My Boat (已結業)

高質西餐廳🍝X 黃店系列💛💛💕🤩🤩黃店支持▫️餐廳：My BOAT▫️地點：觀塘駿業街64號南益商業中心6樓C室(港鐵觀塘站 B1 出口, 步行約5分鐘)▫️營業時間⏰：星期一至六11:00 - 22:00星期日 全日休息▫️價錢：～$50+—美味：🍝🍝🍝🍝環境：⚓️⚓️⚓️⚓️價錢：💰💰💰+0.5💰—👧🏻👦🏻成日都會食西餐🍝🤭依間幾高質，去過幾次💕先講環境，除咗大之餘，佢哋以海洋為主題🛥🛳⚓️成個感覺好清新舒服🤭連餐具都係靚靚既海洋用具💕食物方面，蒜香帶子雜菌炒意大利粉（$89）超好食🍝蒜味夠濃而且好夾帶子🤩而黑松露帆立貝雜菌意大利飯（$89）超大粒，而且有好多黑松露💕💛不過一個人有點膩🤭—#好西 #打卡 #myboat #觀塘美食 #旺角美食 #cafe #正餐 #夏天美食 #西餐廳 #HK #foodie #goodwest #food #meal #lunch #UrbanCafe #MK #cat #Eeeeeats #foodphotography #foodporn #foodie #forkyeah #黃店地圖 #黃店感謝日 #黃店求懲罰 #黃色經濟圈

性價比高西餐 仲有甜品食添😚🔹卡邦尼煙鴨胸蘑菇天使麵 $59蘑菇同煙鴨胸同天使麵我都鍾意食！呢個係唔太鹹嘅煙鴨胸，肉質好彈牙，係高質嘅煙鴨胸。天使麵同卡邦汁比例啱啱好，整體係量多又好食～.🔸黑椒汁蘑菇雞柳燴意大利飯 $59好似蘑菇飯嘅味，極重黑椒嘅辣味，刺激得黎唔會食到好膩～套餐有飲品，另跟餐湯或沙律，仲有甜品食，可以揀奶凍定啫哩，奶凍奶味超級濃，同事話too much但我覺得多奶先好味喎！/My Boat觀塘駿業街64號南益商業中心6樓C室

同朋友路過..見倒價錢幾平就上去試下所有套餐都跟湯/沙律+飲品飲品同普通茶餐廳一樣，冇特式飲品西蘭花忌廉湯 ：西蘭花夠碎，如果湯既質地更creamy 會好d黑松露杋立貝意大利飯分量絕對夠男仔食中間黑色係黑松露，證明足料，但要自己攪拌飯不算太硬鏝魚飯$89有小許細骨，食既時候要小心另外點了蜜糖台灣腸$10

放假一天，帶孫兒到7樓遊樂區玩耍，在樓下見到一間叫Myboat既西餐聽在6樓處，約8点倒我地離去便往下吃晚餐，超方便，餐廳很大和寧靜，但得兩枱客，以為中伏，佢係用海洋式既裝修和設計，我既至愛海藍色令人感覺放鬆和舒服，order個厚切牛扒套餐，有餐湯和加2元凍飲檸檬茶和甜品，個餐上枱很吸睛，我叫左燒汁，五成熟牛扒，估吾到牛扒配燒汁又林又好味，餐廳好似係家庭式經營，好有heart，待客熱情，值得推介！温馨提示:收銀方面可以在餐單上寫上自己到收銀處結帳，食客會方便D

午餐價錢算貴 , 由$59起....但晚餐大約加$10左右咁價錢算適中 , 所以有晚放工約老公黎食 , 老公食過明太子既炒意粉 , 但好乾身 , 而我今次食炒意粉都同樣幾乾物 , 同事既天使麵佢話夠林身同夠汁 , 好香黑松露味 , 咁唔知係米用天使麵係煮得比較林身呢 ?  蜆肉內仲有D沙 , 係雜菌夠香口....另外個坐位間格都唔錯既 , 不過只得埋牆邊先係梳化 

放工突然橫風橫雨，原本約左朋友去工廈食飯，但太大雨，根本行唔到過去。行過見到樓下餐牌價錢唔算太貴，又係食西餐，咁不如上去試下啦。上到去得一枱客，以為佢地有party 被人包場 ，哈哈，原來唔係，我地實在太好彩，又唔駛等位有得食👍帶位姐姐見到我地個身濕左，安排坐左個梳化位，話個度無咁凍。見到餐牌好多野都想試，最後揀左意大利飯同長通粉，另加小食。整體唔錯呀，一個餐都係幾十蚊，食物份量多，味道好，而且唔算貴，值得再去。下次可以試下其他意粉😁😁

星期六番工～lunch 梗係唔帶飯，周圍試新野因為觀塘lunch 真係好多人好難搵食唔似得中海升個幾間，係甘派傳單吸引人上去依間整係七仔門口放兩個牌上到去估唔到甘大。。。但個陣得一台客set lunch, 可以揀湯/沙律當日係南瓜湯，夠南瓜味，口感杰身煙三文魚天使面個汁滯左少少，不過不失帶子炒面就出色d~~個汁夠香口～～會吸引人繼續食咖啡好普通。。。。甜品可以揀奶凍同啫喱奶凍偏硬身，無乜奶味依個價錢寧願食99

第一次黎幫襯係18年平安夜，個晚做公司野做到夜晚8:30...大家都知如果呢D節日出去旺區一定勁貴又多人仲要有排等....經過呢座大廈樓下見到佢個餐牌有一個FOR單身狗既一人套餐....加上呢個地理位置以我分析就應該唔會爆場.....同埋果陣個肚都打哂鼓，二話不說就即刻衝上去食，當晚個一人套餐我叫左白汁磨菇比目魚天使麵我本身就幾鐘意食比目魚，佢又煮得幾好，所以造就左我第二次光顧。第二次光顧，我問職員有無比目魚天使麵可以散叫，因為餐牌上無呢道菜。職員就幫我去問大廚，但好可惜比目魚呢道菜係特別為平安夜套餐而準備，而唔係日常餐牌菜式之一。咁所以我就叫左個芝士磨菇長通粉，都幾唔錯，食到最尾都仲有好多芝士汁 (雖然好邪惡)，加上職員服務幾好，因為佢認得我平安夜單機黎食飯，證明佢地都好留意顧客第三次光顧，我一坐低，職員就放低餐牌仲同我講今晚有比目魚，問我要唔要 問完價錢覺得OK，就即刻Order啦!埋單時佢地仲同我講之後會將呢道菜加入日常餐牌，真係好欣賞佢地既服務態度！所以我每次想食比目魚都會上去呢度食，食到啲職員都認得我其實我咁耐以黎都唔止幫襯佢地三次啦，不過咁啱有啲時間所以上黎幫佢地食返個食評

嗱嗱嗱，有時做人真係唔好睇表面，間餐廳個裝修麻麻，之所以會入黎食野，係因為佢隔離間餐廳廚師未番工，無野食，所以近近地走入呢間餐廳食星期六5點左右，入去得一個客，打晒輸數，所以我都無影相世估唔到，原來個意粉巧巧食呀！我都係食到一半，覺得好食先影相，係喜出望外既驚喜！因為係驚喜，所以其他野都無影到相佢一個套餐，$59 包湯/沙律、意粉、甜品、餐飲，仲要唔加一，真係幾抵食如果老闆有睇我呢篇食評，有樣野佢地要改良一下，就係戴意粉個盤，揾個大啲既碟戴，人客先會覺得更抵食，個盤口太細，人客會錯覺以為份量少

星期五同同事食飯，係觀塘番工既人就知，如果六個人食午飯係唔太容易搵到位。同事早上話想試呢一間就立即打去book台，十點打去再三覆話係準時六位一點十分會到，佢話冇問題，但怕人多有錯漏叫我十一點四十五分打黎確認出席，我話我必定會出席，員工堅持話要打黎double confirm，唔緊要我較左鬧鐘準時打俾佢確認並再三講一點十分到。到中午一點零五佢打俾我，話張台俾左人，話等得我太耐，我個頭即刻飛哂d問號出黎？你叫我打黎再三確認，我仲再三確認時間我嘗試叫員工可否盡量安排座位因為我地六個人已經行到樓下，佢轉左俾幾個員工，一個推一個，最後個波又推番落我度，話我十一點四十五分打黎個陣話自己到左…並說：因為你地遲左，你地而家黎都俾唔到位你地！之後就cut左我線…好委屈咁食左隻死貓之後，我地都以三個三個咁照walk in，服務態度就唔多講喇，食物味道真係十分一般，叫左個三文魚天使麵好淡，白汁做得似有色既麵粉水，叫左既小食雞翼漏單，那個送的甜品也帶一陣藥水味，我地當天六個人一共遲左二十分鐘番到公司。應該不會考慮再光顧

約咗很久不見的朋友一起在觀塘吃晚餐，她想食意粉，我又不想太貴，就搵咗在工廠區的這間食店。這是一間以海洋/岸邊為主題的樓上舖，店內主色是我最愛的藍色，仲有一部飛標機(不過無研究玩唔玩得)。臨近聖誕節，也有點聖誕裝飾。店面都幾大，一大班人上來位置也不成問題。平日晚上唔多人，所以環境都幾靜，適合傾計。餐牌上以西式食品為主，大概跟一般樓上cafe的餐牌差不多，不過價錢只是茶餐廳價錢!! 非常相宜。成個SET仲跟埋湯，沙律，飲品同甜品，又可以加10蚊有小食，或加20蚊就有多碟菜。待應姐姐話如果點主菜時唔知加唔加小食，仲可以之後追加添。我們點了秘制芝士汁蘑菇蜆肉長通粉同手肝菌汁雜菌露筍牛柳粒意粉，另加兩隻瑞士汁雞翼和炒雜菜。先來了南瓜湯同薯仔蛋沙律，都是用魚或貝殼形狀的餐盤，切合餐廳主題。湯比較Creamy，感覺不到南瓜蓉的口感，不過味道都OK；沙律就正正常常，無咩特別。秘制芝士汁蘑菇蜆肉長通粉看似小小的一碗，吃完卻非常飽足。碗內有非常多芝士和蜆肉，不會因價就貨，芝士汁吃到底都仲有好多添。肝菌汁雜菌露筍牛柳粒意粉非常大碟，超級多牛柳，不過有少少過咗火喉，有少少"鞋"口。意粉整得啱啱好，唔會太淋或太

今天去觀塘取cake，原本想去南益商業中心6樓另一間食肆試一試，但仍未開門。同層有另一間My Boat便入內試一下。我叫一個午餐，是日餐湯是周打蜆湯，有些奇怪個湯水溜溜 似中式湯的稀，沒有一點飲西式忌廉湯的感覺，這都是我第一次遇到的問題！味道還是可以。卡邦尼吞拿魚蘑菇長通粉，有點像在家自己煑的質素，不像到餐廳進餐的感覺。

下午去咗觀塘睇廠，因為公司會擴充，由而家嘅伍仟呎擴大到一萬伍仟呎咁上下，老闆帶埋我去睇廠，到食飯時間，諗住同佢去酒樓食，点知佢話約咗人，叫我自己食完晏先返公司。咁啱經過一間新開嘅歺聽，入去座底，招呼唔錯，環境舒適，睇完歺牌，要咗过D歺，係黑椒汁磨菇雞柳意大利粉，等咗一陣，飯來了，入口好香磨菇味，雞柳都好滑，歺飲，我要咗杯奶茶，茶味香濃，OK啦，甜品係啫喱，食完哂啲嘢就準備返公司。

第一次來(堅係客, 吾係做媒), 覺得價錢好合理, 味道又吾差, 環境舒適光猛,冷氣足夠, 服務都好呀, 叫佢地加多啲汁, 真係俾成碗汁來, 有d餐廳都未必肯俾(雖然係一個小小既要求), 所以餐廳整體感覺不俗, 值得一試。

好友每次帶我去食晚餐都有驚喜！今次都不例外就上星期去了位於官塘的My boat 享受了一頓好舒適的晚餐！這次來到的餐廳 雖然選址在商廈！且被重重工廠大廈包圍！商廈樓下並沒有餐廳招牌！只是一個接待櫃檯且毫不起眼！如非識途老馬引路才能找到這隠世餐廳！一出電梯就看到藍天白雲色的海洋風船舵燈光招牌！再到店內的內室位置！瞥見有水手裝置及船舵！甚至彷制船觀景窗等裝飾！四邊牆壁一色天藍！站在餐廳中央就仿如置身於藍天碧海之中！在旺中帶靜的商厦中，是個不可多得的relax之地！餐廳裝潢似在船內用餐般！餐牌，枱面乾淨整齊 ！坐位也舒服，先給高分 ！落單安心等食 ！叫了兩個晚餐包括餐湯或沙拉、主菜及甜品！先來南瓜忌廉湯及雜菜沙拉！這個是前菜的其一選擇 ！是一個非常甜的湯！忌廉味重，口感極 creamy ！喝完全身都暖暖的很滿足喔！而好友吃雜菜沙拉！白汁西蘭花帶子燴意大利飯！這個是主菜之一老實說西蘭花就用來伴碟!翠綠有脆口感！意大利飯做到軟硬適中！不會硬生生的，咬勁十足之餘！配合那濃稠可口白汁，好吃！更出色的就是放在上面的煎帶子！輕輕地香煎過！帶子不是煎得全熟而呈溏心狀態！吃起來就特別鮮嫩甜美！整個飯是歐陸式