Mr.O

營業中

休息中

長沙灣廣場有間餐廳有靚靚花花雀籠打卡位，打卡超靚餐廳內有三個雀籠卡位都配有不同特色牆壁🏔櫻花雪山🔮薰衣草🍁紅葉食品質素都唔錯㗎！✨ 時令生蠔🦪 $70/2隻爽甜，蠔肉肥美，品嚐生蠔的原汁原味✨ 菠菜洋蔥忌廉焗生蠔$70/5隻如果喜歡濃味嘅朋友仔，可以試吓依款與香濃菠菜洋蔥忌廉汁絕配，但亦不失蠔味✨黑松露雜菌薄餅香脆又鬆軟，黑松露加Mushroom香氣十足✨炸薯條配黑松露蛋黃醬當然要配埋黑松露蛋黃醬薯條啦!黑松露味點粗直薯條，真係食到停唔到口🤤

一行三人去試新嘢，長沙灣廣場番新後，連餐廳都高檔咗。黎到Mr. O，格局有啲似cafe，除咗有好靚嘅牆畫外，仲有鳥籠卡位俾人打卡。我地每人叫咗個lunch，一個三文魚漢堡，一個豬肋骨同一個pizza。全部lunch set都有埋餐湯沙律同餐飲。一黎到個個都呆咗，勁大份，估佢唔到。三文魚漢堡煎得剛好，加埋啲醬汁好惹味，豬肋骨都係燒得外脆內juicy，pizza係我中意嘅脆餅底，足料又好味，好似食緊有料餅乾咁。下次三個人可以叫兩個餐就夠。自助落單同自助埋單，非常方便。一定會再嚟

⭕鳥籠餐廳都去過唔少，但係你試過一次過可以滿足你三個願望嘅鳥籠未呢？每個鳥籠嘅主題都唔同架💞位於長沙灣廣場，最近開咗間新嘅餐廳🥰👍餐廳裝修格局好別緻，花咗唔小心機，可以畀你進食之餘，亦都可以瘋狂打卡📸🥰🔸蒜香辣茄汁牛脷意大利粉 $88食落口幾惹味，少少辣🌶️，牛脷入口有啲似辣肉腸嘅感覺，有啲咬口👍成碟都好香蒜香味，一上碟已經聞到香噴噴，意粉軟硬適中👍👍唯獨係份量就偏少左dd🥲🔸煎紐西蘭三文魚牛油果漢堡配薯條 $108呢個絕對有驚喜，喺出面好唔鍾意食包🥲好驚啲麵包硬班班，呢個漢堡嘅麵包皮係好soft嘅嗰隻🍔，三文魚厚切夾埋牛油果🥑一齊食，加埋佢哋調制嘅醬汁，感覺好fresh✨三文魚牛油果，而且配菜仲有生菜，蕃茄🍅份量唔少嘢，絕對對得住個價錢🤭✌️🔸跟餐 煙肉芝士焗生蠔 $70相比之下焗生蠔就普通咗啲，本身以為佢係一隻隻拎去焗，冇諗過佢係一個兜入面就放曬五隻生蠔🦪不過面頭都鋪滿曬煙肉🥓芝士🧀，唯獨係如果五隻整埋一齊嘅話，煙肉芝士就好難平均分佈係每一隻身上，食起上嚟口感就會爭啲，不過生蠔都算多肉嘅，中等size，跟餐加算係咁😍🙂

今日岩岩9:20落波，心情勁down 又要趕住返工，一返到公司就同同事講要食餐好既，咁就諗到新開既Mr. O, 咁即刻打電話黎訂位，點知又比我訂到12:40 8位，12:30就一行8人就衝去餐廳，餐廳好好安排到我地可以一齊坐，我地一見到個餐牌就樣樣都好想試，咁我地就決定叫3款pizza 同3款意粉，pizza 叫左五色芝士，馬格麗特，巴馬火腿而意粉就叫左乾炒香辣鮮三文魚，雞胸肉白菌忌廉，香草忌廉虎蝦，意粉都係比較幼身同偏硬既，岩我口味，乾炒香辣都幾野味，其它兩款都一般啦，偏鹹少少既，而pizza 方便都幾有驚喜，薄薄脆脆咁，餡料都好豐富，後尾我地仲加左兩份黑松露薯條，薯條炸得好好，同埋佢黑松露醬幾好味，超滿足既lunch

呢間新開左一排嘅餐廳，價錢都算係咁樣，唔算貴，午餐有$88至到$108， 最貴嘅牛扒有10oz, $238。食品質素OK，可惜我覺得佢服務真係認真麻麻地。唔係旺嘅時間，職員嘅態度都只係普普通通，唔知趕住做乜，問多佢都要轉頭行開。裝修見到其實都有誠意，有啲雀籠打卡位。食品類型似同一般酒吧.或大眾化嘅西餐。叫咗個B餐， 乾炒香辣三文魚意粉走辣，意粉出嚟口感非常好，煙煙韌韌，我比較喜歡食較硬身，適合我口味，可惜我覺得比較鹹咗啲。餐湯菜湯，亦相當濃郁唔錯。

第一次喺OpenRice寫食評，覺得都幾值得寫一寫！之前去荔枝角D2 Place同fd 行市集，經過長沙灣廣場呢間餐廳見裝修幾靚，竟然有打卡鳥籠即刻心心眼😍！本身都諗住啲嘢應該同Cafe質素差唔多麻麻哋，估唔到啲嘢食比想像中好！叫咗個Pizza同埋乾炒三文魚意粉、黑松露醬薯條，份量好足，尤其要讚下個Pizza，佢係薄皮Pizza，食落好脆，上面有好多配料，而且好大個，一上枱我哋都嘩一聲！臨走喺佢哋個open kitchen偷睇到原來喺現場搓皮，真係估唔到喎！😳😳意粉啲料都好足，勁多三文魚！一人食一份正餐都夠！心思思再嗌多個黑松露薯條，都好好味，薯條炸得脆香。PS見到佢哋有生蠔食，可惜今次已經食得太飽食唔落，下次有機會試吓佢哋嘅生蠔！總括嚟講呢間餐廳性價比都幾高！可惜唔係喺呢頭返工，如果唔係應該午餐都會過嚟幫襯！

晚餐，樓面叫自己落單，但係c餐既意大利賣晒都係要我地問先講叫左兩個意粉，一個有雞肉，一個有蝦。兩個意粉共同之處係冇味，雞冇雞味，蝦冇蝦味又冇去腸。都唔緊要，最神奇係啲汁係入唔到雞肉同蝦入面，好似食緊白烚雞同蝦咁😂如果咁既價錢我去茶記或者euro gogo食意粉會開心啲不過值得一讚係小食類既蒜茸包同魷魚係ok ge…

由於餐廳新開的關係，基本上餐廳沒有太多人，侍應安排了我坐eye catching 的鳥籠位置，之後再QR code下單。叫了一個大蝦炒意粉加一份雞翼。雖然知道炒意粉杯是乾身的，但他的意粉比較硬身，雖然有隻辣椒但沒有香辣味，大蝦也不算大😅 整體食物質素普通

呢間位於長沙灣廣場3樓 原來新開左間西餐 唔上去睇都唔覺有~環境係開放式 座位好寬落 坐得舒服 仲有3個鳥籠位 都幾特別(✨分左3個風格 櫻花、薰衣草園、楓葉) 估唔到食個lunch都有打卡位😍我就點左大蝦乾意粉，卡邦尼意粉、酥炸魷魚、黑松露薯條、夏威夷pizza (唔係太記得菜式名 大概係咁~🤣)🔸大蝦乾意粉🍝 蝦爽脆彈牙🤤 幾新鮮 意粉炒得好香口 麵質軟硬適中🔸卡邦尼意粉 🍝煙肉好大粒 好鹹 好似叉燒咁 建議可以轉薄切 會香口d 又靚d~ 味道調得好好 濕度啱啱好🔸酥炸魷魚 必點 超好味 好酥脆 魷魚都好軟👅 口感不錯 配埋醬汁 正👍🏻🔸黑松露薯條 加配小食黎 好抵嗌 估唔到會配黑松露醬 薯條炸得好好👍🏻 外脆 内裏包留薯仔的軟同濕度 🔸夏威夷pizza🍕 好大份 個餅底係好薄 好脆個種 我鍾意 配料都好多 好味 😋會再光顧~😊

猶豫咗好耐要唔要寫呢篇食評，本身打算息事寧人，但諗諗吓大眾係有知情權嘅......唯有儘量保持中立，如實寫返事發經過。話說今日中午過黎試吓呢間新餐廳，我哋三個人其中兩個叫牛肉漢堡，一個叫炸魚薯條，個餐有湯或者沙律、主菜同飲品。餐廳環境唔錯，坐得舒服而且檯與檯之間嘅距離都足夠。Scan QR code 自助落單，之後黎咗一個漢堡同炸魚薯條，仲有一個漢堡遲遲未到。好不容易到咗之後，我食咗最上面塊包先，包係有烘過，有少少脆嘅，之後牛肉同番茄一齊食，咬咗兩啖之後，突然驚見牛肉同番茄中間有條嘢郁吓郁吓 顏色好似熟咗嘅八爪魚咁，暗紅色，佢舞動嘅節奏都好似一隻游緊水嘅八爪魚，但我呢個唔係生八爪魚漢堡！！！我個腦嗰吓直頭好似地球停轉日咁靜止咗，過咗兩秒後先大叫：「啊啊啊啊啊啊啊！呢個咩黎㗎？？？？？」侍應同老闆九秒九速度應聲而至，老闆連聲道歉並且話今餐唔收我哋錢，仲叫我揀個另外一個嘢食，但我嗰刻已經嚇到飽咗所以話唔使喇。三分鐘後，老闆居然攞咗碟蝦意粉過黎，我好欣賞老闆嘅誠意同服務態度，可惜嗰刻真心食唔落只想雞咁腳離開案發現場。事後諗返，嗰條「八爪魚」個樣似係蚯蚓（可能係菜蟲），可惜當下太驚慌所以無影到