Make It (已結業)

今晚在朗豪坊附近吃過晚飯,肚子還未滿足,打算行到地鐵站時,發現了Make it,就是先前那個玫瑰花的雪糕店是也!!原來,除了女生最愛的玫瑰花造型外,也有男生喜歡的相機造型,不過當我看到實物後,我覺得會好硬.....加上店員又推介乳酪雪糕,咁我地一行幾人決定食乳酪雪糕啦!佢有自己Mix and Match 同店方早已配搭好的口味,我地一個自選一個就係揀店方配搭!我揀左左下角叫 Strawberry Fantasy ($42)店家後面有個半開放式的準備區,放滿了配搭的食材~~因為是即做的,我們就先坐著等食,大概5分鐘左右,店員就送上了!第一眼就令我想起炒雪糕的Hxlly Brxxn,,整個造型都幾似,只是配料上,這裡是多一點水果吧!而且雪糕是早已mix好,沒有炒雪糕的環節了!Strawberry Fantasy ($42)吃了一口,好酸喔! 我對酸感是挺強烈的,乳酪加草莓及藍莓,也是相像中的酸上加酸,所以我吃了幾口就放棄了,留了給朋友KO,不過Mochi 挺煙韌,可以推介,水果都不屬爆甜那種,合格吧!食到底層仲會有不少的早餐穀物脆脆(粟米片),而Waffle 杯身食到尾都沒有淋掉!整體我是

是咁的喺Facebook見到有相機雪糕 好似幾得意咁啱去開旺角 梗係要試下去到發現有自選雪糕杯1 base + 1 flavor + 3 toppings = $48所謂base就yogurt/牛奶雪糕等等flavor係你想個base咩味 好似生果呀薄荷呀嗰啲有幾人個set好咩款嘅就$42/杯小妹叫咗香蕉味yogurt+糯米糍+爆谷+士多啤梨可惜店員一開始落錯咗士多啤梨味yogurt這是壞印象的開始...間舖好細 只可以坐十幾人但因為好多人take away邊行朗豪坊邊食都好快有位杯嘢都幾靚 同幾大杯 但唔算好特別香蕉味yogurt係用新鮮香蕉整嘅 所以個味幾天然不過可能香港加得太多 蓋過開哂yogurt嘅清新味道而且一路食 個口覺得好乾好彩有士多啤梨中和下食到咁上吓發現杯yogurt同M記軟雪糕一樣... 是空心的不過入面放咗粟米片 咁都抵返啲不過好可惜杯yogurt本身已經無咩水份糯米糍同爆谷兩樣都係乾爭爭加發現上杯yogurt縮水變哂另一款又係乾爭爭嘅topping - 粟米片食到底簡直係... 好難受結果 小妹同朋友仔係dump咗1/3嘅...

令女孩一試就愛上的玫瑰花雪糕夏天就係要不停食雪糕既季節，同朋友出街一人一枝雪條消暑解渴就最開心啦！前幾日出開旺角shopping，特登去左朗豪坊既make it食玫瑰雪條，成日係ig見到想試好耐，果然名不虛傳，令人一試難忘。由地鐵既朗豪坊出口一出左手邊就係呢間舖頭，除左蛋糕同埋frozen yogurt之外，仲有一個玻璃櫃擺住一朵朵既玫瑰花。口味選擇都唔少，有北海道牛奶、抹茶、士多啤梨、朱古力、藍苺乳酪等。我地一人買左一個，朋友簡左抹茶味，我簡左士多啤梨味。難得食外型咁靚既雪糕梗係要影返幾張相留念，我地足足影幾分鐘，影左咁耐個雪糕都可以keep到無溶，值得一讚！抹茶個個食落個味幾香濃，甜度適中；士多啤梨味酸酸甜甜好清新，個味唔會好假。價錢係$35一個，雖然偏貴，但有咁外型、質素同味道，我覺得絕對可以一試。宜家雪糕創意既種類愈黎愈多，對女仔黎講，一朵咁浪漫，好味又睇得既玫瑰花雪糕一定會一試傾心。

在朗豪坊食過晚餐準備搭地鐵，經過這家雪糕店，雖然已經很飽但還是忍不住駐足觀望。雪糕做成漂亮的玫瑰花，共有五種口味供選擇。我選了朱古力，個人覺得味道很不錯。朱古力不會太甜，微微的苦味，和朱古力的香味結合。雪糕比起普通雪糕質地更硬，而且也更冷，外層些微融化時會再度凝結，使得雪糕不會流下來。價格不算很貴，總體而言值得一試。

約左朋友係旺角拎啲小禮物，行過朗豪坊地庫見到有之前好多朋友仔都食過嘅雪糕玫瑰花，所以就同小小豬一人買一支嚟試下啦~其實之前見好多朋友仔係FACEBOOK洗版式咁POST依個雪糕玫瑰花，我都已經勁想加入依個洗版行列。不過一直搵唔到機會出旺角，今日無意中路過，緊係要試下啦~一嚟到雪糕店，就俾個玫瑰花櫃吸引住啦~記得之前有朋友仔介紹過，雪糕玫瑰花有九款唔同味道。不過今日嚟到就只有藍莓、士多啤梨、綠茶、朱古力、牛奶~小小豬話: 依啲係花花嚟哦...真係可以食~最後經我一輪講解，小小豬終於知道係雪糕嚟，仲揀左佢愛嘅味道添~小小豬嘅士多啤梨味，我試食左幾啖，士多啤梨味都幾重，而且帶有少少酸，味道唔錯~我嘅綠茶味玫瑰花，其實我原本係打算試食朱古力味，點知小小豬極度建議我買綠色，佢話綠色係第二靚哦(當然佢係唔知依個味就係綠茶啦)！見隻豬仔極度建議，就順下佢意思一次咁多。我一向唔太好綠茶，因為好怕嗰一種苦澀味。不過依款食落又唔會覺得有那一種苦澀，帶有一陣淡淡綠茶味啦！不過如果極度愛好綠茶者應該會覺得味唔夠濃呀~小小豬正在滋味地辣手摧花中~味道係可以接受，不過我覺得整個玫瑰花雪糕都係比較結實，同埋雪味重左

其實我之前都嚟過幾次，不過小小豬都係第一次，當然要捉佢周圍影下相啦~睇下有咩食先~真係花多眼亂，最後經我地一輪考慮，終於都決定食咩，仲好快就送到我地枱上，開餐啦(哈哈哈...我地兩口子緊係食唔晒咁多嘢啦，其實同行者仲有一位唔願上鏡嘅金金呀)~首先就係小小豬嘅芝士火腿三文治，估唔到芝士都幾多分量，所以都OK呀~有嘢食嘅小小豬幾開心~我嘅玫瑰草莓杏仁餅，我個人就覺得幾好食，整個餅仔一啲都唔甜，有好香嘅草莓味，不過就食唔到個玫瑰呀~神祕人嘅查理布朗西多士，面嗰層麵包係真係炸的唔錯，脆脆地口感唔錯，不過如果可以係中間加啲醬，咁就應該更加好食呀~有嘢食當然唔少得飲品啦，我ORDER左士多啤梨忌廉冰(唔知有冇記錯個名)~相信唔洗我講，小小豬飲左我大半杯就知係好飲啦~神祕人就飲朱古力咖啡~我嚟幾次都冇留意，估唔到俾小小豬留意到。原來有一個圖書地帶，可以有啲圖書雜誌俾在場人仕借閱呀~小小豬拎左本圖書返嚟慢慢睇，咁我地就可以慢慢食啦~依度都唔依啲咩新地方，不過依度勝在環境好清靜，嘢食質量都唔錯，所以雖然比起嚟個價錢就好似貴左少少，間唔中嚟HEA下都唔錯呀！

未有機會收鮮花的我，也可以買「玫瑰花」給自己吃的！位於旺角朗豪坊的Make it，甜品店有4-5張檯，可容納的人數較少。不只是多款味道的玫瑰花雪糕，也有蛋糕、乳酪售賣。店員從雪櫃拿出雪糕，拆開膠袋然後交給我。整朵玫瑰花活現於眼前，也感受到雪糕散出的陣陣寒意。為了拍照，我選了可愛的粉紅色，是士多啤梨味道。賣相的確打很高分，因為太冰冷的關係，對「相機食先」很有利，拍多張照片也不會融掉。剛嚐的時候舌頭只感覺到冰冷，味道較淡，當我的熱情融化了玫瑰花雪糕，就開始滲出淡淡的香甜帶點酸的士多啤梨味道，味道中規中矩，付出 $35 主要是為了拍照。

這天晚上在附近辦完事，先在通記吃過超強的手製牛丸後，漫步到朗豪坊逛逛，準備乘地鐵回家時，在商場地庫到地鐵站的通道中，發現開了一家新的乳酪店。玻璃櫃內陳列著精緻迷人的各式蛋糕，我被中間放滿一朵朵不同顏色的玫瑰花吸引著，細看下竟是五款不同味道的雪糕，像真度極高，色彩繽紛，實在太動人了。凝望它們一會後，最終選定了浪漫的粉紅色玫瑰花，即是士多啤梨味乳酪雪糕，說時遲，那時快，店員用9秒9的時間瞬間把玫瑰花放到我面前，馬上付款後拿著它坐到店裡去。幸而玫瑰花生得頗精壯結實，我拿著它拍了好幾張照片後，它的風采依然 可是由於要保持它的優美狀態吧，第一口咬下去時仍然有點硬，必須要小口小口的輕咬，待雪糕在室溫下漸漸的溶化，差不多把外圍第一層的花瓣吃掉，雪糕才稍為變得柔軟順滑，味道輕甜帶著淡淡的士多啤梨的清香氣味。小店其實主打近年流行的FROYO，即自選配料的乳酪甜點，店方用的是牛奶乳酪，客人按喜好在點單紙上劃上喜愛的不同配料，花款甚多，再交由店員製作。店裡亦放置了幾組枱椅，客人可以坐下慢慢享用食物，亦算是個小小甜點店吧。

今日同公主睇完戲，慕名嚟到依家近期出名嘅雪糕店，一嚐玫瑰電糕！雖然被公主訓練咁耐，對甜品嘅熱情，始終唔及公主大人本身！俾少少面公主，第一次試《Greentea Rose》！其實聽返啲食友講，依個玫瑰電糕雪到“紙”咁硬！真喺唔知邊個角度入手好，而且開頭太凍，真喺食唔到咩味道！當開始慢慢熔化之後，先可以食到少少抹茶味！比我更熱愛飲公主飲抹茶嘅公主大人同我講，其實綠茶同抹茶喺唔同！吓，係咩？我真喺唔知道！因為我只識飲中國茶架咋！如果唔喺慕名試吓，我諗自己一定唔會買嚟食！35蚊食舊花，太貴！甜品嘅嘢，我真喺識依啲架咋！

去朗豪坊行街經過，諗住試下佢嘅雪糕，佢有兩款揀，我就揀左1雪糕+1flavour (chocolate hazelnut +3topping(糯米糍，麥提莎，紅梅）個人好鍾意食榛子醬，但係去到上枱我先知道個醬係撈埋雪糕嘅！值得一讚啲雪糕都唔會溶得太快，可以慢慢嘆～

上次星期六下午特登嚟食就話賣晒，今次平日夜晚經過，竟然仲有好多貨。玫瑰花雪糕外型攤晒分，總共有三隻味（chocolate,vanila,blueberry yogurt)，我選擇淡紫色嘅blueberry yogurt！藍莓味略為偏淡，yogurt味較出，不會太甜，很適中，影咗好耐相都未溶，$35其實幾貴~

象徵浪漫的玫瑰花一向深得我歡心，Make it 將其化身雪條，外型嬌豔細膩精緻，令人捨不得品嚐。共有4種口味選擇，包括：士多啤梨、朱古力、藍莓乳酪及3.6北海道牛奶。雪糕幼滑非常，本人比較喜歡藍莓乳酪，口感輕盈不太甜。其他3款雪糕味道比較淡而不突出，整體外表比較吸引，味道有待改善。

店名：Make It地址：旺角亞皆老街8號朗豪坊B2層1號舖好味指數：7／10價錢：$35藍莓乳酪雪糕以玫瑰花雪糕作賣點，櫥窗內擺放了多支色彩繽紛的玫瑰花雪糕，教人興奮。我和友人想了很久到底選什麼顏色，終於左挑右選下選了紫色---藍莓乳酪雪糕。店員很快地從冰箱取出雪糕，把包裝紙除下。玫瑰花的外型模仿得非常細緻，中間用雪條棒支撐着。藍莓味道酸酸甜甜，yogurt味道挺為突出，但稱不軟滑，咬下去時有點硬，但值得一讚的是雪糕不太快溶掉。整體來說，造型吸引，但味道一般，而且份量不多，實在貴了點。

口味:3.6北海道牛奶 (Hokkaido Milk)藍莓乳酪 (Blueberry Yogurt)味道偏淡，可能太凍，未有如他們介紹的說「各款口味皆傳來的陣陣清香」。北海道牛奶雪糕不幼滑乳酪口感輕盈但偏酸未見有驚喜。玫瑰花外型細緻，拿著它拍照 10 分鐘也未有融掉。

早陣子facebook 不斷洗版玫瑰花雪糕的相片，今日和姐妹經過旺角朗豪坊地庫，見到make it 櫥窗擺放著色彩繽紛的玫瑰花雪糕，不禁開心得叫出來！玫瑰花雪糕共有四種味，朱古力、士多啤梨、藍莓和北海道牛奶我和友人點了士多啤梨和北海道牛奶粉紅色和白色的玫瑰花多可愛 make it 入面有幾張桌給客人先付款後坐下來食位置講不上舒適，但總好過站著吃店鋪入面還有其他雪糕供應，看起來也不錯士多啤梨玫瑰花，味道有點像士多啤梨味乳酪，拍照都玩了好久也沒有溶的迹像，酸酸甜甜味道不錯！$35有點貴但一杯又美味又有美感的甜品是絕對值得的！