廚魔茶室

行去地鐵站時見到呢間前米芝連三星名廚「廚魔」Alvin Leung（佢嘅旗艦餐廳Bo Innovation現為米芝連二星）做老闆嘅茶記，好奇心驅使下食番個下午茶餐。要咗個鹹牛肉芝士蛋治同凍檸茶。個蛋牛治勝在夠厚身，蛋算滑，芝士亦夠，味道算中上，只係杯檸茶檸檬唔夠淡咗啲。店入面呢個時段冇乜客，裝修幾型仔，尖沙咀呢個格局只係收$35（唔駛加一），普通茶記都未必得，算係抵食嘅。當然，廚房入面嗰個100%唔係廚魔本人，相信呢間餐廳佢都係掛名為主，但可以留意啲細節位，好似佢哋摺住件三文治個位置有計算過，好方便食用。當然你想試到廚魔米芝連級數嘅食物同服務，就應該去Bo Innovation。至於呢間真係一間茶記咋，唔好諗住蔗渣價錢有燒鵝味道。…查看更多

星期日經過尖沙咀見有新店，就入去試吓地方整潔👍用QR code 落單，方便👍選擇了二人龍蝦牛扒餐$568好快就先來反後飲品 🤷🏻‍♂️前菜有沙律，一般雜菜沙律加幾片蕃茄。牛扒好期待，但可惜只是一般，order 要5成熟，點解會變九成？？ 好硬，肉汁欠奉…問個職員點解唔係五成，佢只話唔好意思🫤龍蝦🦞OK，夠味，新鮮，但跟的麵就太多醬，比較味濃😖二人餐包甜品，叫魔幻甜品，有啲新意，食落似炸麪包加雪糕。職員有禮。沒有加一，算係有點驚喜。希望以上各項特別牛扒可以改善，希望將來再次光顧。…查看更多

📍 廚魔茶室 (尖沙咀)尖沙咀金巴利道80號奇盛商業大廈UG樓我平時夜晚去的 本人覺得menu選擇唔多 不過網上話員工態度唔好就唔察覺🙈圖一：叉燒飯 （$79）果然係名店嘅副線😌所有要做嘅細節位都有做足😌例如 凍檸茶係用鐵杯裝 飲到最後啖都喺凍！叉燒飯上有蔥油 食得出係唔係普通嘅蔥油 係比較多蔥嘅叉燒半肥瘦 調味適中 無話過甜同埋鹹飯份量恰到好處 菜心同蛋都唔錯可以話完美🤣🤣圖二：疏乎厘西多士 （$49）呢個係餐廳名物我就算飽到就死都叫咗一個🤣底層係麵包 中間係花生醬 上面係疏乎厘仲配埋煉奶食落會比平時嘅西多士light ddd🤏🏻個人覺得未配煉奶就冇乜特別配埋就好好食😛同埋個人私心鍾意粗粒花生醬多啲評分: 4.5 ⭐️/ 5 ⭐️…查看更多

主理人係餐飲業界知名人物，自然吸引得多人一試究竟，睇到唔同評論各走極端，決定咗要嚟試。餐廳環境、外觀、內裏裝修，都凸顯出主理人就係呢間餐廳嘅最大賣點。同意其他食評家所述，店員服務態度係優先需要處理一項；姐姐還好、男仔嘅態度真係不敢恭維。焗豬扒飯 - 飯底本身已經係一個招倈，有香氣嘅蛋炒飯做底，已經唔係好多間餐廳嘅焗豬可以做到。比較遜色嘅係除咗芝士同蕃茄肉/醬，冇其他嘅配料伴菜，食落有啲寡。豬扒係夠腍，但用嘅部位都係偏向肥膩，食完成個飯已經接近食唔落其他嘢。蝦多士條 - 表面有櫻花蝦咗點綴，但其實對味道冇乜太大幫助。蝦味同麵包融為一體，兩者平衡程度剛好。明明落單揀咗蕃茜千島醬，但最終係俾咗蜜糖芥末，醬汁係大路嘅味道，冇乜特別。凍奶茶 - 正常發揮，茶味夠，甜度稍弱而不夠回甘效果，但老實說已好過好多其他茶餐廳。梳乎厘西多 - 外觀好睇但過份油膩，切落去嘅時候不停有油咇出嚟😅 食落外表鬆軟，內裏同一般西多士無異。的確係幾有特色，但並唔係必須要試。總括而言，呢間算係一間值得嚟試嘅茶餐廳，食物質素係交到茶記應有水準。…查看更多

之前可能係啱啱開業所以comment有食物好多不足但係今日去係冇所之前見到嘅問題肉餅方面唔知之前係咩樣，但今日睇落就唔似焗飯，但係千島醬加得啱啱好，中和左肉餅嘅油膩，肉餅有咬口，炒底亦好香，只係側邊嘅白汁係普通茶記味道另外嘅梳乎厘花生醬西多係邪惡mvp，之前有comment話係油浸西多，今日完全唔係依回事，外表乾身，即使拎起睇，張紙都係得一兩點油，梳乎厘本身都夠香同鬆軟，點埋煉奶平衡返鹹甜，又邪惡又好食另外中年staff姨姨都有禮貌…查看更多

好少寫食評但真係太失望，呢個價錢呢個體驗真係極低性價比我最後先寫食物質素因為味道嘅野比較主觀，但服務質素差就絕對係客觀情況補充少少資料先，我係食$568 個2人餐問題一：侍應expect客知道晒啲野(但其實我連餐牌都冇...侍應知我哋係book咗二人餐之後，就直接問我哋揀咩前菜，但又唔講有咩揀，要我主動問之後問牛扒要咩汁，又唔講有咩汁揀，要我主動問然後問我哋飲咩，又唔講有咩可以飲，要我主動問有menu嘅話就話啫，menu都冇咁係咪應該你話我知有咩揀?問題二：唔夠侍應成間餐廳得一個侍應，要出餐，落單，執枱等等餐具喺枱面，但幾枱都唔夠/冇刀，個個都要問佢/自己拎(因為侍應忙緊執枱大佬你收緊$280/人呀，餐具侍應都唔夠，你估真係茶記咩，茶記就唔好收呢個價啦問題三：侍應唔熟menu問佢前菜有咩揀，點知佢都er er下，淨係噏到蝦多條問佢咩係蝦多條，佢就答 「好呀，多人叫蝦多條」，完全九唔搭八去到最尾我都係問唔到咩叫蝦多條，只可以估係蝦多士啲朋友甜品又係，問係咩甜品，侍應答梳乎里，的確外表係好似梳乎里，但明明係包嚟，類似西多士咁大佬你做侍應可唔可以專業少少...額外資訊：聽到隔嚟枱塊牛扒講咗 唔要 鐵板上，侍應都話OK，結果都係鐵板上...侍應淨係識講唔好意思，同咗廚房講...然後我哋食牛扒想要鹽，侍應話要$20，雖然我知佢好多款鹽，好似好勁，但抵唔抵俾，就見人見智喇講完客觀野，到主觀評價1. 龍蝦唔霉，但唔彈牙，啲肉會散2. 煲仔麵似唔熟，多過似彈牙(可能我唔識食呢啲"高級野"所以分唔到掛2.5 煲仔麵overrated，味道冇特別3. 牛扒叫咗3成熟，但冇肉汁，冇肉味，鐵板嗰邊極柴(我知柴係合理，但餐廳係咪都應該搵方法serve一塊冇咁柴嘅牛扒？3.5 牛扒比ig條片嘅size細頗多，但算啦都唔好食，4. 甜品同蝦多條好食，蝦多條即係條狀嘅蝦多士，夠脆，咬落有油香5. 廁所好乾淨Overall而言非常失望，令我對廚魔極度嘅能力同要求有極大懷疑…查看更多

去開尖沙咀天文臺道附近嗰個位，中午時間想食下茶仔，間間都排隊，想人少同避開同胞遊客，唯有去多次廚魔，估計應該冇乜人，點知又有驚喜，$81午餐係咁樣，估計塊雞扒來貨應該好貴，所以先可以切得咁細。竟然仲做得住，好嘢👏🏻…查看更多

見係由廚魔開就慕名而來，排隊到入座都未算好混亂，可接受。今日下午茶時間人都幾多要搭檯，無所謂啦，落單就用QR code，但佢搭檯無分A/B檯, 變相搭檯嘅人落咗同一張單，賣單佢地會分返嘅，但上菜嘅時候要自己睇清楚，到時同人地叫埋同一樣嘅嘢又拎咗人地啲嘢食就唔好啦。言歸正傳，睇食評啲相都唔差嘅，諗住叫個廚魔肉餅焗飯試吓，點知黎到個樣唔同咗，無咗塊芝士同埋原來佢唔係「焗飯」黎架！！！只不過係炒飯底加塊煎肉餅擺面再淋千島醬係面再擺啲白汁係側邊！！！唔知係咪佢玩食字定我理解錯誤，點解焗飯會係咁。另外試咗份蝦多條，味道一般，又無人地講到咁酥脆，可能係我先入為主啦，食嘅嘢無想像中好食…廚廚肉餅焗飯$98蝦多條$45…查看更多

睇完片好奇心驅使下試呢間餐廳 有驚喜最好食推薦： 焗豬扒飯高質個飯真係好食👍🏽👍🏽👍🏽好新鮮焗出黎芝士拉絲 唔係成塊野硬晒鋪係面果種芝士茄汁唔會太酸或太甜 岩岩好豬扒就偏硬少少 同埋冇特別調味鐵板牛扒 揀左五成熟 煎得好好塊牛本身都有一定質素 唔係茶餐廳牛扒推薦加$8加條腸 幾好食花生醬梳乎厘西多唔難食 但我會鍾意傳統西多士多啲最後係扒餐送既甜品梳乎厘雪糕同上面果個類似梳乎厘同雪糕match過花生醬係好食既整體黎講推薦大家黎試可能因為我本身抱住試伏心態黎食所以特別驚喜😂…查看更多

睇完YouTuber介紹黎試見OpenRice好多劣評所以都不抱太高期望結果食完覺得幾有驚喜蝦多士睇落係靚靚仔仔presentation很加分食落脆口咸咸香香點埋蜜糖芥末食係正嘅雖然蝦膠唔多不過四十幾蚊 算係咁啦！梳乎厘經典花生醬多士呢個望落去扁塔塔以為中伏但食落係有驚喜！保留傳統奶醬多feel但多左啲空氣感！我覺得好好味心雙色芝士焗豬扒飯望落都係賣相一般份量亦偏少但味道都係出色嘅！調味剛好豬扒唔柴邊邊仲脆脆地好香口飲有少少飯焦整體係好味！呢個都係值得下次再訪嘅原因黑牛公仔麵比較一般 無乜特別但唔難食Total叫左兩個小食兩個主食兩杯野飲埋單二百幾其實價錢都算合理會有下次！…查看更多

看了網上的KOL介紹，衝著它米芝蓮廚師的聲勢以及他流心花生醬西多士梳乎厘這味招牌菜放工之後便和朋友一起試食結果是無論員工的服務態度，還是餐品的質素和表現都令人大失所望，特別是滿心期待的流心花生醬西多士梳乎厘當天我和朋友在大約7點半到達餐廳，當時整個餐廳的客人大約也只有五個然後當時餐廳也有2個服務員，然而當我們坐下後，到點餐的時候，他們都一副不想服務我們的樣子當時已經令我和朋友很反感，然後當餐品上台後價值接近$80的焗豬扒飯的分量連我這個食量極少的人也覺得不夠吃而網上介紹的西多士，內裏的花生醬是滿滿的流出來的但我們的西多士，切開後內裏只有一點點的花生醬，還是又乾又硬的無論質，還是量都是十足的照騙⋯⋯永遠不會再去吃第二次以這價錢地點和服務態度 相信很快便會被淘汰…查看更多

本次消費體驗非常失望。店員服務態度冷淡，詢問商品細節時表現不耐煩，甚至中途轉身與他人閒聊，留下顧客空等。點餐過程出現錯誤後，未主動道歉且語氣敷衍。環境與餐點尚可，但人員訓練明顯不足，缺乏基本服務熱忱。希望店家正視服務品質，否則可惜了產品本身的水準。…查看更多

食物有水準，而且性價比高。午餐和下午茶，好好，不過晚市暫時好似唔夠多選擇。不知是否位置關係，星期日下午不太多人。焗豬扒飯：多餸，汁不太鹹，豬扒好食，炒飯底都好味。雞扒撈麵：多汁，小朋友鍾意沙嗲汁，大人食黑椒汁少少辣。雞扒滑，汁惹味。疏乎厘西多士：朋友比較鍾意細多士條，我堅持叫這個，出乎意料地好味，好鬆軟。鹹牛肉芝士蛋治：有時想食少啲會食呢個，蛋炒得好食，加芝士冇得頂。菠蘿冰：小朋友好鍾意，次次都叫。紅豆冰：我自己唔飲，但家人話高水準的紅豆冰。…查看更多

呢間茶餐廳完全冇誠意, 選擇少之有少. 飯類唔係得雞扒就係豬扒. 麵就多一個牛肉可以選擇唯有試佢嘅白汁蘑菇雞扒飯同焗豬扒飯.焗豬扒飯冇乜特別， 不過不失. 白汁蘑菇雞扒飯, 個汁同金寶罐頭嘅白汁蘑菇冇乜分別, 個雞就炸到勁口粉，肉係鞋既。問侍應攞熱水竟然話熱水爐壞咗。新開張就話熱水爐壞咗， 慳電費都唔係咁呀！！！飲品定價奇奇怪怪， 任何飲品係加九蚊魔廚茶室的名字難道想是黑暗料理嗎？？留返啲錢做好間餐廳好過不斷做廣告啦！…查看更多

一入到間餐廳見到冇乜客人都知賴嘢，但估唔到真係咁差，好少寫評語，但今次真係難食到要個差評佢，未食過咁難食嘅豬扒飯，塊豬扒乾噌噌，煎到黑色，咬都咬唔開，賣咁貴，又細細份仲要難食到咁，真係請我我都唔會去。一開始係比廚魔個名吸引咗，但同真正嘅廚魔冇得揮。啲侍應又懵吓懵吓，埋單都搞咗勁耐，又好似唔識落單咁，完全冇培訓過，真係停執笠大家千祈唔好去，俾錢買難受，未試過食豬扒飯最後塊豬扒我掂都冇掂過就係食個炒飯，個飯都唔係好食，但至少冇個豬扒咁差。…查看更多