MOMOME (已結業)

一入到嚟間餐廳 出面街嘅嘈音就無曬 地方幾乾淨同靜Lunch hour客人唔算多，一嚟即刻有位坐Staff都即刻嚟serve我哋叫咗杯Mango lassi先味道ok 但唔太夠凍 3/5 $48叫咗個lunch set幾抵 $48 主食連餐湯好快就上咗餐湯 4/5之後等咗陣就上埋個主食 - 尼泊爾辣麵 4/5幾惹味有好多菜 份量正常Staff仲會主動問要咩辣度叫咗小辣但都係偏辣仲有Veggie momo 5/5！！ $78皮薄多餡 即叫即整雖然係veggie但唔淡味10舊兩個人share岩岩好記得一定要點個汁黎食！個汁微辣 停唔到口Veggie Thaali Set 3/5 $88相中兩條黃色嘅野一開頭以為係薯仔但原來係醃菜 中規中矩飯量頗多Staff話啲飯同湯（左邊個兜仔）唔夠可以再添佢仲教我當地人會加牛油係飯同湯度食佢拎左啲熱溶咗嘅液體牛油淋落去飯同湯都多咗陣牛油香不過要減肥/驚油得濟會痾嘅記就唔建議啦…查看更多

呢次去到嗰間餐廳，我點咗個SMOKEY HOT漢堡，第一啖牛肉已經吸引到我，煎得外脆內嫩，好有嚼勁。加上個煎蛋啲蛋汁流出嚟，跟住嗰陣生菜蕃茄嘅清新，真係太正啦🍔！嚟到啲PARMESAN TRUFFLE FRIES，真係薯條控嘅夢想。啲薯條啱啱好嘅脆，灑上芝士同松露粉，夠曬香濃夠曬惹味🍟！唔止咁，仲有個CHOWMEIN BLASTER/CHICKEN炒麵降降腥添！雞肉同雜菜搭配得好，紫洋蔥啲脆口感都幾好，炒麵唔會太油，啱啱好。再有個CHICKEN CHEESE MOMO，真係岩曬我呢啲鍾意新鮮貨嘅人。蒸籠一開，食到啲餃子薄皮多料，一啖一個芝士味好足，最正係個醬汁辣味十足✨！同啲店員傾計都feel到佢哋好友善，港式口味加西式漢堡，呢間餐廳我一定會再嚟探佢。下回想食快餐但又唔想平庸嗰陣，記得要試下呢間嘅！👍…查看更多

佐敦油麻地周圍很多東南亞南亞餐廳，於是選了尼泊爾餐廳momome嘗鮮，當做第二天的午餐。10個momo(類似于上海小籠包)50HKD, 豬肉餡，有湯汁，鮮美。不過吃多了會有些許油膩。突然想起還有配送的辣椒醬，於是蘸著一起吃。發現蘸料將momo的味道又帶去了另外一個層次。蘸料清爽微辣，正好中和了momo的油膩感。值得推薦！…查看更多

佐敦廟街的高質尼泊爾小食店Momome!餐廳地方好大，座位闊落，坐得舒適。餐牌食物選擇都幾多，主打尼泊爾餃子Momo同漢堡包，見Momo價錢咁平，一次過試晒兩樣嘢~雞肉芝士Momo ($20/5pc) 真係超平，$20已經有交易！$35甚至有10隻！Momo皮薄多汁，蘸上辣辣地嘅秘製醬汁，好惹味！Smokey Hot ($55)估唔到呢度嘅漢堡包都好有水準！推薦呢個招牌Smokey Hot ，除咗有Cayenne Beef Patty之外，仲有煎太陽蛋、車打芝士、生菜、蕃茄．太陽蛋蛋汁令beef patty口感更加香滑，唔同材料加埋味道好豐富！最欣賞漢堡包有輕輕烘過，外脆內軟熟，細節位都有做足！店員服務非常友善，見我冇點飲品有主動斟水，又有主動問我意見等，會回頭！…查看更多

愈黎愈多尼泊爾餐廳，尼間除左可以食到特色餃子，仲有咖哩、其他小食等。店內大約有30個座位，係收銀位落單，櫃枱會幫忙送餐。momo ($20/5)，有好多款口味，可以加錢升級特別味。雞肉芝士餡係小籠包樣，加入洋蔥香甜，芝士味唔算好濃郁，餡料味道合宜。而豬肉餡係半月形狀，豬肉望落係碎肉，但會係結實feel。配搭辣汁，會更惹味。roasted pork belly rice ($58)，包白飯、酥餅、咖哩醬、肉。酥餅入口酥，但餅皮煙韌、軟，配咖哩醬一流。豬腩肉必點，個皮燒到好脆，下面層肥肉入口係溶既，d油脂爆出黎，但唔覺得膩，d肉燒完唔會太乾。配少辣咖哩醬，好香口。tandoori chicken ($65/half)，一入口，係未食過既味道，講唔到既調味，係好食好惹味，有少少甜甜地咁。望落乾身，但入面d肉嫩。底部仲有d生菜，感覺健康。popcorn chicken ($45)，外皮脆口，肉嫩多汁，唔會覺得好油。配埋蛋黃醬，更滋味。亦可加入枱面上既紅、黃醬。整體，價錢親民，又可以食到尼泊爾出名既小食，超飽又美味。侍應亦好有禮貌，不過注意要用英文溝通，但都可以指住menu點餐。…查看更多

話說有日係廟街附近，同同事搵餐廳食午餐🥣見到呢間Momome餐廳，午餐時間都幾多人幫襯，所以我地又入去試吓佢地既lunch set都好多選擇，我試左佢地既雞肉漢堡包餐，同事試左佢地既黑松露意粉，另外仲叫左一份momo （尼泊爾餃子）同埋炸雞，超級豐富既一餐我最欣賞佢既漢堡包同埋豬肉餡料momo，漢堡包即叫即整，麵包脆脆，蔬菜好新鮮，炸雞亦都好JuicyMomo 餃子餡料同埋調味料，同香港特色餃子唔同，味道亦都好特別，值得一試但意粉味道唔係好夠味，建議大家都係食番漢堡包同埋Momo啦…查看更多

接了女兒放學，說想吃漢堡飽薯條🍟又要去天利行買練習，便去了佐敦🌷Momome 🍔 burger Beef Cheese Burger lunch set 店主真的太用心，兩塊麵包也烘到十分香脆，加上純牛肉煎餅，大大塊新鮮蕃茄，酸瓜，如相片中爆炸出來的芝士😍😍吃這漢堡飽有一些小技巧，不要切著吃…用掌心壓壓壓，壓扁，一口咬下去…肉汁不斷流出，夾著其它材料一起吃，層次新鮮又豐富…這是我向一些老外朋友取經的😂薯條非常香脆熱辣辣小店就是這樣好！什麼材料也非常用心製作Momo Truffle 芝士忌廉磨菇意大利粉&炸素餃子炸素餃子十分香口，好好吃😋要和女兒爭😂意粉硬度十分適中，配上大量黑松露，蘑菇和芝士碎，十分惹味，店主也是即叫即做…必吃侍應小姐見女兒在等候時提供了畫紙和畫筆，十分體貼呢！…查看更多

今日去開佐敦附近做嘢想食個快飯，見到依間尼泊爾快餐店，鍾意試異國食物既🐾🐾就膽粗粗入去試下。價錢既貼地，又多款揀都唔錯喎。Momo: pork $20 (5隻)豬肉餃子🥟，有飽滿嘅豬肉餡料，加咗香料同埋洋蔥，非常惹味。配埋佢哋嘅辣椒汁，味道有多一個層次，幾過癮。😙Chicken Duo 炸雞 $32 有兩件，一件係雞脾，另一件係雞胸。炸雞嘅皮炸得好脆身，就算係雞胸嘅肉質都唔會乾身。好味喎！😋Momo Truffle 黑松露炸餃意粉 $50個黑松露意粉唔會過濃黑松露味，每一啖意粉都黐住可口嘅奶油汁。佢有三粒炸餃，係咖喱口味，炸得香脆，好有尼泊爾風味。☺️Lunch Set B: USDA chicken burger with drink and fries $50超級抵食🤓，一個炸雞扒漢堡，配薯條同野飲，都係$50。塊雞扒都幾厚身，惹味嘅蛋黃醬，酸酸既青瓜，同清新嘅蕃茄生菜，呢一個漢堡一啲都唔hea架。薯條脆卜卜，唔會食到又冧咗嘅。👍🏻總括嚟講，依間尼泊爾快餐店性價比高，貼地價位食到異國嘅風味食品，味道亦都唔會太過over，符合番香港人嘅口味。👍🏻坐嘅環境都唔錯，乾淨企理，仲播住輕鬆嘅音樂。令🐾🐾有一個東南亞風味嘅午餐。…查看更多

這家餐廳之前吃過一次，發現又便宜又好味，今日再食。生意明顯比之前好多了，由於是尼泊爾餐廳，所以有不少外籍人士光顧。一個漢堡只要$40多，價錢不算貴。⭐️INSANITY XXL $75這份三重牛肉餅漢堡，夾層是厚厚的煎雞蛋，還有炒洋葱和燒烤醬。麵包皮很香軟，不過烤得焦了一些，但不影響味道。牛肉餅碎入口肉味濃郁，且有肉汁，完全不乾柴，再加上雞蛋實在很滋味！⭐️THE ORIGIN $45這份漢堡是入門版，有牛肉餅、培根、切達乾酪、番茄、泡菜和漢堡醬。份量適中，入口口感豐富，有番茄等蔬菜，味道不俗。⭐️蕃薯條$18蕃薯條今次是厚切，炸得十分香脆，厚切更滋味，入口香甜。⭐️汽水$8漢堡配汽水是常識。…查看更多

尋日收工諗住買m記返屋企食，住油麻地既同事同我講，不如試吓呢間漢堡專門店☺️佢哋假期營業時間由12:00-23:00，閒日就早收半個鐘😳放工收夜都仲買得到🤭返屋企慢慢嘆見佢豬🐷牛🐮雞🐥都有😋😋貪心嘅我，決定每款揀一個同屋企人share，咁就可以試勻幾款味道✌️smokey hot $55經典漢堡包配搭👍👍有牛肉漢堡、煎蛋、車打芝士、生菜、蕃茄🤩🤩食落牛肉香嫩濃味，加上辣椒及辣醬，香香辣辣勁滋味🤤🤤rooster king $45有double炸雞、生菜、蕃茄、泡菜和自製醬汁炸雞炸到外皮香脆，肉質依然嫩滑多汁👍roasted pork belly $48利用腩肉、香腸、蛋黃醬、生菜、蕃茄及自製醬汁調配而成！腩肉煎到脆身焦香，配合佢哋嘅醬汁食落好惹味😋😋📌 MOMOME (油麻地)油麻地廟街235號地舖環境都幾舒服，而且客人唔少#teamhappyfoodies #油麻地漢堡 #漢堡包專賣店 #Burgerlovers #mkfood #thefoodieinitiative #globaleats #beefburger #porkchopburger #chickenburger …查看更多

行經佐敦一帶，轉角見到呢間店，裝修寬敞舒適，整齊簡潔，坐得幾舒服～有個lunch set餐牌，order咗一個牛肉芝士漢堡，加咗個配料，煎蛋～呢個流心煎蛋好正，juicy增添層次口感！牛肉漢堡厚身，啖啖肉多肉汁～好味！跟餐有薯條，轉咗黑松露薯條，更香濃～另一個餐就叫得健康啲，烤雞沙律🥗，配上BBQ醬，雞扒好惹味，嫩滑雞柳入味，多款蔬菜、粟米、蕃茄仔，好豐富～份量剛好夠飽肚～跟餐有飲品可以揀可樂～～…查看更多

SMOKEY HOT （$55）自家製漢堡加上煎蛋、生菜、蕃茄，牛肉煎到好香又多汁，麵包烘到香脆。呢款包好特別甘用咗辣椒加辣醬，同漢堡好夾！PARMESAN TRUFFLE FRIES （+$18）超推薦加錢做combo，呢個薯條即叫即炸，好新鮮再加上平均灑上嘅芝士同松露粉，夠哂香口同邪惡！CHOWMEIN BLASTER /CHICKEN （$55）竟然有炒麵食，我哋揀咗配雞肉，配料方面有雜菜同紫洋蔥，夠晒健康！CHICKEN CHEESE MOMO （$20）睇落好似小籠包嘅尼泊爾餃子，仲用埋蒸籠上。MOMO皮薄多餡，偏鹹香，芝士味唔算太濃，不過附送嘅辣椒醬汁好夠味，如果想食香口啲可以改做炸餃子。店員全部都講英文，非常友善，如果下次行開佐敦又想食burger一定會揀返呢間！…查看更多

✨Smokey Hot Burger$55流心煎蛋牛肉漢堡 牛肉有肉汁唔乾 醬汁都十分夾 煎蛋爆漿望落好邪惡 但食落就容易搞到成嘴都係✨Parmesan Truffle Fries$35黑松露味好夠 芝士味被掩蓋左 整體份量幾多✨Momo(chix cheese steamed) 6Pics $20 依個尼泊爾餃子同平時食開既餃子唔同 食落幾新奇 皮不厚 餡料係滿滿既洋蔥同肉 唔太食到芝士味 加埋辣醬（但不辣的）一齊食會再添多少少風味✨Spicy chicken duo 炸雞$30分別係雞髀同雞胸香脆的外皮沾滿了調味 濃濃的香料味不油膩雞肉都嫩滑（有啲辣）如接受唔到可以揀返原味✨汽水$15 除左可樂雪碧 仲有OOHA揀另外餐廳都有水提供 但覺得食漢堡薯條都係飲汽水爽啲💰人均消費$65 - 90 唔洗收加一抵食指數7.5/10回頭率8/10整潔度4/5💁🏻‍♀️服務店員都係外國人 要用英文溝通 需先到收銀點餐 由於當時只有一個店員幫手安排座位/抹檯/點餐/送餐 點餐都需要等待一段時間然後店員會用酒精噴完再抹檯 冇用餐時間限制 店員態度也都好nice 📍地址MOMOME地址：油麻地廟街235號地舖電話：96175445營業時間：12:00 - 15:00，17:30 - 22:30（星期一至四）12:00 - 23:00（星期五至日，公眾假期及前夕）整體食物份量正常 價錢都平 抵食之選！味道惹味濃郁 除左適合愛新鮮既人試試之外 鍾意食漢堡嘅人可以一試！…查看更多

MoMo 蒸豬肉餃$20/6隻尼泊爾餃子都幾大隻，送到上枱時是微暖，尼泊爾餃子有好多香料（蒸餃另外有一個醬點的）而香料的味道比較近似咖哩味，必試MoMo 芝士雞肉湯餃$25/6隻這款餃子包法與蒸餃不同，外型有點似小籠包，湯餃要加$5，個湯偏向有點草青味Tandoori kick $25雞脾有一種獨特的味道，有點像是用乳酪醃制過，雞脾炸到太乾身，雞肉好鞋MoMo Truffle $50黑松露長通粉配3隻炸蔬菜餃，黑松露醬非常之多，炸餃子就比較細粒，炸到有啲乾水，呢碟長通粉份量就唔算多，味道普通。Smoky Hot $55 / 松露薯條$35嘩呢個漢堡包真係無得輸就咁睇個漢堡已經呆一呆！齋睇外表呢個包起出面餐廳食一定唔止$55，食完就覺得超值，塊牛肉真係好juicy好好味個松露薯條本來叫漢堡包可以加$15做combo set 但店員誤會左當我散叫，所以比左一個正常份量薯條我，呢個薯條唔食無損失，薯條冷冰冰有啲松露粉味道唔突出，因為凍左所以更加唔好食。唔知係咪尼泊爾人喜歡食放涼左嘅食物餐牌…查看更多

Steamed Pork Momo (6PCS) $20Momo餃子即叫即蒸，麵皮乾爽煙韌。豬肉內餡冇咩特別香料味，似食緊中式餃子，係比較大眾化嘅味道，呢個價錢真係冇投訴。Fried Chix Cheese Momo (6PCS) $25同樣係即叫即炸，麵皮炸得硬脆，雞肉芝士內餡嘅東方香料味突出，反而食唔出芝士味。Spicy Chicken Duo $30炸雞外脆內嫩，30蚊有兩大塊，外層灑上滿滿cayenne powder，香得嚟唔會太辣，絕對比某連鎖炸雞快餐店嘅出品高質，唯一美中不足之處係炸雞入面好似冇乜餣過，咬開層皮就冇乜味，不過好彩都冇雪味。The Origin Burger $45(Parmesan Truffle Fries Combo Set +$15)個漢堡其貌不揚，以為伏咗，反而食落唔差。兩塊包皮內側搽滿牛油烘到香脆，配上煎得硬脆嘅煙肉，簡直邪惡至極。不過牛肉餅用嘅肉質素唔係太好，多筋又冇乜肉味。薯條係幼身嘅，似連鎖漢堡包快餐店嗰啲食落中規中矩，冇乜特別，帶少少芝士同黑松露香味。店內食物即叫即製，所以就算當日得兩枱客，都要等比較耐先上菜，不過食物送到嚟熱辣辣都係值得嘅。…查看更多