Mini Friday (銀城廣場) (已結業)

今日同朋友黎咗旺角行街，夜晚就黎咗試下呢間Mini Friday🤓天花掛咗d吊燈都幾靚，有少少星空feel🌌一嚟到就有個free snack可以食下，應該係一d油炸脆片都幾好食！咸蛋黃薯角外面嘅咸蛋黃令到薯角嘅味道更豐富，好似落咗鹽一齊炸一樣👍🏻外皮嘅金黃色真係令到d薯角望落更吸引🤩黑松露野菌湯個湯一嚟到已經嗅到一陣陣嘅黑松露味🤤記得飲之前要攪勻先😄個湯好足料，啖啖都飲到一粒粒野菌🥰火焰脆燒德國咸豬手一嚟就係原隻豬手咁上😛職員放低咗之後就喺表面點火燒隻豬手🔥到隻豬手燒到冇火之後，職員就拎番隻豬手入去切好再拎番出嚟🤤旁邊有芥末可以蘸，仲有酸菜可以中和番比較肥膩嘅豬手🤗皇牌威靈頓牛柳牛油酥皮好香😍切開之後見到五成熟嘅牛肉同埋一d雜菌，幾種味道一齊食落後真係好有口感、好好味😋牛扒夠嫩滑，夠曬香！心太軟配雪糕一切開個心太軟，d朱古力醬就流出黎🤤配埋綠茶雪糕，一凍一熱係享受💕即製梳乎厘班戟配雪糕班戟夠曬輕盈，食落去好似食咗啖風咁🤣淋埋d煉奶係上面食就更加甜😜

🔺Mini Friday 平時旺角就出得多 但係去銀城廣場食嘢都係第一次🙈今次揀咗呢間西餐廳裝修都幾有格調😁座位闊落 坐得都幾舒服👌🏻.小編同行二人嗌左兩個set dinner😀Set dinner 包左沙律、餐湯、主菜同飲品加一蚊仲可以有是日甜品🤑不過小編當日食完主菜同小食已經好飽🙈.燒澳洲肉眼扒配黑松露燒汁🥩肉眼扒食落好有炭烤香 都幾重牛味👍🏻只係口感有D靭😉配菜薯蓉都有黑松露味 食落好香😀.黑松露忌廉汁配雞柳闊條麵🍝正常發揮 黑松露醬汁可以再濃郁D👌🏻.水牛城雞翼🐥小編同友人都覺得呢款小食好好食雞翼大大隻 而且好脆😀醬汁酸酸辣辣好惹味 出色🤤

今日朋友帶我黎左呢間位於旺角商場內既樓上西餐廳開餐~~餐廳都幾大下~ 好多座位!坐得好舒服, 好有私人空間餐牌有唔少選擇....種類豐富~~可叫SET或散叫西餐廳都有獨突既彿跳牆Set包餐湯, 沙律~~羅宋湯好足料, 味道濃郁!沙律新鮮, 蔬菜脆口~燒澳洲牛肉眼扒配黑松露燒汁牛扒要左5成熟~ 燒得剛剛好肉眼扒肉質鮮嫩, 肉汁完美保留半生熟最正!!! 好JUICY丫卡邦尼扁意粉濃郁芝士香氣配上甘香煙肉, 口感豐富意粉軟硬適中~ 溫泉蛋配濃濃既醬汁令人食指大動~即製梳乎里班戟配雪糕完全係喜出望外!!冇諗過西餐廳可以造出咁出色既甜品梳乎里班戟外表挺身, 蛋香味濃, 非常鬆軟~~口感軟綿綿充滿空氣感超級好食!!!!!呢黎道必食之選最後叫埋杯餐飲~~

一早諗住今日預祝朋友生日，見到呢間係open rice訂座單點食物有88折生日仲有個火焰雪山送所以就book左6點9黎食晚餐。今日係星期四唔算好多人，所以都有得坐耐啲。先黎既係炸薯條配黑松露醬，薯條粗大，都算熱熱地，黑松露醬份量都比得岩岩好，薯條靠濃郁香氣既黑松露醬包圍，味道難忘。之後上水牛城雞翼，個醬汁非常好食有酸酸甜甜辣辣既味道，好juicy。咬落口感亦都好正，因為都算大隻多肉，會想再食多次。至於西班牙海鮮飯份量都幾大，夠2-3人share，飯底都唔錯，有好多配料包括蜆肉、八爪魚仔同三色椒，唯一美中不足係個蝦好似無整走蝦腸，令朋友有點失望，如果下次可以做翻好就prefect。難得小聚又慶祝生日話要飲翻兩杯，於是試下個度既Cocktail, Mojito，大家都一致認為調得幾好飲，易入口，有啲好細薄荷葉令你飲既時候都有薄荷既香味，可以一試，呢個係XL Jar既size，三個人飲岩岩好。最後到火焰雪山，有得係open rice book位個時寫低想要咩字比朋友，除左火焰燒到個雪山lone lone地個度之外，美味係ok既，入面有個抹茶味既雪糕，兩者都幾夾。呢度都幾大，而且好有feel，

我們一家主要為威靈頓牛扒而來 但真的十分失望，其他點餐都不錯，例如肉眼扒、黑松露飯、波菜三文魚天使麵都不錯就威靈頓牛扒零分。如果是為了威靈頓牛扒的可以不用來了。還有的是店員的服務態度不太好。

Mini Friday @ 旺角銀城一坐低就有脆片多士。餐牌呢度有晚餐，亦可以散叫。肉醬意粉（$98）濃濃香香的肉醬，加彈牙的意粉，番茄味香濃。西班牙橡果級黑毛豬（$228）份量都幾大塊！黑毛豬扒切開後好香，伴碟仲有綿密薯蓉、菠蘿粒及燒汁，黑毛豬肉味濃，入口有grill過的香。即製疏乎厘班㦸配雪糕（$108）打卡一流！pancake有三件咁多，每件都非常鬆軟，充滿空氣感，就咁食又得，配綠茶雪糕食又有另一種口感👍🏻！

同朋友食生日飯～朋友選擇了呢間西餐廳～幾年前都試過～味道都唔錯～今次一行4人再試試看～墨西哥脆片同芝士醬好香口～好脆～芝士醬好好食～黑松露薯條薯條剛炸好～幾好食～但無咩黑松露味～黑松露野菌薄餅個餅底係薄身～野菌都可以～但又係無咩黑松露味～卡邦尼扁意粉普通意粉加左隻蛋～同平時啲卡邦尼味道唔似～西班牙橡果黑毛豬肉同骨好難分離～肉質就一般般～火焰雪山因為朋友生日～所以送了甜品睇名個時無諗過火焰雪山入邊係綠茶雪糕～平時食開都係蛋白整～

約了好多次才成功的聚會，依間友人期待很久的餐廳，入到去個環境感覺唔錯，有氣氛既西餐廳。餐廳好好一坐下就送上一個脆脆（芝士醬配搭）好好食👍🏻第一道蝸牛酥，口感特別，外面鬆脆，內面有𡁻勁。第二道係我友人最期待既威靈頓牛扒！出黎賣相唔錯，切開發現同平時見到既有出入，夾層係用菇，喜歡重口味既你就未必會喜歡啦。我個人唔推介。第三道水牛雞翼，外脆內嫩，個醬汁有點辣。仲有第四道千島海鮮薄餅～用料十足，有蝦、魷魚、洋蔥、三色椒、大量芝士。口味偏淡，適合喜歡清淡的人士。

同朋友行完街血拼完勁肚餓，周圍搵嘢食嗰時諗起朋友之前推介我嚟食嘅Mini Friday就上嚟試吓啦。一開頭職員拎咗份脆脆比我，點埋個醬，超級好味，酸酸甜甜咁。鮮蟹濃湯 $68蟹味濃郁香草牛油焗田螺酥盒 $88離遠已經聞到牛油香味，熱辣辣食最正，酥皮鬆脆，加埋田螺食配搭好新鮮，好好味！推介！呢度有得DIY PASTA㗎，套餐價都係$148我地揀咗黑松露忌廉汁煙鴨胸配天使麵，份量好多，黑松露忌廉汁好香濃！仲要有沙律、湯、飲品、甜品，相當抵食！西班牙漿橡級黑毛豬 $228肉質鬆軟，個人認為連菠蘿一齊食仲惹味即製疏乎厘班戟配雪糕 $108疏乎厘係我哋一坐低，職員即刻推介比我地，叫我地一定要試下！所以我地就留左一份啦。真係無介紹錯！勁香，厚厚嘅疏乎厘食落勁極香軟！配埋綠茶雪糕食仲正！跟套餐嘅甜品，味道都唔錯㗎！紅棗桂圓茶 $68藍檸檬梳打$58

鮮蟹濃湯橙色的🧡 湯既texture唔係好厚好creamy個種，不過蟹味幾濃，仲有些許蟹肉添炸薯條配黑松露醬薯條份量都幾多，用個小鋁桶仔裝，配有黑松露醬同茄醬，黑松露醬偏咸，薯條還是配茄醬比較匹配😂溫泉蛋波菜大啡菇個碟咁大既😯唔通要配番隻大啡菇😂啡菇上面鋪滿晒菠菜，溫泉蛋上面有少少濃濃地既芝士，一切落去蛋漿流晒出嚟，配埋d菠菜食索晒d蛋漿，一d都唔會晒😊香草牛油焗田螺酥盒依個前菜好香🥰建議一口食，香草同田螺肉真係好夾，不過用鐵pan上好存熱，大家要小心唔好辣親哦燒美國頂級肉眼扒5成熟，配指定燒汁，賣相相當一流😋塊扒唔多根，煎得好香岩岩好，又juicy又有肉味，好味呀，讚👍🍸 : Mojito & Sex on the beach蜜桃雪葩有心思，挖空個蜜桃，再放入雪葩。個人認為偏甜，蜜桃味淡番d會較好

有事要出旺角，之前搵定食乜好。朋友介紹，話呢間唔錯，幾年無去旺角食飯，一於信佢嘅介紹。餐廳比想像中大，而且枱與枱唔會太密，當日係平日，冇限用餐時間，可以慢慢食，慢慢傾。我哋叫咗蟹湯、牛油焗田螺酥盒、溫泉蛋菠菜大啡菇、燒肉眼扒，當然仲有飯後嘆返杯cocktail。蟹湯唔濃忌廉味，仲有啖啖蟹肉，好滑。田螺酥盒，一切開即聞到好香酥皮味。因為好熱，如果唔係一口一件仲正。大啡菇有好多菠菜，叫咗咁多肉，食返呢個我當平衡返。至於個主菜：燒美國頂級肉眼扒，推介！我哋叫咗五成熟，肉質夠嫩，一啲都唔韌，唔使‘點’個肉汁都已經好好味，記得趁熱食！食飽飽就心思思想嘆返杯。今次叫咗’Sex on the beach’，佢呢杯酒味較果味重，輕嘗一杯就夠。

今日約咗朋友去旺角個頭，所以一早聽人介紹book咗呢間mini friday食晚餐。我地book左8點，但上到去都見到有幾多人下，地方都幾大，而且裝修都好靚，環境昏暗，好有氣氛。一坐底就有個小食上，應該係三角脆片都幾脆幾好食既。我同朋友一人叫左一個套餐，先上餐湯同田園沙律，餐湯係羅宋湯，甜中帶香，沙律就有為沙律加添左一點口感，配菜蕃茄車厘茄各樣都新鮮。主菜先黎燒澳洲牛肉眼扒 配 黑松露燒汁，一開始揀佢有少少原因係因為個醬汁，果然無令我失望，有黑松露既味道為肉眼扒增添美味，而肉眼扒本身既肉味亦都好重，五成熟都好嫩口，配埋個汁覺得好juicy，雖然個邊有d lone，但都好滿意。之後叫左個DIY既意粉，自選汁係溫泉蛋芝士忌廉，配扁意粉同煙鴨胸，另外追加左煙三文魚同帶子。首先蛋白超級滑，個汁好creamy，如果個扁意粉可以硬翻少少就更好，煙三文魚雖然融入左係意粉入面但佢鹹鹹地既味道仍然係度，帶子新鮮，香口軟身。最後有個是日甜品，類似蛋糕既甜品，唔係好食得出啲配料，不過覺得係比較健康既材料，因為個甜品一啲都唔"漏"亦都唔覺得甜，好似有d果仁之類既材料。最後餐飲叫左凍朱古力，感受到濃郁既朱古力味

本身係open rice book左位所以一入座 就有個好舒服 望到景既位置👏🏻食物質素方面十分推介 味道很好 上菜速度也很快特別推介 個豬手 會有視覺效果之餘服務員 會俾我地影夠相之後，先再拎個豬手入去切件服務態度也很好！🥰

不是Friday但去左Mini Friday~平日星期四，同行4人有預先book位，book左7點半。但其實餐廳位置都幾大，坐唔滿。見到promotion，生日月份壽星可以額外有一個甜品送，可惜無朋友係8月生日。 一坐低就送上脆片同芝士醬。脆片真係好脆好香口，沾上芝士醬好食。餐牌有3款，普通set dinner（多數係扒餐），DIY意粉配搭，同埋散叫menu.我地3人就order左DIY pasta, 另外一位同朋友order左個牛扒餐。Set會包埋沙律，湯，咖啡or茶同甜品。正呀！ 首先湯得一款，個日係雜菜湯，味道正常，唔會好水好淡，不過就嫌唔夠熱。沙律亦都不過不失，雖然係個汁係醋，但係反而覺得偏甜。我同朋友叫左個同款蒜香橄欖油source天使麵配鷄肉，另外再加煙三文魚。蒜香味夠，唔會太油。餐牌表示會有D辣，不過食落無辣味。除左本身order的配菜，另外都有D菇，食落都豐富。鷄肉就麻麻，應該係冰鮮鷄柳，口感好柴。而煙三文魚分量都幾多。整體其實不錯吃！ 朋友叫左個溫泉蛋芝士忌廉source意粉配烟肉，另外加煙三文魚。個意粉好creamy，重奶油味，配料都幾多。成日覺得尼一類意粉好安全，

唸住同朋友聚舊，搵間有氣氛的餐廳啦，上網介紹好似吾錯想試下，點知超級中伏！6:30pm去到門口又無人接待，之後帶到2人座位，位置非常狹窄，望一望餐廳環境，除左燈光暗d，裝修非常普通，無網上講得甘好囉，冷氣又吹正，問侍應要求調位，侍應話要問下先，之後答我今晚full booking .我真好奇訂座的客人可以預先指定坐邊張枱？？？連位都懶得調俾我，吾想調俾人都搵個有說服力的藉口呀。甘既服務態度一定吾會再去！