影片
今晚我地3個女仔打算搵間cafe可以坐耐d傾下計食個晚餐, 本身對cafe食物既質素都唔會抱咁大期望既, 經過恒威商業中心樓下..已經有一堆十零歲既妹妹仔係度吱吱喳喳咁一輪咀叫你上去(嘈到不得了)..分別有3間"6b cafe" "full house cafe" "mk cafe"同屬同一個老細, 又話晚餐有野飲同甜品..仲問我地食唔食煙, 我地話唔食..佢地就話"上9樓啦..全層禁煙架" 好..就憑佢呢句我地上左去9樓, 係門口我地已經再問一次係咪禁煙..佢地話係...入到去一睇餐牌..價錢都算貴..好普遍一個意粉餐都六十幾蚊...我地分別點左三個晚餐...叫d咩都唔洗講..總之一句..難食..飲品都尚叫可以接受既...但坐坐下聞到好大陣既煙味, 原來後面幾客都食緊煙...感覺好似被欺騙一樣...所以叫個侍應黎問問啦...佢只係答左我一句"你等等"就走左去...完全無再作任何交代...極之氣頂!! 之後好快咁黎左碟所謂既甜品...我地三個眼都突埋...朱古力窩夫三份...每份只係一舊擦膠咁大..都算喇..諗住快快脆脆食完就走啦...我地放左入口...大家互望左一下..好想吐返出黎!!! 但由於要顧住儀態..夾硬吞左..頂佢丫...舊窩夫好似唔知擺左幾多日..淋晒架!! 真係未食過d咁難食既野! 食你唔死真係偷笑..服務態度又差...係門口tum你入去果陣就笑笑口..跟住我地打算去完toilet就走啦..當我去完出黎果陣..d朋友同我講已經拎左張單埋黎話繁忙時間只係可以坐個半鐘..叫我地埋單..有冇攪錯呀! 原來同佢投訴點解會有咁多人食煙..叫我地等等就係拎張單埋黎叫我地埋單走人!!!!
繼續閱讀
招牌菜
呢篇係我人生第一篇食評,實在難食到我唔寫唔得!!其實對cafe的食物應該冇乜期望的,但就冇諗過可以難食到咁0既地步!星期六晚,一行十人book左十點唱k,未夠鐘,諗住去搵間cafe坐下食下野打發時間~去到信和對面一停落黎就畀三個妹妹仔衝埋黎係咁sell佢地間cafe!擾攘左一輪,MK cafe話送小食拼盤,咁就跟左佢上去~環境一般,大廈門口0係條冷巷度,好在同行有男仔~上到去環境都係一般,可能我地人多,都坐得幾迫~冇諗過會有人食煙,唔知佢地有冇犯法呢?朋友們肚餓,每人叫左個set dinner, 可揀一款餸,配飯,意粉,蜆縠粉,薯菜竟然要+$5!!!!再配白汁蘑菇或肉醬~有朋友叫"白汁火腿吞拿魚意粉"食落口,白汁無味,吞拿魚似剛剛0係罐頭倒出黎~到侍應推介的"肉醬豬頸肉飯",肉醬叫做有d味,但豬頸肉依然無味~汁同飯的比例係1:4!!送0個個小食拼盤係腸仔,好在食得落口~甜品係窩夫,大家食完佢d主菜都冇勇氣再食佢,我鼓起勇氣試左一舊...天呀!未食過咁唸0既窩夫!!!好似隔左夜再攞出黎叮咁!!(好後悔臨走前冇整爛晒d窩夫,我怕佢地留畀下一手!!)食食下,發現有個侍應叫左個外賣0係度食,就知"瀨"野!!連侍應都唔食返自己餐廳d野!!可想而知質數如何...飲品係飲過咁多間cafe最差的!凍飯唔凍,飲熱野又冇隻匙羮畀你攪!又貴!論service,都係唔掂!人客唔多但依然漏單~d侍應淨係識得坐,唔會主動幫你收碟~總結一句,千其唔好畀低胸短裙姐姐tum你上去呀!!!
繼續閱讀
同友人食完飯來此cafe飲野傾計, 一上來已經差不多full house. 四個人初頭坐近廚房d位唔係太好坐, 後來有人走佢地都俾我地換去sofa位都幾舒服.不過佢地個menu價格都有d偏貴, 一杯飲品都要由$25-$38. 我叫左杯芒果乳酪($33) - 都幾好味, 有少少似益力多味, 仲有少少芒果肉算唔錯, 不過嫌甜.我見都佢地有set dinner($58)都幾好幾抵,有沙津,焗飯,甜品及飲品. 下次都可以試下. 不過出食物及飲品都要等幾耐.
繼續閱讀
這陣子傾功課唔去地下coffee shop轉去樓上coffee shop同學來過幾次,推介沙冰類飲品及小食結果四個人都係叫沙冰類飲品本人叫了藍莓,味道不過不失同學A點了Mocha,因為跟她坐對面,所以聞到mocha香味同學B點了芒果,佢杯造型最唔靚,”塔”哂,不過佢話食到芒果肉,所以唔介意外表唔靚同學C點了strawberry益力多,試了一口,都唔錯小食則點了薯格,太乾兼”痴”住哂,本人就唔係咁推介另,包場唔係好貴,有同學仔已經心思思想係這裡攪party
繼續閱讀