M Kitchen (已結業)

荃灣有一間食物質素不錯的西餐廳在荃灣城市廣場二樓， 即是現在的千色匯。喜歡他蘋果綠的裝修，富有現代感， 視覺讓人倍感清新。中午過來食一個午餐， 西餐廳竟然會有鰻魚，所以點了一個簡單的鰻魚雞扒雞翼飯， 食落有驚喜。但是夾雜住兩款米，一款是珍珠米，一款是泰國香米， 增加米飯的口感和米香。鰻魚好彈牙， 煙韌十足， 其他餐廳的鰻魚肉質比較淋， 相比之下，自然更加好味。金黃色雞翼， 外表香脆，保留雞肉的嫩滑，好味道。雞扒同樣是炸到金黃色， 肉質都是很嫩滑而且很彈牙。不過有少少美中不足就是擺在盤上有點油份過多， 而且盤子太細了， 好容易會令到餸菜整到周圍。維他奶紅豆冰， 紅豆好綿又好甜。第一次飲維他奶紅豆冰， 感覺好新鮮。服務員為我送上一杯強肺湯，老實說，味道不能討好不喜歡中藥的我，但深深感受到餐廳在疫情嚴峻的情況下，照顧客人身體健康的心意。埋單時，收銀跟我說65歲有長者卡的老友即可以免費有一支強肺湯，他的材料有黨參、黃芪、靈芝、淮山、白朮、紅藻、土茯苓、生地黃、粟米和紅蘿蔔。下次帶阿媽來再食過。滿分為10分(1分最低，10分最高)食物：8.5環境：8衛生：8服務：8價錢: 8舒適度：8總分：8

M kitchen OR +IG來到荃灣不一定要到新的海之戀商場，所以今天要和女朋友來到近荃灣市中心的千色匯一期看看有什麼可以醫肚的，見到這間以Tiffany blue 為色調的西餐廳覺得有點特別所以便跑進去試試了。環境很舒適，Tiffany blue 色調令人看得心曠神怡。而且在這段抗疫時間，餐廳還貼心準備了兩杯潤肺清熱茶，除了窩心之外還有貼心。點了龍蝦熔岩拉絲芝士焗飯、熔岩芝士石朳西冷牛扒、脆炸雞髀，總結非常邪惡😈，請各位切勿模仿。西冷牛扒的賣相非常吸引而且鋪在一片芝士海中帶給你新的味覺衝擊，西冷牛扒本來的肉質也不錯，少筋，肉質鮮嫩。另外其實紅蘿蔔條也非常爽脆，既健康又好吃😋至於焗飯重點在於拉絲，除了當場有專人把完整的芝士片下來相當有睇頭外，表層微微燒焦的芝士其實也是非常香口的，將整個味道昇華，所以下次大家記得點拉絲2字了。另外龍蝦除了肉質夠口感外，其實還微微帶點蝦膏，絕不兒戲。脆炸雞髀表層不會炸得過火，脆炸程度剛好合我心意，而且內裏保持到鮮嫩的肉質，一切落去還有點雞油滲出，正宗做到外脆內軟。而且價錢亦相當便宜，性價比如此

環境：👍👍👍👍服務：⭐️⭐️⭐️⭐️味道：😍😍😍😍影相：📸📸📸📸Encore:70%📝嗌主菜，飲品半價📝疫症期間，免加一➖➖➖➖➖➖➖➖➖➖➖➖➖➖➖荃灣千色匯新開餐廳「M Kitchen」總結：好。抵。食。呀!!即刻帶大家黎睇睇啦🙆‍♀️.🔸環境餐廳燈光明亮，以白色系為主滿有韓國風Style🙈即使座位數量好多，但空間感仍然十足除左門口位嘅二至四人位同坐Bar枱裡面仲有吾少卡位添👍.🔸餐牌餐牌款式以三類為主：熔岩芝士系列蕃茄濃湯系列 石燒系列每款更有多種變化呢～除左以上三款，仲有鰻魚飯，咖哩飯海南雞飯等等款式五花八門，實有一款岩食😂.🔸相撲豬扒特濃蕃茄湯飯配熱辣辣脆米擺盤上非常吸引，好有日式style😂豬扒足足有一個手掌咁大，約2cm既厚度肉質梅腍又實肉👍以小火爐承載蕃茄濃湯中間更有原隻剝皮蕃茄添～旁邊嘅白飯可以放入鑊中等佢慢慢吸收蕃茄湯就可以食用啦🙈泡飯入口軟綿帶濃郁嘅蕃茄甜香吾夠湯，仲有一壺蕃茄湯可自行加入架😎隨餐附送嘅脆米，可同泡飯攪拌埋一齊食加多一層口感變化🙆‍♀️一Set咁多樣野，最正嘅係只係$68炸😂.🔸溶岩芝士石板牛柳呢個石板豬扒真係不得了😆石板Size比我個手掌仲大！真係好巨型🤣周

荃灣雖然有好多美食，但最近出外面食飯盡量都揀d衛生乾淨嘅食肆，同坐得唔咁密嘅店鋪，睇落家店環境都幾光鮮。除咗環境，食物都好吸引，邪惡芝士🧀同濃湯蕃茄🍅，打開menu最吸引眼球係厚切豬扒🐖 仲有 巨脾🐔香嫩炸巨脾特濃蕃茄湯飯配熱辣脆脆米巨脾好似好好味，真係好大隻，雞皮香脆，雞肉嫩滑，充滿雞油香氣，就算大件肉厚，成件雞都熟透之餘又唔會overcook成份餐好豐富，有一鍋滾住嘅蕃茄湯，而且入面有原隻剝皮蕃茄，茄味香甜，仲有一壺茄湯添加，天氣冷食到好暖身，配菜又好特別，除咗西蘭花紅蘿蔔外，仲有脆脆米，脆脆米吸收晒茄香，但又保持到香脆可口

餐廳環境幾簡約又光猛，乾淨俐落係令人有點信心，加上價錢親民。真係茶記價錢做到西餐廳既服務。種種既因素令我食得開懷一點點~芝士薯條期間限定優惠，比多$15就可以加芝士薯條，薯條好快就上檯，芝士好香滑，伴煙肉香味，所以好香口惹味熔岩拉絲芝士焗厚切豬扒飯一上檯就見到塊豬扒真係好大塊，覆蓋晒成個飯，而且真係好厚，不過肉質鮮嫩，唔會乾或奀，叫外仲有驚喜嘅係，侍應會托住磗芝士，將燒熔嘅面批落焗飯上面，底下嘅芝士香滑淡香，上面嘅芝士濃郁味重，雙重芝味🧀🧀楊枝金露，味濃又唔會太杰，而且材料豐富;奶茶紅豆冰，奶茶同紅豆好夾

同老公行開荃灣千色滙,有間餐廳新開裝修又靚又乾淨, 入去試下先! 😋餐廳食品種類多, 仲好抵食!😍··鮮茄龍蝦焗飯 🍤$118大大隻半邊身龍蝦，入口新鮮爽口, 仲有好多膏!正呀！芝士青口好好味!😍😍·日式醬燒特上厚切鰻魚飯 🍱$118又長又肥美嘅鰻魚配埋特色醬汁味道一流!😋·百香水果茶🍑 $22.5套餐加半價嘅價錢就可以有一杯特色飲品!杯蜜桃水果茶甜度適中, 仲有好多果肉喺入面!好好飲!·而家店員們都為香港人打氣, 會有免疫及強肺湯水送架!好窩心啊!❤.醫護人員仲有半價優惠呀！💪.

/M kitchen🇭🇰/#sa荃灣篇 #sa晚餐篇 ➖➖➖行完千色滙 見到有間新開嘅食店就一於試下啦！整體來講份量好足 食完一定夠飽而且價錢公道 幾抵食 同埋都幾邪惡無論食tea 食晚餐都係一個唔錯選擇餐廳仲會每人送一杯防疫湯水 好貼心➖➖➖1️⃣香嫩炸巨脾特濃番茄湯飯配熱辣辣脆米 $98 比我想像中大份 雞脾大過手掌✋新鮮炸好 皮脆肉嫩 唔鞋口 唔油膩而且香口 不過食完真係飽🙈番茄湯幾香濃 唔太咸 無味精味入面仲有原個番茄🍅 湯真係有幾多食完飯仲有淨 米飯係偏乾硬 所以撈埋熱辣辣嘅番茄湯食較好最特別係有脆米 增添口感 有少少似平日早餐嗰啲卜卜米😆不過記得唔好咁快落 腍曬就唔好食～➖➖➖分數:8.1/10 ➖➖➖2️⃣熔岩芝士石板牛柳 $128 揀左黑椒汁意粉 五成熟我淨係試左芝士同一舊牛柳～芝士嘅份量幾多 圍邊 有咸香嘅味道但再食埋牛 可能會有啲膩！牛半生熟 較有嚼口 口感幾特別但平日食七成熟多 所以覺得七成好啲➖➖➖分數:7/10➖➖➖3️⃣意式雜菜 $32覺得食咁多肉唔夠菜 又唔想咁膩就要呢個 另外嗰款係芝士雜菜主要都係西蘭花、椰菜花面頭仲有番茄蓉 番茄味幾重最健康係呢道菜😝正正常常➖➖➖

一入座店員便很熱情的送上每人一杯的健康湯水，非常可口可見餐廳非常照顧客人！！呢度出色的應該就是廚師推介的熔岩芝士系列所以我點了一個熔岩芝士石板巨髀飯熔岩芝士石板巨比飯這個一來到只看到芝士和巨肶，飯被滿滿的芝士cover住了將芝士和飯都撈得均勻就可以享受這個芝士撈飯芝士很香滑，而且芝士味特濃，吃著特別有味道！！巨肶大但味道和口感都很不錯外脆內嫩的口感加上黑椒醬汁味道很夾！日本黑蒜油麻香雞飯女朋友點了這個吃，雞件數目大約有8件味道很重的麻油香味，嫩滑非常！！可以一試

行過見到呢間野幾夢幻咁,有岩自拍影相既地方,又可以食實惠晚餐,就叫左幾樣野食。蒜香一口牛只係38蚊,用鐵板上,好多粒牛肉,仲有洋蔥,呢個配搭好好,而且感覺上咁既價錢仲平過普通冰室。跟住仲叫左芝士煙肉薯條,溶溶地既芝士,粒粒煙肉在薯條之上,非常可口,食下食下就食晒,好邪惡呀!但間唔中就想食薯條。同時叫左百香水果茶,有好多雜果,茶同甜甜同水果好夾,好味。小食仲叫左奶油脆豬包,奶油既份量相當多,個包烘到好香脆,推介呀!主食就叫左日式特上鰻魚,真係好長,多鰻魚汁,又冇乜骨,好岩伴飯吃呢!飲品就仲叫左個楊枝金露,好少餐廳有呢樣飲品,我當然唔可以錯過啦!有西米,亦有粒粒芒果肉,飲完好滿足呢!見到同場唔少人叫湯飯,都值得一試呀!

今日行經荃灣眾安街天橋 見到有妹子派傳單 就系呢間餐廳 有優惠劵用 跟住就諗住去試下啦 上到去 一個主住帶位招呼 我同朋友加埋三個人 咁佢就好正常帶位啦 有用魔術語既 到我地入到去坐低之後 得番一個普通男樓面同事睇哂成個場 咁我地坐底 睇下午茶餐牌啦 戈時三點左右 睇完舉手舉左好耐佢都睇唔到 系到睇緊部樓面電腦 到佢見到我地走埋泥啦 佢都冇講任何野 例如想食d咩阿 戈d魔術語啦 甘我就揸住份傳單問佢詳細啦 佢答完我之後 我地都未落得切單佢就 走左去格離執枱 戈時個場5成客倒 望落去好靜 一個人系睇得哂個場 系靜既情況下我地都未出聲佢就走左去執枱 執完仲要唔識自己番轉頭幫我地落單 我地又再舉手 佢先過泥 跟住我地落完野食 我就同佢講 我要免費薯條 因為冇得平20蚊加薯條並存 佢就一野撕開張免費薯條張紙拎走 20蚊戈張紙就飛去我地枱面到 佢系真系用飛依個動作 加上仲再全程黑面 好似好L燥咁 我呆l左 搞到我要特登申請openrice ac寫佢 甘戈個男樓面職員我就唔開名啦 但我想講佢一個咁差既態度 直接影響哂佢公司比人既印象 好嚴重! 甘我講番d野食先啦 免費既薯條芝士汁味系卡幫尼汁味 有

近近地唔想去太遠就係荃灣食野就算原來係千色匯有間新餐廳叫M Kitchen門口有POSTER寫住抗疫期間仲會送增強免疫力同強肺湯水比大家真係好有心而且醫護人員仲有半價優惠呀!!餐廳裝修行簡約風, 都幾舒服M Kitchen既食品種類都幾多, 而且仲好抵食, 60幾蚊就有交易當中最吸引我既必定係龍蝦海鮮濃湯泡飯$118就已經有半邊龍蝦食, 仲有青口同蔬菜首先就將海鮮濃湯倒一半落個鍋度, 然後就放入配料加熱之後就食得, 個湯有濃厚海鮮味, 撈飯食一流配埋脆脆米再添加左一重口感下次要試埋個蕃茄湯!另外仲叫左個西多士, 呢個西多士裡面夾住既係芝士比普通版更邪惡, 但非常好味最後就緊係唔少得杯飲品, 呢杯係楊枝甘露非常足料, 芒果味濃, 絕對值得飲!!下次都必定會再黎食野呀!

今日(8-3-2020 Sun),老公話婦女節,要出街食嘢,咁啱我上嚟見到呢間,食評好似好吸引,但可惜我唔肚餓,不過老公係都話要出街食,咁就嚟啦.我哋未到1點嚟到,都唔少人,坐低後,侍應即送上兩杯增強免疫力的湯水,味道甘甘地少甜.睇吓menu,有好多選擇,原本諗住叫一個番茄湯飯同一個小食,但我覺得都係太多,於是叫兩個小食.3. $28.00嘅奶茶紅豆冰紅豆大粒,又甜又腍,但奶茶就冇茶味.味道:1分1. $28.00嘅黑松露牛乳炒蛋配多士等咗好耐至到,黑松露好香同唔少,多士係厚身嘅,食落牛乳炒蛋係嫩滑,但件多士就令人好失望,好似冇烘過咁,同方包冇分別.味道:2分2. $32.00嘅流心紅豆西多士用兩厚方包製作,顏色炸得幾靚,切開睇,中間層嘅紅豆都唔少,食落都幾甜,完全唔使落糖漿,呢個就唔錯.味道:4分服務:好好,好有禮貌,老公要求俾張凳擺嘢,女侍應都即刻俾我哋.環境:都幾舒適,枱與枱之間嘅距離都算合理.唔知佢嘅招牌熔岩芝士同番茄湯飯系列係咪真係咁正,同朋友慶生唔知會唔會失禮?抵食係2.5分後話:睇到呢兩個食評相, https://www.openrice.com/zh/hongkong/

放工去千色匯買日用品，見到呢間新開餐廳M Kitchen 裝修清新柔和，Tiffany blue 好適合影相打卡！晚餐價錢唔貴，雖然新但都近乎滿座，可以試下。店內座位舒適，兩個人約會聊天最啱，尤其是見佢主打芝士，啱晒我呢個芝士控。一坐低，店員就話用湯水為香港人打氣，然後送上一杯增強免疫及強肺湯水，味道清甜，感覺暖在心頭。瑞士汁雞翼 $32坐低先叫兩個小食先，瑞士汁甜，雞翼嫩滑肥美。香濃芝士焗大啡菇沙律 $58一向都喜歡自己焗大啡菇，不過就好多功夫，呢度食到香濃芝士味，加上煙肉一起焗，味道鹹香惹味。大啡菇厚肉又多汁，加上清新爽脆的沙律菜，健美之選好味道！熔岩芝士石板西冷牛扒 $128熔岩芝士石板系列係呢度嘅招牌菜，當然又要試吓我最喜愛嘅西冷牛扒質素如何啦！份量果然係重量級，落單時建議叫 medium rare，因為塊石板好熱，3成熟黎到岩岩好，一邊食一邊享受牛扒就會變到5成熟。石板上菜速度快而且非常熱，西冷牛扒好香噴噴，切開肉色紅嫩，脂肪分布平均，口感軟腍， 牛肉味濃郁食落多肉汁，配菜份量勁多。加埋個熔岩芝士，芝士汁令到菜式味道更加濃，芝士份量都好足夠。芝士迷如果加 $15 仲有專人拉

疫市中的新開餐廳，好有心咁為客人同65歳以上長者準備左湯水，冬日就最岩幾有中藥味，幾足料坐位夠闊，唔洗驚逼埋一齊，職員都好好，話盡量安排客人唔洗搭枱。 清新嘅風格，見到咁多綠色植物都覺得好舒服。呢排食少左食日本野（避免食魚生），要鰻魚飯頂下癮先。店內有唔同重量嘅鰻魚可以選擇，由100g/150g/300g都有，我呢份係150g嘅，擺得好靚，好似巨型壽司俾個正面望下鰻魚真材實料，2個人share都夠，唔會太咸夠入味。唯一美中不足係d飯稍硬（可能呢排係屋企食軟飯多左）蝶豆花雪梨特飲到，紫色好靚，愛玉都有好多。呢個大推：熔岩芝士鐵板西冷，五成熟剛剛好，又大又厚，芝士唔會太鹹仲好香，食到底忍唔住用d菜係咁點，後來又點多個芝士焗雜菜，真係夠哂過份檸檬玫瑰花伴愛玉，我推薦呢個好有特色，檸檬碎有咬口又香，中和左甜味，玫瑰花淡香，估唔到咁夾，我就叫左少甜，剛好！220左右2個人，今晚果餐又可以食少d啦。

入口o個邊睇看似唔大，其實內裡另有乾坤，係間環境非常之光猛闊落o既西餐廳。最重要o既係佢d 價錢以呢個級數o黎講係真係算係平，一set 打邊鑪泡飯最平先$60 幾蚊，$100 頭已經有半隻龍蝦，想點﹖朋友鍾意食大啡菇，餐廳雖然都有以佢為主o既main dish，但同時都有款沙律會feature 到佢，所以點o左一客香濃芝士焗大啡菇沙律($58)。超級香，燒菇燶燶地o個隻特有氣息，聞到總係令人食指大動！塊菇厚身juicy，芝士奶滑，再由煙肉補回一點鹹香，呢個竟然只係算係前菜……！﹖拿真係無o厄你，我叫o既打邊鑪泡飯︰手切安格斯牛肉特濃蕃茄湯飯配熱辣辣脆米，只係$68！特濃係源自佢上檯時已有成舊原舊去皮蕃茄擠o左落個鍋度；倒入蕃茄湯，d 雪花肥牛吸晒d 蕃茄汁，而家諗番都仲流緊口水呀！d 料熟晒就可將成個飯揼埋落去，熱辣辣，勁開胃！唔好唔記得倒埋o個兜脆米入去，仆仆脆的會令個飯增加口感。鰻魚飯有3 個size，可以100g、150g 或者重量級300g，100g $108，150g 多一半份量只係多$10，咁梗係嗌個多o既(日式醬燒特上厚切鰻魚飯，$118)。咁大條一條過，淨係睇樣已經夠晒