Made in HK Restaurant (已結業)

上星期二晚上去食set dinner, 不用排隊及服務員態度良好。晚上主要是set dinner, 我們叫了白汁大蝦意粉及黑椒雜扒鐵板餐。(包餐湯及飲品)白汁大蝦意粉，蝦肉爽，大大隻，好味。另外雜扒鐵板餐，扒大大件，可選汁料。餐湯一点也不馬虎，材料足。

是日約了舊同學傾傾他的大計, 地點由我選, 那不如來這裡試試吧. 其實這裡的口碑好像是一般, 但自己未試過, 總是心思思的.這裡環境不錯, 擺位是幾闊落的, 而擺設是幾有心思的. 午餐價位不便宜, 但在這個人氣商場內, 還算合理吧.餐包: 8分, 先來的是餐包, 是我最喜歡的款式, 熱辣辣, 夠鬆軟, 塗上牛油同吃, 就是小時候的感覺, 大美味.餐湯: 7分, 是日的餐湯是忌廉湯, 熱度對辦, 但就是比較稀, 還是比較喜歡濃郁一點的忌廉湯.焗芝士肉醬飯伴溫泉蛋: 5分, 主菜反而是最令人失望的一項, 用鐵盤盛載, 自然是熱辣辣的, 但飯粒是相當硬身, 很難去咬開, 而芝士亦不夠香濃, 還好的是溫泉蛋是不錯的, 有蛋香, 撈飯同吃, 挽回點分數.安格斯牛仔骨配雜菌汁: 舊同學的選擇是安格斯牛仔骨配雜菌汁, 我沒有試了.凍檸茶: 7分, 餐茶要了凍檸茶, 份量十足, 不過稍嫌茶味偏淡, 始終是凍飲, 也收貨的.Made in HK Restaurant的食物水準參次, 當中的焗芝士肉醬飯伴溫泉蛋委實不太令人滿意, 加上價位不便宜, 計及這裡舒適的環境及有心思的裝修, 只能勉強得到一個OK面

一個人黎到呢度食飯，唔知係咪少一位，又或者因為唔比撘枱，等位個陣侍應已經黑哂面，覺得我會霸住佢張枱。黎呢度食個晚餐，平均都要一百幾十，諗住呢個價位應該ok啦，點知service仲差過茶記。扮高級餐廳最鐘意用大大嘅碟，但裝野食嘅area超細，其實我真係超唔鐘意嘅個design，阻住哂張枱，你都知香港地方細，枱細又迫，仲擺咁大隻碟做乜？上面係頭盤嘅沙律，大部分西生菜，ok新鮮，醬汁可以多多少少會更好。主菜要左燒春雞配白飯，右上嘅配菜真係純裝飾用，未煮熟嘅豆好難食。雞正常味，白飯太硬太乾身，唔好食。燒汁好一般，有點過稀。加上唔夠熱，好似一早整定，叫就返熱嘅樣，失望。晚餐仲有餐湯餐包同餐飲，但個包未食侍應已經黎收走佢，出聲叫住佢，點知佢仲好串咁話“都凍左你都唔要架啦…”，我想講，上黎個陣都係凍嘅，唔好比吖笨。佢咁答完我真係火都黎，食百幾蚊個晚餐要收加一，但換黎一個零服務，無禮貌嘅回應，野又唔係特別好食，唔明點解要排隊食仲要受氣。雞飯，大把茶記做得好食過佢，仲以為高級餐廳可以食餐安樂茶飯，點知比人覺得我黎阻住佢做生意，趕客都唔使未食完就收野嘅。

近依兩年都好多打住著 Made in HK 嘅旗號，今日黎試 Made in HK 睇下有幾 HK taste.新式裝潢，西式燈飾，港式地磚。感覺整潔舒適。一坐低就介紹是日晚餐資料可惜餐牌略嫌圖片不足青蘋果焗飯因為帶有果香，酸酸甜甜易入口，比一般蕃茄焗飯味道相對唔膩而豬扒炸到非常脆，不過胡椒味過重。食到好口渴。西班牙大蒜蝦配多士蝦好爽口，不過唔食得辣嘅朋友就無得食。個油好辣，多士偏實和乾。蒜味剛好，唔會太重，食完個口唔會殘留蒜味。－－－－－－－－－－－－－－－－－－－－－－－－－－－－回頭率：5/10

特餐$63加一豬骨湯公仔麵配叻沙肥牛，即係沙爹牛麵咁既款，中規中矩湯底，叻沙肥牛亦算OK。炒蛋(農場雞蛋)配牛角包，炒蛋好MILK好滑但非常漏，牛角包牛油味香，外層唔算脆，但幾鬆軟都好食。杯咖啡也OK

三人行，見呢度裝修幾別緻，而且時間尚早，又唔洗等位，所以入黎為Made in Hong Kong打打氣。吊扇、瓷磚地、石牆、烏絲燈膽出現在大商場裡，可以話係型格其實食既食物都係西餐，我地點左兩個set dinner share食。先上餐湯同飽，暖暖的包配忌廉湯，但味道好普通凱撒沙律：作為前菜，份量適中，而且菜新鮮爽，有足夠既醬同芝士粉大蝦意粉：蝦爽甜帶子cabonara意粉：creamy sauce兩者意粉軟硬度煮得剛好百幾蚊一個dinner物有所值我就唔知，但大商場入面要坐得舒服，傾下計，都無咩選擇，但食物可以話係普通正常水平。

週未到APM逛街，晚上就近在商場內用餐。Made in HK是一間西餐廳，走年輕路線，裝潢給予食客舒適悠閒感覺。配上型格的烏絲燈飾、百菜窗簾及白色瓷磚牆作點綴，亦為餐廳帶上少許時尚感。晚市套餐十餘款，百餘元起，除一般意粉焗飯外，亦有提供港式鐵板餐，切合Made in Hong Kong這店名。先送上的餐包看來亦只是外購貨式，無甚驚喜。是日餐湯忌廉粟米湯，湯料不足，湯汁滑度合理，很普通。主菜香煎青衣魚柳大蝦卷配薯茸及雜菜，賣相比預期精緻，青衣魚柳口感實在，但調味稍稍重手了少許。大蝦肉質結實爽口，蝦味足，食味比預期佳。薯茸質感細滑，香口度中等。雜菜有蜜糖豆及法邊豆，選材方面可考慮追加多點顏色。配上的白菌汁食味頗濃郁，口味有點似忌廉湯，不俗。鐵板安格斯牛柳拼春雞，牛柳口感腍身，切下有少許肉汁溢出，肉香中度，調味醃料強度宜放輕一點。春雞有半只，肉質挺滑身嫩口，水準不錯。伴碟薯條香口脆度一般，雜菜除蜜糖豆及法邊豆外，亦加入西蘭花及車厘茄，有少許紅色點綴顯然會令菜式賣相吸引一點。餐飲凍檸茶，檸檬份量不夠多，但茶底味道以西餐廳來說已算不俗有交待。

餐廳叫作Made in HK Resturant看其裝修也不負其名帶有本土氣息地板的菱形圖案讓我聯想起已式微的冰室彷如鐵籠的格局既懷舊又摩登餐廳採光度很高 難得在室內仍能享受陽光 心情都好上來餐廳面積挺大 樓底也算高這次坐的是沙發位 還放置了坐墊背一靠到坐墊上就更舒服了說到本土特色 吊扇是必須的室內裝修是到位了 再看窗外的建築物雖說殘舊 但正好帶有過去影子 可說是裡應外合不過這區已着手重建 過些年大概沒了以餐廳來說 這裡的熱咖啡份量相對大味道不算好喝 但不到難喝能嘗出是即磨咖啡 但未見甘香奶是自行加入 大概是剛從冰箱取出所以很冷 這要扣分了野菌牛柳粒炒意粉醬汁濃了一點且油了一些 每吃下幾口就想喝一口咖啡不過調出來的味道是不錯 而且意粉粗幼軟硬適中 所以仍然喜歡至於牛柳及野菌其實要不要也無所謂 不到放棄但可以說不好吃醬汁的味道已屬於濃 但是牛柳的膻氣還是蓋不住 幾下咀嚼後淡淡散出來肉質也略為粗糙 不需費勁咬開 但離鮮嫩還是很遠野菌就是野菌味 就是醬汁再濃還是黏不上去 好奇怪我是不懂欣賞太天然的味道 就好像沒煮過不過說到底意粉才是主食 既然對意粉滿意配料差一點還是無法討厭這道菜吃光後碟子殘

約左朋友喺APM睇戲，睇戲當然要醫醫肚啦！其實APM看似有好多食店，但其實都唔係好多選擇......行過見LEE間唔洗等，又好似坐得幾舒服，就入去試試啦叫左兩個DINNER SET羅宋湯~~~稀左D又淡左D咁囉！味道真的好麻麻BREAD BREAD~~~暖暖地又甜甜地，軟軟的OK啦凱撒沙律~~~味道唔錯，菜菜都好爽脆，SIZE都剛好美國肉眼扒拼大蝦配薯粒及雜菜~~~7成熟的肉眼都OK喎，肉味都有的，蝦蝦都算鮮味AND爽口紅酒松露醬燴牛尾伴扁意粉~~~意粉好味喎，牛尾味道都不錯，不過炆得唔夠"林" LEE度D SET都算大份架，女仔多數食剩服務唔錯，坐位都舒服，不過食物就普通啦，價錢都合理

夜晚飯，皆因已接近十時。相信好多都市嘅晚飯時間同我一樣，因工作嘅忙碌而逐步推遲，十點可能只係中位數。但其於肚餓，唯有響公司附近搜尋。因為近工商區，越夜選擇亦越少，慶幸還有佢。從來響早時間唻需要較長嘅等候時間，今晚算係reasonable啦。兩個人叫咗一個set dinner-大蝦意粉、是日餐湯、餐飲一杯，一份芝士肥牛焗意粉同埋一客干邑龍蝦湯。大蝦意粉-蝦肉爽口，意粉al dente，味道清新，整體不錯。是日餐湯-蟹肉忌廉湯，味道遍淡，遍稀。芝士肥牛焗意粉-芝士味濃，肉醬豐富，意粉都係al dente，可惜牛肉遍鞋，但都係非常美味。干邑龍蝦湯-份量比是日餐湯多，味道亦較濃郁，有"蝦肉"四五粉，淡淡嘅酒味同龍蝦味，苦，但係應有嘅苦味。環境算係舒服，感覺雖然無乜privacy，但感覺還可。

覺得這餐廳的名字很有趣：廣義上來說所有餐廳都是Made in HK，因為餐廳的食物都應該是在香港烹調的；而狹義上來說，要做到全是Made in HK便要連食材都是在香港生產的才算。這裡的情況又怎樣呢？先看菜單，設計上有點特別，像是讀書時於特別活動時所用的文件夾，勝在夠靈活，可以隨便更換。而在看到食物的種類時便意會到這裡的Made in HK原來是第三種，是形態上的香港製造，因這裡提供一些香港特式的菜式，就是中西合壁的菜式。而從餐具及食物的價錢可以看到，這裡要表達的是較高級的香港西餐，老牌子的有皇后及太平館的那種，而在舊時的觀塘，也有一間類似的，就是華都。但隨著地區的發展及重建，已經結業了。但明顯地這種形式作有其市場的。說到食物，先來的餐包雖然本身沒有特別，但其器皿有點趣緻，像湯碗一樣。而隨之而來的是沙津，這沙津不錯，有鮮味，與芝士的味道很夾，麵包糠又脆。主菜是安格斯牛扒配大蝦大蝦的味道可以，只是肉質硬了一點。牛扒則很完美，五成熟得來沒有過多的血水流出，而肉質夠滑的來也很有牛肉味，很好。

間餐廳喺正自動電梯對面，位置好顯眼賣嘅主要係扒餐同西餐，百幾蚊一個set dinner我叫咗個大蝦扁意粉，有4隻大蝦，食落幾新鮮，唔會乾，啖啖肉意粉就不過不失，調味okay仲有個餐湯，係番茄湯，幾足料，唔錯

經過兩個月的忙碌，我終於可以重見天日，有時間去看看電影。一如以往，看電影前我們先在附近吃晚飯，首選從未光顧的餐廳，所以來到了Made in HK。星期六的飯市，餐廳都沒有滿座，無需預約或等候，馬上可以入座。坐下後，侍應提醒入座後兩小時便要離開，我心想：兩小時足夠兩個人慢慢吃一頓，但假如是朋友聚會則不夠時間了。我們點菜後，最早出現的是蕃茄湯，湯已喝光後，麵包才出現。我的主菜出現後，朋友的沙律仍然未見蹤影，需要請侍應再跟進。我覺得這間裝修頗有情調、食物價錢偏貴的餐廳，服務尚有進步空間。入正提，評評那些食物質素，我們吃了～ 凱撒沙律：蔬菜和麵包粒新鮮爽口，味道不錯，煙肉較少。 蕃茄湯：蕃茄味道頗濃，不會太酸。 餐包：由於遲了出現，所以不能沾些湯來吃，幸好麵包有微溫，算軟滑。 是日鮮魚($158)：雖然我不愛吃魚，但也順應朋友的好意，吃了數口，比預期更嫩、更滑，沒有我討厭的魚骨和魚腥味，感覺不錯。 安格斯牛柳($198)：鐵板晚餐有另一相似選擇－－安格斯牛柳拼春雞，精明的朋友便問侍應兩者牛肉的分別，原來單點牛柳會有兩塊，拼春雞則只有一塊。我點了五成熟，甫上桌，看到牛柳有些血水滲出，當

12月27日，本來要上班的，不過因為公司掉假，我地可以有個long week end，但係丈夫要上班，那我就變身跟得夫人，陪丈夫上班，順便可以一試丈夫平常上班前吃的早餐了。這是餐廳的外貌，環境很開揚，令人有所期待。內部的環境也很舒適，可能因為時間尚早，人流不多，可以好好的享受寧靜。這是餐牌，因為我不吃牛羊鴨鵝，所以我不會選 SET A, C& E (羅宋湯或會有牛); 丈夫已選了 SET F，所以也可以不選; SET B 的德國肉腸多是混合肉，也可能會有牛肉，所以也可以不理，即是我可以選的只有SET D了，完全不會有選擇困難。點餐完畢，等待餐點的時候，可以好好的看看用餐環境︰我對著連綿的落地大玻璃，早上的陽光穿透光潔明亮的玻璃照射在地上，只感覺到溫暖而不刺眼，其他的客人都是安安靜靜的享受著早上的陽光，音樂聲浪也不會太大，燈光也恰到好處，所有的一切都很令人心情愉快。等待的時間不長，要上班的丈夫那份SET F先來到，賣相很好。當我們倆的早餐都來到了，我發現兩份早餐放在這張二人枱大小剛剛好！另上的沙律醬也很細心的用喱士紙墊底防滑。不過有一點要扣分的是，雖然餐具的質素是合格的，但是很重，女孩用

收工要去觀堂學整麵包，上堂前，去APM搵嘢食，行咗幾個圈，都唔知食咩好，最後都係去咗Made in HK，選它都係因為景裝修唔錯，環境幾好，餐廳格局，茶餐廳食物，但不是茶餐廳價錢。想了好耐，都係簡單要個羅宋湯通粉加熱coffee，羅宋湯不夠濃，做不到茶餐廳水準，但又貴過茶餐廳，又是一間食裝修的餐廳。