MOS Burger (已結業)

一個人屈係屋企快悶死了，於是出左去沙田行下街同搵食。行完一田後，到左MOS Burger，橫掂番到來都未食過就食下啦。本來想叫個海鮮米堡試下，但見到個「鮮蝦漢堡」好似幾吸引又係限定食品就叫左來食。其實各樣野都係對辦的，包幾軟熟，個蝦堡炸得唔錯，汁OK...不過，咬落先發覺個蝦堡入面主要係原隻既蝦，爽爽的幾唔錯，但小弟覺得最好味的蝦堡係蝦膠入面再有少少的碎蝦肉，唔係咁都至少剁一剁碎D蝦肉口感會較佳。因為個人口味的關係，總係覺得個漢堡怪怪的，只係畀OK!

apr 04, 09嚟開沙田...........食完甜嘢,食番個鹹點好喎,叫咗 : 1) 照燒雞肉漢堡-自從上次喺apm剛開業無耐去過排隊朝聖之後,就再未食過佢嘅包喇-放棄咗佢近期嘅推介牛油果芝士漢堡...........因唔想食牛-包喺暖熱,軟腍,生菜亦比得好豪爽..........厚厚的1大撮-雞扒可以,唔乾唔"鞋"..........不過個照燒汁就好似少咗d,只喺食到少少甜味,個包嘅沙律醬仲多過佢多多聲

約了在沙田行街, 心知係沙田很難找到地方啱佢食. 那就不理, 見面再打算. 其實大家心裡只是行行街, 要食乜食乜根本沒問題, 她說行街重要, 醫肚其次. 那當然聽妮子說話啦.差不多8點, 點到要食D野, 大家想不到有什麼好食, 小妹又話有少少唔舒服, 而且要爭取時間行街. 由佢提議, MOS吧. 因為有個牛蒡米堡, 佢啱食兼鐘意食.我則點下今期限定, 照燒牛油果漢堡. MOS的牛肉, 雖看到是即煎, 但煎完不是即上, 煎完, 掟落去盤燒汁內浸, 浸了一段時間才用來夾包. 牛油果方面, 覺得不夠香口. 牛油果雖然是淡口的果實, 但應該有一種香味, 但欠缺. 不過, 那燒汁依然是一流, 日式漢堡配的燒汁, 果然比起美式漢堡配的燒汁, 來得正宗. 但, 說那牛扒, 美式的熱辣辣, 始終比較喜歡. 很懷念將軍漢堡既呢......星期三開心的係沙田行街街.....星期四晚終於得到了一個我等了多年既 Official 答覆.....

同友人係mos食tea差差電...再行街Order完...等左陣就有得食啦....熱辣辣既...正黑醋Saku Saku雞肉漢堡: 雞肉鮮嫩加埋酸酸甜甜既汁,好開胃,仲有好多好多新鮮既生菜...好好味呀!!! 會再encore的粗薯條: 不錯, 炸到岩岩好, 食落好好"肉"原來唔加茄汁食都ok.....友人既小朋友就係咁一次過食左一半嘩!!mos果然冇令人失望..yeah!!

今日同屋企人行開沙田，就去呢度既美食廣場解決個午餐啦。我當然食我喜愛既MOS burger啦，今次食左個鱈魚堡餐，加大薯條同飲鮮奶紅茶。等左一陣，就來餓死既我有野食啦。個鱈魚堡都幾大個啦，塊芝士仲大過個包既。一咬，魚柳真係好脆，同M字快餐店真係無得比呀。配上美味既千島汁，令美味再次昇華。個包就算食到最尾，塊魚依然都係咁脆。有料到。粗切薯條都係咁好味，又唔會太鹹。鮮奶紅茶都係咁好飲，正。仍然可以保持水準，實有下次既。不過下次都係去番有專人送餐既分店啦，始終咁樣先完美點。

這天做完gym又去左mos burgert食，點了好耐無食海鮮rice burger 因少少病無飲可樂加少少錢，點了Green tea milk lattee綠茶同奶剛好誰也搶不了誰的風頭幾好飲，個餐就+$3點了大薯條我直好鐘意食依度gE薯條夠大條，個海鮮RICE BURGER都ok好味，可能我鐘意食帶子同海鮮，但成日都覺得好似食緊秶飯，不過我始終鐘意食飽類多d，價錢忘了只是大約$45

補回 5-12-2008食評 同女兒在新城市三期逛街,在美食廣場見到有位,便坐下,先去MOS BURGER買個芝士摩斯漢堡B SET (連炸蝦,可樂),味道依然好味及好有"牛肉"味.~ 比起麥記,真係貴得有道理的呢~

星期一果日lunch去左食好耐無食過的MOS專登食鱈魚堡，就係為左同M記果d做比較要左set A，加$3轉埋做粟米湯個粟米湯係一粒粟米都無，唔通呢個係日式食品style?薯條就係粗切，同M記好唔同，食落無M記果d咁咸最後到主角鱈魚堡la，芝士無M記果隻咁黃，而塊魚同芝士都比M記魚柳包大鱈魚炸得好脆，而且食落魚果種鮮味好過M記好多果然抵佢賣貴M記咁多

試白鱈魚漢堡包...雖然他的外貌和某M記的魚柳包分別不大但價錢的分別總讓他們的質素有所分別食魚有魚味

因為有朋友係住馬鞍山, 所以次次行經 mos burger 我心裡成日都會想住係 "馬鞍山burger", 而非 "mos burger", 告訴朋友, 個個都話係勁爛gag.... 早前和朋友到壽司店, 但坐底叫晒野她才說不喜歡食生野, 冇法, 激死, 食晒果幾碟就去隔壁的 mos burger 就吓佢啦.自己叫了個元氣漢堡; 兩個friend 分別叫了海鮮珍珠包 及新出的魚柳包.都要10分鐘才有, 生意不錯呢. 係即整的, 勁新鮮好味. 元氣漢堡好大pat 沙律醬, 味太搶了. 但塊肉好像係一早煎定的, 已有少許凍.如果可新鮮煎就100分啦, 可惜, 可惜. 我以為海鮮珍珠包會像麥記之前果d飯包咁一咬就散, 但又冇播!朋友說好味, 但不小心用了紙巾包住來食, 飯馬上黐住塊紙巾, 食唔倒了! 新出的魚柳包味道和老麥的係一樣的, 冇分別, 但就要$22.個人而言, 我都係喜歡美式的啖啖肉o既多d.食肉獸呀, 豬豬逃不了~

今日難得有時間可以出沙田食o野so... 去了一田food court~多o的o野揀~ 一大班人, 口味唔同都可以"自由組合"ma~{有時為o左遷就大家o既意見, 大家都會食唔到自己最想食o既o野}竟然出o左新包, 就決定支持一下MOS Burger由於上一回o既 吉列蝦漢堡 反應好好~ 水準高~所以今次對鱈魚堡都有o的期望~點知一咬落口... 條脷話我 知..."好似同麥仔o既無咩分別wor~"真係即時大失所望... ... 同麥當當一樣, 用o左tar tar醬可能就係因為咁而味道差唔多雖然塊鱈魚係炸得脆o的而且咬落塊魚唔係散o既... 仲可以見到魚肉本身o既紋理...應該係新鮮魚柳o既證明但係... 作為消息者, 竟然(比食麥當當)俾多o左$$就梗係想食o的(比麥仔)更好o既o野ga la~若然味道差唔多, 我何不去食個麥仔魚柳包lei ??!今次我真係大失所望... ...MOS burger, 我還是會再o黎但白鱈魚漢堡就真係... 衰o的講句... 不值得一試!!

Mos burger 儲印仔儲到我想死一個月之內食左勁多次mosmos 係好好食但不停咁食都真係幾辛苦呀...今日lunch 有2個鐘成班朋友仔一齊出沙田食個lunch 先~~mos 出左新包包白鱈魚漢堡包初初聽到個名都幾想試但個look 勁似M記魚柳包即刻無興趣...最後都係食左至愛saku saku 黑醋雞~~今次個雞有d "鞋"但個汁依然咁好味~good~有朋友堅持, 試左白鱈魚漢堡包果然同M記魚柳包的味道係差唔多~~不過塊魚的確係好食d gei~~yeah~食埋今餐終於儲夠10個印lu~可以換杯杯~yeah!!

因一會女友要到大圍，而時間上又有點空檔，所以便先到沙田吃一點點食物，才步行回去大圍。在商場內閒著逛，突看到這裡出了一個新的漢堡，身為為食者一員當然想買下來試試看。這家漢堡的特色就是可以清楚看著漢堡的製作過程，工作流程透明度極高。也讓客人可以知道，原來漢堡的製作是如此這般的。<<鮮蝦漢堡>>箇名思義就是以蝦為漢堡的主要餡料，其蝦雖是雪藏貨色，但是蝦肉彈牙而吃不到雪味，在這方面"交足功課"。加上新鮮的生菜絲和適量的醬汁，軟熟的包身，也讓這個新出品的整體水準得到正面的提升。不知道下次的新出品，會不會是羊肉呢﹖

你話我傻都係，我就係好鍾意集齊Mos Burger d印花, 換佢限量版的文具套裝.今次要了照燒雞肉漢堡, Mos Burger的包永遠都係暖粒粒, 脹卜卜的, 而且超鬆軟, 脆脆地, 甜甜地.初時以為佢個包會同M記板燒雞腿包差唔多, 但原來Mos Burger係真係唔同d ga, 雞肉大大塊, 燒得剛好且富有蜜味, 也夠嫩滑.生菜大大片, 又有至愛的沙律醬, ng 錯, 這款包可以encore.首次配薯餅, 都好好食ar, 超脆的吉列表層, 熱辣辣的, 入面係薯蓉, 同赤丸的薯餅相似, 但依個有粟米係入面都好食, 但咁配個餐會有少少heavy, haha

話咁快MOS BURGER係香港開左兩年了，每年都會有儲印仔換禮物既活動，今次也不例外，身為粉絲既我當然要換啦！食過咁多次，不過食來食去都係果幾種，今次一於試其他野，要左個辣味雞漢堡配SETA，新鮮熱辣整好份外好味，塊雞漢堡大大塊，炸得比較干身，不會食落成口油。雖則叫辣味雞漢堡，不過個人覺得冇咩辣味，包既辣汁係非常少，不知係咪一向都係咁家呢？至於粗薯條保持一向水準，粗粗的特別有口感，次次食都覺得唔係好夠候。到依家只係有兩個印，睇黎要快些少食多幾次去換禮物啦！