Me Time Cafe

營業中

休息中

今日同同事去食lunch 總共5個人，大概12點到左，都好彩仲有6人位可以坐，但員工同我地講用餐時間只有45分鐘，咁都明白lunch時間需求好多，但係而家係香港食飯真係慘，食個飯都要限住時間，仲要係QRcode落單果度會顯示埋比你睇你食左幾多分鐘，好大壓力。 咁都算啦，但係食食下，員工就安排左1人過黎搭枱，本身已經唔係好鬆動，仲要加多個人入黎一齊坐。而食物質素方便，以前D扒好好食，而家變得無咁好食，仲有個雞脾便當，隻雞脾都無咁滑了。 經過今次，下次唔會再食了。

六個同事食午飯，我點餐：香煎原條龍脷柳意粉配西檸汁，錯上枱是：脆炸邪惡芝心豬意粉。 評價：1. 比錯餐 😡 2. 超燶：似翻炸再翻炸 3. 離開前，女經理還說：下次唔好嚟食

今天忙至下午1點半才可以吃午飯，剛巧身在九龍灣，立刻相約好朋友一齊午飯。好朋友推介到Me Time Cafe，試試該店的相撲手肉眼牛扒。想到肉眼牛扒是一般的食材，沒有特別之處，令心中產生疑問🤔。坐下來已接近下午兩點，上班族慢慢離開，騰出空位。下單兩份相撲手肉眼牛扒配牛仔燒汁（全熟），一份配意大利粉，另一份配飯。肉眼扒份量比足夠更多，有4、5種沙律菜跟麻醬，飯上有少許黑胡椒粒。切牛扒時有驚喜，肉身非常淋，入口肉味和肉汁香濃。用$75大眾化價錢獲得的滿足感，物超所值👍🏻

朋友推薦，今次去咗間唔算太出名，但食物質素出奇嘅好嘅餐廳，食咗幾款菜，實話實說，味道正到爆！😋🍴先講個「相撲手肉眼牛扒配黑椒汁扁意粉」，話晒都係肉眼牛扒，樣子好有分量，煮到五成熟，一刀切落去，肉汁四處溢出，真係荀到彈牙，嗜肉之人嘅天堂啊！而黑椒汁扁意粉都係好入味，嗰汁夠哂底味，意粉又吸汁，啖啖肉香汁味，正呀！再嚟個「醬汁豬軟骨丼飯」，豬軟骨炆到爛入味，同飯嘅配搭剛剛好，軟豪而唔膩，個流心蛋流佐個蛋黃，混合埋飯面，簡直係絲滑嘅享受。有朋友同我一齊食，都覺得這個不得了，啱晒啖口。最後，其實啱哂啲鍾意平民價格但又想食啲好嘢嘅食客，總之你過嚟試，唔洗話食得飽，最緊要食得開心又滿足！👍👀

晚餐時段，音響太吵太rock，位多, 𣎴用這樣趧客． 晚上可靜些。今次menu豬鞍沒有＂慢煮＂兩字，果然好似水煮,鞋烚恰，又乾。 兩三個月前很好的,很淋又多汁。好失望。

今次覓食去到九龍灣工廈區，搵咗依間地點不太顯眼嘅餐廳，午飯時間到全店滿座，仲有小部份人在等位，我都十分期待佢嘅餐點幸好有提早到不用等，就直接入去。午市套餐選擇很多無論素菜定肉食朋友都可以選擇到。下單大概10分鐘就菜品已齊，上菜速度媲美快餐香煎豬柳配司華力腸跟扁意粉份量很大份很足，扁意粉十分入味，偏軟爛。沙律正常，不過豬柳沒有經過醃製，味道唔太突出，肉質有小小偏嚡不過整體都算不過不失，下次可以試其他菜品

Lunch time 好多時想食高質嘅，價錢又唔使好貴。今次嚟到呢間餐廳就係，佢呢個牛扒意粉餐，牛扒肉質鮮嫩多汁，意粉又好夠味，唔會碎濕濕。配埋杯咖啡☕️真係一流，下次再去食👍🏻

上星期呀女因為有表演，所以有2晚都要去九龍灣Rehearsal。Rehearsal 前梗係要衣飽個肚仔先啦。九龍灣我哋好少到，完全唔知附近有咩好嘢食，阿女就隨意向附近揀咗呢間MeTime Cafe試吓。我哋2大1小叫咗2個主菜➕一款小食❤︎︎夜市鹽酥炸雞粒 $47❤︎︎三重芝士焗鮮茄厚切吉列豬扒 $60❤︎︎慢煮炙燒雞髀便儅 $65鹽酥雞粒，熱辣辣又香脆可口👍🏾👍🏾👍🏾👍🏾👍🏾嗰焗豬扒意粉又好好味👍🏾👍🏾👍🏾👍🏾👍🏾雞髀好大隻，但係個味道麻麻地，唔係好啱我哋口味👍🏾👍🏾另外佢哋每款食物都會有啲雜菜沙律做伴菜，呢個我非常欣賞👍🏾👍🏾👍🏾👍🏾以呢個價錢食到咁嘅質素西餐晚餐，可以話係超值，大家去開九龍灣不妨一試😊 大力推👍🏾推介指數：8/10

今日去咗九龍灣呢一邊同朋友行街，咁啱我哋喺lunch time時間食嘢就搵到呢一間餐廳佢嘅上網評價都好似有幾多人食，咁我哋就最後決定試吓呢一間餐廳！朋友就叫咗牛扒，我就叫咗豬，價錢嚟講可能喺九龍灣嘅關係都唔算太貴，豬頭嘅份量都幾大份，而且成日去都唔會太硬嘅感覺。呢個價錢嚟講我會覺得係合格。，意粉就中規中矩啦冇乜太大特別，都係一般茶餐廳茄汁意粉嘅質素！最後加多杯凍檸茶完成呢一個lunch!的性價比嚟講都算幾高，九龍灣返工嘅朋友可以試吓

今日跟同事黎Metime cafe 食晏🤪一黎到極多人係到排隊😨用餐時間得45分鐘所以人流都去得好快見到$75有牛扒意粉咁抵食即刻試試佢先🤤一上到黎塊牛扒都幾大塊😍食落去都算幾有牛味😜唔會話用粉醃得太誇張得黎都算嫩🤫加上佢個茄汁意粉都算正正常常(P.S 有得揀多意粉）配埋個唔洗加錢嘅凍綠茶同埋餐湯我覺得都算係咁🤭大家都可以加錢配佢d特飲我見都幾特別😉我同事叫左個雞扒都幾大塊但我冇影到相😂Overall黎講$75唔洗加一有呢個質素都幾抵食👍🏻但因為太多人流服務會差少少但平時番工食晏都唔好要求咁多喇😂會係番工有時都會黎食晏嘅餐廳🤩

經過九龍灣諗住同家人食晚餐，淘大，德福都去過幾次，決定行去附近睇下有無其他餐廳。沿著戲院旁的樓梯行，過了一條馬路後，於對面商場扶手電梯上一層，在酒樓旁邊有間西餐廳，名字很特別，叫me time cafe，餐廳裝修感覺不錯，決定一試餐廳內有不少款式的食物，而且價錢合理，大部份都係套餐，亦有一至兩個較健康或輕盈選擇，如椰菜花飯，沙律，十分吸引。最後5個人選了兩款相同，3款不同晚餐，有原條魚柳，牛扒，煙三文魚沙律，燒菠蘿豬扒，全部份量都非常足夠，各人都十分滿足，套餐亦有一碗忌廉南瓜湯及餐飲，飲品可以加錢升級為台式飲品呢！但太開心，唔記得咗影飲品相最後付上食物相片

星期六去九龍灣搵朋友食飯地膽朋友帶左我去一間隱世小店平時行街絕對吾會留意到 係德福同MegaBox中間的一個商業中心 仲要上一層電梯先見到當日下午兩點半到 餐廳已經座無虛席同時有lunch menu & Tea menu選擇{相撲手配肉眼牛扒牛仔燒汁配扁意粉$78}難怪叫相撲手 份量超多 牛扒出奇地大塊仲要真係做到五成熟👏🏻剛剛收血水 肉質嫩滑 夠哂juicy意粉十分有誠意 一般餐廳係白恰意粉上面淋d汁就算 呢間既意粉係用茄汁炒過重點‼️選擇多意粉 不用額外加錢沙津菜新鮮配上胡麻醬👍🏻{醬汁豬軟骨丼飯$63}豬軟骨炆得好淋 又唔會太鹹肉同軟骨嘅比例亦好好 仲配上流心蛋同沙律菜📍Me Time Cafe (九龍灣)九龍灣宏開道8號其士商業中心1樓A號舖

又係星期六.下午天氣炎熱.要找個有冷氣充足又要環境寧靜.又可以無限時段趕客.啲美食有番咁好食.為有Me Time Cafe 呢處好似我嘅飯堂.唔可以話個個星期六都見到我.但係見到我嘅機會率都好高.之前介紹咗佢哋個相撲手肉眼牛扒.今日係介紹我哋從未試過嘅新食品。今日點餐如下：1. S1避風塘龍皇鬚 X1 $50元 配餐飲：涷檸檬茶.2. T2 珍寶炸蝦漢堡配薯條 X1 $60元 配餐飲：檸檬薏米生薑茶.3. T4美式經典熱狗配薯條. X1 $58元 配餐飲：OREO朱古力奶蓋（涷）4. S4 明洞甜酸炸雞.X1 $42元 配餐飲：低糖薏米水（熱）等我再係度介紹佢哋個地址.🚶🏻‍♂️👉📌Me Time Cafe (九龍灣)九龍灣宏開道8號其士商業中心1樓A號舖

次次經過呢間cafe都大排長龍，一早已經想試，適逢同事提議，但實在太多人排隊，所以就試下佢既外賣啦😝由於朝早太趕時間無食到早餐，捱到午餐太肚餓喇，所以叫左個一聽個名就覺大大份既午餐，香烤美國珍寶雞扒配黑椒汁意粉😍😍😍無敵大份，肉質都幾滑，仲有埋沙律跟埋，意粉都有驚嘉，味道有點似細個食兒童餐既意粉，好食，cp值又好高🫶每份午餐都跟餐湯，今次無特別問店員係咩湯，估計係南瓜忌廉湯，好飲😋😋😋

今日下午茶想吃西餐，這間餐廳的下午茶一向有多種選擇，今天便在到來下午茶既有三文魚忌廉意粉，安格斯牛肉漢堡，熱狗配薯條，輕食的有西多士連抹茶芝士蛋糕都有，林林總總！我叫了雞扒稻庭烏冬，雖然是下午茶，但份量不少雞扒煎得不錯，調味甚佳不會個鹹，亦不會太淡，而且有胡麻汁配搭，食起來增添味道😍烏冬淥得恰到好處，不會太冧，湯底亦調得好味朋友叫了茄汁雞肉意粉，茄汁不會過酸，有少少甜。雞肉混在茄汁中，算是入味。下午茶配料飲品，奶茶夠滑，咖啡夠濃👍🏻今時今日百物騰貴，能在九龍灣商業區只用$45食一個有水準的下午茶，實屬不錯😌😌