MX (大會堂) (已結業) 查看

又到放返嘅時間，黎美心食個稻亭烏冬吃過雞扒飯，今次就試吓咖喱魚柳飯。咖喱汁真心唔錯，小辣。唔好睇飯量好似好多，其實跟埋啲汁食都差唔多食晒。魚柳炸得脆，皮夠薄。車厘茄都唔錯。價錢又抵。

去附近食飯，想順便去海旁行下，就先去咗香港大會堂嘅美心就食嘢。今日叫咗黑椒雞扒配炒雜菜飯，飲熱檸茶。黑椒汁唔錯，可以多少少。雜菜就普普通通啦，可以多啲囉咁平。雞扒算OK，但係有啲洗費。不過40幾蚊冇乜好要求啦。

我食晏嘅時間，今日想抖下戲，行咗去香港大會堂嗰頭嘅美心食嘢。試吓面，有到庭烏冬揀，唔錯。仲係龍蝦湯底，更街吧。之前喺大學站試過都唔錯。呢度食完一樣keep到水準。雞扒係剪得香，但係比較少。個湯都唔錯，可以稀dd量多番少少，成份嘢就飽肚多少少更加好。

年尾流流有啲鋪頭山左，晏就出去食飯唯有就近去美心。美心啲嘢算平，上菜又快，今日就揀咗雞扒同腸仔飯。要黑椒汁。飲熱檸茶。飯量就夠嘅，黑椒汁都OK，啲蔬菜普普通通。

耐唔時就會食吓美心MX, 呢間大會堂分店有好多兒時回憶呢！看着餐牌，選擇困難症又發作了⋯⋯美心燒味很是著名，但今天忽然想吃咖哩，就點了紅咖哩魚柳椰香飯$42，加配上湯浸菜$10、青檸雜果啫喱$5、冰桶奶茶$9。椰香咖哩果然充滿椰香味，還可以免費加飯多汁，淡淡泰式微辣包着每粒飯，估佢唔到仲有D after taste 𠻹，比較起來上湯浸菜稍為失色，湯底偏咸。啫喱水份比例太多，冇質感，可從餐單刪減。冰桶奶茶濃厚掛杯，必點。連鎖快餐來説，價錢、味道已著實不錯了。

快餐店可以滿足不同人嘅需要，有D為咗快快食完返公司再做，有d人為咗填飽個肚，我就兩者皆是，快餐店嚟講美心MX(但現在已經改名為MX）都做得唔錯，起碼選擇多。朋友A叫豬扒炸魚柳加酥皮龍蝦湯，份量大，夠熱，加上又濃又杰嘅汁，飽肚一流。味道不過不失。湯既酥皮就好似一塊麵團，保溫一流。我叫巧手小菜湯羹-其實即係粟米湯，生炒骨+白飯。西炒骨份量唔少，酸酸甜甜的，加罐粟米湯，其實應該係加碗粟米湯，又有精力再勞動了。

因為晚間有約，趕時間，所以晚餐去咗美心食义燒切雞飯。雞肉滑嫩，义燒肉質好正。好有咬勁。有义燒汁混入白飯。好食。白飯軟硬適中。义燒切雞份量好足。杯熱奶茶好飲。埋單$47。

連續幾日無飯落口，今日去左食快餐，叫左多飯叉鴨加凍奶茶，盛惠48，係呢邊已算係超值，餐餐食好ya，有時都要貼地d，始終香港人得個捱字，什麼也不是，唉，食飽努力做啦！香港人而家變曬自助又幾方便，科技先進，成本加在消費者身上你明，不過店員好快手，好快就有得食，個飯不算細，叉燒幾好睇，鴨肉唔多，無叫瘦都有瘦叉，而且幾厚切。最正係奶茶，不過無得叫少冰下，一啖就無曬，唉，呢頭食飯好少選擇，自裝修後呢間算幾好味！