Lumen Cafe (已結業)

作為石籬一份子又點會錯過石籬既隱世車仔面～平時夜晚冇飯開就係食佢～先講湯底係加左腩汁再加秘製辣汁 中辣汁超濃郁 勁好味 成個湯底都好濃厚面底嗌左米線通常唔係米線舖食既米線一係過硬一係過淋但係呢到既米線係煮到啱啱好仲有有彈性好好好味鳳爪超超超入味，又唔會煮到過淋再放係湯到 索哂啲汁好正阿～～～～瑞士雞亦唔算好入味，一般般牛腩份量好多 牛腩位置唔算好肥呢碗同上面戈碗大同少異湯底都係腩汁加秘製辣汁 小辣個人覺得小辣比中辣更帶出個湯底唔會比個辣搶左小小味道白魚蛋一般般 其他2樣 都係牛腩 雞亦 已經介紹左總括黎講佢個車仔面湯底同鳳爪十分之出色其他配料 可以再有進步空間下次會試大腸 麻辣小籠包仲有麻辣汁

—————————————————————📍 Lumen Cafe石籬逆市開咗間戲院，戲飛仲好平先$50張！！住附近嘅🐷已經係到睇左超過10套戲！嗰日去咗試呢間係出面嘅小餐廳，佢有越式野，不過我覺得都係港式🤣仲有台灣手搖嗰啲，但🐷嗰日唔舒服就冇試！下次睇戲可以試🤣—————————————————————❣️ 越式香茅雞翼豬扒雙併飯 $52🐷爸話佢啲雞翼同豬扒都好食，炸得好脆，肉都好嫩！個飯都好大碗，男人都飽，性價比好高！.❣️ 越式香茅猪扒米線 $48🐷轉左飯做米線，係好大碗但味道就，冇乜味囉🤣不過佢個豬扒真係好食！碎上！唔洗切！仲好多，不過如果可以再juicy啲更好！—————————————————————不專業評分👅好味指數:3.5/5💰性價比:5/5 👍🏻推薦:3.5/5 —————————————————————🏡地址: Lumen Cafe (葵涌)葵涌打磚坪街1-15號寶星中心地舖————————————————————

今日有事去開葵涌，搵野食時見到呢間車仔麵，見店舖面細細間應該係頹野，而3餸麵要$44蚊都算貴(喺呢個location嚟講)，本身為有少少卻步。但因為唔想再搵野食，就叫左個牛腩蘿蔔菜肉餃，估唔到有驚喜，食材新鮮同好好味。牛腩燜得夠林又入味，都有成5-6件。蘿蔔見到白雪雪，以為唔入味，點知好清甜冇根。菜肉餃就普通野。湯底唔錯，同埋唔覺有味精。麵質彈牙。D葱應該係靚葱，好香，忍唔住食埋。上菜有少少慢。如果再有機會去葵涌，都會再食。

諗住去睇戲，發現有間食車仔麵餐廳，中意食麵既我當然五放過啦，即刻叫左一碗車仔麵，老闆幫我特制左一碗豬手肥肉車仔麵，豬手好彈牙好入味好好食，肥豬肉半肥半瘦好正啊，食完真係返尋味。老闆同員工都好好，對客人親切有禮

因為睇戲緣故，才有幸食到這間簡單而又美味的食店。雖然只食過下午茶，但一些細微位置就留意到這店是誠意做食物給客人。簡單一碗銀針粉加上芹菜及葱花雞翼。銀針粉熱辣辣，雞翼都是即炸，加上蔥花炸蒜，已經好好食。下午茶仲要送嘢飲，價錢亦非常抵食。現時應該多咗人睇戲，希望多啲人睇戲前後都可試試，試過一定不會投訴。P.S. Lumen Cinema真係好抵睇，內部環境非常好。今次去睇梅艷芳全景聲只係五十大洋。若位置係旺區，應該不只收二倍價錢才可入場。

有台式飲品，粉麵小吃的戲院cafe真的很少有。環境寧靜。最喜歡吃這裡的豬扒飯配芝士草莓冰。牛腩飯，番茄芝士焗飯也很不錯。不過焗飯要等二十分鐘。如果看戲入場的朋友要預留時間。

呢個地方如果唔係街坊真係好難發掘到，開頭以為戲院小食店應該得熱狗燒賣魚蛋，點知有家鄉銀針粉食，又有碗仔翅焗飯賣，忍唔住俾次機會佢，點知一食成日掛住佢！平時好難搵到有得食銀針粉既舖頭，佢個湯有蝦米冬菇豬油渣，仲可加埋菜甫好惹味，銀針粉襯埋個鮮味既湯，豬油既香，辣菜甫鹹脆，仲要用埋公雞碗成件事好夾又有風味！個花膠碗仔翅好足料，湯底有火腿鹹香，冬菇有咬口又滑，水準之作，不過舊花膠就無咩加分啦，其實不如唔好加我仲試左生菜魚肉，其實佢好有心魚肉無溝咁多粉，係好事，但就腥左d，同埋我食個日唔夠熱...仲有芝士咖喱飯又搞笑左少少加左蕃茄，個味酸酸地，食唔慣，但店主話係特登加～食得出佢地好有心機製作食物，食料有細節位，唔係粗製濫造～希望有更多人識欣賞啦！

朋友話依到戲院開左間新餐廳，食過幾好味，見佢要開工，咪過來探班順便食下囉，有驚喜喎。真心，位置好易找食材新鮮，味道幾好，會再來食嘅地方焦糖珍珠奶茶：🤤正，味道一流，師傅沖得好飲過出面多多聲，珍珠QQ得來咬口好正，好食過出面嘅台灣茶珍珠花膠碗仔翅：🤤超足料，木耳新鮮，所以食落好爽口，一碗一舊花膠，堅花膠來嘅吉列🐷法包：🤤舊🐷幾厚下，個包都ok，整體好食銀針粉：🤤足料，正#大滿足囉…我係🕴🏼暗黑試食使者，依間我要再來😆太飽嗱頂，食唔落，好想叫《日本出名窩夫》，依到都有得食，即做嘅。重有戲院老闆話好食嘅《炸蛋》…………太飽嗱下次來叫曬依二款加杯飲品先

我之所以很想千里迢迢從「西貢」舟車勞頓，轉車和步行前往位於「葵興」「打磚坪街」，戲院「Lunen Cinema」裡面的食店「Lumen Cafe」，是因為很想試食店裡面的食品「蜜桃雞扒飯」。可惜我第一次來到「打磚坪街」「Lumen Cinema」的時候，發現「Lumen Cafe」關門沒有營業，只剩下戲院跟小食部還在運作，迫使當時的我放棄光顧享用「Lumen Cafe」堂食計劃。當時我被迫退而求其次，改為光顧「Lumen Cafe」周圍，「打磚坪街」附近一帶的食店，之後我直到在網上知道「Lumen Cafe」再次提供餐飲時，我才再次坐車前往「葵興港鐵站」。以前我不是很喜歡，長途跋涉才能找到的「打磚坪街」，我第一次前往「打磚坪街」，也是在「葵康街」乘搭巴士，等到巴士到達「青山公路荃灣段」下車，沿「屏麗徑」進入「打磚坪街」，再沿「打磚坪街」上斜才發現「Lumen Cinema」。但是我光顧完「Lumen Cinema」跟「Lumen Cafe」之後，嘗試步行返回「葵興港鐵站」期間，才發現「青山公路荃灣段」跟鄰近「葵興港鐵站」的「禾塘咀街」之間，原來有一條很長的行人天橋走廊。這一條無心插柳意

新年假期最後一天，難得戲完開番，睇套戲🎬見下劉華，順道到CAFE食野，見到餐牌轉左，再問問伙記，原來轉了老板，D食物完全唔同哂，所以睇戲前先選簡單幾款食物，睇下好唔好味😋。點了花膠碗仔翅🍲、霸王燒賣🍡、越式豬扒法包🥪+珍珠奶茶🧋。碗仔翅真材實料，好有舊時街邊食既味道，而燒賣，喜歡食辣既我，就正到不得了😋，至於法包，入面D酸紅蘿蔔碎＋埋塊豬扒有D肥肉，食落去一D都唔油膩👍睇完戲，見Cafe有埋飯食，就唔周圍去，簡單叫左個香茅豬扒飯🍛、生菜魚肉🥬＆蒜蓉包🥖＋檸檬茶🥤，老板好好人，見我地睇戲前喺度食過小食，碟飯都比多左我地D😁，至於🥬＋🥖 都唔錯，就唔刻意講。整體來講味道不錯👍，下次想睇戲又唔想周圍揾野食，里度係一個好選擇。

機緣巧合下，黎左極少踏足既葵興工業區，無諗過依區會有間戲院。地理上唔近地鐵站，應該做同區巿民生意多。戲院2019年7月開幕，都算幾新。一共5個影院，門面都唔差。一般戲院只有小食部，買下爆谷、小食、飲品等。但依到戲院門口竟然係一間餐廳！依個設計係幾有趣。唔係黎睇戲既朋友，都可以幫襯前面餐廳。餐廳分左食物部同飲品部。飲品部似台式飲品店，有珍奶，買入戲院可以多一個選擇。食物部真係估佢唔到！由小食、米線、拉麵，到西冷牛排、一人火鍋、雞煲都有！選擇唔多，種類有點跳脫。主食由$58 - $198不等。🔸龍蝦湯海鮮喇沙拉麵 $68MENU上圖片影得好吸引，顏色豐富，好多配料。段估都未必會有咁多掛？一心諗住試伏，點知原來有驚喜！雖然賣相無圖片中排得咁靚，不過海鮮材料算十足。有大蝦、青口、魷魚圈、墨魚丸、大蔥、蛋、豆卜、蘿蔔。食材新鮮，大蝦、魷魚圈等夠彈牙，墨魚丸有花枝粒粒口感，唔HEA。湯底比起一般喇沙加入左龍蝦湯，飲到淡淡龍蝦味。味道尚可，未到超級濃郁，唔辣。椰奶味香，湯底唔會過油。成碗麵份量勁多，正常女仔一定夠飽！

16Aug去買喇沙海鮮拉麵做lunch，而家做緊外賣自取八折。其實都唔係第一次食，今日去買外賣 發現用細咗細盒，我問點解個盒細左，佢話因為大盒用晒 所以改用三個細盒，將湯、餸、拉麵 分成三盒(平時餸同湯放喺一個大盒、拉麵放一個盒)。返到屋企，發現啲拉麵少咗、啲餸少咗（發現至少冇左大魚蛋x1、豆卜x2)，換咗細盒放唔晒尐餸所以唔放，定係因為而家做咗外賣自取八折，直情比少啲餸，咁其實變相加價。我上兩個星期都有食過兩次外賣自取，用大盒嘅時候份量正正常常的，宜家無啦啦少咗啲餸，我覺得好唔老實。咁做生意、咁嘅時勢，真係熟客都冇下次。

早排見呢度人少少，而且心血來潮想飲芝士奶蓋茶，所以行咗入去食午餐，歇一歇。呢間野本身係喺戲院隔離，主要都係做炸雞汽水呢啲睇戲小食，都冇期望佢嘅午餐會好好食。但係食落真係有好大改善空間，同埋個價錢同質素落差太大。首先，我嗌左個台式肉操糖心蛋飯。個飯係凍嘅，啲肉操都係凍嘅，而且有浸苦味，我懷疑佢冇落鹽。成個飯得隻糖心蛋正常少少。見佢新開，啲員工嘅態度都幾好，都可以俾多次機會佢嘅，食物質素一般都接受啦。不過$58真係有啲太貴啦，收$30好啦呢個飯😂之後臨走之前，我嗌左個奶蓋四季春。可能台式飲品比較易整，呢杯嘢飲嘅質素同一般台式飲品冇咩分別。個奶蓋幾香幾滑，啲茶幾清甜。最正係可能因為呢度鋪租平， 只係$20一杯，我覺得性價比都幾高，下次會考慮下試埋佢芝士奶蓋芒果。

讚1. 點左煎餃子同咖啡，話好好味就講唔上，但即叫即煎，餃子外皮係幾脆口2. 服務唔錯，臨時叫侍應改做外賣飲品，都係托手跟彈1. 咖啡麻麻2. 似係一間快餐店，餐牌有啲亂，好似樣樣有啲咁

放工去左飲左杯波霸鮮奶，好正！但係晚餐係個到食嘅時候，啲叉燒拉麵重味精，舊叉燒有啲難食，餐飲嗌左杯咖啡，無乜水準，勁淡無咖啡味，罐裝雀巢咖啡仲好飲，收得呢個價錢希望咖啡水準可以提升。但係呢值得一讚嘅係個鹹蛋牛角酥 真係好好食 鹹蛋醬係個牛角包入面流出嚟而且唔油膩 仲好香好脆自問腸胃有啲不濟，食完個拉麵之後返屋企真係有啲肚痛勸喻各位腸胃唔好唔好試。仲有我唔明點解餐廳會有員工着拖鞋露腳趾整體而言我覺得餐廳嘅環境衛生同埋咖啡應該有待改善 但係牛角酥真係值得一試。