M3 Italian (已結業)

帶老婆黎間靚餐廳食飯，佢發板揀左2個前菜2個主菜，都幾好食。餐廳環境唔錯，服務殷勤starter叫左一份M3 salad ( Parma ham, smoked salmon, grilled chicken) 幾大份，材料豐富，質素上乘。主菜是Spaghetti carbonara及Cheddar cheese shrimps pizza，我地share黎食，份量足夠，pizza香脆，每份餡料平均，每片都有隻鮮蝦，意大利粉既醬汁整得唔錯，卡邦尼濃郮，入口creamy，好滿足

今晚收工同老公黎M3 Itilan 食晚餐，叫左4樣嘢，第一樣黎既係法國馬天尼生蠔，係逢星期一至四晚市優惠， $10 一隻，我哋叫咗一打😍生蠔鮮甜，蠔味濃郁柔滑，叫一打無錯🥰之後黎既係M3 salad, 叫得做M3 salad 應該係呢到嘅signature 質素有保證，$148 沙律包含4大片肥美新鮮的煙三文魚、2片薄雞胸、數塊parmaham, 一大盤爽脆新鮮沙律菜，醬汁都有3款可供選擇 車打芝士鮮蝦薄餅：薄脆批底上有超拉絲芝士，芝士迷必點！

今日去咗大圍食m3 Italian 閒日夜晚都幾乎爆滿 入面裝修有情調超級新鮮嘅特價生蠔 $10/隻超抵食 唔會將貨就價同樣地保持高質 粒粒飽滿肥美 而且海水味唔太濃特濃雜菌忌廉湯 雜菌湯入面勁多粒粒蘑菇 菌味香濃非常有口感炭燒美國安格斯頂級肉眼牛扒 牛扒煮得五成熟啱啱好 切開血水唔多 外面有陣炭燒嘅味道 肉質嫩滑肥瘦均勻 牛肉味濃郁 上面個蒜頭亦係傑出之作焗得夠透徹 好淋好入味配埋牛扒食一流薯菜用咗炸粗薯條外面炸得脆卜卜 入面仲係幼滑嘅薯蓉黑松露野菌意大利飯配法式鵝肝 個飯唔好睇佢細細碟其實兩個人食絕對足夠 煮得軟硬適中外面粒粒包上香濃嘅野菌忌廉汁 黑松露味芬香撲鼻令到成個飯更上一層樓 鵝肝非常巨型 煎得外脆內軟食完成個口都有陣鵝油嘅香味甜品係法式蛋白餅 上面好多新鮮生果 蛋白餅偏甜但配上生果就啱啱好

因為住附近既關係，所以成日都會幫襯M3，不過冇諗過服務同食物質素都愈黎愈差！🙄🙄🙄 我同男朋友已經係閒日去食，都仲不停送錯野食，明明叫肉眼就送左安格斯，都算啦，塊牛扒連切都困難，更何況咬😡😡😡最好笑係食緊牛扒果陣，3個職員輪流話送牛扒上黎，原來D牛扒系隔離枱，我地3張枱都o曬咀！埋單果陣有問題，職員話問一問經理，最後經理有行埋黎，不過就乜野都吾講😊

幾年前食過一次M3 Italian已經好impressed, 當時已經好驚喜大圍有一間水準頗高的西餐廳，裝修靚，樓底高，外面招牌又光亮，簡直好似係漆黑中的螢火蟲喧。今次再度歸來，水準依舊keep到，仲見到menu多左唔同選擇，當然要同朋友試試！呢家做緊優惠$10一隻法國生蠔，當然要叫d啦！我對呢個價位既生蠔原本冇咩期望，但食落實在十分新鮮飽滿，海水味唔太重，淡淡地適合唔同人食，cp值爆分！M3 Salad 朋友唔食生蠔，一齊要左個沙津。m3 salad最令人感到貼心的就係有齊唔同沙津醬汁自己調配，加上同時有煙三文魚，火雞同Parma Ham，猶如一個mini既salad bar咁，想食咩都得。主菜時間～炭燒西班牙黑毛有骨豬鞍扒煮豬鞍扒其實都幾蝦人下，因為好難整得好食。一來要塊豬鞍扒靚，二來要煎得岩岩好，煮熟而唔會太鞋，外面又有脆脆地。呢度的豬鞍扒就做到哂以上既條件，加上開胃的蕃茄醬汁，更將豬肉味昇華至另一個層次。黑松露野菌意大利粉配日本北海道帶子忌廉汁唔會太heavy / 搶左黑松露既味道，意粉彈牙唔會太淋，所有野加埋好match, 帶子唔算好大隻，但都有4粒，亦好新鮮！

我人生第一份工喺大圍做 所以今日就專登嚟到大圍探返一個舊同事 大家容顏冇變只係每人多咗一個口罩 咁我哋就決定搵一間好坐嘅餐廳慢慢聚舊喇 見到呢間M3意大利餐廳環境好優雅 暗暗地又有格調 咁當然要入去食下嘢 攞住杯底傾下計啦咁啱餐廳做緊十蚊一隻生蠔嘅優惠 所以我哋就決定叫四隻試下 生蠔非常之肥美又新鮮 食落海水味都好重 但又唔係死鹹嗰種 好有鮮味加上鹹鹹地 簡直就好似沐浴喺新鮮嘅海水入面咁樣跟住就到主菜 我叫咗一個美國安格斯頂級肉眼牛扒 五成熟 廚師燒得啱啱好 唔係過熟 食落牛肉味重之餘 肉汁亦都好豐富 血水無乜流出嚟 我覺得佢係慢煮咗先 呢一點非常之細心亦都值得一讚朋友就叫咗一個鵝肝意大利飯 鵝肝食落都幾漏 意大利飯嘅軟硬度掌握得好好 十分之唔錯 各位鍾意食鵝肝嘅朋友記得入嚟試下最後就到甜品嘅時間 我哋食咗一個雜果嘅小蛋糕 什果非常之豐富 有奇異果 桃 橙 藍莓等等 食落非常之清新 為剛才嘅多肉主菜提供一番清新感

朋友喺科學園返工，日日都呻話嗰頭冇乜選擇，所以晚飯好多時都會出返大埔。今日我哋喺大埔經過呢間有生蠔食嘅餐廳酒吧，見到氣氛唔錯好熱鬧，我哋決定試吓呢間餐廳。我哋叫咗啤酒，餐廳店員介紹呢隻黑啤，用嚟配搭牛扒味道幾夾。快扒七成熟，外乾內軟，都保留到幾多肉汁，算好唔錯，份量都好足，食咗三份二已經開始覺得飽。重點係餐廳做緊生蠔優惠，由於價錢實在太抵，我一個人一口氣食咗六隻生蠔。啲生蠔好新鮮仲啖啖肉，下次一定會再encore！誠意推介比喺科學園做嘢嘅朋友，放工嚟飲番杯、嘆吓生蠔、鋸下扒真係幾chill~

今日下晝去完尖沙咀食tea，晚飯唔想食咁飽，去到大圍一帶諗起好耐冇食M3，於是就去咗食啦！由於仲係唔係覺得好肚餓，所以我哋淨係叫咗兩個前菜，不過都已經好滿足！今次我哋叫咗個牛肉他他，估唔到份量係咁多！非常足料！味道超級正！啲肉葉得好入味！呢一隻醬撈埋啲牛肉一齊食簡直完美！肉又有咬口，一粒粒，口感非常好！將啲Tata放喺啲蒜蓉包上面食就完美，啲蒜蓉包好鬆脆，超級上癮！如果有多啲就更加好！之後我哋叫咗個忌廉煮青口，又係估唔到份量係有咁多！超級好味！啲青口非常有驚喜，估唔到覺得咁係咁軟，感覺好新鮮！因為好多其他地方食嘅青口都係口感好乾，同埋好硬，但係呢度嘅青口係又滑又軟，仲有鮮味。重點係佢個忌廉汁超級好味！勁惹味，忌廉好濃，又滑，成碟嘢都超級足料！忌廉加埋青口呢個配搭，真係超好味！就算我食晒啲青口，都當啲忌廉係忌廉湯咁飲呀！食完呢兩個前菜都已經飽晒啦！真係超好味！一定會再回頭！

好耐冇食過海鮮，突然之間諗起大圍有一間食號嘅餐廳，所以就過咗嚟啦！呢間M3喺區內出咗名係食新鮮生蠔，所以嚟到我就梗係叫好多生蠔啦！閑日晚上唔算好多人，不過你都會見到佢有好多捧場客，因為絕對唔冷清。相信佢都做唔少區內街坊生意，係區內口碑非常好。我都係聽一個住大圍嘅朋友介紹，先知道呢度有間好嘢！我哋兩個人一嚟就叫咗10隻，超級壯觀！呢度嘅豪大大隻，又鮮甜，仲有海水味同礦物味啱啱好，非常之啱我口味，忍唔住係咁食係咁食，好快就食晒啦，非常好味！重點係佢每一隻蠔嘅size都係非常之大！超級抵食。食完海鮮，我哋就食主菜，叫咗個卡邦尼意粉，一嚟到已經估到一定好好味！賣相好好。佢嘅麵條有咬口，份量又係好多，上面嘅忌廉汁調味好正，好惹味，好夠濃，我哋兩個都食到唔停口！非常好味。又食到生蠔又食到美味意粉，滿足嘅一餐！

因朋友推介，決定來這間餐廳一試。果然沒有令人失望，各樣食品質素都偏高，座位舒服，店員好客服務周到。餐廳裝修格調優雅，座位之間坐得舒適又夠闊落，燈光柔和，整體食飯氣氛一流。首先叫了個餐湯黑松露雜菌忌廉湯，菌味香濃，黑松露味道亦夠突出，忌廉湯湯底亦夠厚身，絕對真材實料，好味👍🏻👍🏻。朋友建議下試試這家的Pizza，叫了個車打芝士鮮蝦薄餅。果然10分高質，薄餅皮夠香脆，鮮蝦夠彈牙鮮甜，配上車厘茄和車打芝士，絕對是鎮店之寶。之後叫了個酥炸魷魚圈配他他汁，魷魚夠彈牙亦夠新鮮，炸醬香脆，配上餐廳特製的他他汁，相當不錯。值得一題的是他他汁，比起醬汁多加了蒜蓉及洋蔥提升整體口感同層次。最後以一個巴伐洛娃蛋白餅作結，由於並不是隨處可見所以就選了這款甜品。以蛋白餅做餅底配上忌廉和不同款式的時令水果，各樣水果都夠新鮮，加上酸酸甜甜的熱情果醬，第一次食嘅感覺10分良好。

朋友約我到大圍西餐廳食飯，見呢度有各式各樣嘅酒同埋好多食物款式揀。花多眼亂，最後我哋叫咗二人套餐！香煎法國鵝肝配黑松露醬多士煎香左嘅法國鵝肝放上多士上，多士充滿鵝肝油香，再配埋黑松露醬，好邪惡！哈蜜瓜配火腿餐廳已經預先包好哈密瓜火腿，食落好方便！黑松露野菌忌廉湯黑松露味如果再香啲就更好！香辣蒜片大蝦意大利粉好惹味，蝦肉夠爽唔霉，意粉乾身。炭燒美國肉眼配黑椒汁肉眼扒厚身高質，五成熟拿捏得啱啱好，肉味香，單用鹽作調味已經好足夠！甜品拼盤拼盤包左焦糖燉蛋、窩夫同曲奇雪糕，焦糖脆卜卜，窩夫好香！

朋友介紹大圍有間酒吧餐廳，環境唔錯之餘食物質素都好高，價錢唔貴，夜晚又唔使排隊，又可以傾吓計，放工就黎食！二人套餐，除翻開每人都係三百幾蚊，但係就好多嘢食！香煎法國鵝肝配黑松露醬多士，鵝肝煎得好香，厚身肥美，配黑松露醬同藍莓醬，消除油膩。Parma ham配哈蜜瓜，最怕係出面食嘅哈密瓜唔甜！呢度嘅哈密瓜夠甜，配埋偏鹹嘅火腿就好出色！黑松露野菌忌廉湯，餐湯稠身，黑松露味好出。香辣蒜片大蝦意大利粉，意粉炒得乾身，唔會林啤啤濕笠笠，辣得好過癮，調味好啱唔使特別再加鹽同胡椒！炭燒美國肉眼配黑椒汁，5成熟，食落有淡淡炭燒香，唔會overcook！甜品拼盤，有焦糖燉蛋同雪糕窩夫，窩夫有蛋香！

去大圍食西餐，聽講話呢間幾好質，所以放工就去試吓了。我哋叫咗個二人餐。印象中係六百幾蚊，侍應同我哋講話有生蠔promotion.只係$10蚊1隻咋，抵呀。$10 一隻蠔來講佢都算大隻。食落又真係有蠔味，唔會好似某d酒店自助餐d 蠔咁，又雪味或者冇味。 食落口嘅溫度都好好，唔會話太冰凍Pamaham 配哈密瓜。真係絕配,哈密瓜ge 甜味中和左火腿嘅鹹味。兩樣一齊食嘅時候，哈密瓜可以增加一種爽脆嘅口感，另外又可以感受到火腿嘅香滑黑松露嘅餐湯，一放上枱就已經聞到好香松露味，質地creamy, 冇話溝得太多水好稀身。配埋蒜蓉包食一流，每飲一啖都會有滿滿嘅黑松露香味留喺口入邊鵝肝蒜蓉包，鵝肝都大嚿。食落口係暖暖地。我比較鐘意煎到好熱會出好多油嘅鵝肝，因為咁會香啲。呢隻對我來講未算多油。但男朋友唔鍾意油膩，所以佢鐘意呢款呢個意粉有芝士粉。食落都濃芝士味好嘢味。d 蝦又大隻又爽口又彈牙。意粉火候控制得好好。牛扒我哋叫咗五成熟，上邊有個蒜頭。牛扒有肉味，切開裏邊仲係紅色的。有肉汁甜品係雪糕窩夫燉蛋。只係得一個甜品，要兩個人share食。窩夫脆身。好食。焦糖燉蛋上邊啲焦糖焗得脆，但我唔鍾意焦糖啲苦味，所

<< 高質意大利菜 都有10蚊生蠔😱⁉️>>大圍一區本身就少見有情調既意大利西餐廳，見到生蠔🦪 $10隻 真係好難放生佢👻▪️8.5/10▫️<< 法國聖馬天尼生蠔 >> $10 @1 生蠔好大隻 肉身偏厚實同冇咁多水 裙邊爽口 味道鮮甜 海水味淡 食落好飽滿‼️▪️8/10▫️<< 龍蝦汁意大利飯 配美國波士頓龍蝦尾 >> $225 龍蝦尾用椒鹽烤到好香🤤 肉質緊緻鮮甜 意大利飯夠杰身 索晒龍蝦汁 龍蝦味重 好香濃▪️7/10▫️<< 烤墨西哥香辣雞翼 >> $68 雞翼鎖到肉汁 一咬咇晒出來💦 迷迭香味岩岩好 但係唔夠辣 反而甜甜地▪️7.5/10▫️<< 酥炸芝士蝦球 >> $98 炸到酥脆 入面既水牛芝士可以拉絲🧀 芝士味比蝦味濃～🌿高樓底冷色復古設計加上意大利吊燈有情調 店員服務周到 上菜時機岩岩好 亦會主動幫客人換碟/添水🤙🏻🐽總括嚟講 主菜同小食高質素 價錢中等 期間限定既$10生蠔更加係意外驚喜❤️🌟Remark: 每人叫滿$200

大圍市中心比較小見既中高檔意大利餐廳 環境幾chill 有個大酒吧枱幾靚仔既 感覺幾舒服野食價錢中等 驚喜既地方係佢有10蚊一隻「法國聖馬天尼生蠔」要左一打 大大隻真心幾高質 建議大家如果一個人黎食 可以叫一個超過$200既main course 再整多一打蠔做冷盤 咁就fit晒我main course叫左「龍蝦汁意大利飯 配美國波士頓龍蝦尾」都幾高質既 $225比較貴 但係龍蝦尾幾鮮甜 龍蝦汁好香 甜甜地既醬汁同軟熟既飯夾埋好食我覺得ok好食既 不過唔算好經濟實惠 見人見志啦！