Mr.O

營業中

休息中

今日帶小朋友黎荔枝角玩，玩完咁啱係午餐時間，就過咗隔離揀間餐廳食，見到呢度嘅兒童餐好吸引一於黎試下☺️🔸兒童餐 - 迷你漢堡配薯條 +粟米粒拼魚手指+ 鮮果盒 + 蘋果汁迷你漢堡包好精緻，有生菜蕃茄芝士同埋漢堡扒做餡料，細細個，份量啱晒小朋友，配菜可以五款揀兩款，當中我地揀左生果盒同埋粟米+魚手指，健康之選👍其他配搭都好適合小朋友👍🔸蜜糖燒春雞半隻配薯條及蔬菜燒雞好嫩滑，就算雞胸位置一啲都唔嚡，雞肉入味，雞皮好香香草味，一啲都唔乾👍👍佢另外附上烤雞醬，鹹鹹甜甜好開胃，另外有烤蔬菜同沙律做伴菜，翠玉瓜保持到爽口，南瓜香甜軟糯，唔錯👍👍🔸黑松露雜菌薄餅係薄身嘅薄餅，餡料有菇片，火箭菜同埋芝士，薄餅邊好脆口，黑松露味唔算太濃，整體幾輕盈幾light👍Set lunch可以揀南瓜湯，或者沙律，南瓜湯嘅南瓜味幾香，有少少忌廉同埋橄欖油點綴，唔錯👍餐廳有梳化位，同埋有打卡嘅雀籠座位，同埋有bb櫈，坐得舒服，上菜速度亦都好快，唔錯嘅體驗👍

今日返完教會嚟咗長沙灣廣場3樓一間餐廳食西餐，入到去見到環境優美，就決定坐低。餐廳有唔同嘅地方可以打卡，我打咗卡一輪先至開始叫嘢食。餐牌都有好多唔同種類嘅嘢食，我嗌咗香辣茄汁牛脷意粉配沙律同飲品，廚師即叫即整，上枱時食物熱辣辣😋呢度職員有線，食物熱辣辣，環境優美，打卡一流！！下次會再嚟食其他嘢食❤️😁

從來冇寫過食評，但係依間真係要寫。食物質素非常高，服務又好，環境又好，實在滿足晒我依個挑剔嘅人類。Pizza唔油膩又唔會太咸，又好大塊。意粉好有龍蝦味，沙律一啲都唔辣，晚餐價錢相宜有湯有嘢飲，實乃上上之選。

一行7人齊齊食lunch叫左A-G餐一齊share，味道好吃。因為要QR code自己入單,諗住幾個同事同時入餐快啲，喺唔可以的，只喺一個人入曬，仲要一個餐入一次飲乜前菜食乜，呢樣就系列未喺咁user friend 薄餅邊又脆又薄，意大利飯唔喺太硬，好好味不過拎水同salt / pepper 要自助，都有點唔方便有餐湯或沙律同餐飲A.香辣茄汁牛脷意粉B.蜜糖燒春雞半隻加沙律（偏細）C.泰式虎蝦沙律D.和牛煙肉芝士白菌漢堡加薯條（偏細）E.黑松露雜菌薄餅F.五色芝士薄餅G.野菌意大利飯

是晚3人聚會，同叫了2個Dinner，1個主菜1.慢烤西班牙伊比利亞黑毛豬鞍扒，果然黑毛豬肉味好濃，肉質都好實淨有咬口，對得起價錢。2.泰式虎蝦柚子沙律，虎蝦好大隻好新鮮、柚子好爽好新鮮，泰式醬汁辣辣哋好開胃。3.五色芝士薄餅，皮好薄好脆、五色味芝士濃烈、鍾意食芝士嘅人真心推薦。好肚餓所以小食都叫咗3款1.脆炸香辣魷魚鬚，炸粉好脆唔厚、魷魚亦唔老好好味2.泡菜芝士醬烤大啡菇，泡菜唔係好食到😅（因為我好鍾意食，切開咗唔係好食到）、芝士味同啲醬汁幾夾，個啡菇都好大隻好多汁好好味。3.荔枝玫瑰芝士蛋糕，正常發揮、最後都要食甜品收尾先滿足嘅。

住喺長沙灣荔枝角，每次放工回家，都會在區內晚餐，這半年時常來長沙灣廣場3樓Mr O, 我最喜歡吃的是七重芝士薄餅或五重芝士薄餅，好香脆同好濃嘅芝士味。另外我最喜歡就是之前$65嘅鵝肝，有一半嘅衝動上嚟係為咗呢兩樣嘢食。今日老公食咗虎蝦柚子沙律，食物好新鮮，沙律菜好爽脆，另外環境舒適，老闆及員工們很好服務，物有所值，值得推介。另外餐單有好多食物都值得一試，曾經試過生蠔都很新鮮，絕對唔會過夜雪藏，仲有甜品都值得推介，我最喜歡就係心太軟非常喜歡

食物味道唔錯，有水準，仲有兒童餐，啱晒一家大細食，兒童餐仲要好抵食，有埋馬卡龍，小朋友好鐘意食，黎親都要叫，座位舒服，黑毛豬鞍味道一流，較硬適中，值得推介，會再黎

平時去行長沙灣廣場都唔覺有咩好食，最近又發現咗長沙灣廣場3樓竟然有間好嘢食， 呢間mr. o 喺商場小店， 估唔到佢啲嘢食真係ok喎。我午飯放兩點， 可以食到下午茶餐， 第一日食試下意粉，都好ok， 有新鮮茄肉整醬，調教個意粉汁好好味，仲包埋杯咖啡都係58蚊， 但我要凍飲 ，再加幾蚊， 個意粉好食呀，而且份量夠飽，仲有杯凍咖啡😁大滿足， 因為之前都有去過D2食西餐， 個價錢起碼貴呢度兩至三倍， 我下次都會過再嚟試佢其他餐， 希望令我再有多D驚喜啦😜

朋友介紹，去咗食dinner，去既時候吾係好多人，野食種類都好多好吸引，本身吾知食咩好，侍應好好，好細心介紹menu 比我地聽，最後叫佐pizza ，雞翼，西班牙豬，樣樣都好好味，特別係手工pizza ，芝士足同厚度好適中，估吾到長沙灣廣場都有依種質素既西餐，地方都好好坐，好岩傾計食飯，同朋友一坐都食佐2個鐘，最緊要CP高，扺食過好多sell 打咭既cafe 同連鎖西餐，好值得推薦，絕對會再去，支持依間小店！！!

今晚晚餐諗唔到食咩，行左過長沙灣廣場的Mr.O食晚餐，叫左白酒鑽石蜆意粉同原隻燒春雞配時蔬及薯條。本身都無咩太大期望，覺得只係普通西式晚飯，前菜叫左蕃茄湯，味道偏酸。然後再上主菜，點知一食，嘩左出嚟，首先燒春雞，皮脆肉嫩，仲有肉汁滴出嚟，調味都調得好好，條粟米都應該係新鮮粟米好甜好好味。然後再上左個白酒鑽石蜆意粉，總共有6粒蜆，粒粒都成個5蚊銀咁大粒，而且粒粒都好鮮甜好大粒，成個意粉個硬度都煮得岩岩好，意粉個汁用咗個蜆黎煮好鮮甜。

餐廳環境係唔錯，有啲打卡位，啲位都坐得舒服，但燈光比較暗一啲黃燈一啲白燈咁😥有打卡位都好難影得靚🥲嘢食方面就真係要睇運氣😵‍💫上菜速度都算快👍🏻嗌咗個pizza算係最好食，嗰邊夠脆中間夠薄同埋味道都正正常常咁，同埋份量比較多，算係抵食😇 炸魷魚味道都ok，送到嚟都脆嘅，但唔係好熱，除咗呢兩個菜式其他都係災難咁😵‍💫👎🏻首先係個前菜，人哋啲沙律一般都係撈沙律醬或者柚子醋等等，佢個沙律落柚子蜜🤢浸味勁奇怪，仲要食到尾會有啲柚子皮浸苦味🤮總之成件事就係勁甜，甜得黎又有浸苦味！然後係佢個燒春雞，真係乾到cls🤮仲以為隻雞係沙漠行咗幾年先整比我食😵‍💫隻雞勁乾勁鞋一啲肉汁都冇，然後點雞嗰個汁又好鬼死鹹🤢 完全唔知食緊啲乜！隔離啲小菜又係佢嗰個柚子蜜沙律🤦🏻‍♀️個薯條都算係最好食，食到最尾都仲係脆嘅。仲諗住飲下嘢飲解解浸鹹味，嘩__!兩杯嘢飲都甜到cls，嗌咗少甜都好鬼甜，杯荔枝紅茶甜到緊糖水咁，兩杯最後都冇飲晒😓😓最後呢餐埋單$294🙁以呢個嘢食質素黎講真係唔係好抵，建議大家試下隔離幾間餐廳🤣🤣或者可以嚟食但係唔好叫燒春雞同沙律😂😂😂

📍𝕮𝖍𝖊𝖚𝖓𝖌 𝕾𝖍𝖆 𝖂𝖆𝖓 🚂 #cynincsw #eatincsw▪煎紐西蘭三文魚跟忌廉薯蓉蔬菜配柚子蜜糖芥末醬 🐟𝔾𝕣𝕚𝕝𝕝𝕖𝕕 ℕ𝕖𝕨 ℤ𝕖𝕒𝕝𝕒𝕟𝕕 𝕊𝕒𝕝𝕞𝕠𝕟 𝕊𝕥𝕖𝕒𝕜 𝕨𝕚𝕥𝕙 𝕄𝕦𝕤𝕙𝕖𝕕 ℙ𝕠𝕥𝕒𝕥𝕠, 𝕍𝕖𝕘𝕖𝕥𝕒𝕓𝕝𝕖𝕤 𝕒𝕟𝕕 𝕐𝕦𝕫𝕦 ℍ𝕠𝕟𝕖𝕪 𝕄𝕦𝕤𝕥𝕒𝕣𝕕 黑松露忌廉溫泉蛋意大利粉 🍳𝕋𝕣𝕦𝕗𝕗𝕝𝕖 ℂ𝕣𝕖𝕒𝕞 𝕊𝕒𝕦𝕔𝕖 𝕊𝕡𝕒𝕘𝕙𝕖𝕥𝕥𝕚 𝕨𝕚𝕥𝕙 𝕆𝕟𝕤𝕖𝕟 𝔼𝕘𝕘波菜洋蔥忌廉焗生蠔 🦪𝕆𝕪𝕤𝕥𝕖𝕣 ℝ𝕠𝕔𝕜𝕖𝕗𝕖𝕝𝕝𝕖𝕣脆炸香辣魷魚鬚配泡菜蛋黃醬 🐙ℙ𝕖𝕡𝕡𝕖𝕣 𝕊𝕢𝕦𝕚𝕕 𝕨𝕚𝕥𝕙 𝕂𝕚𝕞𝕔𝕙𝕚 𝕄𝕒𝕪𝕠𝕟𝕟𝕒𝕚𝕤𝕖▪

帶埋bb黎食多次 唔記得帶圍裙，點知餐廳竟然有一次性的口水肩提供，即刻加分，有小朋友餐具提供👍🏻👍🏻👍🏻第一次食佢哋嘅豬手，豬手好好食，夠Juice，啲汁都好好味，唔會話太硬😍， $70兩隻時令生蠔，冇諗過都係好新鮮👍🏻👍🏻👍🏻👍🏻讚，仲食咗你哋好出名嘅Pizza，真係脆卜卜皮，唔使掉晒皮，好多了，啖啖料，超正另外鍾意飲佢哋嘅話梅荔枝梳打，好清新，好解渴，最後叫咗甜品，玫瑰荔枝芝士蛋糕，佢哋有得幫生日嘅人寫字😍最重要嘅係我哋五個人食嘅，每人都係百幾蚊就食到意粉，pizza，豬手，有湯有嘢飲有甜品超值👍🏻👍🏻👍🏻

lunch 同左d同事去公司附近食 呢間Mr.O不嬲都覺得唔錯 間唔中都會黎食 推介三文魚手工pizza 好足料 每一啖都食到芝士 個size係我塊面既三倍🧡🧡🧡🧡🧡🧡🧡今日新試左北海道帶子牛肝菌意大利飯 個帶子幾好 夠彈牙 個義大利飯夠creamy 不過食得多應該好漏 建議share食🧡🧡🧡🧡lunch價錢三文魚手工pizza $118 北海道帶子牛肝菌意大利飯$138包一杯熱檸茶 凍既加$5 特飲加$15

新年後既某天，同朋友二人食左個午餐事前預約左打卡位為影相，餐廳內只有三個打卡位，想同朋友聚會影相記得一定要預約！🙌🏻今次係第二黎，兩次pizza都叫唔到🥲有點傷心，唯有叫其他食物啦⋯⋯每款食物都好高質，首先上左沙律/湯，沙律菜新鮮、黑松露蘑菇湯夠濃味👍🏻主菜方面，醬燒豬肋骨既肉質軟濡，十分美味我最驚係啲肉燒得太柴咬唔多黏住啲牙呢個完全冇呢個問題啊💪🏻其他食物都係預期內既水準小食方面，反而叫得最多！因為款款都好吸引，芝士煙肉及白汁菠菜焗蠔🦪都同樣吸引Why not both?最後兩樣都叫哂另外都大推炸魷魚鬚，反而我覺得薯條叫多左😂因為本身豬肋骨已經跟埋服務方面，也許今次唔係最忙既時間黎，出菜既速度比上次快&順暢好多，經理既服務都好好👍🏻教我地擺好啲食物，又推介最好角度影相📸️用心對待每一枱客人，服務態度值得一讚🙌🏻荔枝角有好多高質又抵食既餐廳，競爭都幾大，睇黎呢間都佔到一席位💪🏻💪🏻