MG Cafe

營業中

休息中

過了忙碌的幾個星期，終於可以有一個懶洋洋的星期六。為了好好慶祝，特別約了朋友吃餐好，享受這個週末。 MG Cafe位於觀塘海濱道，牛頭角地鐵站出發不用10分鐘便到，地點十分方便。餐廳裝修簡單而且有特色，窗外可以望到觀塘海濱，感覺令人輕鬆自在。 我們一行二人從餐牌點了幾樣食物，一起互相分享。 粟米周打湯(⭐⭐⭐⭐⭐) 是日餐湯是粟米周打湯，喝起來有著很香的粟米味，加上粟米粒，洋蔥，煙肉等等，味道層次豐富。三文魚三文魚籽薯蓉(⭐⭐⭐⭐⭐) 三文魚煎得外皮香脆可口，魚肉鮮嫩，而且油脂感十足。配上檸檬汁，中和了油膩感，令人停不了口。伴碟的薯蓉也十分不錯，牛油味不太重，感覺較為健康。金倉魚三文魚子意大利飯(⭐⭐⭐⭐⭐) 朋友的這個意大利飯也十分不錯。金倉魚大件，而且吃起來嫩口。三文魚子新鮮好吃，意大利飯質感也不錯。飲品(⭐⭐⭐⭐⭐) 飲品是平日較為少見的青檸蜜，喝起來十分滋潤，為這天的午餐劃上完美句號。總括而言，這間餐廳食物質素高，而且地點方便。下次有機會經過也必定會再來。 ~~~~~~~~~~~~~~~~~~~~~~~~~    MG Cafe 觀塘海濱道133號萬兆豐中心2號舖推介菜式: 三

假日去了觀塘海濱附近的MG cafe，餐廳樓底高，空間舒適寬敞，裝橫摩登，感覺十分良好。有Daily Specials，另加$58 有湯及咖啡，頗經濟。還有all day、沙律、三文治等選擇咖啡是值得一點的飲品之一。Daily Specials 另加 $58 有是日餐湯及咖啡是日餐湯是忌廉雜菜湯，湯較為厚身，有紅蘿蔔粒、青椒粒、炸煙肉片等相當足料。Dirty $46，以富士山形狀的玻璃杯賣相夠精緻，賞心悅目，咖啡與奶方面平衡。Iced Americano，set 轉凍飲另加$8，咖啡酸味較重。Breakfast Fantasy $138十分色彩繽紛，令人食慾大增有新鮮的蕃茄、黑松露嫩滑炒蛋、juicy的大啡菇、甜酸的菠蘿片、濃郁彈牙的芝士腸、香口的多士及煙肉，旁邊圍著parma ham沙律，擺碟精緻，還有芒果汁的調味。蒜香大蝦燴意大利扁意粉 $158有5隻彈牙蝦肉，扁意粉掛到黑椒、蒜片、辣椒等，乾身之餘又惹味。

位於觀塘海濱，是一家時尚的咖啡店。風格簡約 帶復古氣息，店內燈光柔和，營造出舒適的氛圍。提供各式咖啡、主食和輕食~餐廳人流多 好受歡迎，店員親切友善🥰 店舖座位寬敞舒適，環境寧靜，好適合約會或朋友聚會🥂 💖食評💖紐西蘭肉眼扒配酸種包多士 ($158)超大塊牛扒！牛肉質感柔軟 有咬口，口感鮮美，搭配著酸種包多士及沙律菜帶出不同的風味。肉質豐腴多汁，每一口都是美味的享受慢煮牛肋肉燴意大利闊條麵 ($158)這道菜色的牛肋肉經過慢煮，肉質鬆化，搭配著意大利闊條麵，口感順滑，醬汁更是美味，非常開胃。整道菜色豐富而且口感有層次香橙巴斯克芝士蛋糕 配Mövenpick雲呢拿雪糕 ($68)擺盤好精緻🥰 蛋糕口感細膩，橙的香氣清新怡人，配上濃郁芝士 味道一流，還有雲呢拿雪糕非常滿足。整體而言是一道清新又甜美的甜點

絕對愜意嘅午餐‼️☕️同朋友去咗觀塘海濱食晏😋去咗間叫MG Cafe☕️餐廳裝修英倫木系風格🎷充滿柔和嘅光愜意感覺🕯而新鮮嘅食材烹調菜式👍🏻主打係各種扒類及大利意飯🤤慢煮牛肋肉燴意大利寬條麵，158蚊份💰慢煮牛肋肉柔軟多汁，牛肋肉的鮮香味同意大利寬條麵香氣相互融合，配蘆筍同甘筍令寬條麵有更多嘅口感，值得一試😋美國極黑豬胺架配大啡菇，178蚊份💰擺盤好靚分布平均，黑豬胺架柔嫩多汁，切開就係粉嫩嘅肉，入口好滋味，配上嫩滑嘅大啡菇，加上自家製野箘忌廉汁，非常滿足嘅配搭☺️Mocha，46蚊份💰拉花賣相好靚，超重朱古力的味道，幾好飲🍫整體環境好多打卡位🥰服務態度殷勤，店員同客人有互動👍🏻食物味道好食，賣相有心思，同朋友輕鬆食個午餐👍🏻🥰

想搵個地方chill吓~ 放鬆下自己。今日就去咗觀塘海濱附近嘅MG Cafe，Chill住嘆早餐～餐廳採用雅緻木係設計，帶有少少英倫氣息，餐廳嘅掛飾同吊燈，散發出一種懶洋洋嘅味道，好悠閒舒服。喺度嘆個早餐，感覺好似置身異國空間，可以慢活一下Classic Breakfast $128牛角包、炒蛋、煙肉、小蕃茄、芝士腸、炒雜菇、茄汁豆牛角包上檯仲熱辣辣，承諾好有層次香酥感覺；香腸都幾大條，入面包有芝士，每一啖都有芝士流出，好食Latte拉花好靚，坐喺咁悠閒嘅餐廳飲咖啡，別有一番感受Breakfast Fantasy $138多士、沙律、黑松露炒蛋、煙肉、小蕃茄、香腸、大啡菇、茄汁豆、烤菠蘿好豐富嘅早餐！黑松露炒蛋好香，食落口陣陣黑松露香氣，烤菠蘿啱啱好，表面帶點燒香，入面好Juicy～Mocha朱古力同咖啡嘅比例啱啱好，唔錯另外，藉得一提，呢度嘅店員都好友善，服務態度好好，仲會提車主們小心出面抄牌(^^)好細心

🔸New Zealand Rib Eye steak with Red wwine jus $178🔸Slow Cook Chicken & Avocado(Sourdough Toast) $98🔸Pineapple Oolong Shaken Tea +$28-有日放假約左保險經紀傾野，所以搵間cafe，依間係近海傍邊，靜中帶旺。慢煮雞胸酸種包既雞胸一d都唔鞋口，仲有沙律菜&牛油果，食落口感非常豐富，而且仲叫左酸種包健康d😜另外叫左塊西冷，牛扒既有炭烤味、有肉汁得泥又唔會出晒血水，加埋紅酒汁非常惹味開胃，同埋估唔到d薯條係有輕微調味。菠蘿烏龍手搖茶，唔會好甜，加埋烏龍茶有種清新既感覺，清涼解渴。

觀塘海濱附近的咖啡店，環境典雅舒適，陽光透過落地窗灑進店，這就是我想要的早上☀️🍳Breakfast Fantasy $138全日早餐有三款，我們點了最豐富的！當中有黑松露炒蛋、煙肉、烤菠蘿、大啡菇、腸仔、小蕃茄、風乾火腿、沙律和多士，炒蛋嫩滑滿滿黑松露香氣，好滿足喔🌻🥐Slow Cook Chicken & Avocado $98可選牛角包或酸種多士，聽店員推介選了牛角包準沒錯！牛角包超鬆脆，滿滿牛油香氣，裡面夾住七塊慢煮雞塊、牛油果和沙律醬，份量十足！咖啡方面，我們點了一杯招牌一杯白咖啡☕️🧊Ice Cube Coffee $62客人可以根據自己的口味把牛奶倒進咖啡冰杯，融合後的咖啡微冰好喝！🍵Kyoto Uji Matcha $46京都宇治抹茶回甘好喝，我們加了extra shot (+$8)，抹茶牛奶加上咖啡後味道更有層次，拉花也美美的🌼

係附近完嘢搵嘢食，行去觀塘海濱都係幾分鐘，呢度附近都有好多好Chill 嘅餐廳，呢間餐廳有好多落地大玻璃窗，剛剛好有窗邊嘅位置，可以一路望住觀塘海濱一路食嘢真寫意。蕃茄醬會鴨肉天使麵大啡菇、意式豬肉丸，天使面嘅份量超巨型，我哋兩個人都基本上食唔晒，如果唔睇餐牌，都唔知嗰啲肉絲係鴨肉，煮得幾嫩，唔會靭，意式豬肉丸都幾結實，亦有少少彈牙感。豬肩伴大虎蝦配黑椒忌廉汁，離遠睇刺虎蝦漢堡，擺設幾特別，將豬肩切細再疊高串燒外型上枱，豬肩口感似黑毛豬，有彈性亦夠滑，唔會太肥。虎蝦質素亦10分高，肉質好結實，亦有少少蝦膏。餐飲嘅杯，設計精美，無論係咖啡或者蜜糖檸檬紅茶，好突出，好chill.

諗住天氣幾好，去觀塘海濱行下。點知太熱太曬🤣頂唔順搵間餐廳抖下先🤣好近海濱黎到呢間MG cafe。環境屬於深色系型格cafe，配以特色木製/金屬小物裝飾，別具心思。連個menu夾都係印上餐廳名既皮套，好有質感。有型格梳化椅，亦有落地玻璃window seats，可以遙望海濱景色。🍕海鮮薄餅每片都有足料嘅彈牙大蝦、煙三文魚、帶子仔同埋魷魚🤩仲有我最愛嘅火箭菜、同蕃茄仔，餅底薄薄脆脆，pizza面有幾隻芝士豐富混合，芝士味濃！🍴紐西蘭牛肉眼扒配紅酒汁好對版嘅medium，仲有成舊焗蒜頭、rosemary，香氣十足。俾左芥末醬、喜馬拉雅山粉紅鹽，不過塊扒肉味濃，唔點都絕對夠好味！配薯條同沙律菜。✨️Lunch set免費跟hot Americano☕️ or honey lime🍹,可以加8蚊轉凍🧊，又或者加18蚊轉hot Latte or hot cappuccino。天氣好熱,所以叫左一杯凍honey lime.清爽透涼解渴！另外一杯叫左Latte,想試下d啡。呢度既咖啡都算得！整體感覺良好，好好坐，幾舒服。食完飯，無咁烈日當空，又可以去行海濱再散下步，輕輕鬆鬆，chill既一day!💕

天氣咁熱同朋友休閒地食左靚早餐，行到去牛頭角近海濱公園見到一間cafe, 望到入邊嘅裝修都幾靚😜佢仲有吧枱，望到咖啡機，早餐選擇可以，咖啡選擇比較多⋯ 環境仲好舒服。～Egg Benedict 見到有兩粒流心雞蛋好正，沙律🥗，仲有一粒粒紅石榴，有煙肉，好正😂 面頭有啲醬酸酸甜甜⋯食得好開胃。～Breakfast Fantasy份量勁多，香腸，蕃茄仔，有菇做底面係炒蛋，仲有一塊菠蘿，好開胃。～Latte有分大細size 。選擇左大size 個拉花好靚，味道都不錯，～Dirty 好特別，底層係奶，面層係咖啡，好濃咖啡味。～呢間餐廳好適合打卡，仲要環境好舒服。

公司搬咗新地址，有時懶得行都會選擇係公司附近食🫣今次就試咗係正公司樓下嘅MG cafe～😍纽西蘭牛肉眼扒配紅酒汁 $178👀牛肉叫咗5成熟，估唔到佢嘅肉質可以做到咁軟腍🥹容易切開，容易咬👍🏻肉味都幾濃～仲會配蒜頭同香辣薯條🫡好滿足！個人覺得佢個紅酒燒汁做得幾好食😋😍香煎牛短骨扒配牛肝菌廉汁燴意大利飯 $158👀個人對牛肝菌真係有情意結😂次次見到有佢都會忍唔住嗌！呢度啲意大利飯都幾正宗，係半生熟飯粒嘅口感，上面嘅牛短骨扒同肉眼係2回事，牛短骨嘅肉質會多少少脂肪感，同埋再軟腍啲！本身都煮得好入味，呢款都出色☺️😍飲品本身會跟Americano / honey Lime ，轉凍飲再加$8～當日仲加咗$20試佢哋個餐湯☺️入面都好足料㗎！

行行下觀塘海濱😉就去咗一間復古咖啡室見佢weekend都有lunch set 同埋精美咖啡 即刻入去😍1️⃣ 焗比目魚柳 $178 presentation好靚 而且魚都好滑2️⃣ 意大利腸肉，野菌燴意粉調味適中 意粉炒肉粒 食落幾滋味3️⃣ Soup of the day *2 $58 青口忌廉湯 very creamy 4️⃣ Latte Art 拉花拉得好靚😍 完美咖啡📍MG Cafe (觀塘)觀塘海濱道133號萬兆豐中心2號舖▪️位置: 8/10▫️環境: 9/10▪️衛生: 9/10▫️服務: 9/10▪️食物: 9/10

上星期我去咗「MG cafe」食早餐，真係唔錯👍🏻 餐廳嘅裝修好有格調，好似去咗英式嘅cafe咁，好舒服嘅環境😍我叫咗「Breakfast Fantasy」，有Scramble Egg with Black Truffles, Bacon, Grilled Pineapple & Portobello, Sausage, Parma Ham, Mixed Salad，好豐富👍🏻❤️ 麵包好鬆軟，所有材料都好好味👍🏻🍳🥓🧀🍞 「Slow Cook Chicken & Avocado Sandwich （Croissant）」，都好好味😋 有雞肉同鬆軟嘅牛角包，食到停唔到口呀！🍗🥐飲品方面，我叫咗綠茶拿鐵同埋橙汁，味道都好香濃，橙汁好開胃！🍵🍊最後仲試咗甜品「Matcha Bean Mousse」，好滑身同埋有淡淡嘅抹茶味，好開心食到吖！🍵🧡總括而言，我覺得「MG cafe」係一間好舒服嘅cafe，食物又好味，大家有機會一定要去試下啦！😋

早排去完馬來西亞🇲🇾旅行返黎香港第一時間就係約為食魚阿妹見面🤭剛好佢又去完日本🇯🇵旅行大家仲可以交換手信順便互相分享吓大家嘅開心旅程😆⁡既然要姊妹大談緊係要搵個chillax好地方啦～靜靜地咁先可以傾到姊妹心事架嘛❤️⁡估唔到近觀塘海濱有間幾唔錯嘅cafe由牛頭角地鐵站行過去只係幾分鐘位置都算方便餐廳雖然唔大但勝在環境舒服落地玻璃窗光線充足我最喜歡☺️而且食物種類都算多～ 唔係剩係得麪包🍞🍰嘅cafe😌最後點咗一份我至愛嘅All Day Breakfast+一碟大蝦寬條麵share食加多一人一杯飲品☕️就chillax咗兩個幾鐘喇😆⁡雖然住港島區嘅我好少會去九龍區食飯但係週末想搵間寧靜又舒服嘅餐廳放鬆下我覺得去遠少少都唔錯💕MG Cafe無論味道、賣相同價錢我都覺得非常合理！係性價比高嘅cafe推介喔🫶🏻大家不妨試吓😊

[ MG Cafe ]食完飯想去吹下海風輕鬆吓，簡咗呢間位於觀塘海濱附近嘅餐廳食個午餐🍽️。✿ Soup of the day +$20雜菜洋蔥湯🧅🧅啖啖洋蔥&蔬菜🥬，清淡而不油膩，餐前飲碗湯，暖暖胃👍🏻👍🏻。Daily Specials ✿ 紐西蘭肉眼扒配酸種包多士 $158 酸種多士大大塊，烤得脆口，中間夾住塊煎得香口肉眼扒，肉味香濃，另有火箭菜、醃黃瓜🥒作伴菜。✿ 香烤美國極黑豬胺架配大啡菇、野菌忌廉汁 $178豬鞍厚實，容易切開，唔會有豬臊味，配上野菌忌廉汁，大啡菇入口juicy🍄。✿ Hot Americano☕️咖啡豆味香濃，飲翻杯提提神係唔錯嘅選擇。✿ Kyoto Uji Matcha🍵🍵 +$18選用京都抹茶粉，茶味濃郁，拉花好美🥰。杯具好精緻，油畫風格。總結🫦餐廳夠清靜，啱哂同朋友嚟食吓野飲杯咖啡☕️，輕鬆地渡過下午。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿MG Cafe地址: 觀塘海濱道133號萬兆豐中心2號舖電話: 23451128✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿