MOO MOO

營業中

休息中

三點幾差不多四點同老豆工廠區銀行處理完少少野見有啲餓想舒舒服服食個下午茶 飲杯啤酒上google 搵到呢度 行左兩條街就到有室外座位可以食煙飲酒講粗口呢個時間都唔多人 好多位不過咁啱店外就係地盤可能室外比較嘈些少不過空氣流通唔會太大灰塵兩個男人無咩所謂~兩個人叫左一個雞扒漢堡嘅餐 跟個肉醬薯條三杯啤酒 每人百一蚊左右下午三點後啤酒買2送1個雞扒幾好食 分得一半唔係好夠喉個肉醬薯條最出色 老豆話食到係英國果時嘅味道喎有機會可以再黎試過

同同事喺觀塘返工，一直都唔知觀塘有咩好食，直至同事帶咗我離依間moomoo，先發現原來有間隱世美食喺度！呢間店喺鴻福中心地下，唔講唔知原來依度有好多食店，好似個food court咁，見到依間餐廳好有外國style，主要係賣Burger，一於試吓啦！☀️經典之堡有安格斯牛、芝士、生菜、蕃茄、moomoo汁安格斯牛勁香，牛肉勁林，一咬落去好多牛肉汁，而且配着芝士、生菜同蕃茄食，令到個包更加多fresh，moomoo汁係沙律醬，好好食㗎👅☀️熱帶之堡超超超超超推介😍除咗有齊啱啱經典之堡嘅材料之外，仲有菠蘿、煙肉同千島醬，安格斯牛勁高質！好香牛味，仲要超juicy🤟🏻重點係配埋菠蘿食令到成個包更juicy😛☀️配餐：肉汁芝士薯條、牛城雞鎚、蜜桃特飲肉汁芝士薯條脆卜卜，水牛城雞鎚啲辣醬調到啱啱好，兩樣都係必食嘅小食，一路食一路飲蜜桃特飲，今餐真係好豐富，高質lunch🍴

我久不久都會想食漢堡包，牛頭角Moo Moo店面小小，但漢堡包非常好食，仲有happy hour啤酒優惠，啱晒附近的上班族。除左漢堡，呢度嘅炸雞翼都好食，好啱送酒。$98/8隻 可以揀4種口味加一個dips醬。呢度分別有水牛城、孜然、卡加牛油、辣味（但我覺得好似比左孜然味），以及蜜糖芥末醬。其實炸雞翼本身都好夠味，個沾醬留來點薯條更好（但我冇叫到薯條），水牛城同孜然味最好味，配汽水或啤酒都好正。經典之堡（$60）加煙肉（$8）漢堡即叫即製好新鮮，咬落去好juicy!麵包鬆軟，漢堡肉夠厚夠實在，煙肉有鹹香，happy hour餓餓地食返個真係正！

觀塘海濱附近有間好chill既bar，同友人一齊去食傾住計真係好正☺️啤酒買二送一好抵，howgaarden好易入口 啤酒來講真係無得輸大啡菇burger好juicy好入味，包個皮有烘底脆到爆

菇菇漢堡還不錯 外皮很脆 菇的水份鎖得很緊白菌之堡 也好 蔬菜頗新鮮 比普通麥當勞雙層芝士漢堡好一點雞翼肉很嫩 惟圖文不符 有點失望肉汁薯條 炸得頗脆 惟肉汁太普通 肉味唔出最抵叫係啤酒 $55一杯 四個牌子 任擇其一 買二送一

官塘食肆越開越多，唔止向工廈樓上舖發展，亦都向地下內街舖發展，今日搵食搵到黎巧明街鴻圖中心地下，上網睇呢度開左好多特色小店，想搵返間試下~~見到有間BURGER舖好多人，見到舖外座位幾闊落，就坐低試下~~我叫咗個美式之堡，老公就叫咗個熱帶之堡，大家嘅餡料都有安格斯牛肉、芝士、煙肉、生菜、蕃茄，熱帶之堡就再多一塊菠蘿，酸酸甜甜令人更加開胃！不過對於我來講，美式之堡都夠晒滿足，淨係見到個安格斯牛，都已經心心眼😍，牛肉夠晒厚，大大件，咬落juicy,牛味又夠晒重，食到每一層嘅材料有幾咁新鮮，餡料非常豐富，老公都一路食一路讚不絕口，質素確係幾高。漢堡又點少得配薯條啊，我地就點左份芝士肉醬薯條-店家用嘅係粗薯條🍟，而且對芝士同肉醬一D都唔嗇色，醬汁鋪滿薯條面，見到都忍唔住將薯條沾滿半溶芝士同肉醬，每一啖都好滿足!呢度有好多款雞翼選擇，我就揀左忌廉蘑菇雞翼-初初以為係煎雞翼配上蘑菇汁，但原來係將忌廉蘑菇釀入雞翼，估唔到小店都有咁嘅心思忌廉蘑菇同香噴噴嘅雞翼原來又幾襯,YUMMY~臨走嘅時候，想行去牛頭角地鐵站方向，先發覺原來，除咗商廈入邊地舖既室內室外位置之外，店外仲有另一個露天座位區，唔怪得睇M

今日想食burger,但朋友想飲酒。於是諗左好耐食咩好，最後search 到尼間幾多人推介，又平，就去左試下。一入到去就見到好多美色復古既裝飾，牆身貼上印有由紅磚砌成既牆。別有一番風味。除左裝修，佢地仲有好多唔同既食物揀！例如：burger,薯條，雞翼等等。美式之堡第一淡咬落去食到好香煙肉味，之後就食到甜甜地既芝士，真心不錯。因為佢既牛肉冇加太多既調味，所以成個味道岩岩好。芝士肉醬薯條佢既薯條脆卜卜，再加埋濃濃既肉醬同芝士，真你令人一條接一條。重點係，芝士有拉絲架！

朋友今晚帶路食漢堡包。觀塘工廠區一向都食肆臨立，好多餐廳都選擇去工廠區開店，因為客源都好多。朋友帶路去左隱蔽地方食burger。餐廳環境好有美食廣場既感覺，周圍全是不同的食店，lunch time一位難求，晚市黎到有另有一番風味。我睇到menu，burger價錢好抵食。比起一般餐廳完全唔貴！我叫左白菌之堡。蘑菇味濃菌味突出濃郁。麵包有加上牛油烘風脆脆的，夠哂香口！漢堡排厚厚的充滿肉汁，我仲叫左雲喱拿奶昔。

今日星期六要返公司ot，放lunch唔洗趕返去開工，緊係搵間餐廳同同事chill下，今日行左過近牛頭角地鐵站附近，搵倒間食漢堡🍔嘅快餐廳。Moo Moo係鴻圖中心嘅地下鋪，有戶外、室內，室內座位仲伸𨒂到入邊商場，而家天氣涼左，其實最正就係坐戶外，不過可惜可能撞啱lunch hour，戶外已坐滿黎食客。今日叫兩個唔同嘅餐：經典之堡🍔+細沙律🥗配蜜桃冰紅茶 🥤～ 首先個漢堡飽🍔好飽滿，厚厚嘅安格斯免治牛肉，肉質好紮實而又juicy，芝士好似熔岩咁流晒出黎👍🏻另本來已經好juicy嘅安格斯牛肉加多重香味。沙律🥗菜好新鮮，青青綠綠，好脆口，加左小小橄欖油同沙律醋，中和晒食完burger嘅飽滯感。 白菌之堡🍔+肉汁芝士薯條🍟配蜜桃冰紅茶 🥤～ 個人最鍾意食菌類，白菌漢堡飽🍔好岩我😃都係厚厚嘅安格斯免治牛肉，肉質亦係好juicy，一d都唔會乾，白菌份量亦好多，一路食一路溜晒出黎🤣真誇張。薯條因為有芝士關係，一定要襯熱食，濃濃肉汁味加上芝士，呢個如果係芝士控一定要試👍🏻呢度最好就係位置又近地鐵站，又有室外同室內，又可以坐幾耐都得，絕對唔會限時要埋單，估唔到觀塘有咁高質漢堡飽店🍔👍🏻又搵倒多間平日可以

星期六瞓到自然醒後同老公落牛頭角一齊搵嘢食，行吓行吓到巧明街工廠區，喺路邊見到一間食漢堡包唔錯的餐廳🍔一於走入去試一試😋坐低之後我們叫咗2個套餐，首先嚟到嘅係沙律🥗蔬菜新鮮又美味，份量都唔少😻另一個套餐叫咗薯條🍟熱辣辣超好味，仲要係粗薯條簡直係我嘅最愛，份量超多🥰另外我加咗68元六隻雞翼，有七款味道、四款醬汁，今次我揀咗加州風味🤤鍾意食蒜蓉的朋友一定唔好錯過這款，真係勁多蒜蓉🤤雞翼熱辣辣，好好食😋呢款叫白菌之堡🍔入面有白菌芝士🍄🧀仲有松露美玉醬，當然唔少得厚切安格斯牛肉漢堡，一口咬落去塊漢堡牛肉仲爆曬啲汁出嚟，口感非常豐富👍🏻另一個漢堡包我們揀咗熱帶之堡🍔入面有煙肉🥓生菜🥬芝士🧀菠蘿🍍蕃茄🍅加埋千島醬😋我都幾鍾意咁嘅配搭🥰有菠蘿嘅漢堡包果然係唔同啲🤤漢堡超級Juice😋套餐跟汽水🥤我們揀咗忌廉和C+汽水😻開放式廚房環境都唔錯，還有室外地方可以坐，方便吸煙人士😆出面仲有梳化位嫁，地方都好闊落，冷氣好足夠👍🏻還有好多種漢堡包🍔可以選擇，下次要再嚟試吓其他先😋呢到嘅漢堡包好好食，價錢仲好抵食，下次會再嚟食😋

上次經過觀塘工廠大廈區見到呢間burger & bar好似幾多人咁所以今日就嚟咗食啦咁我哋兩個人唔太肚餓嗌咗一個burger、兩個snacks 、一杯drinks 滋味雞堡$60滋味雞堡入面有生菜蕃茄雞肉同埋芝士雞扒都幾滑但係有啲tabasco所以幾辣所以唔食辣就要小心啲啦忌廉蘑菇雞翼（3隻）$40係一啲忌廉磨菇釀左係一隻雞翼入面都幾超juicy不過烤得太過燶香脆有部份食唔到有啲可惜芝士波$55我本身嗌左mac & cheese balls但係店員落咗cheese balls不過唔緊要啦我照食都幾特別竟然食唔到芝士味反而有啲似忌廉香草薯球花生醬朱古力奶昔（L） $58另外花生醬奶昔都幾好唔會太甜不過就冇朱古力味

這個星期六天氣好好，陽光普照，來到鴻圖中心附近食飯。呢間MooMoo是食漢堡包的餐廳，中午有lunch set，抵食。美式之堡🍔餡料有優質安格斯牛肉，芝士，蕃茄，生菜，煙肉，BBQ汁😋材料豐富，每一啖都感受到肉汁和疏菜的配合，口感不錯，唔會好濟👍🏻👍🏻芝士肉醬薯條🍟新鮮即炸薯條配上芝士肉醬汁，味道不錯👍🏻 經典之堡🍔餡料有優質安格斯牛肉，芝士，蕃茄，生菜，秘製moo汁😋抵食之選，味道好夾😋👍🏻

因為在觀塘區工作的關係, 有時收工後都想在附近同同事/朋友飲杯野或者食少少野先走, 但又成日都覺得觀塘沒有比較causal些的bar & restaurant的選擇, 直至找到這間漢堡包店。因為我公司跟巧明街不算太近, 都沒有發現這邊起了一個food court, 有別於香港常見的food court, 這兒的餐廳感覺比較chill, 屬於可以快食又得或者坐底飲住野慢慢食同傾計又得的餐廳這間Moo Moo 有室內以及室外的座位, 室內同一般新式的漢堡包小店差唔多, 我自己就比較鐘意室外的座位, 一來感覺relax d,, 二來現在秋天時份, 晚上坐在室外食晚飯同飲野感覺好舒服, 加上Moo Moo一直都播住英文pop songs, style係有點像bar & restaurant點餐可以用點餐機或者直接落單。這兒的漢堡包價錢大概都是＄60－69左右, 以這個質素同環境, 價錢十分化算。點餐後員工會叫收據上的number, 叫到你的number就可以去拎我們兩個人叫了兩個漢堡, 一份小食以及兩杯啤酒, 本身想點多一樣小食但好彩最後打消左這念頭, 因為這兒的食物份量都幾大份我自己點了最貴

白菌之堡🍔漢堡肉厚 濃濃的牛肉味熱辣辣 好juicy正雞沙律(柚子醋)🥗值得一讚 沙律新鮮柚子醋味道甜甜酸酸 恰到好處而雞肉皮脆肉厚 超抵食忌廉蘑菇雞翼雞翼去骨釀入忌廉蘑菇忌廉味濃 好惹味喔洋蔥圈🌰薄脆! 抵吃! 份量多!三五知己happy hour 送酒一絕🍻馬爾代夫之海風🍹色彩鮮艷 味道清涼菠蘿味豐富 好開胃好解渴提提大家: 小編係夜晚7:30pm去食經巳有數款食品售罄喔建議去就趁早gogogo 早去早享受!!———————————————————

位於觀塘巧明街，收工行過嚟好近。鋪頭有indoor outdoor位置，而家秋意濃🍁，涼涼地，坐出面戶外位置飲杯啤酒都幾舒服！Wings o’clock ⏰招牌雞翼套餐 八隻$98可以喺七隻口味入面揀四隻口味，唔使規定我食邊幾隻，靈活好多！我揀了：柚子蜜雞翼、孜然味雞翼、加州風味雞翼、水牛城辣雞翼😋 柚子味雞翼同埋水牛城辣雞翼最得我歡心。而醬汁方面🍯我揀咗松露醬，松露味好香，但係個人認為唔需要點醬，四款唔同味道嘅雞翼已經好夠味。漢堡都有好多款式，既然一場黎到就試試佢招牌嘅moo moo burger$60，好想知佢個moo moo sauce係乜嘢😂 終於揭盅啦，原來係佢煮嗰啲洋蔥，令到洋蔥味更加出，好甜呀！個包好鬆軟，將醬汁吸晒入去，仍然都仲保持彈性！難怪推薦。芝士肉醬薯條$39，濃味嘅厚身芝士再加肉醬林落去熱辣辣嘅薯條上面，簡直絕配！肥仔至愛💕今次就因為趕時間所以冇飲啤酒，但係其實覺得呢個餐廳環境好適合收工同朋友落嚟吹吹水放鬆下！下次有機會啦🤪