MoMo Café

營業中

休息中

喺團購見到$218可以食到酒店自助餐，再比相中赤蝦吸引，於是決定去遠遠嘅上環食團購Buffet。由於位置真係隔涉，附近無咩交通工具可以到達，餐廳並唔多客人，餐廳設計簡單，座位闊落。海鮮吧：赤蝦，阿垃斯加雪花蟹腳，涷蝦，青口。赤蝦有部份都正常，有啲太淋，感覺唔太新鮮，其他中規中矩。刺身有四款：三文魚，吞拿魚，鮑片，虎蝦以及八爪魚，三文魚新鮮，其他無鮮味。燒牛肉眼扒配燒汁，羊架，鵝肝甜品款式選擇少，而且味道普通，有即制班戟，movenpick雪糕

2016年12月2日，係小弟起港大畢業嘅大日子。典禮結束後，就同父母去咗港大港鐵站B1出口嘅萬怡酒店食buffet。2 Dec 2016 is the HKU 196th Congregation Day. After the ceremony, my parents and I went to Courtyard by Marriott Hong Kong (HKU station Exit B1) to have buffet dinner.味道 Taste：7.5環境 Environment：8服務 Service：8.5整體評分 Overall：8海鮮推薦赤蝦同蟹腳！！好鮮好甜，我食咗3 round Highly recommend the red shrimp and crab legs!! Fresh and umami, I've eaten 3 rounds Live Station 有師傅即炒嘅黑松露意式蛋麵、松茸risotto、黑松露炒蛋。我地試咗risotto同麵，味道都係一般般。There is Live Station where the chef serve

No group buy coupon for this time. Very little people tonight. Thursday maybe. The food ok and the shrimp sashimi quit good. The ice cream is good. Free flow with $78 each. Overall is ok. 7/10

見facebook有買一送一，一試無妨就算唔係買一送一，本身價錢都唔算貴。見佢選擇食物，人手安排都務求做到減少人手之餘都提供倒一定服務，定位好準，要讚一讚餐廳嘅營運。要做到咁相信因為地點唔就腳，雖然生蠔之類所謂"回本"食物欠奉，食味乏善可陳，但就夠痛快，買一送一後@$215 一個酒店自助晚餐，仲搵倒以下3個亮點，仲想點？燉湯 - 烏雞杞子，每半個鐘出一輪，冇乜味，勝在夠熱刺身 - 有三文魚，北寄貝，虎蝦，八爪魚，鮑片等；除咗北寄貝好啲之外其他都淡而無味；虎蝦亦冇配泰式辣汁之類感覺有所欠缺；八爪魚又鞋又韌。可取之處係成碟刺身任夾，唔駛好似其他自助餐咁捧住隻碟排隊等啲"師父"鞋口鞋面切幾片施捨俾你凍海鮮 - 長腳蟹好細隻，仲有青口，蜆，熟蝦；全都木口木面冇乜味沙律 - 冇食過菜，但其中嘅吞拿魚醬唔錯；仲有ham, 但唔多見有蜜瓜配，亦覺有所欠缺亮點1 - 赤蝦刺身幾大隻，但要自己剝殼挑蝦腸！算大隻肥美。壽司 - 只食咗鰻魚同另一隻魚生壽司，味道還可以熟食 - 叉燒(尚可) ，香橙骨(幾香口), 黑毛豬(尚算嫩囗), 蟹肉扒西蘭花(冇乜蟹肉), 京葱牛肉(極冇味), 炒飯(尚算乾身)亮點2

因為之前食過這間的dinner buffet覺得幾便宜, 所以請朋友到來吃生日晚餐.見到有團購便立即買下, 點知facebook有buy1 get1, 變了唔抵, 但是無所謂啦! 可以坐得舒服及食得高興就得啦!團購寫有的食物多數都有赤蝦、阿拉斯加雪花蟹腳、青口、中蝦、蜆, 但最想食的燒牛肉眼扒就變左羊扒及豬髀, 氣死人啦!最後還要多比附加費 $30, 因為星期五去, 這餐變了不好吃及不便宜啦!

剛好遇上50% momo cafe facebook. promote, 千里迢迢入西營盤，之前睇食評，有d 驚中伏，但反而有驚喜，真心recommend 喜歡吃sashimi (有赤海蝦) + ok 新鮮蟹腳/大蟹鉗 + movenpick 的朋友，可以黎試，burger 有鵝肝，和牛，tempura 軟殼蟹 都幾創新，幾好味， 忌廉湯都有heart，加埋果汁/汽水，~$250/人，大滿足！其他肉類 or cake or 水果就冇咩special, 有自制waffle機，係幾有趣嘅。

星期三和同學黎食過自助晚餐，覺得吾錯，今晚同屋企人再黎食。一行三人，早左15分鐘到，待應安排我地可以先入座。食物大致同早幾天的差別不大，海鮮種類吾小，刺身多左個生蝦，細細隻，肉質新鮮，义燒比較乾身左d，燒鴨就切到好大舊，忌廉南瓜湯好多南瓜蓉但可以忌廉吾夠所以吾太滑身，鵝肝和牛漢堡，個竹炭包暖暖地，夾左d生菜、蕃茄，再加d芥末醬平衡一下，幾好食。士多啤梨撻仔個皮淋曬，一夾即散，甜點仍然是弱項，選擇少不在話下，也希望可以改善一下小切件旦糕的水準，M雪糕今晚只有4種口味。埋單每人 $215，都抵嘅！

今晚約左d同學去這𥚃食自助晚餐，可能因為星期三嘅關係，客人只有五、六成，空間大，所以坐得好舒服。赤蝦好大隻都算甜，北寄貝薄薄地口感吾錯，甜蝦就好細隻，長腳蟹好多肉冇乜雪味，炒蟹好惹味但又系好細隻，豉椒炒蜆味道剛好有一點辣，牛仔骨夠淋又夠滑，羊架皮脆肉嫩，醬燒豬仔骨肉好鬆軟就略為吾夠味，軟殻蟹好香口，鵝肝牛肉漢堡d牛肉就生左d，即做班㦸仔加牛油練奶花生醬，好軟熟又熱熱的，細件芝士旦糕就好一般，可以不試，西瓜算甜，密瓜就好生，M字雪糕有五、六款加上有脆脆雪糕筒，一定要留肚，咖啡、茶、檸檬茶或水是自助的。埋單每位 $203，基本上價錢和食物是雙對的，感覺還不錯。

頹到不能⋯⋯200都俾多佢和牛似普通牛肉中湯仲衰過例湯水果只2種⋯火龍果酸、西瓜唔甜羊架算係可入口吞拿魚生「聲」到呢⋯甜品一手數得晒廁所⋯男女都係得一格唯雪糕用movenpick算係咁～ 其他就⋯⋯

我是從來都唔寫食評，今次真係太差了所以先俾啲意見睇相幾靚咁又有燒飽魚，蝦刺身等等就團購買兩張試，但每樣食物都超差，樣差，味道差，蝦又梅，燒物全部燒定哂又凍又咬唔開，好差入得口覺得一般嘅只有蟹腳和燒餅唔洗都唔食

見有團購買 上網做下功課睇下得唔得點知facebook有優惠可以唔洗買團購都得即刻book去試試 位置唔算方便不過我由灣仔叮叮過去 喺正酒店後面落車加上2百幾蚊酒店自助餐 抵食人唔多 員工有禮貌 同朋友聚下 慢慢嘆舒舒服服 推介（因為而家太多限食90分鐘 迫迫夾 仲要no service 收你幾舊水既地方）講真 凍盤談唔上好新鮮 正如我呢個海鮮怪食一盤蟹腳同蝦就收手已經明白但份量多 唔洗配給咁比你食囉熟食反而我覺得幾好 但冇影相有個冬陰公炒飯同辣酒花螺唔錯燒牛燒豬同燒羊架都值得再試有得自制紅豆冰甜品好少 但有M牌雪糕任畢 仲何求呢！

Hungry Bear無意發現Courtyard Marriott的自助晚餐做緊優惠, 而且仲有比Haagen Dazs 還要貴的Movenpick雪糕任食，淨係食雪糕都抵哂啦!!! 計埋加一都只係$250左右咋!一開波就來碟阿拉斯加蟹腳，蟹肉鮮甜多汁，沒有很重的海水鹹味，而且很容易就拉出肉棒，啖啖新鮮蟹肉! 魚生選擇不是太多大約七款左右，三文魚和吞拿魚都非常肥美新鮮，不過我最欣賞是生蝦刺身，非常爽口鮮甜! 熟食都多款選擇，我最喜歡的是黑松露海鮮意粉，我最後食到飽飽都要encore. 還有不得不提的就是, 平時酒店都有燒牛肉, 其實我就麻麻地燒牛肉, 因為覺得血淋淋又無咩牛味，但佢地竟然用了燒和牛和黑豚肉來代替! 太令人surprise了! 和牛入口即溶，肉味濃郁! 而黑豚也十分美味，我經常跟朋友說，靚嘅豬肉其實好味過牛肉百倍，而這個做到了，這個我食得最多呢! ^^最後甜品時間，當然要食最期待的Movenpick雪糕啦! 有成5-6款口味可供選擇，奶味濃而且夠香滑，酒店為了大家可以過足雪糕癮，還預備好雪糕桶，旁邊還有pancake機，等大家可以隨意配搭，真系飽飽都食得落! 實在太太太好

今天下午, 終於掛上今年首個8號風球.這個久違了的8號波, 雖是難得一遇,也不能減退大家今晚食自助餐的決心!這次是團購, 因為生日訂左枱, 如果今晚唔食, SCHEDULE要排到8月了很多公司提前放工, 路上迫滿了歸心似箭的打工仔女.而我則選擇乘坐叮叮, 慢慢欣賞沿途風景.就在叮叮到達灣仔軒尼詩道官立小學對出的電車站之時,(5:20PM-5:30PM左右),後面的叮叮撞過來, 驚動了全車乘客,然後司機要所有乘客下車!竟然咁都比我遇到 ~~~ 8號波 + 叮叮撞車!!!!!!!!!!!!!!!!!!!!!看來今晚的生日自助餐的話題又增加了!自HKU MTR出口, 慢慢走到這家大品牌酒店.由於大家早到, 提前入座, 先分享剛才叮叮撞車事件.到了6:30PM, 自助餐終於開始了!快快去取食物!開餐前, 先來一碟新鮮菠蘿,新鮮菠蘿的酵素, 幫助腸胃消化後續的美食.如此天然的好幫手, 怎會放過呢!自己不會處理新鮮菠蘿, 就在這裡享受鮮甜的菠蘿吧.朋友已來過几次, 表示這裡的蝦好好味, 是回本菜之一.日式餐廳咁大隻的蝦刺身是數十元一件呢!自助餐團購价格為二百多元,如果食8隻=差不多回本了!先取4件

老爸生日, 相約了這晚山長水遠到西環的Courtyard by Marriott Hong Kong的MoMo Cafe, 原來荃灣有架好快的小巴去西環水街, 不用半小時就去到, 不用左轉右轉去西營盤站又要行, 實在十分方便。家人已買過多次團購吃這間自助餐, 所以這次就多買幾張coupon一起吃, 大約每位$220吧。老爸由屯門搭西鐵出發, 中途遇上搭錯車問題, 最後遲了點來到, 我們邊吃邊等。 早到了momo cafe, 在附近阿信屋掃了些貨, 才上去進食 食客不算多, 不用搶食, 環境也舒適, 坐得舒服 長腳蟹、青口、赤蝦都很受歡迎的 有各款沙律 沙律菜 生果粒粒 是日精選是辣蟹 中湯有南北杏菜乾湯竟有Haagen Dazs雪糕, 有驚喜! 有6款味道呢 自助班戟, 按掣等待一會就會彈出, 然後自己加蜜糖、牛油等葡撻仔 麵包 三文魚、壽司 甜品cake 麵檔, 自己夾料給職員淥熟後加湯鮮橙汁是每位加$20無限飲的味道像鮮榨, 我喝了兩杯差不多了最後還有一杯餐飲第一時間吃了一堆蟹腳, 蟹腳幾鮮甜, 有海水味但不過咸, 赤蝦雖是橙色, 但是生的, 味道屬正常但

最近有人問我如果港島區晚餐自助餐3舊水左右邊度可以食,我就建議來自西環既香港萬怡酒店,因為只係$298加1.食物選擇真係好有限,但係佢有個地方好有趣.一般自助餐會提供凍蝦,長腳蟹等等既海鮮,當然呢度都有啦,但係佢地既蝦係生既.....原來係赤蝦刺身,但要自行開殼~咁赤蝦當然夠哂爽甜,無食凍蝦咁悶局.其他熱食無咩特別,不過不失,但係唔知係咪做緊韓國主題,所以幾多韓式泡菜提供.飲品包一杯,另外任飲偽果汁.甜品面方亦比較弱,女士未必夠喉.幸好雪糕是D字頭品牌.正所謂豐儉由人,3百蚊左右都幾滿足