more food & creation (已結業)

1:00 踏正來到這裡時, 外面一大班人即時想打退堂鼓,得知原來他們等外賣的。我們三人行大約等左五分鐘, 餐牌一頁, 十分容易選擇。小妹的 $75先來甘荀湯, 不得了。。。 呢個到底是糊仔定係湯, 呢個問題小妹亦解答唔到,重點是丁甘荀也沒有, 相信永遠是一個迷。泰式青咖哩雞飯亦隨之而上枱反而青咖哩味道適中, 加入了香茅, 辣椒 。惹味而微辣, 可以當湯咁飲。雞肉就如期地無乜雞味 。奶茶唔會淡某某, 可以接受。用這個價在此區吃午餐當然是貴, 食物質素也只是一庸勝在坐得比較舒適, 又唔會趕客的地方。

今次同幾個朋友出街,係九龍灣,有朋友話試下對面more food食,大家都話好,咪試下點菜叫左冬陰公海鮮意粉,味道無想像中辣!!好彩...我都可以食小小另1味係泰式海南雞,嘻....味道同出面其它餐廳差唔多,唔算特出另外重叫左杯熱coffee,依杯熱coffee就好正la,,唔洗落糖,味道香濃,真係好飲,我飲熱的,下次1定要試埋凍飲,我去甘多地方飲coffee,好小唔洗落糖,而入到口,依度沖ga coffee 好正,1定要試試

都未試過會出街食飯會一路食一路鬧。間餐廳裝修一般，係比茶餐廳好少少囉，但係啲價錢食物完全唔成正比。望個餐牌，一碗湯麵餐都要$60-80, 乜咁既格局都可以收咁貴。 我叫左個泰式濕炒肉片河，價值$78，咁貴其實都覺得唔太值， 算，心諗可能食物質數值回票價。 點知原來完全就係一碟普通菜丸肉片炒河，早知係咁我去隔離茶餐廳食啦。我同事食海南雞飯話啲飯好硬，佢碗中湯完全係特濃味精湯，冬瓜唔係好貴者，咁既價錢都要落咁濃味精我地仲要同人搭枱，三個人迫埋係側邊張二人枱，真係仲衰過啲茶餐廳。隔離位姐姐見我一路食一路鬧，都答口話啲食物唔掂，真係冇下次。

蔗蝦--上次見旁邊枱情侶點，賣相吸引，於是今次叫嚟試。原本menu寫三件，我哋一行四人，朋友話唔知點分，我話加錢叫多件咪得囉，朋友都疑惑得唔得，我話我上次叫佢炒碟menu無嘅粉都得啦！大家睇圖都知完全無問題啦！其實如果連少少變通都都做唔到，點做生意呀？不過呢樣又可能係小店嘅好處，規模少易溝通以客為上。講返味道，蝦肉彈牙，有濃烈金不換味，香脆唔油，中間條蔗易咬爆汁，正！芥末豬仔骨--第一次試佢嘅西菜，menu寫$128四件, 算成個menu數一數二貴嘅菜。上枱時無啦啦變咗五件，而賣相同我喺openrice見到嘅相好唔同，有啲失望。味道似沙拉骨，只係多咗包糠脆脆嘅口感，一大pat沙律醬，完全無黃芥辣味。 海鮮炒金邊粉--$85招牌菜之一，賣相討好，香氣四逸，味道似西炒飯 海鮮菠蘿炒飯--又係上次見旁邊枱叫，足料，但味道偏淡地點方便，觀塘區夜晚唔使等位唔使迫唔使趕交場，坐得舒服，乾淨靚裝，貼心服務，慢活吹水之選。下次再試意粉

牛頭角既選擇真係唔多, 每次到lunch就開始頭痕, 咁我身邊可愛既同事就提議去試下more food & creation食越南菜, 平時lunch經過都見好多人排隊, 諗住打去book位啦, 點知只可以book 12:15前, 咁唯有walkin去食啦, 可能今日落雨既關係, 都唔算好多人等位, 等左10分鐘左右就可以入去, 等位果陣已經諗好食咩, 一坐低就已經可以落order, 我order左海南雞湯河, 跟餐有泰式雞翼, 雞好滑, 湯好清, 蘿蔔好淋, 雞翼凍左小小, 我同事食左黃咖哩雞飯, 我都試食左小小, 黃咖哩有甜左小小, 好味, 下次可以再試!

上open rice 知道有呢間新開既泰菜！炎炎夏日，梗係食d開胃d既野。行入去之前，不得不讚，門面裝修得好靚，我自已就特別鍾意佢地門口大大個店名logo~ 好epic!兩個人食4道菜，有少少多，建議3道夠曬數1·海南雞飯：坦白講，呢道菜算係最正！2·冬陰功海鮮河：麻麻，因為湯底一般，好多味精呀媽咪，我同朋友口乾左成晚3·生菜包：算OK，冇咩特別，多味精4·串燒：幾正！燒得唔錯架！Overall:呢間泰菜味道可以再進步，淨係有門面包裝唔work 架

身為荃灣友，就用荃灣泰菜代表金坊做比較朋友話想喺九龍東食泰菜，我在openrice找找，本來友人也是選些連鎖的，但我看看這新開的，cafe格局、高樓底、木傢俬、大鏡面現代裝潢坐得舒服，再看看網上menu價錢比金坊更平，就鼓勵朋友試試。原本訂四位的，其中一位突然有事來不了，只可說她沒口褔了。點菜前，侍應見我們三人熱烈討論要點什麼菜，已細心主動地提出要不要拉多張枱給我們放食物唔使咁迫，雖然我們最後不需要，但還是欣賞他的服務。飯前，侍應先推介椰青以外之選限量椰皇，25蚊一大個，真係街市都買唔到啦！小食拼盤(S), $88，有沙爹、素春卷、蝦餅、雞翼，每樣兩件。大的拼盤168每樣四件，很老實，唔會迫你叫大。廚房還很細心幫我們把春卷和蝦餅分四份(我們訂四位)，蝦餅炸得香脆但唔油，點梅子汁來個小清新，沙爹汁甜甜的也有heart。偷看旁邊枱的情侶點的蔗蝦賣相也相當不錯，下次再試。大蝦柚子沙律，賣相一流，大蝦堅大隻，但自己還是偏愛金坊甜甜多汁有提子干同nuts嗰隻柚子沙律。旁邊點的青木瓜沙律也成坐山咁高。招牌海南雞飯，$68，份量足，雞滑新鮮，油飯有椰香班蘭葉味，旁邊見不少一支公大男人一坐下很熟練就點

鍾意食泰國野既我，有日lunch 同同事黎左公司對面呢間泰菜，一睇牌就諗「嘩，咁貴既，一個餐加凍飲要成$80」「可能物有所值，好好食呢」最後我就點左青咖哩雞飯，可以揀湯/青木瓜沙律，我揀左青木瓜沙律🙈作為小食，呢個份量係好合理既。味道方面，既然呢間係泰式既餐廳，味道方面就完全唔合格啦😂明明係青木瓜沙律，點會紅蘿蔔絲多過青木瓜，而且冇青檸汁既味道，食落去一啲都唔fresh, 有啲失望呀😓再黎係主菜：青咖哩雞飯上菜既時候，見到個樣咁靚，於是就充滿期望，忘記左青木瓜沙律既怨屈。青咖哩汁方面，一啲辣味都冇，只有濃濃既椰味，個汁係比想像中稀既，冇青咖哩個種應有既口感。而平時青咖哩會配上既蔬果由青椒變為矮瓜，但係矮瓜食落口，竟然一啲青咖哩味都吸唔到😂😂😂 而雞件方面，一食落口已經發現雪味好重。總之成件事就好伏咁，成個set連加一就$80 啦！而同事食既海南雞飯，冬蔭功沙河都係$80，聽佢地講都係麻麻😂作為一間工廠區既餐廳，每日都係同一班客仔，空有裝潢同擺設係唔夠架，野食質素一定要提高先可以留住客人，希望會改善一下啦。

有人話我知呢度附近開咗間幾好食嘅泰越餐廳，於是乎就走去望下。見到門面都唔錯，感覺幾好！星期六人又唔多唔駛等位，所以就走咗入去！星期六都有午市套餐，選擇都唔少！最後叫咗個招牌海南雞飯。海南雞飯有清雞湯送。不過真係好清下，冇咩油，而且亦都冇咩味，有少少雞味嘅，不過似水多D！可以好肯定係冇加鹽同味精！個碟幾得意！真係好似一隻雞咁！海南雞、油飯、醬汁，好簡單！先講個飯，顏色睇起嚟唔錯，不過就冇咩味道，我覺得唔係好夠味，而且D飯有點硬！雞肉就已經去咗骨，而且煮得剛剛好，唔會過熟，所以好鮮嫩、好滑！亦都食到有雞味，不過雞皮就唔夠爽脆。個汁就幾好味！用咗大量嘅薑、蒜，仲有辣椒同魚露，所以甜甜地、又酸酸辣辣咁！奶茶就幾好！顏色都唔錯，有茶香、亦有茶味，而且亦算得上順滑。我覺得冇朋友講得咁好食！可能期望過好啦~不過都可以下次嚟試下其他野！

一行五人試官塘工商區新地舖，試左幾間工廈上的都麻麻地，就試下呢間標榜無味精西泰菜嘩！又好有驚喜，重點推介芥末豬仔骨-用上新鮮豬一啲都唔膩，明爐魚齋靠香料提鮮勁，蒜蓉包西式泰式都好香，椰青糕正合我喜愛清甜口味，一定要試

早見這間新開的泰菜很多人排隊, 又食厭普通西餐, 便來一試說是定期轉換的餐牌, 定價偏貴, 左邊的湯粉還是去翠華或康年食好過....外賣也偏貴這碗湯來到已是這個樣子, 感覺被人飲過, 見到已唔開胃麻醬撈雞絲唔會唔好味炒金邊粉及炒河粉味道不過不失, 感覺似食碟頭飯, 價錢唔抵羊架不夠香, 肉質偏林, 建議餐廳專注返泰式飲食比較好...加20元的芒果糯米飯, 芒果超酸, 唔計芒果整體唔錯...

由於公司附近新開左一間FUSHION餐廳，都成兩個月，眼見次次LUNCH TIME 都好多人係度食，不禁非常好奇，究竟佢係有乜食架, 攪到日日都甘多人?!! 淨係知個名叫 more終於，我係上星期六，醒起過幾日係端午節，屋企要做節，年年都去酒樓，我就建議屋企班食肉獸同大胃王，不如試下呢間野。於是，打左去book 位，好在夜晚無甘多人，去到好快就有位喇!我地八個人7:00到，叫左好多野食，但我最like呢3樣，泰式炒金邊粉酸酸地好開胃，又吾會太過濃，超好味; 法式芥末香烤骨 ，外層脆脆地，裡面舊肉超juicy, 班食肉獸超like, 連我呢個吾like食肉既人都覺得好好味! 第3樣，我覺得好無敵既就係呢個咖哩蝦，跟左兩片蒜蓉飽，係兩隻味架，一片泰式、一片西式，兩隻都好得! 但係我地吾夠喉，即時叫多2客淨包，因為一客得4件，個汁實在超超超正!!!!你知啦，通常食完泰菜會口喝，雖然我今次吾口喝，但我地又心癢想跟手想食甜品，搵個四眼仔經理問佢有乜介紹，先知原來佢地係標榜無味精架! 但係d野又吾會淡而無味wor, 吾怪之得日日都甘多人啦! 個經理話佢地好多材料都係用新鮮貨wor, 佢地宗旨係想s

早幾日同老公&兩位朋友去開牛頭角附近，五點零鐘見肚餓就周圍搵嘢食～附近都係以茶餐廳、食堂為主，但呢間餐廳嘅裝潢就好有格調，所以即時比佢吸引咗。雖然喺Openrice未搵到食評，但見佢環境舒適，好適合同好友傾偈聚會，所以最後都決定冒險一試！入到去，侍應生都即時好有禮貌咁接待我哋，仲向我哋推介佢哋不同嘅食品。結果四個人都各自點咗唔同食物，可以試多幾款。我點咗海南雞飯，啲無骨雞好滑又好有雞味，醬汁亦調得好好！老公食嘅冬陰公海鮮炒意粉我都有偷食，真係好特別，平時冬陰公都係湯，但用嚟炒都一樣咁惹味～正！而兩位朋友就分別食白汁碎蛋牛蛋包同冬陰公海鮮湯麵。雖然我無試，但佢哋都大讚！除咗主食，飲品同甜品都值得推介～我哋三個都試咖啡，其中一位朋友就試朱古力，但同樣都覺得好好味！至於甜品--芒果糯米飯同椰汁糕大家食完都盛讚，因為椰汁糕好特別，落咗斑蘭㗎！而芒果糯米飯雖然都係一般咁用咗兩隻糯米，但煙靭得嚟好有口感，令我哋叫完再叫！整體而言，我哋四個覺得呢間餐廳好令人滿意，見佢仲未有人寫食評，就花少少時間做第一個啦！