影片
以上資料只供參考, 請與餐廳確認詳情
小心，外食醃製肉類食物可能有酸餿味！上次是魚米嘅火腿，今日係美心嘅紅腸，唔知下次會係……踩！大吉利是！千祈唔好好嘅唔靈醜嘅靈！如果唔係，一定即刻去買條6合彩去辟邪！🤬🤬🤬今日熱熱地，拎張被去焗，出開嚟就順便食埋嘢，叫個4餸麵，包括紅腸、豬紅、牛腩及上至愛嘅豬皮，加個凍茶少甜，要辣湯，原價要$48，實付幾多就唔講啦！所謂辣湯，原來只係加幾滴辣油落去啲湯度，完全無誠意！今次個豬皮無豬毛亦無沙，牛腩係正常車仔麵嘅碎腩，豬紅亦正常，唯獨是個紅腸就出事，一般車仔麵舖嘅紅腸會係煎好或炸好，但呢度無，而且咬落口仲有陣酸餿味，我以為係個別事件，點知第二件一樣，於是同執檯職員講，佢確認完係紅腸之後，居然繼續用佢平常速度去執檯，執完之後就用佢講均速走去廚房講，講完之後就出嚟同我講話已經同廚房講咗，佢哋會試吓味，之後就無之後，結果係點，我完全唔知，但佢個餐牌唔見有停售，亦完全無向我呢個當事人交代！😡😡😡我雖然坐起度涼緊冷氣，但就好鬼激氣😤😤😤，希望個肚無事啦！大吉利是！醜嘅唔靈好嘅靈！咁大間機構，居然服務同應變態度咁差！明知個客投訴，居然唔立即去廚房反映，明知個客有投訴，都唔同個客解釋，真係好過份！完全扣哂分，咁嘅服務態度，咁嘅應變方式，有得揀嘅話，任何人都識揀啦，你話係唔係？
繼續閱讀