My Boat (已結業)

❇️位置/環境A2出口，行10分鐘內，就會到大廈餐廳環境寬敞，枱同枱中間有不小空間👍🏼.今次小編叫左3個Set，連飲品1️⃣牛肉長通粉 醬汁非常足夠，包住每一條長通粉，好入味醬汁味道特別，係出面好小食到. 2️⃣日式蟹棒蟹籽意粉醬汁係一般白汁，加上蟹棒同蟹籽因為蟹棒蟹籽只係係個面，所以都有d失望.3️⃣卡邦尼煙肉蘑菇意粉意粉好重蛋味，個汁好Creamy, 每一條意粉都有汁.食午餐都唔洗等位，上菜速度快

lunchtime 同同事食飯，佢哋揀左呢間有空間感既希臘風餐廳。set lunch 60幾蚊左右。主打藍白色希臘度假風，工作壓力大既朋友仔一齊放鬆下就岩曬。set lunch有餐湯或沙律，我揀左羅宋湯，足料同埋都幾好飲。飲品就分別叫左熱咖啡同凍奶茶我揀左set lunch A, 卡邦尼吞拿魚蘑菇天使麵, 吞拿魚多，味道唔錯！飲品可以揀呢d食完主食仲有甜品送，抵呀！

帶同事去吃，佢無諗過有咁得意碗盤，不過有少少唔方便夾，一夾容易跌餸，睇落去好細碟，吃下吃下就好大份，好飽！雞翼入哂味，好味道！無諗過午餐，都可以吃到前菜、主食、甜品值得一提！

唔係朋友介紹，都真係唔知觀塘有間任坐仲要唔貴嘅樓上西餐店。環境算舒服，環境寬敞，座位相隔遠，坐得舒服。有晚餐選擇，唔算貴，包飲品、薯仔蛋沙律/是日餐湯、甜品。是日餐湯係粟米雞蓉，有啲罐頭湯感覺。見佢網上圖片個沙律幾靚，所以叫左薯仔蛋沙律。味道正常啦冇乜特別比目魚配白汁蘑菇意粉本身係天使麵，問咗店員比我轉意粉都算大碟比目魚有煎香，不過有汁，所以魚皮已經淋晒，但都好食。蟹柳蟹籽意粉呢款個碟就細啲，但都幾深，份量都ok的，味道都唔錯包熱飲甜品，包奶凍，唔洗加錢+$10轉芝士蛋糕

係第二次食My boat～午餐有沙律/湯、主菜、甜品、飲品套餐價錢真係好抵食，清哂嘅話要捧住個肚出去💛薯仔蛋沙律係我最鍾意嘅基本沙律材料，唔需要其他❤️‍🔥💛牛肝菌汁雜菌露荀牛柳粒意粉牛肝菌汁都幾香濃嘅，但牛柳略嫌過熟意粉係用長通粉，炒得剛剛好，煙煙韌韌👍🏻💛卡邦尼煙肉蘑菇燴意大利飯好香忌廉味，煮得唔會好油膩，不錯吃😋💛甜品係提子味啫喱，好有童年嘅味道啊～💛飲品叫咗熱菜蜜，正常發揮

呢間餐廳走籃色海洋船主題.全間餐廳都是籃色.所有食具都是海洋生物圖形擺設.座位非常寛闊.餐廳最近推出一人一煱海鮮火煱.包埋餐牌上黑色字體冷熱飲品.任意添飲.每位超值＄88元 .免加一服務費。我和太太每人Order咗一個.一個湯底要豬骨濃湯及另一個牛乳湯底.侍應生把所有火煱用具及餐具細心在餐枱擺設.擺設得好美觀細緻！很快全部火煱配料全部上枱.火煱配料全部好新鮮！包括有肥牛卷/魚蛋/牛丸/龍蝦丸/蟹子丸/蟹柳/大海蝦/大帶子/芋絲/雞脾菇/蘿蔔/大鮮菇/粟米塊/娃娃菜等！全部肉類新鮮.丸類彈牙.蔬菜類新鮮香甜.豬骨濃湯夠咸.配料無需加醬油.牛乳濃湯好香牛乳味，湯底好鮮甜！餐廳好幽靜.好適合二人世界或許一人靜靜哋嘆個下午茶，睇睇書！

我們一向喜歡去不同的餐廳食lunch!今日中午開始微微轉涼，但比較大風，所以選擇在附近覓食！以為只是一般的餐廳，但座位不擠迫，而且有小小海洋feel 的裝修😊前菜可以選擇是日餐湯或者沙律🥗，我們知道是日沙律是雞蛋薯仔後，大部分食salad 😆主菜有七款，但我們只order 其中四款1）卡幫你蘑菇煙鴨胸天使麵賣相已經好ok ! 份量又足，肉質👌2）鮮茄芝士肉醬長通粉芝士味再重少少更好！3）黑椒汁蘑菇雞柳炒意粉第一次用這款盛器食炒意粉，所以要小心一點😅，黑椒味不太重！4）香煎肉眼扒飯賣相比較失色一點😅，味道👌最驚喜竟然有奶凍送😁

整間餐廳都以海洋為主題，門口都有水泡船錨做裝飾，連所有碗碟都係海洋生物形狀。上次佢就叫咗一個橄欖油鴨胸意粉，雖然一上咗覺得碗嘢好細，但唔知點解食極都仲有，所以份量來講對我都算唔少另外仲加配左炒雜菇同埋西蘭花，營養搭配更加均衡。整體都算唔錯

黃店。平日七點半黎到，有位。鴨胸蒜香意粉，配湯或者沙律，連野飲。黎過幾次，呢個鴨胸意粉都唔係第一次食。不過今次就失準。一個字總括曬：鹹。蒜香本來就係重口味，廚師今次明顯重手左，結果成個意粉都真係幾鹹，鴨胸都一樣。之前食，水準可以話係中等，價錢合理。今次有啲可惜，希望只係例外啦。

觀塘平價選擇裝修以海洋為主題，整店都以藍色為主調提供意粉沙律等CAFÉ食物意粉最平60蚊有找 套餐可錢仲可以加小食同蔬菜 好抵食 仲支持環境走飲管番茄意粉伴燒豬扒 足150克豬扒有2件豬扒煎得微焦,切開肉質鬆軟無筋 肉汁都幾豐富有肉味番茄意粉用番茄蓉拌炒,色比較深加埋豆角!意粉夠香濃個汁唔錯!小食係沙律蛋薯仔 薯仔粒蛋沙律,一層厚厚蛋同沙律醬包住凍既薯肉 唔錯既前菜煎帶子配意大利飯 黑松露忌廉意大利飯,煮得比較乾身無咁多汁,意飯煙韌口感滿滿松露香~帶子有3隻好鮮味小食仲有炒野菌什菇 炒得幾惹味份量都大碟~消費$200觀塘駿業街64號南益商業中心6樓C室

【#肥波西餐系列】 🎈呢間食過兩次嘅西餐廳位處於觀塘，係駿業街熟食中心對面。熟食中心都好多好野食架！等秋涼再去食好西先😆🎈今次食左個蕃茄牛柳粒螺絲粉配熱檸水，湯底好濃，似離菜湯多過蕃茄湯🥣牛柳粒唔會太𝕌𝕟，咬得開嘅😂螺絲粉索左啲湯之後好好味，仲會令人想飲多兩啖湯添😂😂😂（喂～）💵𝕝𝕦𝕟𝕔𝕙 𝕤𝕖𝕥 $68📍My Boat Restaurant 📍觀塘駿業街64號南益商業中心6樓C室

今次嚟到觀塘工廈搵嘢食🏗一入到黎就見到已🚢為主題嘅裝修，仲見到有連儂牆一幅！整個餐廳空間超級大，實在係一個傾偈食嘢嘅好地方👍🏻Weekend lunch time上到嚟人唔算好多，仲有lunch set揀添。-跟餐配羅宋湯🍅/薯仔蛋沙律🥔-羅宋湯食落味道比較偏酸少少，入面仲有唔少軟淋牛肉粒🐂薯仔沙律食落creamy好開胃，份量都幾大份🥚日式燒雞串🐔$10-烤到剛剛好，免頭煲有芝麻碎同埋好焦香，不得不讚係真係熱辣辣咁上🔥黑松露蒜香海鮮炒飯🦑$69-面頭鋪咗滿滿嘅黑松露醬，攪勻之後會發現底部有唔少海鮮，例如有青口、蜆肉、魷魚等等。珍珠米飯炒到好乾身🍚夠晒火候🔥，黑松露比較少見會配上炒飯，估唔到呢個配搭都幾夾🍄秘製煎雞扒配日式香草腸🐣$89-一上碟份量多到嚇親我😱2️⃣大塊雞扒同4️⃣條香草腸🌿，另外仲有少少沙律🥗。呢碟菜已經講到明需要等到20分鐘以上，原因係因為佢真係即刻整俾你食👍🏻雞扒外皮煎到十分香脆，入面肉質嫩滑多汁，香草腸同樣濺到外皮焦香👍🏻實在係健身人士福音🏋🏻另外仲可以配有蒜香意粉，意粉軟硬度煮適中乾身，隔離嘅蜜糖芥末汁都好惹味👍🏻另外套餐仲配有啫喱同埋餐飲，呢個價錢完全係性價比之王👑

呢間餐廳位於觀塘駿業街，lunch 時間好多客幫襯，我同朋友等左大約15分鐘入座。餐廳面積寬敞，好舒服，職員態度友善，加分位🤗午餐選擇都多，可選沙律或湯，附飲品，仲有甜品送添。講返主菜先😃，我同友人order左香草忌廉海鮮天使麵、黑椒汁蘑菇🍄雞柳🐔燴意粉，份量大，食到飽飽，好滿足，haha🥰周打蜆湯🥣比較鹹，我較喜歡清淡一點，下次試沙律先。主菜賣相唔錯，香草忌廉海鮮天使麵，海鮮有青口、蝦🦐、魷魚🦑。天使麵爽口，香草忌廉汁味道香濃，一啖一啖食落去，好好味喔😋😋黑椒汁蘑菇🍄雞柳🐔燴意粉，好多雞柳，每件都厚肉，大大件，好滿足，黑椒汁適中，唔會太辣，都係good choice 😙另外，午餐加$10可配瑞士雞翼🥠2隻，啱晒我呢個為食雞翼控。味道也不錯喔。甜品可選啫喱，或加$10選芝士蛋糕。今次就揀左啫喱。呢餐食得飽飽，會再幫襯呀🥰

呢次嚟到觀塘工廈搵食，其實都係睇下有咩黃店🤣 見到呢間以船做主題嘅餐廳，連個碗都係魚嘅形狀，好得意喎！Lunch Set:A餐-卡邦尼蘑菇煙肉長通粉 ($59)B餐-意式青醬雞柳炒意粉 ($59)送是日餐湯或沙律一客，我同朋友梗係一人一樣試哂佢啦！估唔到個前菜係薯仔沙律，仲以為係沙律菜添haha，忌廉蘑菇粟米湯都好好飲👍🏻凍飲+$2，好大杯呀！卡邦尼長通粉嘅芝士汁非常濃郁，雞柳炒意粉都炒得好香😋最後有甜品送，係綠色嘅啫喱~價錢嚟講都幾抵食，值得支持！

即興約朋友晚飯飲酒。原本去另一間。但經過樓下的招牌見到這裡也有酒飲。而且價錢平就試下。安排坐角落一張有一邊梳化但另一邊是餐椅的四人枱。比較奇怪。但餐廳裝修不錯以航海主題。有駕駛盤的扇葉風扇。有棉花扮雲朵在天花。藍白色主題有壁畫。兩個人叫了一個羊架餐配羅宋湯和凍檸水加$10配雞串兩串。雞泡魚乾$30正常。薯格$35超大碟。我忘了影相。大碟過出面其他餐廳賣$60以上的份量。多到吃不完。叫了六支啤酒。才$334。價錢平又岩傾偈。值得再去。