Moreish & Malt (蕪湖街) (已結業)

今日帶小朋友到紅磡playhouse玩到差不多兩點, 係OPENRICE搵左呢間可以網上訂位, 無中場休息同評價不錯的餐廳。Moreish & Malt係一間美式餐廳, 同佢地既裝修佈置感覺一致, 帶比客人一種輕鬆舒適既氣氛。全程由一個態度親切, 充滿笑容既外藉侍應招呼我地。我地叫左經典自家制牛肉漢堡同weekend brunch班尼廸蛋配三文魚🥑牛油果, Benedict附送一杯飲品, 我叫左咖啡。最令人驚喜既係佢地免費送左一杯蘋果汁比小朋友同一杯凍檸檬茶。宜家有D香港既餐廳連水都唔提供比客人, 變相迫我地比錢order野飲, Moreish & Malt呢個貼心舉動絕對係令客人再次光顧的一大原因。班尼廸蛋配三文魚牛油果 - 麵包係選用英式鬆餅, 烘得脆脆的, 醬汁口感順滑帶點微酸再配上佢地煮得剛好的流心蛋, 好味, 如果三文魚同牛油果切成一塊塊而唔係一粒粒會更好。呢份benedict我一個人可以食曬一份但都唔太夠飽。經典自家制🍔牛肉漢堡 - 個漢堡我無食, 老公話唔錯, 而我非常十分推介既係佢地既🍟薯條, 炸得鬆脆, 一D都唔會硬同乾, 係我近期食過最好味既薯條。我覺得呢度係一個好

我哋一行三人叫咗嗰3－4人set, 頭盤有湯有沙律兩款，主菜有牛又有雞，總有兩款意粉。全部都好好味。😋 服務一流，餐廳服務生態度超好，好窩心，起菜快，食物份量適中，性價比高。一家大細／朋友聚餐也好適合，用餐環境好舒適，好輕鬆。

Good food & fabulous service We had very a sweet time in moreish&malt hung hom, Kumar is just perfect 👌 He always keep us on update by msgs and finally we had a time to dine in with my family ,It was just a great experience as I seen in comments,my family love the happy & friendly atmosphere which they created, We will come back with more & more friends,

中午和同事外出食飯，找來附近SAV酒店的西餐廳「Moreish Malt」，主打美式漢堡、扒類、薯條等等。我們3人同樣點了澳洲牛扒套餐，還可以選擇配沙津或是蕃茄湯，套餐還附餐飲。點餐時服務員表現很主動，也特別推介菜式給我們，對服務員也留下印象。另外，同事也加點了炸薯條，大家分著吃，特別好食。先說一下環境，餐廳不算很大但有落地大玻璃，陽光透進餐廳內，當日客人也不多，甚是寫意。蕃茄湯是用大公雞碗盛上來的，中西交錯，有點新奇。味道不算太濃郁，也不算是自己喜愛的口感和味道。牛扒是可以的，做得很腍身，也吃得出有牛味，只是比較薄身，如果能再厚一點就好了。炸薯條是即做的，上檯時仍然熱呼呼，而且連皮薯仔最好食，大家都滿意。總結: 畢竟算是酒店內的餐廳，$168一份套餐算是優惠，如果遇上客人不多的日子，望著窗外的街景，和朋友吹吹水，是不錯的選擇。

香港人奴性重呢個就必然，但正正因為呢個缺點，漸漸遺忘左Work-life-balance既意義。憂鬱、焦慮、狂燥亦成為最常見都市病，但我地竟然將習慣變成自然，如果可以，我寧願賺少幾個錢，都要好好放鬆自己。尤其是去呢間酒店級數既餐廳「Moreish & Malt」，能夠將我昨天的煩惱全消，走明日更長既路。👇📌Small · Bites -▪ Crabmeat · Avocado · Bruschetta - $108▫ 呢客「三文魚蟹籽·蟹肉牛油果多士」完美呈現左咩叫做黃金拍檔，三文魚籽既鹹香配上蟹肉既爽甜、牛油果既清香，三種唔同口感既層次加埋，將整個味蕾提升唔少；而且多士烘得非常脆口，一啖過層次分明而且唔會好heavy，認真，呢個不得不食！📌Snacks · Appetizers -▪ Truffle · Fries - $68▫ 另一款小食必點既「香蒜黑松露·薯條」，我呢d黑松露控，往往見到有佢既存在，我都會相當著迷。薯條炸得好香脆，就算影相影耐左，食落都唔會太軟淋，口感仲係到；加埋蒜香同truffle味，香味瞬間突出！📌Main · Sides -▪ Yuzu Sous Vide

尋晚一家四口等未大爆發疫情 好快快外出嘆嘆 唔好等到政府改到2人先恨4人限聚令先話無去吃好西由於有優惠所以一齊去試試 。個南亞經理好funny同幾好，又識廣東話，主要when we do ordering we still using English，南亞經理貼心： 佢話份量太多叫我地唔好叫甘多薯條。 唔夠先再叫。我忘記左影牛扒, 佢煮到8成好好味林身無血水，好juicy呢個係我地order最貴既dishes呢個墨西哥片，係無左肉醬，但係個芝士加個三個醬，好好味，連老媽子平時唔會吃，佢都吃左1/4一碟。主角牛扒唔記得左影，不過真係好好味，如果牛魔王的話一個人要吃一份。我地叫左四個main dishes.所以叫左一份。x 1份 佢唔係平時有隻生蛋俾你撈，但係佢整得好creamy 一人一口都唔錯選擇，一個人吃晒好油利。建議起碼兩人share x 1份 呢個意大利飯幾好吃，不過好油，要撈飯吃先好味，唔係太油會感覺不好。未試個必須吃一次。x 2份 四個人一人share一半非常ok，唔係就吃唔到其他野。個牛肉好juicy，有洋蔥同菜好爽呢。呢個Nutella好好味，自問好怕甜，我係齊啡人，接受唔

位於紅磡的Hotel Sav，是一間由工廈改建而成的酒店。酒店裝修新潮型格，黑色的背景配搭色彩鮮艷的家具，充滿活力感覺，吸引不少學生、年輕人和年輕夫婦入住哦。酒店有大量不同房形，讓不同需要的人士使用。有適合學生入住的碌架床套房，套房包含書桌、衣櫃和儲物室，猶如一間學校宿舍。同時也有適合年輕人、新婚夫婦和情侶入住的雙人套房。酒店提供多種收費選項，有日租式、月租式、年租式等，月租最平只需$7300! 由於環境舒適，地理位置好，安全度高，吸引不少客人長住呀。最近推出超抵價優惠，只需$40便可以嘆到酒店自助早餐啦! 早餐供應時間由早上6點30分至10時30分，一共分3個時段，每段時間為70分鐘，用餐時間絕對充裕呀。早餐包含各種國家的菜式，有 乳酪、饅頭、燒賣、煎蛋、烚蛋、炒麵、湯米粉、腸仔、煙肉、扒蕃茄、茄汁豆、炒蛋、兩款吐司、牛角包、鬆餅、班戟和牛奶粟米片，飲品則有蘋果汁、橙汁、咖啡和奶茶，款式繁多，可以自己組合成豐富的早餐啦!當天光顧，有超多客人，有意想光顧的朋友仔，必須預先到酒店大堂購票，確保位置哦!

之前出過45蚊早餐自助餐已經想黎試，但book唔到位，哈哈，今次再推出優惠唔使諗即刻book啦，同朋友book左星期六的9點時段。黎到酒店大堂見到排緊隊訂位，聽到職員話full到Oct5了，梗係啦，呢個價飲杯野食個包都抵。廢話唔講咁多，去相睇下有咩食啦～先來有蘋果，乳酪，蝦餃，燒賣。再來有炒麵，腸仔，茄汁豆等。呢邊係包包類，有多士爐自助翻熱。仲有卜卜米區，奶是剛拿出來的，拎上手仲凍。自助飲品有橙汁同蘋果汁，夠冰凍，哈哈，飲了兩大杯。自己整左個偽all day breakfast，滑蛋正啊，烘熱住都仲滑呀，pancake有蜜糖可加，仲有好鍾意食嘅牛角包。再試下炒麵同蝦餃燒賣先，咁梗係無茶樓點心好食啦，大概係叮叮點心嘅程度，可接受。仲有白粥同火腿米粉（食左先記得未影相……），白粥加左小米入去煲，感覺健康。仲可以去bar枱落飲品，有咖啡，奶茶，檸茶等，冷熱皆可。食物當然唔可以話驚為天人，但夠熱，refill快，選擇算多，味道正常，呢個價錢抵到喊，45蚊人頭食到飽，無投訴啦！

見到呢個餐廳好評超多，諗住黎試下，唉點知好差好差。人生中第一個差評，真係唔講得笑......第一個前菜點左熱門既蟹肉多士的確好新鮮，口味都幾特別會令人一路食一路讚好味，而呢一餐飯入面最滿意既竟然就係呢道前菜。第二樣同第三樣都係主菜，個意粉真係普普通通，唔係難食，但只係一般cafe既質素。第三樣係熱門菜式亦係最伏既一樣。我唔明好評點樣黎，呢道菜唔係因為期望太高而導致覺得唔好食，正確覺得難食既原因係呢道菜啲肉煮到勁老，係整塊都煮得太老啦！！老之餘仲要係冇味，姐係完全冇經過任何醃料調味，只係簡單滾水煮熟加柚子汁就完左，友人食左第一啖都講好難食唔值200幾蚊🤷🏻‍♀️真係搞唔掂覺得最差既一點係。食完餐飯行緊去搭地鐵個時，竟然收到餐廳員工個位外籍人士既whatapps，老實我真係唔明點解餐廳員工可以拎預約訂位客人既資料私底下聯絡顧客？？原來呢間餐廳係咁唔注重個人私隱？我食咁多間餐廳真係未試過咁，收到whatapps 都已經夠出奇同驚慌，仲要打左2次電話黎，作為一個消費者真係覺得似啲變態佬咁！好嚇人啊

小酌可以忘憂，但不能解饞，有些日子，因為你忙得連飯也沒吃，上居酒屋，喝酒只是其次，你或許先需要一餐飽飯，是日經過紅磡蕪湖街，枱頭看到有間餐廳感覺挺舒服的，就在逸‧酒店的1樓，見還是6：00前的時間，上去食個飯飲返杯透一透。【Moreish & Malt】 因為疫情嘅關係，餐廳主要做Lunch外賣多，而家5：00到晚飯前相對地小人。入面好像有個mini小酒吧，餐廳非常廣闊，陽光照進來特別寫意。外賣單多多，廚房仍然傳出滋滋的油炸聲。等一等店員好快就安排我哋入座堂食。卡座為半圓形，坐得非常舒服呢。還有店家超貼心的提供了口罩套！美式菜，非常多款式，睇文字同相片已經有好多野想食了。最後點了2主菜1小食1甜品2杯飲品。好飽了...▪️Buffalo Sauce Chicken Wings (6pcs)水牛城辣汁雞翼很出色！憑藉火辣惹味的醬汁擄獲大班粉絲，人不在美國也能感受美國味。雞翼厚身好大隻！Buffalo醬汁是雞翼的靈魂，但香濃的水牛城醬汁加以藍芝士製作的調味醬會不會更加豐富惹味呀？藍芝士醬味道濃郁，這做法很成功，兩者一起香辣度十足，醬汁量充足，雞翼各個位置都能夠沾上，吃得很過癮。▪️大蝦碎蝦乾白

一直想試Moreish & Malt...但遲遲都未有行動！呢日心血來潮一於同男朋友去試下呢間位於紅磡SAV酒店1樓嘅美式餐廳啦。去到門口量左體溫,由於當日外面落雨,都會提示遮放雨架先入餐廳。入到餐廳感覺好開揚加上唔算好多人,環境都寬敞舒服😌一坐低只係比左Executive Lunch Menu(Starter+Main+Drinks), 我地主菜分別叫左 經典英式蘑菇芝士三文治配炸扭扭薯條 同 燒澳洲西冷扒配蘑菇忌廉汁, 頭盤嘅燒蕃茄濃湯同自家製農夫汁青瓜沙律就各一,飲品就Hot Americano同Ice Mocha, 另外問服務員拎埋單點Menu叫多個墨西哥牛肉串配玉米餅。首先出場嘅蕃茄湯味道都尚可以,感覺係鮮蕃茄加茄膏茄醬嘅味但要趁熱飲更好。沙律賣相一流但食落真係唔討好, 食唔出農夫汁究竟係咩味,仲要每一口都好大陣紅洋蔥味第一道黎嘅係墨西哥牛肉串配玉米餅🤩一見到不禁「嘩」一聲,真係要相機食先再即刻放入口！牛肉粒厚身得黎好軟熟多汁配埋脆卜卜嘅玉米餅連埋切碎左嘅蕃茄配料一齊食真係絕對滿分滿足✨👍🏻飲品方面兩杯咖啡☕️味道比較淡主菜終於到澳洲西冷扒配蘑菇忌廉汁個汁同塊西冷扒同想像有啲唔

叫了套餐加甜品兩個，$750左右，牛扒好正，pesto spaghetti 也正。Nutella cake 有點 heavy but rasher good. Tofu cake 比較啱我，大家試吓。

以前覺得西餐要坐係餐廳度食先最開心。疫情下，政府禁止堂食，好耐冇食西餐，超想食😫而咁啱外賣又有優惠，不如買黎試下先😜！經過酒店大堂上一樓，就到左呢間Moreish Malt啦，餐廳環境都唔錯，整體感覺光猛舒適，有機會都想黎多一次堂食。⭐墨西哥芝士牛肉醬配油炸鬼88芝士牛肉醬有濃郁既芝士味，食落係升級版既肉醬意粉上面d醬。配上香脆既油炸鬼，特別得黎又有驚喜🤭⭐經典自家製牛肉漢堡148牛肉餅有1.5cm-2cm 厚，分量令人滿足😍！肉餅煎到半生熟，咬落有肉汁，配上不算太濃郁既醬汁，食到食材原味。個包有烘過，咬落軟腍，係我style。不過比起漢堡包，我更喜愛配菜薯條。呢度既薯條唔知點解有種獨特既香味，食落同普通薯條完全唔同，超級正🥺⭐慢煮柚子加拿大有骨豬鞍258慢煮豬鞍好厚肉，由於係慢煮，內裡香嫩多汁🤤完全唔鞋。而豬鞍的外層亦有煎封，豬鞍外層香脆，油脂豐富，肉味濃厚。旁邊配上柚子醬汁簡直令人驚喜！🤩🤩⭐香港製啤酒48呢兩款啤酒都幾好飲，一款花香味濃，另一款有麥味，其實香港釀造既啤酒真係質素不錯呢！呢間餐廳帶比我好多驚喜，就算外賣都係咁好食，而且賣相都吸引。有機會真係會再黎堂食一次呀！

黃埔SAV酒店一樓開設了一家西餐廳，半酒吧半餐廳風格。疫情蔓延後，午市、晚市及外賣分別推出不同套餐及優惠，質素不變，價錢卻更實惠。午市行政套餐包一份主菜、飲品、餐湯或沙律，意粉、魚扒、漢堡等不及百元，牛扒也只是一百中位數。還可以優惠價hkd15加配咖啡或壺茶，組合百變選擇多。香煎沙鯭魚柳沙鯭魚脂肪含量較少，更結實更厚肉。師傅香煎至金黃色，魚肉入口雖然不像銀鱈魚柔嫩油潤，但魚味更豐厚濃郁。爽脆椰菜仔入口微苦澀，低卡路里卻有著豐富營養。　燒澳洲西冷牛扒 磨菇忌廉汁五成熟西冷扒厚身大塊，配上烤薯、蘆筍及忌廉磨菇。西冷肉汁豐富，牛味濃郁而肉質煙韌有彈性。忌廉磨菇更添香滑口感，整體搭配合適。LatteFlat White餐廳咖啡豆香香濃，泡沫細緻香滑輕柔，咖啡香濃純粹，拉花更精緻漂亮，平日愛茶的我也被吸引得毫無抵抗力，強烈推薦。水牛城辣雞翼雞翼外皮微脆，辣汁滲透雞肉內，香辣惹味。蒜香汁大蜆扁麵扁麵爽口彈牙帶煙韌口感，蒜香汁鮮香混入麵條內，拌上大蜆更顯鮮味。整體來說，價錢相宜、食物質素高、服務態度佳，還是很值得一去再去。

難得星期日, 今日同老公黎到屋企附近既餐廳食BRUNCH~我地黎到ＭOREISH & MALT~~坐底即刻叫左2個BRUNCH 先, 有chicken Cobb salad 同 salmon & avocado Benedict~之後加多個蜆肉意粉同薯條~Chicken cobb salad 入面有雞胸、牛油果、沙律菜~雞胸肉份量好多, 而且煮到熱辣辣， 好食～牛油果就岩岩熟，唔錯～沙律菜夠FRESH！Salmon & avocado Benedict - 三文魚+牛油果 配上流心蛋，食落香滑，呢個流心水波蛋，加埋好食既荷蘭醬，簡直係一個美滿既BRUNCH~~蜆肉意粉蜆肉大大粒，份量又多～意粉食落滑溜，入面仲用左橄欖油，健康有益～薯條又脆又可口，食完一條又一條～～由於太耐冇出街食，我地仲叫左２杯野飲慢慢嘆～一杯LYCHEE ROSE , 另一杯FRUIT MARTINI~LYCHEE ROSE 係ＭOCKTAIL, 玫瑰梳打水+荔枝, 整得好靚, 飲落又唔甜 =]FRUIT MARTINI 雖然係COCKTAILS, 但完全唔強烈, 果汁味較重, 唔錯唔錯~