置，但唔會太難搵，行過去都方便唔會太遠，但就有個好處係位置上比其他附近餐廳靜dd少人d，加上餐廳內燈光暗暗地，傾係計上黎都幾享受幾舒服。Drink meun上面都幾多選擇，自己就鍾意飲draught 多，叫左杯Kirin，呢樣就唔多介紹啦，不過啤酒就好夠凍；而另一半就叫左banana smoothies。Banana smoothies 比較厚身，帶著淡淡香焦味又唔會太甜，所以另一半都幾滿意。另外比較值得一讚既係rib eye，其實望上去似係多筋／肥，但原來食落筋唔算好多，但係肉質都幾軟，牛味仲幾重添，一路食牛一路飲啤酒真係嘆！最緊要係食物質素加哂分！另外配菜上我都會讚下薯仔，雖然佢唔係太脆，但係咬落去個薯仔味都幾香，可能自己又鐘意食薯仔，最後自己忍唔住食哂大埔友想搵間氣氛唔錯既既餐廳同朋友傾下計，呢間係唔錯既選擇

環境幾好，初初以為既然係bar，野食既選擇應該唔會有太多，點知原來食物同飲品選擇一樣咁多望左餐牌好耐，因為樣樣都好吸引好想食身為一個芝士控，對於芝士2隻字抵抗力好低，所以諗都冇諗就叫左炸水牛芝士條。另外，我都揀左黑松露雜菌天使麵。味道同想像一樣，十分滿意!! 相當濃郁creamy，黑松露味道好突出，份量又多，但又完全唔會膩。天使麵麵質彈牙，恰好最滿意好多雜菌，吸收曬芝士味道]芝士條既外屠鬆脆，口感好唔錯，而本身水牛芝士係一隻唔會太融化流心既芝士，所以入面既芝士口感係煙煙韌韌，幾有咬口，而芝士味唔會太過濃，而且加埋杯啤酒配合一下，唔錯！下次絕對會再來!!

上星期入完大埔好想再來試附近的美食，這間看似不錯。。。。。。店內環境舒適，店員招呼殷勤有禮，感覺上已經加分，看看餐牌點了小吃炸魚柳，什錦德國腸，因為肚餓主食點了黑松露啡菇意大利飯及 牛肉漢堡配薯角。魚手指新鮮炸起，熱辣辣，脆卜卜，配沙秘製律醬，一流這個德國腸上枱時確實好震撼，極級肚餓的我二話不說，每條腸都吃了一大半，叫咗杯啤酒送香腸，正呀！這個啡菇直徑最少有10cm，看似以為係漢堡包，黑松露意大利飯，不会太硬也不太黏，正正是我想吃的口味。加埋這個牛肉漢堡，它的高度確實意想不到。薯角脆到不得了，越吃越想吃。

已經第二次黎食，氣氛幾有feel，大門口夠大，見到店內環境，感覺舒服唔多中意去d太黑既舖雖然第二次黎，但食物普通，今次點德國豬手，fish and chips同龍蝦汁海鮮意粉豬手皮太硬同肉又太油膩，最後食唔曬，除左太飽，係覺得愈食愈攰fish and chips既魚好散，一切就碎左，炸得油左少少，薯條如果係粗既會好d意粉ok好食我地2個人，叫3樣野係太多，食唔曬d野，因為每份都幾大份不過一邊傾偈，一邊食薯條，都幾好

2:30黎哩度食個lunch ,無乜人，諗諗下可能下午茶時間無乜人又有乜出奇，跟住點左個eggs benedict 同牛堡，失望！個benedict其中一個係熟晒，睇個樣就知係失手。個牛堡，塊牛乾到阿媽都唔認得！無汁，成個包完全無野係夾。我唔知個廚師係咪同夜晚個嗰係唔同，我見哩度大部份都係好評先黎試下。點知中晒伏。我忍唔住去問個唔知係老闆定侍應黎，我問佢做乜個蛋咁肉酸，佢口窒窒咁話應該係失左手，我話下，失手都比客食？認真，我覺得你求其整野比客食囉。失手都拎得出黎！sorry,唔會再幫襯。

見到呢間餐廳好大好評，所以今日同男朋友去左試呢間餐廳一入到去就比入面嘅環境同氣氛吸引住，入面佈置得好靚，而且每張枱都有蠟燭，好浪漫😍😍😍 我地叫左個龍蝦汁生牛肉意粉同美國安格斯西冷扒。個意粉嘅調味調得好好，同牛肉好夾，建議食嘅時候落多啲汁撈落意粉度，會更加好食👍 另外個西冷扒亦冇令我地失望，個西冷扒嘅口感好好，而且我地叫五成熟，就真係比到五成熟我地，唔會太熟或者太生飲品方面，今次叫左個hazelnut奶昔。我最鍾意佢嘅地方係佢好滑，而且唔會好甜，非常推薦！！！總括而言，呢間餐廳無論環境定食物都一流，非常推薦！！

住係大埔既朋友都知太和個邊多野食，近來係停車場個邊仲開左好多新餐廳。久仰大名，今日特登行過黎試下Noc Noc；呢度唔算新，開左一段時間，已經儲左唔少捧場客，假期更係一位難求，今日閒日夜晚黎到，等左陣就有位。而家就同大家分享一下呢度既野食啦：- 德國鹹豬手雖然真係熱氣，遇到美食都係要豁出去，最多飲返兩杯draft beef。一上枱，我同友人都驚訝，佢認真大份量，仲配埋薯角同沙律！豬手外皮脆卜卜，肉質卻出奇地嫩滑，肥膏亦唔算多。味道都ok，唔會死鹹，配埋個蜜糖汁，空口食一舊接一舊都唔會太肥滯，好快就食曬。- 冬陰公海鮮意大利飯唔好以為冬陰公淨係可以煮湯，用黎煮risotto都好好食。每粒飯粒都比冬陰公汁包住，微辣好夠味， 而且仲有好多唔同既海鮮，青口、魷魚、鮮蝦、魚、蜆，食完唔會好味精同好口渴。另外，呢個份量都好多，睇落好似細細碟，不過其實個碟好深架。- Egg Benedict我都知夜晚食egg benedict好似唔太夾，不過真係好想試下。English muffin 唔會好乾身，麵包上面係煙三文魚同半熟蛋，唔是常吃到既火腿，感覺light 一d；個荷蘭醬唔會過酸，味道岩岩好，好開胃

收工搵地方醫肚, 是但入左間酒吧,有sofa位,有高椅子位,上菜快, 餐廳唔算多人,叫左個是日餐湯,蘑菇忌廉湯,個碗好深,蘑菇味好濃,龍蝦汁海鮮天使麵,好中意食天使麵,好滑嘟嘟, 龍蝦汁多到好似湯咁多, 味道好濃,有青口,八爪魚,魚柳,蝦,份量太多, 又好多汁, 食左一半已經食唔落, 建議一個兩份食,西班牙海鮮繪飯,跟龍蝦汁海鮮天使麵一樣的汁, 但換成飯,多汁, 有青口,八爪魚,魚柳,蝦,味道跟龍蝦汁海鮮天使麵更濃,

外觀好high class環境暗暗地既bar and restaurant，有張好吸睛既bar枱，有高枱，有sofa位。平日7點到，有幾枱人飲油消遣。叫左黑松露元貝軟殼蟹意大利飯($168)，芝士雞肉墨西哥夾餅($88)，blueberry mike shake($58)，cranberry juice($48)。2杯飲品一齊上，cranberry juice係矮身杯，有塊檸檬，就咁飲酸酸地，幾開胃，加d檸檬汁，竟然出奇地冇咁酸。blueberry mike shake有4粒藍莓做裝飾，飲落冇左想像中份甜味，藍莓味唔重，唔似平時似既mike shake。屬於清新派。墨西哥夾餅用木板上枱，切開4大塊，有2款醬，分別牛油果，乳酪醬。入面既芝士有dddd拉絲，每塊都有好多雞肉，雞肉醃得好夠味，仲有青椒，洋蔥。即使有芝士係入面，食落都唔會膩。2人share食，飽飽地。意大利飯有好香既菇味，加左超多菇，啖啖飯都食到黑松露，菇味濃，飯身唔會太濕and軟，perfect 。元貝原殼上，加埋芝士，元貝既肉好結實，有陣海水味，芝士鹹鹹地，加埋元貝食就冇咁鹹，幾夾。半隻軟殼蟹，雖然炸，但唔油膩，香口。總體