@mpm (已結業)

上星期我地一班人等打完機之後順道想食個tea，見幾平幾抵地方又好似幾舒服就走左入去。tea sets大約有6-7個，算係咁。由於我地有6個人，要諗同gather大家的意見都要時間；點知有個約50歲的阿嬸話：係叫下午茶就而家叫啦﹗勁冇禮貌……我地叫左西多($20@)同炸魚薯條($18@)，共6個sets，加$3可以轉台式特飲(凍飲都一樣加$3)，我地一個叫左blueberry，一個就叫左passion fruit juice。對d sets只可以用HEA去形容，d juice既味似係咁溝水，好求其；論service，成班人完全冇理過我地，連茄汁都冇畀我地……雖然係tea，但係咁佢地就做得太hea 啦~

在門口看到雜誌剪報說此餐廳嘅海南雞飯係由新加坡文華嘅徒弟做嘅，當然即刻去試。36蚊一客，冇記錯好似冇加一。飯我覺得好好(不過我鍾意比較硬身嘅，所以我媽咪就覺得啲飯硬咗啲)，飯夠味而且唔油，好好。雞係起咗骨嘅，雞味都ok，都可以叫幾滑，都唔錯。反而個湯就麻麻，唔明點解唔做文華嗰隻湯，湯只有兩款，一係西湯羅宋湯，如果唔係就係當歸雞湯，我要了當歸雞湯，心想有幾多料，應該唔會好藥材味(因為我好怕藥材味)，點知個湯幾苦，不過又冇乜雞味...三款醬都ok啦，普通過得去嗰隻。除咗個湯唔啱口味，36蚊我覺得絕對食得過。