Noc Noc

營業中

休息中

今日嚟到位於大埔嘅Noc Noc食西餐，飲下酒主菜黎講價錢幾平，一百五十左右就有一個主菜小食嘅價錢亦都唔貴餐廳嘅燈光同設計幾有氣氛同埋枱嘅設計有高有矮，適合返啲唔同嘅人士叫咗個炸魷魚圈上菜時熱辣辣睇得出係新鮮炸起粉漿亦都一啲都唔厚另外配一個千島醬份量亦都好多飲品方面叫咗杯Tequila sunrises 一入口橙味濃郁，然之後Tequila嘅味道慢慢滲出大大杯價錢唔貴CP值高火箭菜巴馬火腿水牛芝士番茄薄餅賣相一流呢個Pizza係做脆餅底，食落去好脆口材料亦都非常之十足，尤其係火箭菜同埋巴馬火腿食落去嘅味道亦都好協調最後叫咗個墨西哥辣肉醬芝士烤餅配薯條呢個烤餅我係覺得最好食烤餅入邊充滿着濃濃嘅辣肉醬同芝士味道同口感都非常之好薯條上面亦都薄薄落左一層辣粉依家六點後仲會有八五折嘅優惠值得一試

假日唔想留係屋企做懶豬，最好就係搵間舒服既餐廳食野、坐下、吹下水。餐碟印有「Noc Noc」店名。.🔶松露樹皮 Mushroom Chips with Truffle Sauce 呢款小食對我黎講十分新奇，食落薄而香脆。應該係以Mushroom做成既脆片，就咁單食已好香，點埋松露醬食真係double滋味。.🔶Noc Noc Ferris Wheel Combo呢個摩天輪小食好有睇頭，整個摩天輪有5個位置放：沙律 + 4款炸物。4款炸物包括炸魚、炸薯條、炸魷魚、炸芝士。當中我最鍾意個炸魚，因為又熱又啖啖肉.🔶Tuna and Avocado Penne除左叫小食之外，叫左 Brunch Menu 入面既吞拿魚牛油果長通粉，有豐富既生洋蔥、吞拿魚，有賣相又足料🤩 Brunch Set 有包一杯飲品。.🔶Old Fashioned ($98 - Before 6PM).

今日唔駛返工就諗住搵間酒吧餐廳好Chill咁食D野~ 行過Noc Noc見到有Brunch Set, 咁就入去試下啦。呢度樓底都幾高，裝修幾靚，最重要係坐底之後店員就即刻拿消毒紙巾畀我地，抹完手仲可以抹下張枱添，夠哂乾淨！叫左個Brunch Set辣肉醬芝士餡餅配薯條，跟餐飲凍檸茶，一個小食，雞翼三重奏。個芝士焗餡餅焗得剛剛好，外面脆脆地但又唔乾，初初都擔心個辣肉醬係好辣，不過店員話香多過辣，確實係喎，真係好香好有墨西哥風味，呢個真係唔錯，幾好味！雞翼三重奏D雞中翼好大隻，係Buffalo，牛油，蜜糖芥末，呢碟小食落足料，無論雞中翼既size定醬既量，都係有番咁上下既份量。雖然大大隻，都係炸得透架，熱辣辣好好味！如果可以用黎配啤酒一流呢！食完野飲番杯冰凍既凍檸茶，確實滿足～

今日約左朋友踩單車，踩到有d餓見到呢間bar，就入去食d野la間bar d裝修幾靚，d位好闊落，坐得好舒服，啱曬黎飲酒睇波。我地叫左兩個餐湯，雞翼三重奏同埋雞肉凱撒沙律。首先上左餐湯，menu冇寫到但原來係包埋蒜蓉包既，個湯好濃郁粘稠，用黎開胃一流，個蒜蓉包好脆卜卜，點埋d湯一齊食就最夾！跟住上個雞肉凱撒沙律，d沙律菜都好新鮮，d雞肉份量好多，大大舊，個沙律用黎做前菜最適合，好開胃。之後就到雞翼三重奏，佢有三種口味每樣兩隻，分別係牛油，水牛城，同蜜糖芥末雞翼。我就覺得水牛城最好食，朋友就覺得牛油好味d。順帶一提佢d雞翼比我想像中大隻，一人食三隻都有d飽呀！可惜我地兩個女仔唔識睇波，如果唔係可以係度飲酒睇波直落宵夜糖水，下次經過再黎試下其他野食！

今日黎到太和站既Noc Noc食個brunch，即使係下午時份都覺得好有情調，令人好放鬆。餐廳係以酒吧式經營，有幾部大電視比食客睇波。我同女友分別點左一份brunch set鐵板墨西哥烤雞🐓烤雞既調味充滿墨西哥風味，有洋蔥既辛辣同紅椒既甜味，味道較為重口味，對於中意食偏濃味既我絕對perfect! 呢個set 配有墨西哥烤餅，可以點佢地提供既3款醬，salad醬、酸忌廉同牛油果醬🥑個人好欣賞牛油果醬👍🏻燒牛芝士三文治配薯條🐂呢份三文治我覺得最大既特點係用左法包而唔係方包，感覺好似食緊越南法包。法包烘到好 脆，配上半熔芝士同水嫩多汁牛柳條，味道一流🤤Brunch set $88包埋飲品，我地+$20叫左cappuccino，整體性價比高，食物大大份之餘，價錢親民，食物亦高質👍🏻👍🏻我地再叫左多個牛油果大蝦沙律🥗大蝦煎到好香，蝦身亦沾到蝦膏既香味。淡淡清新既沙律菜可以中和一下味蕾。

Today we visited this old fd in Tai Po looking forward to their new menu. However, the penne was cold as salad, avocado was black in colour, fajita beef too salty. The dish of the penne was icy cold. The worst was, we waited for our lunch for 30-45 mins and still ate like shxt. Vy disappointing experience. In the past, this restaurant was way better. Nowadays no more.

朋友話想食間有情調嘅西餐，我就揀左呢間。如果想追女仔，記住揀呢間！因為係太和港鐵落車，之後沿住條河行大概12分鐘，好浪漫💕行到間餐廳應該就拖住左佢隻手😍講返食物質素🥰1.Noc Noc Ferris Wheel 佢有炸魷魚圈，芝士條，魚柳，薯條，同沙律。係一個非常豐盛嘅starter ~佢比左三款醬汁，有芝士，麻醬同mustard!!有吾同combination !!啲小食都炸得香脆可口，賣相又靚，打卡一流！2.Seafood Paella西班牙海鮮炒飯佢係蕃茄汁，甜甜地，好好吃！啲飯吾算好乾身，濕潤的飯底是傳統口味，飯粒分明煙韌，而且都好多料，有青口，大蝦，蜆肉等。酒吧會播下英文歌，收左工可以過嚟飲杯cocktail(before 8pm)仲可以減10元！過一個又chill又enjoy嘅晚上。

又走到太和工作，搵到呢間好評酒吧餐廳，啱晒口味可以食晏又飲嘆返杯。酒吧有好多酒可以選擇，仲有波睇，如果夜晚時間黎應該都幾好氣氛。食飯果陣都過咗lunch hour，而餐廳位於住宿區樓下，所以唔算多人，可以慢慢嘆下。 佢地tea time 有brunch menu，不過實在太想食牛扒，所以直接點咗份安格斯西冷5成熟，加杯1664，配啤酒又想食炸野，所以點多份雞翼三重奏。Menu 亦有好多選擇，頭盤沙律主菜小食都有，酒同飲品一樣選擇繁多，總有一樣啱。 Drinks menu:牛扒一送到好香，比我想像中大份(應該都係12oz)，而且有粗炸薯條，配1664一流，而且有煎三色椒、翠玉瓜同蘆筍，店員會俾埋鹽同黑椒，俾自己額外調味。切開見到無乜血水流出黎，rest 得剛剛好，咬落去肉質都唔錯，同我期望嘅生熟度同味道差不多，對得住個價錢。 而雞翼三重奏分別係有水牛、牛油、honey mustard，再配上有加到醋汁嘅沙律菜。雞翼本身已經大隻，再加炸粉，長過我隻手指，就咁食嘅味道會偏濃，但如果一啖啤酒一啖雞翼就好正，因為又脆又非常夠香濃惹味。 見到其他人食嘅brunch set 都唔錯，都大份同包飲品，

👩🏻放工想同朋友傾吓計，呻下每日嘅辛酸咁啱大埔係我哋嘅中間點，咪行吓睇吓有咩食囉事關大埔出名多食肆，行行吓見到有一間貌似酒吧嘅西餐廳🍺有戶外位，環境有少少昏暗，人又唔算太多膽粗粗咁樣入咗去試吓，點知原來誤打誤撞搵到嘅餐廳都唔錯喎，有驚喜😋🔸德國鹹豬手 $198好細心咁樣切埋先上菜，個皮勁脆🐷肉質幾好食又唔會硬佢仲有個秘製醬汁，配埋個鹹豬手簡直一流有少少似蜜糖芥末，係我勁鍾意嘅醬汁呀🍯🔹炸魚薯條 $118一食就知係正宗啤酒炸鱈魚啊，魚質炸到啱啱好🐠🐠完全唔乾身，即叫即炸，新鮮出爐👍🏻脆卜卜，明明係好飽嘅情況之下都唔小心食晒不過因為即叫即炸，等嘅時間都比較耐大約等左都有半個鐘，但係好值得等待🔸炸魷魚圈 $68因為等朋友等得太耐，叫咗個小食食住等朋友未到，已經比我一人獨享食晒啦魷魚圈配啤酒，根本就冇得輸🤭🔹炸水牛芝士條 $78唔係度度都有得食，好有趣嘅一個小食🧀不過就有少少漏，最開心係有得拉絲個一下又好玩又好食！🔸啤酒 $78我諗1664係人都知啦，唔使介紹啦掛😂好啱女仔飲嘅啤酒👩🏻💬好鍾意佢個環境同氣氛，因為早到，位置可以任揀遲少少就可能要坐吧枱啦好貼心嘅一間鋪頭，知道疫情嚴重，仲特別準備

今日約了個無見一排既fd出來食飯，朋友話想試下呢間bar，所以就來試一試。我地7點黎到唔洗等位。間bar d裝飾好令呀，氣氛既好。我地兩個人又不太餓，所以主要叫左d小食。首先黎個是日餐湯，仲跟埋蒜蓉包tim。餐湯係蘑菇蓉湯，好濃蘑菇味，又滑。蒜蓉包熱辣辣脆卜卜，正！之後叫左個炸水牛芝士條。d芝士可以拉好長，好正呀！芝士味香濃最後我地叫左個墨西哥鐵板牛柳。牛柳真係鐵板上，佢係連埋d墨西哥脆餅比你夾住一齊食的，仲有d牛油果比你做配料。佢有三種醬汁，最好味係牛油果醬，我三隻都落哂一齊食，都好夾呀！食食下有d口渴，呢到本drink menu好多版好多酒，好可惜我唔飲酒的，所以叫左杯lime soda，酸酸地咁，食左咁多肉岩岩好可以清新下。下次約fd再黎識下d set先！

今日收工特登入大埔食飯，朋友推介呢間，一黎到見到門口已經覺得好有feel😍入面都好chill,有d燈飾，有蠟燭，仲有波睇，有酒飲，啱哂happy hour如果weekday晚市食仲有85折優惠，因為本身價錢偏貴，所以有discount會抵好多😝呢間野係食西餐，比較吸引既有risotto，德國鹹豬手，ribs，同焗煙肉芝士大啡菇我地嗌左個西班牙海鮮燴飯，雖然份量睇落唔多，但食食下都幾飽，個燴飯索哂個汁，好入味😋啲海鮮都幾足料，幾值得叫第二道菜就叫左德國鹹豬手，個醬汁係密糖芥末，好好味！個菜酸酸地，應該係用醋醃過，鐘意食酸既朋友會覺得幾開胃😝主角-豬手啲肉質淋得黎有咬手，痴住少少肥膏，好正🤤唯一係個皮有少少硬埋單呢餐唔算平，每人二百蚊左右，間唔中放鬆一下心情都ok🤪

疫情關係，其實都好耐無好好咁出去坐低食番餐飯,今日就藉住終於完成個project, 比藉口自己同同事出去輕鬆一下.NOC NOC以西式餐廳兼酒吧形式設計，牆身仲掛上電視直播球賽睇.🔻德國鹹豬手$198除咗豬手之外仲有沙律薯條等配菜，豬手外面層皮炸得非常香脆，而豬手肉質肥瘦適中，唔會太過肥膩，而且份量都非常大份👍🏼👍🏼.🔻炸魚薯條$118炸魚塊炸得好出色，外層唔會太多脆漿同好粉，而內邊塊魚依然嫩滑👍🏼👍🏼.🔻炸水牛芝士條$78好重芝士味，仲可以拉絲tim ga🤭🤭.🔻炸魷魚圈🦑$68魷魚唔會太un, 仲好爽口.🔻1664 $78叫咁多炸野，叫番杯啤酒🍻送小食就最適合不過.餐廳食物質素都頗高，好適合一大班朋友知己傾計慶祝，食客亦可以選擇坐室內或室外(可吸煙），完全照顧到唔同食客ge需要👍🏼👍🏼另外，店員亦好貼心咁比左消毒濕紙巾我地抹手tim

喺大埔行完街，經過到呢間西餐聽，感覺好似唔錯，幾chill，所以就同朋友去咗呢間食飯。由於疫情關係，人數唔係太多，不過相信平時一定要等位。我哋叫咗一個頭盤，造型幾得意，好似個摩天輪咁，有趣！每一格都有唔同嘅頭盤食物，有薯條、炸墨魚圈、沙律、炸魚條⋯味道幾好，新鮮出爐！呢個頭盤配左呢三隻醬，同啲嘢食幾夾！主菜叫咗一個鴨髀risotto，啲risotto煮得軟硬適中，鴨髀夠味！我哋仲叫咗個steak median rare，廚師拿捏到個火候，唔會overcook，正！仲有個雜錦海鮮risotto，同喺西班牙食到既名菜好相似，好好食！我本人就叫咗杯熱latte，呢度啲咖啡都幾好OK！我同朋友三個人都叫左幾多嘢食，味道都算唔錯！推薦大家嚟食！

今日同朋友去咗大埔嘅NOCNOC,環境唔錯，座位同座位之間唔會太密，雖然燈光比較暗，但係幾有feel。我同朋友叫咗個摩天輪🎡小食，個摩天輪有好多款嘅炸物，有魚手指、薯條、魷魚圈，全部都炸得好香好脆。我哋叫咗個西班牙海鮮意大利飯，酸酸甜甜好開胃，啲海鮮好鮮甜，個飯唔會話住得好硬或者好淋，唔錯！跟住我哋叫咗個牛扒， 佢煎得幾好食，塊牛好Juicy，啲肉好淋好好味。我哋叫咗個黑松露油封鴨意大利飯，但係我覺得個鴨有少少乾，但有黑松露搭救，整體都唔錯。跟住叫咗個白汁青豆銀鱈魚。佢啲蔬菜好多款式，有黃瓜、椰菜花、同埋車厘茄，好爽口。個魚又煎得好香。食咁多嘢，梗係要叫番杯嘢飲，叫咗杯latte,個拉花好靚，味道都唔錯。

同成班識咗10幾年嘅閨蜜去左"noc noc" 摸酒杯底吹水🥂談下女人經，順便邀請我啲閨蜜做我姊妹同埋伴娘👯‍♀️👯‍♀️幾個女仔叫左d 洋腸食🤣雜錦德國腸拼盤 $158幾款腸味道唔錯，雖然我唔分咩腸同咩腸，但唔太咸，又唔太溜，用來送酒一流😙牛油果鮮蝦沙律 $118啲蝦都幾大粒同爽口，加埋牛油果醬一齊食令口感更有層次西班牙海鮮燴飯 $168有蝦，青口等幾款海鮮啦，口感較豐富，因為好"趙"口嘅西班牙飯再加鮮味十吹的海鮮🤭大讚Overall 環境唔錯，食物都唔錯 ,可以encore