MoMo Café

營業中

休息中

數個月前，男朋友買了一間酒店的團購自助餐，團購確實比明碼實價買的便宜得多，有一陣子他甚至每天都上團購的網站，除了食物有折扣外，不同的家庭用品、電器等都有優惠，其實現今也有不少的網絡平台，在網上購買林林總總的東西都會變得划算一點。很少來到西環這邊，還好有男朋友帶路，不然真的完全不知道該怎麼走過去。萬怡酒店的英文名稱是「Courtyard by Marriott」，即是 Marriott 酒店的其中一個成員，是世界性的著名酒店，看看質素是否同樣能做到世界性集團的標準。一進去了，看到的是不太大的範圍，但絕對能說得上是整齊，一部分得桌子在中間，桌子與桌子之間的距離不算太近，環境的質素頗高。雖然國際性的酒店，但海鮮種類真的不算很多，以海鮮來說，勝在有任食龍蝦，真不是每間酒店都有的。熟食的種類真的太少，寥寥可數，但賣相看來都很不錯，算是貴精不貴多的自助餐。要看個人喜好，喜歡味道高質素但不介意款式少的人，就喜歡這一類，喜歡款式多但不介意味道質素沒那麼高的人，也許就不太欣賞這間自助餐。首先嚐嚐它的海鮮，先拿了蟹腳和開邊龍蝦，蟹腳新鮮，不帶海水味，並帶點清甜的感覺，每次到酒店吃自助餐都很喜歡吃蟹腳。開邊

位於香港大學站的香港萬怡酒店MoMo Cafe ，是一間環境舒適寧靜的自助餐餐廳。餐廳的地方不算太大，但坐位跟坐位之間不會過貼，是帶父母親和老一輩好好慢慢吃飯的好地方呢。自助餐價格非常便宜👍🏻，星期一至四現時七折 $306.6(原價$438)，星期五六日公眾假 $346.6(原價$498)雖然食物的選擇不多，但勝在各式各樣的種類都有，例如: 凍食頭盤: 仼食龍蝦，生蠔，海蝦，青口，長腳蟹。沙律: 木瓜沙律，泰式沙律，自製沙律等。 湯品類: 中湯，西湯勻備。日本菜: 壽司，刺身。 肉食類: 燒牛肉片， 鵝肝多士， 叉燒油雞，紅酒牛肋骨，烤雞，沙爹串燒等等。甜品類: Movenpick雪糕，三種蛋糕。第一碟: 龍蝦，海蝦，長腳蟹。所以海鮮勻可以仼食，看到不少客人吃掉好幾隻龍蝦呢。龍蝦鮮彈美味，肉質結實，質素很不錯呢，而且更有大量蝦膏，是回本的好選擇。海蝦質素同樣很好，想不到竟會是大隻鮮甜，長腳蟹更是超級鮮甜，值得多吃幾隻呢。第二碟: 三文魚，吞拿魚沙律，木瓜沙律，玉子壽司，腐皮壽司等等。刺身方面選擇較少，吞拿魚沙律非常足料，魚肉超多，木瓜沙律加入草莓和藍莓，更為健康。已經很久沒吃過腐皮壽司

伏伏伏.....失望.....全晚唔夠十枱客係有原因熟食唔夠十款，星期五即開生蠔有三款但到八點已經得兩款，最差係開蠔職員黑口黑面，每次一人配給兩隻，而且該職員係似飛隻碟係你面前，十分無禮，話晒你都係酒店工作...唔知係咪因爲人手不足，開蠔員係要兼顧煮其他嘢食，哩個可能係佢態度差既原因之一。燉湯仲搞鬼，第一次拎盅湯只有三分一，味道鹹到嘔，放棄，心想燉湯應該唔會差得去邊，第二輪再拎一次，今次盅湯係100%滿，可惜係水似的無味！甜品得一款蛋糕仔，無食。朋友食左紅豆湯湯丸，話唔好食。最正常係M字頭雪糕，所以食左兩球。連生果都唔掂，似雪得太耐！海鮮有龍蝦，無味肉硬。蟹腳同凍蝦正常。價錢與食品不乎。十分失望，折左每人要四百。見註明話以中國特色為主題，只見紅豆沙湯圓算係。

大年初四，有折都無用，食物少，員工態度可做可不做的樣子，若然無人開工，請通知食客唔好黎，折扣完真心覺得都唔抵，我食其他酒店對比，呢間真係垃圾不堪，唔會再幫襯囉！食完=無食

呢間酒店餐廳打正「萬豪」牌頭， 貫徹其貴精不貴多嘅原則，務求做到食物重質不重量， 但部分細節都係不會著重兼夾甩轆！ 或者因為係星期一晚上關係，食客比較少，但全晚數埋只得五枱人，靜到自己嘅心跳聲都聽到！老老實實如果要以原價去食呢一餐自助餐絕對不值……食物普遍不算太差， 但係燒味放入熱薰蒸氣鍋內保温，已經令到燒味失去原有味道。 海鮮冇生蠔冇麵包蟹，其他都應有盡有， 都係一般入得口嘅質素冇話特別好亦唔太差。 食咗兩三碟食物， 想食個雪糕隔一隔， 點知咁就中伏啦！ 落去啲雪糕溶溶地， 以為一格係咁點知全部都係， 最後揭發咗佢部雪糕機製冷功能死咗， 呢樣嘢真係令到我有啲灰， 最後忍唔住捉住咗一個高級嘅女主任「耶穌」一番， 其實生意已經唔係旺，如果開市前嘅檢測都做唔好嘅話， 咁有幾平折扣都難以招客。

已經半年冇嚟依家momo cafe食lunch buffet 2019年餐廳收費方面已經改革以前係有得揀唔食甜品平返幾十蚊而家就全部都係單一收費每位168再加一恆生匯豐同埋有一兩間銀行嘅信用卡可享9折，即係免加一餐廳裏面坐位都算多而且枱與枱之間嘅空間十足就算坐滿九成人都唔會話覺得坐得好迫不過就嘈咗少少，因為食客當中接近八成以上都係內地人裝修完之後新設咗凍海鮮bar有蜆仔,凍蝦,同埋青口沙律吧依舊一樣有非常之多嘅選擇包括：西蘭花，椰菜花，紅菜頭，粟米，青豆，吞拿魚沙律，薯仔沙律，紅腰豆，鷹嘴豆，火箭菜，羅馬生菜，杏仁片，杏脯，西莓，椰果，蕃茄，麵包粒， 秋葵，花生，茄子， 橄欖，珍珠芽菜，三色椒，泰式魷魚沙律……………等等至於熱葷方面，選擇都唔係話特別多有一個 清蒸海上鮮主要係一大條蒸魚係我覺得最好味既野～不過可惜人多，長期都係得番條魚骨…另外有青咖哩豬，炒飯，炒蒜芯，瑞士雞翼同埋香醋骨，炸餃子最好食係個青咖哩豬～一食落口好有泰國風味～裏面啲茄子好淋～又吸收咗好多汁～湯有兩款今日係南瓜忌廉湯同埋粟米羹我飲熱檸水就夠今日冇quota飲湯 另外仲有即叫即整嘅湯麵區，同埋點心區點心區嘅女廚師，

隨着西環港鐵站的建成，香港島南區的餐廳開得越來越多，西環更開了很多富特色的西餐廳。該區的餐廳都面臨同行的競爭。西環萬怡酒店去年年尾大革新，酒店的MoMo Cafe重新裝修，務求吸引新顧客及為顧客帶來新鮮感。這天和朋友午膳時間來到酒店，餐廳有午市套餐和自助餐供顧客享用。同行兩人吃自助餐，兩人吃午市精選套餐。午市的冷盤及沙律種類多，食物的質素及味道偏好。冷凍的海鮮的種類則偏少，只有蜆、白灼蝦和青口，而且數量都不太多。可是，海鮮的質素非常高及新鮮，蜆肉沒有沙，而且肉質結實午市有一區域是點心區，各式各樣的點心可以隨便享用。當天有燒賣、叉燒包、牛肉球、珍珠雞及奶黃包。可是怕吃點心會太飽，所以只吃了燒賣，燒賣的質感偏軟身，但味道可以接受。燒烤區域當日只有燒牛肉，燒牛肉肉質軟滑，有燒烤汁及芥辣汁可選。熱食區的食物選擇並不多，當中較富特色的是咖喱水魷及韓國泡菜餃子，味道不錯。自助餐設麵食區，食物種類多，相當吸引，可是已吃不下，唯有下次再試。餐廳有一部自助班戟機，只要輕輕按掣一下，等1分鐘便會有班戟掉下來，我配上自助盛雪糕球及迷你芝士蛋糕，慢慢地吃，十分寫意。午市套餐內的漢堡包非常吸引，牛肉漢堡扒上有煎

食物選擇很少，亦唔見得好食即使攞咗折扣，都唔覺得抵食服務一般， 同集團嘅質素有啲出入太少食物擺放，令人有一種好凋零，門庭冷落，好可憐嘅感覺鵝肝多士，個鵝肝切到好似粒骰咁，多士亦都唔脆熱盤有樣紅油抄手，已經覺得幾搞嘢，心裏已經定了一個分數甜品區，仲淒涼，三款甜品，一砵焦糖燉蛋， 一兜choux，有碟放咗幾舊麻雀size嘅蛋糕，有部自制pancake機，搞吓gimmick， 等啲 細路有啲嘢玩下啦 ，好彩都有櫃名牌雪糕， 拉番少少水平你可以咁講嘅，始終係住宅區嘅街坊酒店， 夫復何求呢精選，意即選擇少也，唉…

位置都有少少偏僻，所以預多左時間過去，點個早左半個鐘到，不過服務都幾好，居然肯比我地入座坐住先。環境幾靚幾闊落，因為好多酒店為生意而放到d枱好密麻麻，佢就好闊落好舒服另外係地點遠，唔太多人黎食，成晚都未坐滿半場未開始前已有侍應叫我地可以先取飲品，有紅白酒，啤酒，浸過檸檬片既清水同蘋果汁。不過唔明帶酒又要收$200開瓶費，太貴所以都冇帶，點知佢有提供都幾意外。。。凍海鮮方面都好吸睛，冇諗到有龍蝦，仲有基本蝦，蟹腳同藍青口，但係青口好鮮甜龍蝦煮到岩岩好，多膏。刺身三文魚吞拿魚唔錯，甜蝦就似雪左好耐，唔靚有廚師「即燒」豬柳，羊扒同扇貝羊扒好食，但未夠調味，豬柳非常軟，扇貝就燒得太耐太乾德國鹹豬手叉燒同燒鴨都好新鮮肉嫩燒肉眼就反而弱左少少，係過熟，肉汁少最後黎到甜品，有綠茶芝士蛋糕，橙慕絲蛋糕，麵包布甸同pancake機，種類超少，不過折左我都接受。雪糕就好正有五種味，除左基本三隻味，仲有pana cotta同熱情果芒果呢度唔多生意，所以食得好舒服安靜d，可以慢慢食唔洗同人搶，唔似某d酒店好多內地團老人團咁嘈，又清晒d食物！另外食物比較精，種類唔多但係佢好多都整得好好味，值得一試

早排同媽媽慶祝生日 見某個特價網賣緊特價 每人折左連加一都係300幾一位晚餐 就book左依度環境方面算傳統 有個畫住舊區既畫 位置都唔算話好多 職員唔多 但禮貌唔錯 未夠鐘開始會叫你可以拎住飲品先 飲品唔算多 有咖啡茶 同埋有蘋果汁 不過勝在有紅白酒同啤酒任飲 以依個價位黎講 都算抵沙律款式超多 佔左一張長枱 都算新鮮既海鮮方面有3-4款 龍蝦一次出完好快俾人搶哂 下一轉都要等比較耐先有 建議會refill密小小會更好 另外 刺身都有3-4款 包括三文魚 吞拿魚等 但係冇希靈魚有啲失望 沙律吧戈邊都有煙三文魚 味道都唔錯架熱食方面 選擇都算多 大概有6-7款 例如蒸魚 菜等 值得推薦係日本味噌龍利柳 味道好特別 又唔算好咸 食左好多而牛扒會係一個 open kitchen 度會搵到 廚師都會即燒帶子等既一啲海鮮 不一次燒得唔多 所以要拎都要盡早排隊 唔係一次都要等幾耐下而湯有2款 中湯及西湯 西湯係南瓜忌廉湯 味道有啲甜 冇咩南瓜味 中湯就不過不失講到最愛既甜品區 蛋糕品多 得2-3款 不過會refill換款 但對中意食甜品既人黎講未免有啲失望了 雪糕以movepick為賣點 打黎既

2018年11月7日晚同媽媽去食 (lady night promotion free一位), 諗住食高級酒店實ok, 結果:--熱盤10款: 抄手, 燒味 (燒鴨, 叉燒), 豬手, 炒飯, 茄汁蔬菜, 蒸魚, 面鼓魚柳, 醬汁肥牛, 抄豆角, 青口-燒味, 蒸魚, 面鼓魚柳 出左一次我等左45分鐘後都冇再refill, 其他食物慢出 -刺身有三文魚, 吞拿魚, 墨魚, 零鮮味-連apple juice 都冇再refill-係有Movenpick 雪糕, 但雪櫃唔夠凍, 雪糕溶溶地, 自己食完都怕肚痛-甜品有4款,但30分鐘先refill一次-係有凍龍蝦, 係有refill, 但每次refill幾隻, 我都唔夠搶-食物味道:- 茶記質素咁LORConclusion, ladies promotion食到寡婦Look出來 (包括我mum), 聽到隔來table講”話晒高級酒店, 點解要推呢d promotion 做死自己, 聽聞酒店集團仲會同海洋公園合作, 咁死得啦” (can’t agree more) ……整體感覺, 唔好講味道, 酒店似唔夠錢煮食物……

呢間嘢真係可一不可再，話說當日諗住近近哋搵下屋企附近餐廳食飯，見到openrice嗰度顯示即晚訂座有7折優惠，點知禁入去訂座時間選擇只有夜晚9點同9點半，間buffer收9點半，咁叫人食半個鐘咩～咁打去問啦…同佢哋講咁嘅情況，佢話冇辦法，但有信用卡會有8折，咁再係openrice睇下啲人嘅食評同相片，好似都幾多嘢食，於是決定去食~去到時見到得4枱客，野食種類超級少，熱食類食物直頭係放到乾晒，而且係暖，嗰啲牛肉直情係生咁，血淋淋，切完拎到枱時先睇到，試咗一啖即刻吐出嚟，生到食唔到，睇到冇乜嘢食，唯有拎刺身食，點知都係唔太得，三文魚口感好難形容，唯有放棄食嗰啲，轉攻蟹腳，$4xx淨係食蟹腳~真係去正街嗰間食仲好

自餐廳裝修後 第一次幫襯 ，一行九人 光顧晚市自助餐 。以往曾光顧多次， 雖然地方不大 ，但食物選擇總算ok，亦美味，但今次的光顧完全失望，改變曬以往的印象，好多食品都不再供應，例如生蠔、鮑魚、龍蝦 ，以往有紅白餐酒香檳提供，也取消了。 而且食物的質素亦下降咗很多，不再美味 。燒烤區擺放的食物只供觀賞，曾多次詢問要攞，只答覆未熱未熟， 不會讓顧客取。 服務態度亦欠佳 ，用過的碟遲遲都未有人收。 甜品提供的選擇 少了很多，只有三種，而且並不美味。 需通過 apps 預訂有折扣， 埋單也要三百幾元一位，如此質素， 實在不值。 質素已下跌成為 食過最難食的自助餐！

過去幾年，自從地鐵宣佈港島西延長線會途經西營盤 / 西環，這邊的地價樓價可說是一周周一個價，以前的舊商廈工廈唐樓早被有心人囤積收購重建，改成連鎖式酒店 / 酒店式公寓 / Loft 辦公樓，街面以前都是凍肉倉 / 五金店 / 雜貨店 / 修車洗車店，現也變改成酒吧 / 咖啡廳 / 西餐廳。不少在中上環工作的外籍人士，也常來泡吧甚至租住。真想不到這裏的 "類四星" 級酒店（香港的酒店沒有評星制，這裡只按酒店自打的評級）還有 HKD 150 以下的自助午餐。這次就約了媽和阿姨們吃飯，抱著好奇心試試這廉價自助餐是甚麼回事。酒店地點僻靜，周邊人流也少，但從西環地鐵站步行 10 分鐘就到，交通也不麻煩。後來知道，這裏星期一到日早午晚都有自助餐，平時也常有團購優惠，HKD 110 左右，否則有匯豐 / 恆生 / 中銀 / 渣打等信用卡，結賬八折也是 HKD 130。室內環境可以，客人不算多，冷盤前菜（火腿 / 水果 / 沙律 / 素菜），熱食主菜（中西餐湯，咖喱雞 / 醬排骨 / 蒸鱸魚 / 自助車仔粉麵），甜品飲料（自助窩夫，Movenpick 雪糕，咖啡奶茶汽水），也算一應俱全，選擇不多但足夠

朋友介紹過黎食.... 唸住都可以接受話曬都係MARRIOT酒店唔會差得去邊. 點知一去到無野食！ 只係Salad同少少冷海鮮. 每位有一道主菜還要等好耐仲難食煮得太耐over cooked! 其他熱食只有chicken wings同另外一碟野... 但已經比其他人清曬！雪糕蛋糕乜都無曬！碟碟都清曬！我完全未試過去咁差無野食既自助餐既地方！工員都無笑過添！我已經上網攞折扣都覺得好論唔值得. 如果要比原價$468+10% 但係好唔掂！離開左之後都仲覺肚餓！無飽既覺得！我去一間$100多正價既自助餐都有好鬼多野食多款好服務添！ NEVER AGAIN WILL I EVER GO TO THIS PLACE AGAIN! SO CRAP! Such a waste of money and robbing of time and space! NO VALUE FOR MONEY! Left feeling hungry even though it’s supposed to be a “buffet”