NENE CHICKEN (朗豪坊)

營業中

休息中

7/8晚我同我家姐經過朗豪坊去Nene Chicken食嘢，準備入去嗰陣時店員講話冇堂食只有外賣，我就問點解依家得九點都未到又未到十點，個男店員就講話坐滿曬人冇位，我見到有張枱冇執枱但係就有位的，我就問佢點解有位唔畀人坐，要整嘢但冇講做啲乜，我就話你哋想早收工唔做生意啊話～佢冇答我我都冇理佢我哋走咗去嗰個位度，跟住個店員就不情不願態度不好咁 執好張枱，之後我就冇理我叫嘢食～食完餐飯我就打咗去青衣分店問佢哋Nene Chicken係咪九點鐘就唔畀人食堂食，青衣分店個女員工就話唔係, 咁我就講咗我個情況畀佢聽，佢就話會同旺角分店溝通下～跟住呢就嗰個打來的嗰個所謂經理，不知所謂, 我同佢講番件事情，佢話我唔啱，話我哋截咗單你都要嚟堅持堂食，你哋十點關門九點鐘就唔畀啲人入？同埋青衣分店講話九點半先至截單，跟住呢個姓經理一直用惡劣嘅態度講話 每間分店都可以幾時唔畀堂食，我話我而家就係要反映你哋唔啱同埋要投訴你哋，之後佢就勁惡劣咁話你鍾意投訴就投訴收咗我線！有個咁樣嘅經理唔知以為間舖係佢嘅！想人去食嘢都難！

🏠 NENE CHICKEN以前去韓國會叫炸雞外賣，而家喺香港叫炸雞外賣，當自己去咗轉旅行。今次叫咗兩款菜式，兩杯飲品。🥢雙重滋味炸雞（無骨）今次揀咗甜辣炸雞過招牌原味炸雞，每款都有7, 8隻雞，份量足夠，肉質嫩口。甜辣味差小小辣度，只是吃到甜醬；而原味配蜜糖芥茉醬係幾fresh的。🥢芝士炒年糕拉麵我哋以為自己可以吃辣，叫了中辣，結果真係好似噴火龍咁，係食吾到。意外發現，再食返原味辣雞係可以解到辣。大家可以做吓試驗。🥢飲品: 濟州鮮奶抹茶// 特濃朱古力由於個拉麵太辣，就好快飲完這兩杯。

今日同朋友咁岩想食韓國炸雞～就嚟咗nene chicken啦🤩星期日6點幾去到都唔洗排隊就入得!兩個人食真係好夠飽，性價比高！1. 初雪炸雞 🌟推介鍾意食芝士嘅朋友仔一定唔可以錯過🤤滿滿嘅芝士粉包住，食落去真係好滿足，又唔會太流味道岩岩好！2. 韓式甜辣炸雞對比起初雪炸雞，甜辣炸雞相對失色😢食得多會有唔想再食嘅感覺，可能較甜好快就好流，不過不失～🐓建議大家簡「有骨」食落會更加過癮～3. 迷你明太子蛋卷明太子份量足，但如果多番啲芝士會仲正！味道唔錯🥳

未入去之前，排左個幾鐘隊先到我地，真係好多人，所以都好期待。我地嗌左NENE雙重滋味炸雞（甜辣、初雪）、金大人串燒拼盤、NENE藍莓汁、Detox Blue Lemon Tea。1. 食物甜辣炸雞沒有特別，可以吾駛試。初雪炸雞味道幾好，甜甜地，不錯，值得一試。拼盤，只有中間的麵包值得一提，芝士加麵包味道係吾錯，其他都無乜特別。3.飲品Detox Blue Lemon Tea雖然影相係幾靚， 但味道超伏，似係糖粉溝水，糖粉仲要未溶晒最後＄479埋單，不過不失，如果吾駛排甘耐隊，都可以去試下炸雞。

呢間已經食過好幾次 好鍾意佢嘅炸雞皮脆肉嫩 又可以揀無骨 夠方便(ര̀ᴗര́)و雙重滋味炸雞🍗（無骨）每一次都要點初雪口味炸雞❄️其實即係芝士味🤤 佢嘅芝士粉鋪滿哂每一塊炸雞🧀 仲有附加嘅薯片都好香脆～另外都點左新出嘅避風塘味🦀 平時食開嘅避風塘味都係鹹嘅多 今次呢個竟然係甜嘅 但又幾有驚喜！食到一陣甜醬油 仲有一堆炸蒜好香口 值得一試♡芝士炒年糕伴拉麵🍜芝士份量夠可以做到拉絲 配埋韓國拉麵一齊食夠邪惡✨ 味道不過不失Shark Attack🦈呢杯真係極品 嗌左椰子味以為點都唔伏啦 一黎到店員介紹個鯊魚仔可以倒啲士多啤梨糖漿落去杯飲料 貌相同創意真係滿分 但味道係零分重作… 入口一大陣藥水味 仲要甜到癲 真係好失望🥲

睇韓劇睇得多，經過韓國餐廳，就好想入去食炸雞，剛好餐廳有炸雞放題，即刻同朋友入去食雞食個夠！我地等一陣好快就有位可以入去。落單後食物好快就到，賣相亦很吸引！一開始覺得好好味，雞夠熱，炸粉不會太厚，雞肉很juicy 。但食完第一輪已經很飽，有點滯。食量少的人要注意。個人比較推薦芝辣初雪炸雞及招牌炸雞。⭐️芝辣初雪炸雞：食得辣既人要叫！係初雪既辣味，好過癮⭐️招牌炸雞：唔食得辣既人要叫，因為配埋佢既蜜糖芥茉醬係好夾好好食😋

韓式炸雞曾經係一個熱潮，不過而家好似就已經冇咁多人食啦。經過朗豪坊見到呢間NeNe Chicken我都想入去試一試，但係都排隊排咗好耐。今次我就叫咗兩款炸雞，呢兩款炸雞都係叫咗無骨嘅。咁第一款呢就係初雪，另一款就係蒜香醬油味。初雪炸雞面頭都係芝士粉，咬落呢就好香芝士味。熱蒜香醬油炸雞既蒜香味就唔係好夠，不過不失。芝士炒飯就不過不失但係連埋炸雞一齊食呢 就比較膩。建議兩個人食呢就可以唔使叫呢個芝士炒飯。

同朋友係旺角行街，朋友話想食炸雞Search到呢間好似唔錯認真⋯⋯食dinner要早啲去同朋友6點40分walk in入去食都未洗排隊一食完出黎超多人排隊⋯⋯同朋友要左個二人套餐，有炸雞（款式任選）、芝士火鍋、蝦卷/迷你雞蛋卷、芝士薄餅/豬肋骨/芝士年糕拌麵、兩杯💰58以下飲品個炸雞外脆內嫩，係冇骨嘅都幾大一舊選豬肋骨要➕💰30，個大小相比起外面食嘅係細啲，但肉質鮮嫩多汁，推薦個迷你雞蛋卷一啲都唔迷你，幾大份下，餡料可以選泡菜或者明太子，我地要左泡菜嘅（個人認為雞蛋➕泡菜口感好似唔係幾match）個芝士火鍋配左冇咩味嘅多士，個芝士都冇咩味至於紫色個飲品就感覺太甜，要啲冰融左個甜度先接受到士多啤梨沙冰酸酸甜甜，味道不錯

💥沒有期望就唔會有失望嘅炸雞店💥​雙重滋味炸雞可以自選兩種味​我揀咗初雪炸雞+白群主炸雞​甜甜地有啲芝士粉​有薯片同洋蔥喺面​💥食落口感差，啲雞唔嫩，又唔juicy👎​​💥期望好高嘅迷你雞蛋卷（明太子味）​無乜明太子味，個蛋卷一路切一路出水 ​口感極差🥴​​💥韓國士多啤梨沙冰好鬼甜🤡​​味道👅👅​抵食🤑🤑​環璄⭐️⭐️⭐️​服務👍🏻👍🏻👍🏻​番兜🍉​ ​ ​ ​ 伏🚁🚁🚁​(最高分x5）​

首先甜辣醬炸雞非常難食，跟職員反映難食後應毫無表示，話出左無得換，我地都無期望要佢換比我地，只係連一句唔好意思都無。真係好差好差..野飲方面 鯊魚沙冰太過甜，完全飲唔落口。鯊魚senson2就極酸。。野飲都等左勁耐…點知比d咁嘅質素我 但總括嚟講價錢係幾平嘅，初雪炸雞都幾好食，但真係唔會再幫襯呢間餐廳第二次…***進食過程有蒼蠅，定唔知係咪蚊…***希望該店有待改善…………………………………………..

非常失望😢🥲首先，我哋叫左一碟兩種口味嘅拼盤，一隻飛雪一隻韓式辣醬口味，前者係好食嘅，但第二隻真係……..係學校飯堂個種劣食醬料。跟著我哋有問店員，可唔可以換，隻味真係唔係好掂，店員係話出左就唔可以換。第二，我哋叫左兩杯鯊魚飲品，兩杯藍色一杯season 2紫色嘅，等左好耐，吹左兩次先有，藍色個杯，味道真係😀我飲左乜嘅感覺，塑膠味不但止仲甜到漏，第二杯相比第一杯之下，可能因為第一杯太難飲，感覺會好少少，不過就好酸。總結，唔可以換都算理解，味道真係好惡劣，食到心情好差。

今次要分享呢間我覺得係香港最好食既韓式炸雞店😍 食過好多間韓國餐廳試過無數次炸雞仍然覺得呢間做得最好食! 旺角分店逢星期三依家有炸雞放題🤩🤩🤩 好想食炸雞既記住趁星期三去啦! (可以用gulu攞定飛😆)🐣炸雞放題 $158/person可以係1️⃣1️⃣款味道入面選擇! 炸雞真係新鮮炸起 熱辣辣 炸粉唔會過厚 一咬超脆超香 入面既雞好嫩好juicy 係好!juicy! 肉既比例好高 唔會得層粉/皮🥰 味道黎講亦好多選擇 每個口味都各有特色 又好夠味😝⭐️推介口味:⚬ 招牌炸雞🏅原味炸雞配上芥末醬 ⚬ 初雪炸雞🧀鋪上好多好多既芝士粉 超濃芝士味 甜甜地既芝士味⚬ 芝辣初雪炸雞🌶辣版既芝士味 比普通初雪更加惹味 食得辣既要試!⚬ MASTER CURRY FRIED CHICKEN🥘鋪上好多好多既咖喱粉 好濃咖喱味 偏重口味⚬ 蒜香醬油炸雞🧄香蒜同埋醬油永遠都咁夾 呢款唔係用調味粉 所以蒜香醬油味更加入味 醬油帶啲甜味 好香*四人同行仲會送指定主食架!—————————————————————😋 味道評分: 9.2/10🥳環境評分: 7.3/10🤑性價比: 9.3/10🤩回頭度: 9.5/10———

 Nene Chicken 既炸雞我一路都覺得好好食，之前佢都有做過炸雞放題，但係果陣我冇試到，最近佢又出翻炸雞放題🤩可以$158任食11款炸雞，四人同行仲有得送多個芝士火鍋或者芝士蛋伴泡菜炒飯或者芝士炒年糕伴拉麵🤤🤤  我地揀左芝士炒年糕伴拉麵，好好食啊🤤甜辣既醬汁，加埋煙煙韌韌既拉麵同埋年糕，仲有拉絲既芝士，同埋有啲魚糕，正啊。必點 💯初雪炸雞\芝士炸雞，面頭撒滿左芝士粉🧀  💯白郡主炸雞酸酸甜甜既醬汁，仲有啲洋蔥絲，夾埋一齊食幾refreshing✨  💯招牌炸雞本身以為炸雞應該即係原味炸雞，就咁一件炸雞乜都冇，但係原來佢係有跟啲蜜糖芥末醬，好好食！  💯芝辣初雪炸雞 呢個係辣版既初雪炸雞，但係其實都唔算好辣，個人覺得呢個好好食！少少既辣既芝士味更加惹味😍  正常發揮 ⭕️韓式甜辣炸雞覺得呢款甜辣炸雞既味道唔係好夠，甜味同辣味都唔係好夠，同埋舊雞比啲醬整到有啲淋。  ⭕️大韓廚師炸雞呢款係最辣既🔥個汁啲味有啲似辣雞麵咁。鍾意食辣既人不妨試下，幾過癮😂  ⭕蒜香醬油炸雞蒜香味唔係好夠，不過不失咁。  ⭕️Master Curry 炸雞咖喱味同炸雞呢個配搭有啲特別，味道唔差，但係對我黎講唔

放假約埋家姐又上網睇下有咩好食，家姐搵到呢個NeNe Chicken 的炸雞放題，淨係星期三先有，咁岩放假的日子係星期三，咁就食你啦！去到也有不少年青人食這個放題，$99元只能食一款口味，$158先可以食到11款口味，再加$20才可任飲汽水，再加1，都要成$200一位！我和家姐食左一轉，每款口味點2件試一試邊個味好點，怎料，食左一轉都覺得膩了，之後再點了一轉覺得比較好味的初雪炸雞和招牌炸雞。初雪炸雞是在炸雞上洒了芝士粉，有點似食零食的芝士味，是不錯的。而招牌炸雞就是在雞上淋了類似蜜糖芥末醬的味道。不過在第二轉的雞已經不熱了，只是暖暖地咁整體味道還可以，但性價比不高，試一次就可以了

偶爾去朗豪坊午餐，發現好幾間餐廳都暫停營業，希望真的只是暫時吧，又執笠實在太悲情，願經濟儘快從谷底反彈，大家要頂住啊！在韓流的光環照耀下，韓式餐廳相比下似乎還可以，午飯時段都算多人，絕大部分都是青春男女，活力十足，無憂無慮。大多數人都叫炸雞分著吃，滋味無窮，但單人吃炸雞就太多了，於是就點了海鮮辣豆腐鍋，等了足足超過二十分鐘，若趕時間就可免則免，因為熱辣辣的煱要吃也是很耗時的，快不來。若論質素，不趕時間的話，是值得等待的，足料味美、濃濃辛香，豆腐、蛤蜊、大蝦及泡菜都很多，完全就是理想中的味道！