Me Time Cafe

營業中

休息中

本人在九龍灣工作，其實都唔算好熟路，因為新轉去依個地點🤣🤣啲同事食晏時間都好識搵嘢食, 發掘到依間但通常12點過後都要等位, 佢地lunch time 座無虛席…..咁佢哋都係以西餐、鋸扒為主，但留意等位時如果未人齊，可能要等耐啲，同埋等嘅地方都比較熱，不過餐廳已經裝咗一個風扇機，不過都係滿頭大汗🥵🤣🤣🤣, 入面因為人多同埋冷氣都唔係話太勁，所以都有少少熱嘅….咁食物質素方面其實佢塊扒係唔錯嘅，在$70$80嘅價錢下算唔差， 如果喺嗰邊返工嘅朋友都可以一試….

🧭 Me Time Cafe•九龍灣🍴九龍灣宏開道8號其士商業中心1樓A號舖久違地去遠小小都要介紹呢間，以前lunch 成日都叫黎食。CP值高既西餐🥰係徳福戲院過天橋就見到😬但今次第一次食dinner，估唔到呢個位置夜晚都keep住有人黎食。證明大家都好愛🤪餐湯🫕今日係粟米忌廉湯，正常發揮，唔係果啲溝好多水既湯。主菜🍝🍚-相樸手牛扒配香蒜汁 珍珠飯🥩🍚呢個係招牌黎，佢塊扒大塊又厚，但食落都無好靭/好柴。而且份量都多。珍珠飯仲有配到有飯素添。-香烤珍寶雞扒配黑椒汁 意粉🐥🍝呢個係真係珍寶 因為好大塊，而且煎得岩岩好，皮係好香好脆。個意粉都係好似唔洗錢咁大大份，明明少意左都應該睇漏左🤣主菜佢本身都包餐湯，主菜加沙律，一杯飲品。呢度2個人埋單 都係161。呢個份量同質素已經達哂標。#hongkong #hongkongfood #foodstagram #foodie #kowloonbay #香港#覓食 #香港美食 #九龍 #九龍灣 #工業區 #西餐 #扒餐 #超值 #牛扒 #珍寶雞扒

平日午餐時間見到咁多人排隊，所以專登早啲去唔使等位， 12點就入座，限時45分鐘（由嘟QR code開始計），點齊三個餐用左12 分鐘，到上齊餐又多15 分鐘，飲湯、食前菜、件雞扒唔熱又硬，食到一半40 分鐘已經開始有人過嚟催，跟住每隔2分鐘又有人過嚟催。跟本都未食完、杯茶都未飲就要走。比左$88, 即係每分鐘$2。如果平時工作壓力唔夠大的話，大家不妨去試吓壓力送飯係如何滋味？最慘係啲嘢唔見得特別好食，只可以話係可接受

自從公司搬咗去荒島，每到食飯時間都幾頭痕😅 唯有聽取四方意見，周圍試吓新嘢😉 呢日見有啲時間，就行遠少少去搵食，嚟到 #九龍東 嘅另一個角#鋸扒 🍽️ 其實「Me Time Cafe」早前我哋都試過approach過佢，不過眼見人山人海嘅景象，唯有退而求其次去咗食 #米線🤣 難得呢日食飯時間仲有位，一於試吓佢☺️餐廳以電子形式落單，餐牌上主要以 #扒餐 居多，基本嘅豬牛魚樣樣有齊🤩 而最吸引我嘅，當然係佢哋其中一個主打 #生酮餐，咁我就可以盡量享受食物之餘、唔使左棟右揀浪費食物😉 先上枱嘅係一碗黃色嘅湯，雖然食唔出係咩口味，不過當濕吓個口都無妨😅 主食係一件五成熟嘅 #牛扒，配上 #沙律菜 同 #炒蛋 🐣 沙律菜配上酸酸地嘅醬汁一齊食都幾開胃，不過份炒蛋就老咗啲，口感麻麻😅 至於件牛扒肉質都算鮮嫩，切開嚟仲係粉紅色嘅，雖然唔算得係啲咩高質牛扒，不過總算對得住$78呢個價錢🤭呢日雖然係座無虛客，但係員工嘅表現都係保持友善，又唔會食到一半已經催人埋單🩷 難怪佢哋咁多捧場客啦😚📍 @Me Time Cafe (九龍灣)宏開道8號其士商業中心1樓A號舖

平民價錢西餐，夜晚收工吾係太肚餓，就叫左個三重芝士鮮茄焗厚切吉列豬扒意粉，芝士好濃，意粉就有淡淡既蕃茄味，仲配埋啲沙律菜。而且豬扒係碎上，好方便唔洗切。配埋熱飲$62，唯一缺點係夜晚要加一，唔係真係再抵食好多。

看在OpenRice上有不少好評就來試一下他的早餐。週六早上人流不多，不到一半滿，可隨意選位。手機下單點了D餐大滿足，約十分鐘整個餐到齊。沙律正常、炒蛋牛油太多有點膩、飲品還沒加糖就過甜。最可怕的是牛扒一口咬下去有水的味道，引起一陣反胃。不確定是水龍頭的水抑或是雪藏時的水，但能吃到這種味道的，我要擔心一下待會會不會肚痛腹瀉。唯蒜茸包有最好的發揮，安心又好吃。不到$60的早餐不求超高質，但連基本都沒有就令人很失望了

今日黎到九龍灣搵食唔好睇呢到係工業區附近就冇咩野食係前大渣哥對面嘅商場有間Me time cafe主要平民價錢嘅西餐今日係到食左個晚餐，有牛扒配意粉仲有湯送🤤🤤🤤朋友仔唔小心倒瀉左一杯野飲店員好好心咁幫大家清潔之餘仲整多杯比我哋🙆🏼‍♀️大家都對店員嘅熱情服務感到十分感激紛紛表示謝意好少可以見到有餐廳嘅店員會咁做！比一百分🤭食物方面，牛扒叫左五成熟，切嘅時候都要用少少力，都唔錯！食落口唔係好韌

lunchtime 通常在九龍灣很少能找到一家平價的西餐廳，後來透過朋友推薦吃上了Me Time Cafe。lunch hour 也挺full 需要排隊的..我們點了： Cafe的午餐套餐只要$68，有牛排、飲料和湯。 牛扒質素還可以，我點了五成熟，有點咬不開嘅感覺，建議點7成熟的牛排，口感應該會更好。 ✨如果你想在九龍灣找平價實惠的餐廳，挺推薦你去這家餐廳。✨

今日約咗個best friend公司附近吃下午茶。點解食下午茶，主要因為九龍灣如果想食午餐嘅話一定要一早去霸位/排隊，同埋會限時+同人逼餐死🤢。呢間cafe，我其實係常客，因為我覺得他們價錢👌🏻而且保持到水準。今日挑戰咗一個平日好想食，但自己唔敢點的甜品🧇阿華田脆脆+士多啤梨果醬窩夫。窩夫好出色，香甜層次豐富；底層是熱辣辣嘅窩夫，餅身夠酥脆；阿華田脆脆，粒粒脆香且朱古力味濃；士多啤梨醬配少許cream亦好夾。一份大大份，有四件，適合兩個人分享，超級好味😋😋😋當日阿華田脆脆係用一個細杯仔另上，忘記影相😅#香港 #美食 #小店 #九龍灣 #窩夫 #foodie

星期六最鍾意就係去cafe，食下甜品、同朋友傾下計，過個恬意嘅weekend而呢間已經去左唔少於5次，今次第1次試下午茶，果然無令我失望！美國安格斯牛肉配薯條牛肉十分嫩口，食落啖啖肉汁！配埋蕃茄生菜等等令口感更清新！而薯條本身已加黑椒調味，十分脆香，係下午茶必點嘅！Me Time人氣窩夫係店入面其中一個signature菜式，$47就有全份，4舊大大舊超抵食！有好多唔同口味，例如花生醬、咖哋、朱古力醬等等，當中可以揀2款。而今次就試左阿華田脆脆醬同埋煉奶阿華田脆脆加落外脆內鬆軟嘅窩夫上面好夾，加埋cream勁綿滑好食！

呢間Me Time Cafe位於係九龍灣商廈區，附近主要都係茶餐廳之類，比較少西餐廳選擇，難得有一間平價西餐廳，一於入去鋸下扒先！午飯時間去到門口已經大排長龍，排左差唔多20分鐘先有位，入到去限時45分鐘，而且真係會提你夠鐘走人，如果想慢慢食個午餐既朋友就要考慮下啦。佢既套餐包埋餐湯同飲一杯飲品。羅宋湯好足料！主食我就要左份相撲手牛扒配燒汁跟薯菜，份牛扒真係大到相撲手咁，好足料，五成熟岩岩好，薯菜都唔係求其俾啲凍冰冰既配菜你，呢個價錢收貨啦

Me Time Cafe📍 九龍灣宏開道8號其士商業中心1樓A號舖午餐A相撲手牛扒配燒汁配飯$78手掌般大的牛扒🥩，真的是一手掌握不住的重磅🥩，重要厚切，真的令我不禁驚呼：「嘩～很大！」午餐均有餐湯、珍珠飯/扁意粉/薯菜、沙律🥗，配熱飲小食S10烤雞泡魚🐡乾$48呢一款係我每次必點嘅小食，因為份量十足，不油膩不飽肚，配啤酒🍻一流。雞泡魚乾烤得表面乾身，裏面juicy，沒有魚腥味，配合wasabi 沙律醬😋如果下午茶時段仲送餐飲添這一間 cafe 的裝潢一般，但我非常喜歡他各式各樣嘅燈罩，款式不同但格調相通，放眼望去是很融合很舒服的感覺。我來過這裡好幾次了，到目前為止沒有失望的時刻！是商貿區內cp值高的西餐廳！]#香港 #美食 #九龍灣西餐#cafe #肉眼牛扒

第一次寫食評，真係難食到爆，叫左個濃茄醬雞絲炒意粉，望落去賣相真係ok，正正常常咁，一食落去出晒事，鹹中帶苦！真係成個口都係西藥味，俾我朋友試咗啖，佢都係覺得好苦🤢跟住佢叫嘅嗰個黑椒汁牛柳粒燴意粉都係得個鹹字，總結：冇下次！

今日同同事去食lunch 總共5個人，大概12點到左，都好彩仲有6人位可以坐，但員工同我地講用餐時間只有45分鐘，咁都明白lunch時間需求好多，但係而家係香港食飯真係慘，食個飯都要限住時間，仲要係QRcode落單果度會顯示埋比你睇你食左幾多分鐘，好大壓力。 咁都算啦，但係食食下，員工就安排左1人過黎搭枱，本身已經唔係好鬆動，仲要加多個人入黎一齊坐。而食物質素方便，以前D扒好好食，而家變得無咁好食，仲有個雞脾便當，隻雞脾都無咁滑了。 經過今次，下次唔會再食了。

六個同事食午飯，我點餐：香煎原條龍脷柳意粉配西檸汁，錯上枱是：脆炸邪惡芝心豬意粉。 評價：1. 比錯餐 😡 2. 超燶：似翻炸再翻炸 3. 離開前，女經理還說：下次唔好嚟食