影片
以上資料只供參考, 請與餐廳確認詳情
當日save呢間餐廳嘅時候，完全係因為見到有All day breakfast呢個tag，今日去開香港仔，就捉偽文青嚟試吓！佢問係乜野嚟㗎，我話哦係cafe嚟㗎！點知推門入去之後..... 似工廠大廈canteen多啲喎？點睇都唔似有all day breakfast喎..... 但好肚餓，好在偽文青唔係一個picky嘅人，否則，我小命難保！紅酒牛肉飯 ($40)賣相不錯，以空色為主，但旁邊有粟米及翠玉瓜，顏色鮮艷，有屋企飯嘅感覺；偽文青明明叫咗少飯，但都可以咁多飯嘅？！個汁夠濃稠，不過鹹咗少少，撈飯食會好啲；牛肉偏瘦，可以再軟稔啲！欖菜鴨胸炒飯 ($40)唔係太鍾意食鴨胸，但其他choice都唔係好吸引，唯有食呢個啦。呢個炒飯幾出色，欖菜及鴨胸都係鹹嘅，所以都唔需要多加其他調味，否則就會過鹹；飯雖然粒粒分明，但如果再乾身啲會更好一直期望呢度會係cafe，雖然同現實有啲出入，不過以呢個價錢，質素都OK嘅！唯一問題就係好大油煙，食完個身會好臭囉！
繼續閱讀