Moomin Cafe (已結業)

呢間嘢收11PM，9:45PM Last Order，自問9PM到都唔算晏，點知1位短髮女侍應見到有客到竟然講咗句「吓?兩位?」先極唔願意去帶位，好似阻住佢收工咁。入到去有大約7成空位，但依然安排我哋坐走廊邊嘅雙人位，可能其他比較大嘅四人位已經清潔好晒，呢個都明白嘅！見佢哋踏九就Last Order，當然廢事煩一次過叫晒想食嘅嘢，包括雞翼、意大利飯同朱古力班戟。估唔到職員咁醒目，一次過上晒菜，即係我要嗱嗱臨食咗個加咗15蚊雪糕嘅朱古力班戟甜品先，然後至食個雞翼同飯，係有腦嘅！我相信你就算去茶木食嘢叫個招牌藍莓香草蜜糖磚塊，佢都唔會連埋個牛肉麵一齊上啩？嚟得呢間餐廳，相信你都8成係姆明Fans，不過想同公仔影相嘅Fans要留意，佢隻阿美唔知係咪太受歡迎，塊面好似畀火燒過咁黑咁污糟，食夜少少班職員仲會收起晒擺喺近門口位啲公仔，奉勸要影公仔相就唔好咁夜。講番啲嘢食，雞翼尚算合格，朱古力班戟亦都OK(但入面有碗類似芝麻咁嘅Jelly好難食)，個南瓜蝦意大利飯就同食緊傑咗嘅白粥冇分別。總括嚟講，係姆明Fans又或者想食個環境嘅咪OK囉，紅日流流加埋晚飯時間都有7成空位，大家知咩料啦！

姆明話陪我過聖誕😳 $98就有依個聖誕甜品鮮果酥皮盒😆 同時會送埋個碟 本人係收藏控 所以勁愛啊 而個酥皮盒有好多鮮果 其中擺碟既草莓 好甜 可能係日本草莓添 而酥皮就比較硬 但中間既吉士凍凍的好好食~另外飲品都一樣啊 可嗌latte朱古力個啲 $78 送埋杯 平時嗌個latte已經58蚊了 所以挺划算的 仲比我睇到係日本製另外個環境好正 有景睇 5點幾去到 食食玩玩 啲公仔又多 攬住影相個啲好開心 服務又好 玩玩下都不知時日過 順道睇埋夜景添😍 我推介完俾朋友 佢地都全部讚

上次約好哂朋友仔諗住去大鬧姆明cafe，點知當日病咗🙈拖咗咁耐終於去到喇👏入到去真係小朋友同自拍控天地，可望住一整個維港外😍仲有好多大大隻毛公仔陪食加瘋狂影相📸有姆明、史力奇、阿美、樹精...等😌宜家已經有聖誕佈置同聖誕甜品應下節<Moomin Latte> ☕️$50當日我點了姆明牛奶咖啡，拉花圖案可更改自己喜歡人物😈淡淡奶香帶少甜，仲有輕微咖啡味好啱我😚宜家仲可點Special Drink$78帶埋隻杯返屋企添<聖誕鮮果酥皮盒> 🥞$98賣相精緻酥皮盒，層與層之間係吉士醬，面頭仲有鮮果🎅邊碟仲有隻聖誕老公公，最靚係塊白朱古力公仔牌👼🏻宜家叫一份仲送埋隻勁靚姆明碟，仲係幾抵🤑本身隻碟都唔平㗎✨後記:我當日真係影張好多相😘同朋友仔又食又玩好開心

姆明曾是少年時代盛行的卡通，估不到主題餐廳亦是不錯。前菜煙三文魚墊底有沙律菜，較故此咸香而清爽。薯蓉上有一只用飯做的餃子，比起一般的普通薯蓉有特色。鹿肉扒肉質緊致，較牛肉少汁。卡邦尼意炒應要多些，才夠濃郁。姆明拉花做很很好，不會一搖即，綠茶散發陣陣奶香，喝完是一口的泡！那萬人抱過的毛公仔……換來換去，反正都是影相用，卻是可以俘虜一眾少男少女心！

又是一人午餐的時候，天氣有點涼，有一點點lonely的感覺，一於找些冶癒系的餐廳填肚。行經這公仔主題餐廳，裏面有好多大大隻公仔陪我食lunch,心裡在盤算食物應該唔多掂，但好奇心俱使下，也要試試。估唔到這兒的午餐一D也唔貴，由68到98。我想食得light d, 點左香煎龍脷柳配磨茹忌廉青口汁。另加錢要了杯green tea latte 的特飲。個龍脷都幾大條，魚肉好嫩滑，啖啖肉，加上磨茹忌廉汁又幾好味；D配菜種類頗多，既有蒜味之餘又爽脆，感覺營養好balance。整體餸菜唔油膩，個飯仲好cute是樹精樣添！Green tea latte: 綠茶味道香濃，有回甘味，奶亦滑溜, 仲有姆明個樣添！若果是綠茶控，應該會很喜歡的。在尖沙咀食個飯又有大公仔同海景相伴，不用百元就ok, 實在不錯了。

姆明之家班戟配和歌山八朔柑 $158我諗我上癮了 見佢地轉左menu有一個新口味即刻去左食 果然無令我失望 好特別八朔柑帶甜酸苦於一身 食一落口甜酸味散於口腔 後來就有啲耐人尋味既苦澀味 除左有新水果進場 姆明屋企入面既甜品都轉左 有番石榴啫凍、黑芝麻牛奶布丁同埋紅莓慕絲 我最愛就係番石榴啫喱 感覺好清新同埋比較罕見😊班戟就依然係甘好食 鬆軟重蛋香 配埋佢輕盈既cream 上枱熱烘烘 岩晒微冷天氣暖暖胃 甜品控表示好滿意除左班戟 Tea set既依個吉士牛角包我都幾鐘意👍 望住個境 再嘆個tea😊-雜莓吉士牛角包 $78牛角包微暖 烘得脆脆 吉士creamy微甜 一凍一暖甘 一齊食都幾正 兩人share最適合👭 加上啲草莓同藍莓balance番 整體吾膩😉 更愛佢地既薯條 脆身又香 除左茄汁仲有黑松露cream cheese醬👅 幾惹味 忍吾到口係甘食😂

一屋姆明既裝飾擺設無論你鍾唔鍾意呢個卡通人物呢度都會令你童心爆發^_^下午茶唔知食咩好？黎超可愛既姆明Cafe啦除左佈置精緻仲有好多姆明同其他角色既公仔比您任影雜雜莓吉士牛角包 $78 呢個雜莓吉士牛角包味道唔錯牛角包鬆軟可口 吉士好香甜！和歌山八朔柑班戟配蜜柑汁 $158 pancake蛋香濃郁 真係超讚!!八朔柑非常爽口 清甜之餘有淡淡苦味 姆明屋內有乾坤分別有番石榴啫喱 黑芝麻牛奶布丁同紅莓慕絲充滿水果既下午茶非常健康食完仲可以帶埋呀美番屋企

與友人一起去用餐，人不多，環境都安靜。因海景窗邊位已坐滿晒，我地坐左中間Ｄ位。坐低之後，入去Waiter即刻俾隻公仔我地, 我地即刻不停影相, 對住海, 仲有同公仔一齊影相。中間都有叫Waiter幫我地影，公仔佢會時不時就換下。之後點餐, 價錢是一般CAFE再貴一點。點餐是友人點的, 好似是套餐，有湯有包、沙律，薯蓉，又有海鮮飯，味道都ＯＫ。看份量好像不多,但其實已經夠兩個女仔食。我們一人叫了一杯綠奶（有公仔樣），好可愛！最尾仲點左個香蕉ＰＡＮＣＡＫＥ＋三層甜品（印象有一層是焦糖什麼、一層香橙味、還有一層不記得），吃完個ＰＡＮＣＡＫＥ已經不太吃得下那三層甜品。等餐時間還可以接受。最尾走，仲叫我地抽紀念品。係一隻黑色公仔，我都唔知係咩名。

一直很想來這間姆明Cafe,每次看到那些可愛的公仔,總是覺得它們向我招手,難得今次朋友有興趣,終於可以約埋一齊去這間Cafe,因為中午左右去到,所以人流都不算太多。內裡很多姆明的公仔,而且公仔也很清淨,不會太殘。環境也是很舒適,挑到好位置的話,更能看到海景,真的令人放鬆下來。餐單的選擇也很多,不論意粉或是飯也能選擇。當中我就選了吉列豬肉眼配日式咖喱汁配樹精飯 $125味道方面,都算不錯,豬扒也不會太硬,加上咖喱汁帶著微甜,容易入口,也是幾好食的一個飯,它的飯也能選取姆明或是樹精飯,造型也相當可愛!也叫了姆明之家班戟 $138這個班戟很可愛吸引,很多層的班戟,熱乎乎的,頂層鋪上又香又滑的忌廉。除了班戟旁邊的小屋,原來也隱瞞了三個小甜品,很別緻和用心。有布甸,慕絲和果凍,再配合鬆軟香滑的班戟,又能看到海景。真的視覺和品覺並重,雙重享受!而餐飲方面,也能灑上可可粉,令到姆明的圖案突出,整杯飲品真的不捨得破壞它的美感...嘻嘻...整體而言,這間Cafe 的景色和服務都不錯,可以隨時隨地和公仔拍照,而且食物的造型也相當美觀,希望有機會和朋友再去這Cafe吧!

ムーミンベーカリー&カフェ/姆明Cafe✨尋日打住3號風球食霸都帶我去食我中2既姆明cafe真係太開心啦꒰*´∀`*꒱🖖🏻雖然之前都去過係就未試過食夜晚飯 可能因為3號風球同平日嘅關係1入到去就有得坐海景位(''ﾊﾟｧ) 北極光晚餐set٩꒰৹৺৹ઌ꒱♡我就叫左•三文魚牛奶湯 •肉桂卷/シナモンロール •香草牛油焗盲䱜魚柳配香草番茄乾天使麵 及紅甜椒忌廉汁 •姆明凍鮮奶綠/抹茶ラテChloe就叫左•青豆xx湯(拒個個係是日湯黎) •肉桂卷/シナモンロール •香煎澳洲牛柳配蕃茄甜椒汁及羅王斯炒雜菜 •北歐shina先試咗三文魚牛奶湯愛飲奶製品既嘢 1見到有三文魚牛奶湯就立刻叫味道5錯 都有好多送係湯入面 5會2啖就飲完如果牛奶味再從啲會更加分꒰◍'౪`◍꒱۶✧˖°．青豆湯 我是左一口 佢未到好似係Simply life的青豆湯．肉桂卷/シナモンロール其實

朋友生日我哋去咗呢間主題餐廳同佢慶祝，由於朋友熱愛姆明所以呢間主題餐廳最適合佢，一去到見環境好舒服，周圍放滿公仔而且有一邊嘅座位係望海所以景色好靚，我哋叫咗幾個set dinner，有扒有粉都好多選擇，最後個甜品係可以插上蠟燭當做生日蛋糕，而且非常之靚，甜品上嘅城堡有三層，每層都放着唔同味嘅甜品，好特色，總括大家都好滿意餐廳服務、環境同食物質素！

好開心好開心，即使依家回憶緊食飯既時刻仍然覺得好快樂！本身我唔係姆明既超級粉絲，但去到餐廳時見到咁多姆明家族既大公仔，都忍唔住係咁影相！七點半黎到已經有7成爆滿，於大門位置直到坐低，都有數個影相位，而餐廳有面響無敵海景位置，只要提早致電預約，就可以坐呢啲海景位嘆晚餐。一坐低我地已經急不及待點餐。呢度既晚餐價錢都較為合理，唔會因爲主題餐廳而濫收費用，值得一讚！<三文魚牛奶湯>店員推薦我地飲呢個湯，果然無介紹錯！用匙更輕輕一撥，會見到好多三文魚肉，真係真材實料。而湯既味道充滿奶味，同魚味相當配合，非常令人滿意！<玉桂卷>套餐中可以選擇白飯或玉桂卷，相信好多女仔都一定會選擇肉桂卷。本以為肉桂卷係好似好多餐廳既餐包咁凍冰冰，所以無抱任何期望，估唔到一黎到既時候係熱辣辣！玉桂卷唔到好似啲剛叮熱既麵包咁死實，反而外層挺身而內層軟綿，玉桂味道香濃突出，女仔同小朋友一定會鐘意。《熱朱古力》為左有公仔頭像，我點呀美樣既熱朱古力！我地影左好耐相都無變形，朱古力味道不算濃郁，但還可接受。<煙肉三文魚卷伴南瓜蓉配荷蘭汁>主角出場喇！三文魚份量充足，中間被煙肉捲著

姆明cafe入面真係好似走入左卡通世界一樣！d野好精美，過足童話癮。同朋友一齊share左個南瓜risotto。賣相唔算好搶眼，但係味道絕對有驚喜。南瓜香味重，而且煮得好淋。意大利飯煮得恰到好處，口感非常好。調味整體都好滿意，真係食過翻尋味

今日同好朋友聚餐，佢選擇左黎尼一間，知道會貴，不過都想試一試店內的環境好得！好靚！moomin 家族坐在系窗台，加上甘靚既背景，真系無得彈！點左两杯，個賣相已經俘虜左我個焗飯同煎三文魚都唔錯，但最唔錯系隔離無拉拉坐左隻小袋鼠好cute最後點左個招牌甜品---娒明之家 同moomin 一齊食，都算唔錯好滿意的一餐，有得食、有得影、有得回憶，貴少少都值得

第一次和朋友到有主題的餐廳吃晚飯。進到去時，我們看見很多姆明和他的朋友的公仔,很可愛, 我們亦拿了一隻公仔放在旁邊。三文魚煎得岩岩好, 頗嫩滑。側邊亦有好多菜同南瓜蓉。右面間姆明屋內有三層, 裏面分別有番石榴啫喱、芝麻牛奶布丁 、紅莓慕絲。班戟好鬆軟, 配上酸酸甜甜既雜莓 (紅桑子、藍莓、士多啤梨，很夾。我們選了窩夫配朱古力醬、香蕉、雲呢拿雪糕。姆明造型的窩夫好得意, 來到的時候還是暖粒粒, 外微脆內鬆軟, 好香蛋味。