Mix & Match (已結業)

早排趁著周日又到元朗大吃特吃, 想起來光顧這類西餐廳的次數不算太多。 這天也供應tea set, 怪不得已過三時仍要等位啦! 茶餐大致分為薄餅、意大利包、意粉、甜品、小吃等數類, 價錢由$24-36。 在門外等了約十分鐘, 終於順利入座, 被安排和另外二人同坐四人檯, 頗為擠迫。 裝修以木色為主調, 牆身又有掛畫作裝飾, 予人和諧感覺, 可是礙於地方問題, 檯拍得太近, 人客一多, 自然感到極度嘈雜。 眼見侍應們雖然忙著, 但仍然保持有禮的服務態度, 在附近倒瀉水立即會問有否弄濕, 又樂意多給兩隻碟作share之用。 其中一名似是老闆娘更主動向初次光臨的客人作介紹, 十分親切客氣。 沙樂美腸薄餅 $26: 可能是即焗, 所以都要等上十五分鐘。原以為碟上只會放著薄餅, 怎料還有沙律和薯塊作伴菜, 很有驚喜。 薄餅的直徑約有五吋, 配料磨菇、黑橄欖、煙肉、salami和芝士, 肉類份量剛好, 不會感到太膩。蘑菇也不像是罐頭貨色, 菌味十足, 只是芝士還未焗溶,仍有一條條的 。 批底有一定厚度, 但非常鬆脆, 一點也不硬, 很輕易就能切開。 沙律菜中的紫椰菜和羅馬生菜新鮮爽口, 配上微酸的

生蠔 + 兩客set dinner 生蠔 - 很細心的以小杯盛著dressing及生蠔，既美觀，又不用弄髒雙手，而且十分鮮味，很讚 凱撒沙律 - 這裡的沙律做得很美味，但單叫就不太化算這一碟量雖少，但作為前菜就已經很足夠蕃茄忌廉湯 - 自家制的湯，沒有金寶的稠和膩，很不錯 安格斯牛柳 - 這裡不像其他餐廳般會問你肉類的生熟程度，但卻給你這款菜最佳的生熟度 牛柳外熟內嬾、肉汁四溢 酥皮羊肉 - 羊肉更見驚喜，酥皮香脆、羊肉鮮嬾，味道很配，乃出色之作但因被美食迷惑，忘記拍下它的真像，希望下次再遇上它記得補拍啦 最後奉上自家製的白蘭地朱古力碎雪糕 及餐飲，若不是怕晚上失眠，會加錢試試它的特色咖啡

早幾天試過下午茶, 覺得都幾好, 於是昨晚又再試晚餐磨姑湯, 超濃磨姑味, 正咖哩豬仔骨, 咖哩超香, 好味三文魚墨魚麵, 份量大, 好彈口甜品-紅豆雪糕, okay咖啡超正服務一流

特別日子，我地豪o左一次...聽講呢間餐廳同N.Y. CAFE齊名，之前食過果間，今日順手食埋呢間今日係星期五，無book位o既我地，仲以為唔知要等幾耐先有，果陣已經係夜晚八點，又咁幸運仲未滿座喎侍應小組好有禮貌咁比個menu我地，dinner set款式唔少，有成十幾款比我地選，我地點o左兩份--肉眼扖@50%、豬仔骨每set要$200....前菜係雞件沙律...雞件落o左好多香料醃制，個base 菜好香醋味餐湯:南瓜忌廉湯好香南瓜味，配上巨型餅條，一流o既配搭主菜:肉眼扖@50%好肥美好香o既肉味，五成熟剛剛好件扖表面加o左特制o既牛油同汁，加少少香草，再點少少wasabi，將肉o既鮮味迫出來主菜:豬仔骨表層煎得好香脆，入面香噴噴甜品: taramisu的的式式，有少少酒味特別要讚個service一流，我同個friend坐o左兩個幾鐘，佢地都不停幫我地refill water，唔似有d餐廳我地一食完就趕人走價錢有d貴，位位廿百，可以再去......

約了朋友去元朗探 BB , 先吃個 lunch, 他們提議來這間 Mix & Match , 西餐是我最喜愛的食物 , 當然沒問題 . 這間餐廳雖然不大 , 不過坐得也好舒服不會擠迫 . 我叫了 Lunch A , 是天使麵 , 價錢 $45 沒有想過份量和料是這麼多 , 有些後悔為何不和朋友 share 一個 set , 最後用盡努力之下終於吃了 3 份 2 . 味道少許淡 , 加了黑胡椒味道好好多 . 其實如果天使麵改用香草煮 , 味道會是怎樣呢 ? 始終覺得 creamy 的天使麵好 "章" 口 . 加 $8 叫了一杯 iced mocha , starbucks 買一杯差不多要 $30 , 真是找不到一個藉口不叫 . 味道不比 starbucks差 , 值得一試 . 朋友叫的咖哩豬仔骨 , 他說 super tasty , 我就試了一口 , 真的好正 , 那種咖哩味好香 , 可能是加了 cream 煮 , 少許辣 , 不過是香口的辣 , 豬仔骨好入味 . 其實單吃咖哩汁配飯已經好夠 , 我的天使麵也是因為有了它才可以吃得那麼多 . 吃完主菜還有雪糕甜品 , 是粟

尋晚(12-9-2009 Sat)女友人L約我食晚飯,為我提早慶祝生日,佢帶住兩個女,我同男友都一齊到.我晏晝打o黎book7:15pm,話明有架BB車,個男職員就幫我o地安排好.7:19pm左右,四個人一齊行o緊去,個男職員就call我,問我去到未,我答行o緊去o架喇,去到問口,佢已經企o係o度'恭候',但係黑面o既.我o地坐低後,睇好耐餐牌,決定要三個餐.由於L o既大女話要食麵,咁L就叫個$109.00Oo既A餐黑松露忌廉鮮蝦闊蛋麵,我要$128.00o晚B餐意式鮮茄芝士燴羊架,男友要$128.00o既M餐龍蝦柳闊蛋麵.好快,吞拿魚沙律到o黎,其實係罐頭吞拿魚,面上有一件切片烚蛋,不過加o左黑欖,但有少少咸,又唔錯喎.味道: 3.8分之後到餐湯,係南瓜忌廉湯,好香南瓜味,湯亦算滑,伴湯o既唔係麵包而係長條脆餅乾條.味道: 4分然後L o既主菜到o黎,我嗅到好香忌廉味,汁唔多,係o岩o岩掛到麵條,我試吓啲麵,覺得硬o左啲,一般.味道: 2.5分而我同男友o個份,等o左好耐好耐都未到,老闆娘同侍應們只掛住撩L o既細女玩.我就催一催,再等多陣,男友o既龍蝦柳闊蛋麵到o黎,原來有半隻

昨天晚上同朋友去完旺角買野,跟住撘車入返元朗食晚飯,朋友話想嚟呢間食,因未食過夜晚,只食過中午.都有幾多選擇,有一些咖哩飯,50幾蚊都幾抵,晚餐平均百幾頭.我們本來想叫牛扒的,但所有牛扒都冇....too bad.跟住就叫左兩個set dinner,一個烤羊架,一個肉眼牛肉配麵包布甸,套餐包括:頭盤:薯仔沙律,好味呀,個汁好味,一些配菜都好味餐湯:豆湯,好濃好味,味道都幾好,不會太咸麵飽:是兩條麵飽條,用一個杯裝住,賣相都幾特別,好脆好味主菜:肉眼牛肉配麵飽布甸,好味喎,有三件牛肉,都幾大份呀,好淋好入味,個麵飽布甸都好入味呀,唔會太膩,還有一些配菜,紫色及黃色蕃薯蓉混在一起,好甜好味呀,主菜:烤羊架,有兩大件,不算太酥及肥,好多肉,好味,好大份,有兩大隻菇,個菇好好味,好爽口,亦有一些紫色及黃色的蕃薯容,好味呀甜品:咖啡味雪糕,有些冰在裏面的,不太像雪糕,幾好,唔會好肥餐飲:熱檸茶/熱咖啡服務都好好,不時都有仕應替我們加水,環境都幾舒服,靜靜地傾下計食下飯,好開心呀.我們差唔多走時,不知是否老闆走過嚟派咭片給我們,他說如果打電話訂位可有九折優惠呀!

約2位好朋友到元朗食飯, 想食較好一點的西餐當然想起new york's cafe. 不過約得有d突然所以book 唔切位, 結果係朋友介紹之後就去左呢間裝修左無幾耐既mix match. 係店主既推薦底下我地叫左3個set dinner. set dinner 有沙津有湯有主菜有甜品有野飲 沙津普普通通一個雜菜沙津我就真係麻麻。 甘筍南瓜湯幾好飲, 雖然都係一般白湯的味道, 不過都算幾多甘荀粒呀粟米粒煙肉粒, 雖然唔算真係好好飲不過都不過不失. 而且個湯仲配埋d長餅乾都算有d心思 紅酒煮牛肉呢個係3個set dinner之中最好食既一個. 個汁好好味, 酸酸甜甜咁好易入口. 配菜好似矮瓜片都好夾個汁。特別係個菜有半個焗左既蒜頭係上面, 朋友試左食個蒜頭話好香好特別. 唯一可惜係個牛肉, 骨多肉少我地3個一人食一啖都無晒喇 香草蕃茄汁煮薄牛肉意粉呢個就相當普通, 牛肉略為太生, 同埋好似打邊爐個d肥牛, 又唔係唔好食只係唔係好夾個蕃茄汁, 意粉就ok 燒雞都幾好食一隻BB 雞咁原隻上, 煮得都算好食d肉都仲幾滑, 不過我覺得d皮可以再脆d. 值得一讚係佢d配菜有埋bb薯, 幾夾個汁.

果日同老婆行過元朗見肚餓見到間 Mix & Match, 見過門口幾靚咪同老婆入去試下囉…我老婆叫左個”黑松露香草什麼意大利飯” 我叫左個 “牛肋骨”先黎左個 沙律, 個沙律幾骨子, 不過唔夠 NEW YORK CAFÉ 好味, 個湯唔錯, 不過食慣左 NEW YORK CAFÉ 個湯… 都係NEW YORK CAFÉ 個湯啱我d , 先黎左個意大利飯, d 肉冇咩味, 香草多得滯.. NEW YORK CAFÉ 就唔會咁… 好喇到我個牛肋骨啦, 嘩少到呢..不過味道都 ok.. 不過我都係寧願去 NEW YORK CAFÉ 啦…要Book 位我都情願去NEW YORK CAFÉ

今日同細妹, 阿媽同aunt 黎lunch以前黎過幾次 , 印象都ok但今次食完之後我唔會再去睇menu , 我地叫左3個牛柳 , 1個豬扒點知黎到之後 , 我呆左0個d所謂牛柳其實只係燴牛肉 , 100% 唔係牛柳 燴牛肉都唔緊要 , 但係舊野野真係硬到咬唔到 ( 隔黎0個檯碟野都係 , 我見到個男仔拎刀切完一舊黎食都冇再食過D"牛柳"諗住同d 侍應反映下根住d 侍應叫左個類似老闆既女人過黎 (因為得佢著便服,其他係著制服既)我地同佢講d "牛柳" 好硬 根住佢即刻好大反應 , 好大聲話 :　［ 我唔想解釋咁多呀 , 因為唔係我煮 , 一係我換俾你! ]呢個係咩態度....?其他食客都望曬我地呢邊...根住其中兩個 "牛柳" 我地換做 個扒豬柳但係小弟就冇換到 , 因為我已經對呢間野失去信心,亦都覺得個豬柳唔會好得去邊 ,只係想快d食完快d走 , 以後唔再黎哈哈哈點知我真係冇估錯睇下d 相 , 塊豬係生架 , 仲壓得出血水!咁都可以拎俾客食間野都真係好野!但係今次都廢事叫個類似老闆既女人過黎喇第一 , 因為唔係佢煮 , 佢實唔想解釋第二 , 我唔想佢再換第d俾我 , 因為我信一山還

說起元朗的西餐廳，我想大家也會想起New York Café & Bar，我和女朋友也到過New York Café & Bar數次，食物的確甚有水準（食評嘛．．．．．．）不過元朗西餐廳也不只New York一間，有天我和女朋友經過教育路，便見到新開了一間西餐廳Mix & Match（心想有機會要來試一下）有天週末，和女朋友討論旅行的事，一說就是數個小時，連煮飯的時間都忘了，唯有外出吃飯，女朋友說想吃西餐，那我就提議試試Mix & Match。為免去到時要等位，還是預訂了比較保險。我們約半小時後就到了餐廳，時近八點，餐廳比我們想像中細一點，幸好我們訂了枱，才不用等位。我們坐到了靠近門口的位置。餐牌上的選擇頗多，有點兒花多眼亂的感覺。最後我叫了德國鹹豬手，女朋友則叫了7安士紐西蘭牛柳。跟餐附有餐湯，餐飲及甜品。餐湯餐湯是南瓜湯，色澤金黃，不過味道則一般，沒什麼南瓜味。坦白說，我不問侍應還真不知道這是南瓜湯。入口不夠Creamy，頗多南瓜纖維（我自己覺得這個湯做的Creamy一點會更吸引）德國鹹豬手鹹豬手的Size比想像中要大，賣相頗有看頭。食味方面，鹹豬手皮還算香脆，不過略嫌有點過火，焦

本來在旺角開飯的一夜,誰不知心水的食店周日休息,如今之計,想到Plan B,就是友人的home town - 元朗,如是者,即刻上巴士,再一次作客大西北.一心想去一間意粉小店,但已沒有位,友人提議之下,行到去教育路,近嘉城的一邊的意大利西餐廳"Mix & Match".她之前曾光顧過,而且有不俗的評價.來之前致電訂位,才能安排座位,否則直行直入也未必有位.坐下之後,看一看餐牌,有薄餅,意粉,意大利飯,和一些牛扒,海鮮等主菜,價錢並不貴,始終這是元朗,不是中環.但價錢平之關係,同地區文化之差異,元朗的意大利菜,是否同"元朗系"壽司一樣,別具一格呢?我倆也是叫套餐,有頭盤,湯,主菜,甜品,同一杯飲品.如果想喝酒,此店也有餐酒供應.頭盤是Parma Ham加哈蜜瓜,小弟一吃,就想起飲食節目主持人麗梅姐,曾經在節目上介紹過,Parma Ham係要搭哈蜜瓜來吃,講到好像哥倫布發現新大陸一樣.我吃Parma Ham一向愛淨吃,沒有配哈蜜瓜的習慣.此店的Parma Ham當然是普通貨,食落味道不夠咸香.餐湯是周打魚湯,味道同樣是不夠濃厚,湯內連魚肉也難找,當一個普通的忌廉湯喝還可.跟湯上的所謂Gri

與老婆及朋友(共3大1小)再試位於元朗教育路的Mix & Match餐廳。今次水準比以前好，而且款式有新意。值得日後再去。叫了3個晚餐，另加一個Pizza。食物有： 沙律 (幾清新, 不過用沙葛相信不是人人喜歡。)西蘭花忌廉湯 (有人會希望湯可以再濃一些，但我認為菜湯來說OK。)Pizza (不再如以前吃的烘燶了。)白菌意大利飯 (好味，不太濕)鵝肝牛柳 (包在酥皮內，不過個人認為不要酥皮更好。煎已經可以。無他，鵝肝太細了!)甜品-曲奇雪糕 (不會太甜。)

一直都想試試呢間mix & match可惜有時撞正休息今日來到tea一tea環境舒適，下午茶時間寧靜，相當喜歡這環境的tea timeorder左夏威夷pizza(5'')：餅底不厚不薄，份量適中(for girl)，面一頭一層引人入勝的芝士，對十分芝士的我來說相當吸引，伴碟有一份蔬菜，淋上黑醋，變成更易入口的蔬菜salad，這個set夠飽肚又有纖維薯角黃金蝦春卷配薯角：黃金蝦春卷味道如魚旦，里面加上菜碎，可清楚看見幾個半顆的蝦粒，薯角變成薯餅，剛剛炸起又熱又脆再配上白酒梳打：有微微酒精味，有點像生力紅酒梳打：沒有酒味，就如一個果汁汽水下午茶大約$24~$3xfree配o茶o水/加8配特飲

初開時幫襯過，留下了環境舒適、食物賣相精緻但味道一般的印象。週末辦完了事，想在繁忙生活中找個歇息點，又來再訪了；如所料，小店靜靜的人不多，可以給我一刻悠閒感。　下午茶收費比晚市相宜多了，意粉餐只是$36，5'pizza餐也是$30多；不過咸胃仍飽，只叫了2份甜品餐來滿足甜癮：　蜜桃酥配雪糕($26)-酥脆鬆化程度一般，吉士醬香甜度中等，蜜桃也是一般貨色，蜜桃酥部分實在平庸；較特別是雪糕為自家製的草莓味雪糕，味道可接受而誠意可加分。　意大利芝士餅($28)-甜品選擇不多，另一款甜品班戟原來即是窩夫，唯有重溫晚市吃過的tiramisu。不知是否廚房改了recipe，下午茶版的出品芝士份量偏少，蛋糕比例較多更似咖啡味蛋糕，水準比上次倒退了，幸而有輕香軟滑的忌廉拌吃增加濕度甜度。　熱奶茶/熱咖啡-同晚市一樣，顧客可加$8轉花式咖啡，可汲取了上次的經歷要回正常茶啡算數。兩者都用上花奶去沖，奶茶的茶奶味均濃厚，熱啡尚算香醇都可收貨。　　以後或會再來，不過為的還是那份悠閒氣氛。