168
9
2
港鐵荃灣站 B1 出口, 步行約5分鐘 繼續閱讀
所有分店 (2)
電話號碼
28183533
附加資料
最後落單時間21:00
營業時間
今日營業
08:00 - 21:30
星期一至日
08:00 - 21:30
付款方式
AlipayHK 支付寶 現金 八達通
座位數目
85
其他資料
網上訂座
Wi-Fi
泊車 詳細介紹
電話訂座 詳細介紹
賞訂座積分
加一服務費
當面支付
有關獎賞計劃
食評 (197)
等級4 2020-11-17
191 瀏覽
大前日 (14-11-2020 Sat)日朝,同老公去買海鮮前食個早餐,去邊喥食呢?想食嗰啲冇咁早開門,經過呢喥,原來有早餐,睇吓,雖然冇allday breakfast,但都有牛角包炒蛋嘅早餐,咁我哋就食呢間啦.今次係我哋第三次幫趁(上次食評係7月15日刊登嘅呢篇: https://www.openrice.com/zh/hongkong/review/%E4%BB%BD%E9%87%8F%E5%A4%A0-e3778288),終於坐到個舒適嘅座位,睇完menu,決定要歐式炒蛋+粉麵早餐系列嘅C3,$42.00嘅黑松露牛乳炒蛋,配特色甜奶牛角酥+兩餸粉麵,粉麵我哋要素飽魚絲,司華力腸意粉,要熱奶茶.M Kitchen朝氣勃勃早餐系列嘅A2,$46.00招牌火腿蛋配自製香草蛋黃醬英式鬆餅,有芝麻醬田園沙律同香脆薯餅,要熱檸水.等咗一陣,兩杯嘢飲到嚟,然後係C3餐到嚟.甜奶其實係錬奶,牛角酥唔大個,食吓先,牛角酥鬆脆,唔覺油膩,牛油味就唔係好濃,屬輕盈牛角酥,鍾意食傳統牛油味濃同油啲嘅就會唔鍾意呢隻.味道: 3分黑松露牛乳炒蛋,正常冇問題.味道: 4分素飽魚絲,司華力腸意粉睇到份量唔多,司華力腸更加只得半條,意粉唔係全部腍晒嗰隻,其餘兩樣都係來貨,冇問題.而湯底就幾好味.味道: 3.76分招牌火腿蛋配自製香草蛋黃醬英式鬆餅,有芝麻醬田園沙律同香脆薯餅.薯餅外面唔係脆係硬;芝麻醬田園沙律味道啱啱好;招牌火腿蛋配自製香草蛋黃醬英式鬆餅,個蛋似班尼廸蛋,醋嘅份量啱啱好,蛋黃又係生嘅,好味;自製香草蛋黃醬少少酸,好好味 ,咪睇件英式鬆餅咁薄,我哋食完呢兩個早餐,竟然係好飽.味道: 3.58分熱檸水正常冇問題.味道: 3分熱奶茶老公飲剩啲話唔飲,因太濃頂唔頫,我試吓,係好濃濃到澀,不過我哋冇落糖,唔知關唔關事?味道: 1.5分環境:個位係舒服嘅,不過冷氣風口對住吹到正,就覺得凍咗啲.服務:去到時,呢張枱係冇人嘅,只係未抹枱,女侍應話幫我哋抹,但等咗好耐至嚟抹.冇俾水我哋都算,但見到個男嘅應該係經理,捧住啲水每枱都派,但都冇俾我哋,真騎呢,我哋就自己叫啦.抵食係2.7分 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-20
1700 瀏覽
位於荃灣千色匯嘅「M Kitchen」鄰近港鐵站,地點同交通都非常方便。平日中午設有午餐或下午茶餐,價錢經濟實惠焗鮮茄芝士厚切豬扒飯豬扒勁大塊,厚切的,肉質鬆軟,豬味濃郁🐷配上鮮甜鮮茄醬汁、半溶拉絲芝士同粒粒分明嘅白飯底,呢個焗豬飯真係勁大件夾抵食凱撒沙律拼三文魚煙三文魚油潤肥美,配上碧綠爽脆的羅馬生菜🥬同脆脆蒜蓉麵包粒,健康又滋味全日特色早餐豐富配料有:牛角包、煙肉、腸仔、炒蛋、蘑菇、沙律菜等等~我個人最鍾意係當中嘅炒蛋及牛角包🥐牛角包鬆脆可口;炒蛋則好嫩滑,滿滿的蛋香紅豆蓉配曲奇妙趣雪糕午餐和下午茶餐可用優惠價$18追加多款不同精選小食或甜品🍮呢個曲奇雪糕配紅豆蓉,香甜可口士多啤梨法國牛乳特飲🇫🇷新鮮牛奶加入新鮮士多啤梨🍓及草莓果醬,製成呢杯粉紅色的草莓牛乳。入口酸酸甜甜,同時充滿奶香,好好飲呢 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-17
953 瀏覽
荃灣千色匯除左多鋪頭可以shopping 之外,其實都有好多餐廳,今日收工就去咗呢間M Kitchen食晚餐,又估唔到咗大件夾抵食🤣呢到地方都幾大,穿過走廊仲有大大個Area比客人用膳🎇凍檸蜜 跟餐+$2 + 紅豆冰 跟餐+$10🎇紅豆溶煲得好冧,份量都岩岩好🌠黑松露法式多士 跟餐+$18🌠作為餐前小食,呢個黑松露炒蛋多士賣相唔錯,雖然感覺無咩黑松露,但原來夾雜係炒蛋中間,有淡淡松露香,配合金黃香脆多士,實屬不錯👍🏻🎆炸香草雞翼 +$18🎆金黃色香脆外皮加上少許香草炸到熱辣辣上枱,椒鹽香口的味道不錯,而且都幾大隻🎆滋滋聲鐵板巨型炸髀 $108🎆隻雞髀真係唔講得笑咁巨,絕對大過塊面,切落去索索聲,啖啖都係雞髀肉非常滿足,黑椒汁不會遮蓋雞髀的味道,而食落有股洋蔥香,因為雞髀底部鋪滿洋蔥受熱後令香味滲入雞髀😋🌌燒焗美國豬肋骨配薯條 $128🌌燒烤甜酸醬灑滿豬肋骨上,而豬肋骨肉質非常之嫩,基本上可以無需用刀就能夠分開每條骨連肉,嫩滑程度可以講係無得頂醬汁不單惹味,而且好開胃,兩者配合得出眾,而且份量巨型,以$128價錢來說,可以講係超班👍🏻總括而言,千色匯呢間M Kitchen的食物真係大件夾抵食,而且賣相都絕不失禮,環境舒適,性價比高得很😁 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-11
801 瀏覽
#荃灣 千色匯 高汁歐陸風餐廳💖【#MKitchen 】一直都好想去呢間試吓 因為餐廳內有好多有好多粉紅色霓虹燈同打卡牆 今次就嚟食佢個下午茶☕️🍅原蕃茄濃湯安格斯肥牛肉湯烏冬 $68個煲入邊真係有成粒蕃茄然後啲肥牛有成12塊咁多而且一啲都唔硬吾老即使你要加湯都仲係蕃茄濃湯而且個烏冬已經整熟咗成件事好加分店員都會好貼心得閒幫你睇吓過火夠唔夠 性價比超高推介!🥘韓式雞肉螺絲粉 $58用咗啲韓式辣醬我覺得好似杯麵平時食嗰種辣味估唔到同螺絲粉咁match好正呀!🧅$18加配炸洋蔥圈(5件)大大嚿炸得好厚👌🏻🧀流心芝士西多士 $32呢個又係估唔到咁好味!融化咗嘅芝士夾係中間配上牛油同埋糖漿極邪惡極好味唔會剩係得中間有芝士成份西多士都有料好足😋加$10轉特飲🍑白桃玫瑰花伴愛玉有啲似荔枝肉茶嘅感覺不過係桃味 感覺好清新唔算太甜🥭雪糕楊枝甘露芒果汁好濃一啲都唔馬虎👍🏻繽紛雪糕窩夫拼盤 三人份量 $128呢個就反而一般啦個窩夫有啲硬唔夠鬆軟 如果半碟嘅水果係士多啤梨香蕉或者藍莓會更吸引依家擺啲雜果上嚟冇咁high class🥺📍 香港荃灣老圍, 眾安街68號千色匯1期2樓2032號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-07
722 瀏覽
話説前幾日同我個friend 諗住去南豐紗廠 咁去之前就係荃灣食lunch~ 我地去到千色店見到一間幾decent 嘅餐廳 而且見到啲套餐又幾底同好多選擇 所以就入左去啦 我地叫左以下食物1. 原個蕃茄濃湯安格斯肥牛烏冬 -$68依個餐係幾唔錯 佢好似打邊爐咁上菜 煲裏面真有一個拳頭咁大嘅蕃茄 煲耐左之後湯裏愈來愈濃 加埋啲烏冬落去熱辣辣咁食係幾正 肥牛半肥瘦 幾煙韌 值得一提嘅係盤上面個煲都係蕃茄湯唔係清雞湯 可以保持湯嘅濃度2. 特色鰻魚炒飯 -$78佢依個炒飯唔係粵式炒飯乾身個種 佢係充滿饅魚汁嘅炒飯配有雜豆增加口感 飯上的鰻魚原條上 都幾足料同肥美 不錯3. 炸洋蔥圈 (跟餐+$18)這個還可以 不過感覺粉有點多 要每一啖都點沙律醬食 4. 炸香草雞翼 (跟餐+$18)這個挺香口的 有微微的香草味 正常5. 焗芝士蕃茄大菇 (跟餐+$18)這個也是正常 但性價比較低6. 百香水果茶 (要+$10) 這個冇得改甜度 內裏富有雜果 但覺得有點太甜7. 鮮橙茉利花茶 (可少甜) (要+$10) 這個不錯 茶裏帶有橙甜味 少甜剛剛好!Overall 這間如晚市去是性價比頗高 食物也不錯 很喜歡食物選擇多 服務員很有禮貌:) happy lunch!! 繼續閱讀
(以上食評乃用戶個人意見 , 並不代表OpenRice之觀點。)