Mad for Garlic (已結業)

之前試過銅鑼灣店，今次約老爺奶奶去近近地九龍塘食下飯。我門坐低已送上熱辣辣的蒜蓉包。外脆內軟。上次試過一些前菜小吃不錯，今次叫咗辣墨魚蜆肉。個汁少少辣，點上麵包也很好吃，菜單上寫一隻辣椒，幾開胃。呢個薄飯好大碟，個餅底做到很香脆。呢個蟹肉意粉配creamy的醬汁，真係食吾停。我最欣賞呢個牛扒，上面舖上脆脆的蒜片，用鐡板上菜。由於我們跟老人家吃飯要叫七成，喜出望外的是牛扒仍然保持嫩滑多汁，相信塊扒係靚料。不過我還是建議大家㨂五成熟（只可選5或7成熟）叫多個海鮮炒意粉，也是很香囗野味。

好耐無食過mad for garlic 啦！ 之前食過銅鑼灣果間一次， 其實都OK但就重口味D XD 今次去開又一城， 見到有呢間又咁耐無食， 所以就食下啦！ 6點幾都未有好多客， 可以直接入座～ 飲品點左一杯水果茶， 無酒精甜甜地 另一杯點左riesling Pizza 揀左signature既garlic snowing pizza， 面頭鋪滿脆脆既蒜片同芝士， 未食過既真係估唔到蒜片pizza原來咁好食。。。 餅底係薄脆， 成個pizza 都好惹味， 就算飽都想繼續食。。。。。。 另一個點左crab and lobster pasta， 呢個就比較失色D， 一黎佢好多 sauce， 感覺好膩； 而且佢完全唔係想像中既crab and lobster 既味道呀。。。。 知道唔食佢食個甜品好過啦。。。

今次應該係我第三次食mad for garlic了，因為去過都覺得唔錯。前兩次係同女朋友and兄弟食，今次同妹食，所以主要點d之前覺得正嘅菜式。鐵板牛扒配芝士薯蓉係第一樣點嘅，叫咗5成熟，中間有dd筋，但整體都好切，雖然鐵板有餘溫，但牛扒都唔會因為鐵板而變得過熟，5成熟啱啱好。旁邊嘅薯蓉十分正！芝士配薯仔真係絕配，我妹本身就麻麻地鐘意芝士嘅，但佢都搶黎食，連個邊沿都要挖黎食，可想而知有幾正。茄汁章魚就係我妹點嘅，分量比我想象中細，原本以為同白汁青口一樣咁多分量，不過作為一份前菜，分量都可以接受的。要挑剔嘅係法包竟然又乾又硬，同我第一次食嘅差好遠，如果脆身就好了，另外其實呢道前菜唔算多汁，所以唔係幾點到法包，所以有d雞肋。墨西哥辣薄餅我之前都食過，今次好似仲好食d，抵讚。依然足料同口感豐富，2個人share啱啱好，唔會濟。侍應哥哥好好人，order嘅時候提醒我地呢個pizza幾辣。不過我覺得都唔算好辣啦，恰到好處。蟹肉龍蝦肉意粉係我黎咗3次都點嘅菜式，因為真係好好食，妹勁鐘意佢嘅香濃，就算意粉本身味道淡淡的，但個鮮香味會令你忍唔住一試再試！龍蝦肉蟹肉足料，食完意粉之後旁邊仲有好多肉剩架！

今日同呀哥去食嘢，唸住佢又會帶我去食M記個啲，點知佢今次帶咗我去食西餐，十分驚喜哦。我地個陣夜晚都好肚餓了，所以叫咗好多嘢食，有前菜叫咗八爪魚同包，用佢啲汁沾佢醬真係唔錯吃，然後當然唔可以漏咗排，個排叫咗5成熟，啱啱好味，太生我又食唔到，太熟又唔好食，Half Half就Perfect喇😎佢個排包埋薯蓉同蒜頭，我就負責食薯蓉，我呀哥就食蒜頭，佢食到成個口都係，臭到呢，我就食薯蓉，香到呢！之後就食咗個墨西哥Pizza，總之個Pizza雖然個批皮係薄個隻嘅，但係勝在啲料好味，香辣牛肉總之就好味😀但係其實最香就係個意粉，個意粉啲汁好夠，有時候出去食意粉好憎啲意粉唔比夠汁我，食到最後冇味道，但係呢個勁多汁，好香好鮮甜，正爆！最後食到咁上下當然要一杯嘢飲啦，我點咗杯蘋果飲品，佢裡面真係好多水果，又有士多啤梨又有蘋果，不錯吃哦！總之一句講曬，一支棒！

🦀蒜香忌廉汁蟹肉及龍蝦肉意粉🍝🍯$168我自已個人好鍾意蒜蓉😍所以之前一見到餐廳名就覺得好吸引☺️好想去試！唔洗講意粉蒜味好濃🤤一攞過黎就好香😚蟹肉同龍蝦肉的份量都算好多👍🏻食落都幾新鮮🦀意粉硬度幾好唔會太軟🍝值得一試❣️Overall: 9/10 🍯MGF 蒜蓉包塔🍞$48另外再叫咗個頭盤賣相有D搞笑😂出乎意料之外最面頭有蒜蓉，職員會去到你檯前幫你切開☺️包身都算脆蒜蓉味重👍🏻味道沒有很大的驚起😂😂Overall:5/10

中意食蒜嘅朋友必食初頭以為只係gimmick野，但超出預料地好味同女朋友要咗個set六百幾Caesar salad 有好多cheese同大蒜，食落口感極豐富，而蒜味亦不會太過强烈，不錯👍牛扒份量較少，但味道同口感都幾好。

呢間店鋪喺韓國過江龍，專食蒜頭菜式，由意粉薄餅到甜品飲品都加入蒜頭！lunchtime食完要小心番工臭親啲同事啊平日有set lunch提供，仲包埋餐湯/沙律同飲品，而且選擇唔小，好岩番工一族。我同友人分別叫左西柚特飲同檸檬特飲，即係西柚汁同檸檬汁加左梳打，味道好天然，證明店鋪無加過多糖水熱板澳洲牛肉炒韓國牛油飯配太陽多及蕃茄沙沙，一黎到就聽倒鐵板滋滋聲，香噴噴！有啲似某P字頭既鐵板飯，不過牛肉有先醃製，非常入味！仲加上青蔥同芽菜令口感更豐富，醬汁類似係燒肉汁好惹味，太陽蛋一切開就流哂啲蛋汁出黎，再撈埋啲飯食蕃茄沙沙比想像中辣，但就可以中和番牛油飯既油膩感！好清新！MFG特色蒜蓉包塔，必食招牌菜！係法包上再加上蒜蓉同紅椒粉。黎到後店員會幫手處理蒜蓉塔，首先係將麵包上既蒜蓉壓入法包內，然後再將成個麵包壓扁，最後分開幾份。可以見倒成舊麵包內都係蒜蓉，超級蒜！但食落一啲都唔覺會有令你口臭既蒜蓉味，只會覺得好香！而且麵包熱辣辣，外脆內軟MFG 招牌意大利薄餅，薄批底鋪上沙律醬，蝦仁，烤蒜片同芝士碎，炸蒜片本身係切成好薄先再炸，所以食落好脆身！沙律醬甜甜地令成個味親層次再升級，有別平時食配千島醬

久不久腦海中就會浮現約一月前在一所日式餐廳吃的那一個焗蒜, 其獨特的氣息實在令人回味. 今天剛好經過一所以蒜頭為主題的餐廳, 便忍不住要舒解一下對蒜香的掛念.餐廳風格時尚大方, 坐位舒適寬敞. 餐具擺放齊整. 今天點了兩個主食, 包括蒜香忌廉汁蟹肉及龍蝦肉意粉 及 蝦, 菠蘿, 炸蒜片 MFG 招牌意大利薄餅. 另外點了兩杯飲品, 有特濃咖啡配自家製雲呢嗱雪糕 和 Cinderella.蒜香忌廉汁蟹肉及龍蝦肉意粉的忌廉汁很香很滑, 蒜味適中, 可吃到蟹肉及龍蝦肉的鮮甜結實. 意粉亦爽品彈牙. 整體來說可以給人置身鮮味中的感覺. 蝦, 菠蘿, 炸蒜片 MFG 招牌意大利薄餅完全可以滿足到對蒜味的渴求. 大量的炸蒜片, 蒜香充斥着口內每一個角落, 薄餅中還有蒜粒, 全熟而且軟身, 跟炸蒜片形成強烈對比, 一次過滿足兩種口味. 薄餅上的芝士份量相當豐富, 香濃有彈性. 蝦及菠蘿新鮮爽口, 亦能清新味蕾. 每一口吃下去, 先是蒜香撲鼻, 再來是清新爽甜, 實在令人慾罷不能. Cinderella 含橙汁, 菠蘿汁及檸檬汁. 賣相美艷, 層次分明. 入口酸酸甜甜, 開胃異常.  特濃咖啡醇香提神

今晚係3個女人一個噓之夜👩🏻‍💼👩🏻‍💼👩🏻‍💼其中1個女人揀左呢間😁非常好，因為我好鍾意蒜，前幾個月已想試☺️今晚原本只訂到20:30，但19:40左右已到，諗住排下walk-in睇下有無機可以早少少入座🤨點知都等左成40分鐘🏳️最終20:20入座😩見餐牌都好多選擇的款式，我地選了4款最想試的菜式😋MFG特色雞胸沙律配雪利酒醋汁個人覺得幾好，因為我愛芝士，配以雜菜、雞胸同埋酒醋汁真係好開胃🤩但係略嫌過酸了一點😝蒜頭蕃茄白酒汁煮鮮活藍青口配法包片呢款，聽個名好吸引👍但上到枱，份量好似太細小😥味道還可以的，但好似沒有食到蒜味，以及沒有刺激味蕾、煥然一新的感覺😅烤澳洲牛柳配蒜香芝士忌廉汁呢款是我點的，牛柳不會韌，切開一件件牛柳再蘸一下芝士汁，不俗😌但芝士不夠熱溶😝蒜香忌廉汁蟹肉及龍蝦肉意粉蒜味濃，忌廉汁香滑，海鮮份量足夠，意粉份量很多又夠咬口，好味兼飽肚😋是晚晚餐雖不是驚喜，但感覺不錯的，下次可以試試其他款式😊

今日放假 諗住試下呢間勁多好評既餐廳！嗌咗兩個set lunch一個係snowing pizza $148招牌菜，但老實說未去到驚豔🤷🏻‍♀️佢包個餐湯，煙肉白豆幾好味但個樣好核突，好稀....衰d講 好似人地嘔吐物🙈沙律亦係正常，不過不失🤷🏻‍♀️另一個係辣煙肉蕃茄意粉$98唔難食又唔係特別好食有大把好食過佢既🙄咖啡亦係普通其他同價錢既餐廳有比佢好既總括黎講唔差但唔係特別好食呢個價錢有更好既選擇🤣食完都未飽🤷🏻‍♀️無下次

九龍塘既餐廳選擇吾多，見MAD FOR GARLIC之前都幾HIT，幾個朋友都未食過，所以就決定試下。佢既門面就係佢地Signiature歌德式字體，都搶眼易搵到，未入到去已經離遠聞到蒜頭味！由於大家都吾係好肚餓，總共叫左三樣野：1.Pumpkin Spicy Cream Pizza （雞肉、南瓜、辣忌廉汁 意大利薄餅 12吋）2.Crab & Lobster Pasta （蒜香忌廉汁蟹肉及龍蝦肉意粉）3.Grilled special marinated pork belly, served with butter naan & Korean Ganjang sauce （秘製豬腩肉配牛油餡角及韓式風味醬）因為個薄餅有成12吋，所以每人都分到幾塊。批底係本人比較鐘意既薄批，但就吾係好脆扣左D分。 一開頭特望餐牌寫呢個薄餅既COMBINATION，以為都會重口味，點知食落相反，個感覺係輕盈，吾係PIZZA HUT個種食到好多香料味，甚至乎係有食緊素食個種調味既錯覺（當然佢係有雞肉碎，但個份量就好小）。個薄餅係有吾少南瓜、青椒絲，但對於增加進食口感既作用就吾大。整體而言，呢個薄餅冇咩吸引

已經很久沒去過Mad for Garlic用餐，所以這次要去又一城購物，順便再來回味一下香蒜美食~ Garlic Bread Tower ($48) 店員送上蒜蓉包塔後，會即場把麵包塔切成4份，滿滿的蒜蓉與香脆的麵包很夾呢! 菠菜野菌雞肉韓風意大利飯 ($128) 雞扒已細心地切件，不過外皮未夠香脆. 意大利飯偏稔身，幸好醬汁幾creamy亦有不少菇菌，都ok~ 牛柳闊條麵配蒜香忌廉球 ($168) 面層的忌廉有淡淡的蒜蓉味，新奇又特別. 闊條麵配上牛柳以及甜甜的番茄醬，其實都幾似肉醬意粉的味道~ Orange Ade/ Grapefruit Ade (各$36) 我的西柚特飲賣相吸引，味道酸酸甜甜的，個人幾喜歡! 於舒適的環境下享用一頓香蒜美食，感覺很幸福~ 九龍塘達之路80號又一城1樓L1-34號舖 港鐵九龍塘站 C2 出口, 港鐵九龍塘站 H 出口

蒜頭令人又愛又恨。愛的是它令食物更香更美味，恨的是它會在口腔留下一陣誰都知你吃過蒜頭的氣味。蜜桃小丸子可不理會了，知道又一城有一間專吃蒜頭的食肆，便在週末一試。來的時候是下午茶時間，見到居然有以蒜作賣點的tea set，而且價錢合理，便決定試試。蕃茄白汁炒八爪魚蜆，蕃茄味很濃，當中有淡淡的蒜香，八爪魚頗多，蜆細細隻，配上法包很開胃。墨西哥辣牛肉角，幾有趣，脆脆的餅皮內包有牛肉，配上紅青椒粒少少辣辣，味道不錯。牛油鬆餅配蒜蓉蘋果醬，醬汁偏甜，很新鮮居然會有蒜香，而甜味剛好令其不會辣口，配上鬆餅吃幾美味。香草車厘茄珍珠芝士，車厘茄好juicy，同芝士一起吃酸酸的又有少少奶味。意大利飯團，又有香濃茄醬，不過可能吃不慣，覺得飯團較實口偏硬。甜香蒜啫喱，很有趣呢！甜甜的啫喱居然會有蒜味，還有些脆蒜，令口感更豐富，軟軟的彈口之餘又卜卜脆。意大利蒜香忌廉凍，連甜品都可以有蒜香！滑滑的忌廉中淡淡的散發出蒜香，真是有趣。最好的是各種食物雖然都有蒜味，但不是很強烈的那種，所以叫返杯熱檸茶可以沖淡點蒜味。蜜桃小丸子覺得食品頗創新，喜歡吃蒜的朋友可以來一試！

Garlic 有著一陣濃烈的味道，並不是人人所喜愛，但可以用上 Garlic 製成美食之外，還有甜品，而且人流甚多，絶對成為一個賣點。Mad for Garlic位於九龍塘又一城之內，從地鐡站而來絶對很方便。******************************Mad for Garlic 在九龍塘又一城商場之內，餐廳環境都幾open，但人流滿滿，晚上還要分2段時間入座，我們這夜以8點為入座時間。人多不知選什麼食物，也可以選擇這個HKD1488的 4人餐，當中包括1個沙律、1個小吃、1份飯，1份意粉、1個薄餅和1份牛肉主菜，還有3款甜品和4杯餐飲，其份量絶對足夠5人所吃。MFG特色雞胸沙律配雪利酒醋汁，除了雞胸肉，還有黎麥、芝士、洋蔥、蕃茄和羅馬生菜混製而成的沙律，加入了雪利酒醋汁，酸酸地的味道好開胃。欖油蒜片蝦配法包片，加了很多蒜片在蝦之上，所以蒜片味道很香。蝦用上橄油煮成，蝦肉都很嫩滑。法包片沒有任何牛油，簡單把蝦和蒜片放在法包之上而吃，法包還是很脆口，夾著蝦一起吃味道不錯。烤澳洲牛柳配牛油餡角配蒜香忌廉汁及墨西哥辣醬。牛油餡角有著香濃的牛油香味，把牛柳放在其中，加少許蒜香忌

遠遠望見餐廳，都感覺到好浪漫。好友話今餐是吃蒜蓉大餐，看看餐牌，都是一般的餸菜名稱，但好多款餸名都有蒜字，真是好期待今晚餐飯同平時有咩分別。先來MFG特式蒜蓉包塔，是法包頂部放滿蒜蓉和辣粉，頂部紅紅的，店員先把頂部推入麵包中間，然後切開四件。頂部紅色係辣粉蒜蓉，小小辣小小蒜味，麵包係脆皮，而麵包好軟身。脆香焗蒜蓉澳洲羊架，這裡係七成熟的。羊架面是蒜蓉，底下全部係綠色蒜蓉，傍邊有原粒蒜粒和薯仔粒。羊架唔蘇，其實原粒蒜係味重些，基本上蒜味都淡淡的，不會蓋過羊架的味道。