Lucky Smash (已結業)

老實講，聽到說是burger joy的姐妹店我才來的。burger joy是我收藏店，但礙於身為新界人，甚少到港島區，一直緣慳一面。既然有關聯店開在附近，一定要試。餐牌相當簡單，整間店就似美式外賣店，廚房格局都一眼睇唒。我不飲氣水，所以如無大誘因，一般我不點套餐。第一次，還是點最便宜的好，又見點漢堡加10蚊有熱狗，不妨一試。即叫即做，當然如此簡單食物，要做定真係唔掂。首先包是嘉頓麵包，搣開煎一下。腸是廚師牌，炸熱，放在包裏。中間舖上炒洋蔥，生菜絲，醬汁應該是千島一類，帶少許辣。就係普通的味道，10蚊來說可以，正價18蚊就唔洗諗了。漢堡包。包當然也是嘉頓，特點就係乾。肉是放在雪櫃，有order即煎，大概目測80至100g，肉球放上扒爐直接壓扁煎的做法，很美式。師傅有放少許黃色醬，估計是芥末。包子扒爐烘烤。完成後組合而成，材料和熱狗一樣，多了蕃茄。真係唔掂，肉餅算係僅熟，但調味不足，本身肉味又唔夠，唔鞋但無乜味，只靠醬汁。包子又乾，整體就係普通過普通的漢堡。同一時間有位小姐點了芝士漢堡套餐，要價78元。薯條說好是鮮炸，原來炸定一大兜，直接在盤中裝起，和加多一塊芝士一罐汽水。我覺得我的點餐決

驚多人特登12點就去幫襯，員工喺你前面攤開個包、搽醬、放生菜、放番茄，後面個員工就專心煎扒再放落個包度，感覺新鮮個薯條亦都炸到好香咁放落張紙包到實，行左4分鐘返到公司，個包仲係熱，仲係軟，真係正，唔似平時M字的肉咁實，食得出係手打同埋有少少肉筋嘅口感但個薯條因為佢一炸完就包到實，再用膠紙痴住，驚佢唔夠焗唔夠淋咁，我4分鐘路程都已經好淋好油無味，好似條濕毛巾咁，我食咗十分一都頂唔順建議餐廳可以有沙律選擇，等一個冇堂食嘅小店多一個好選擇。不過下次都會再食個包嘅，或者要試下熱狗

以Burger Joys姐妹店打正旗號的漢堡店，質素有一定保證。由於只做外賣，要食原汁原味最緊要是趁熱食，我就買完急急腳去了最就近的荃灣海濱，找個靜靜的角落，歎住海景，一啖漢堡，一啖可樂，gur 的一聲，爽呀！點選雙層芝士牛肉漢堡（$98）套餐，即叫即整，份量大又足料，一啖咬落去還能保持牛肉汁，套餐還包鮮炸薯條及汽水，保證夠飽。如果你不是大胃王，另有芝士牛肉漢堡、牛肉漢堡套餐或單點餐單給你選擇。就跟我一樣來個快閃野餐，就如店名一樣行個好運吧！

同朋友去荃灣睇戲，睇完戲之後，因朋友有事要走先，所以為有自己買外賣返去食，路過一間新開的漢堡包店，門面裝修設計簡單風格，內裡非常光猛簡潔，見他的漢堡選擇不多，都係牛為主，見買任何一款漢堡+$10就多個熱狗。見他價錢或套餐都算便宜，因沒有堂食，所以買返屋企食先。去到這段時間好彩唔多人排隊。在現場又可以看到即叫即做漢堡，煎香個包再慢慢咁一層層材料放上去，望到都吸引。【雙層芝士牛肉漢堡餐+$10 熱狗】初初看這個漢堡不算好大，但一打開個漢堡非常足料，芝士同肉汁都流左出來，仲要加埋個熱狗同薯條、汽水，非常滿足。個雙層芝士真是份量十足，麵包軟熟，材料有蕃茄、生菜、同芝士，食落牛肉非常多肉汁，不會乾又爆汁。薯條都算多，可能因剛剛炸起焗住左，攞到返屋企食有少許淋，好彩屋企有氣炸，想乾身返D可放氣炸一炸，之後真好好多，有現場剛剛炸起既感覺。加$10就有熱狗，這個熱狗都不求其，內裡有生菜絲沙律醬等，麵包內有微微煎過，令整體香味撲出來。

冬甩嘅爸爸係多啦A夢咁buger joys嘅姊妹就係呢間lucky smash🍴➖➖➖➖➖➖➖➖➖➖➖➖➖✨芝士牛肉漢堡套餐（$78)-芝士牛肉漢堡-鮮炸薯條-行運熱狗（+$10)➖➖➖➖➖➖➖➖➖➖➖➖➖✔️呢間鋪頭專做外賣，鋪頭中文名叫行運漢堡，即刻諗起周星馳電影，好港式情懷😆✔️價錢親民，套餐有漢堡有薯條$100都唔洗✔芝士牛肉漢堡食落juicy唔乾柴，塗上秘製沙律醬，酸酸甜甜幾好食✔熱狗可以另外用$10添加，係抵嘅，不過食完套餐已經好飽，留返第二日做早餐，用氣炸鍋翻熱，食落效果都keep 到

.#哈比四圍食 #近排喺荃灣出現一條好長嘅人龍，原來係港島區Burger Joys嘅副店，以後想食高質burger 都唔洗下下過海啦👏🏻👏🏻👏🏻Lucky Smash 店舖細細，價錢更親民全部都只可以takeaway，喺鋪頭出面行過都聞到好香嘅牛味，我又唔執輸買幾個返去試下😆雖然全部都係外賣，但每一個🍔都係即叫即整，所以係要耐心等候一下😆雙層芝士牛肉漢堡$78，一打開包裝紙，嘩🤩好L多芝士呀🤤🤤🤤望住個店員整緊嘅時候已經好吸引，另外有樣好抵好抵嘅一日要加，就係$10嘅熱狗🌭️，雖然入面只係廚師腸，但以價錢嚟講不防一試

今晚本身諗住落荃灣買餸煮飯，點知經過享和街聞到好香嘅有香味於是停低架車睇吓，原來係間漢堡店，於是乎就決定今晚嘅晚餐係佢啦😉我哋叫咗一個雙層芝士漢堡包餐同一個牛肉漢堡包餐（餐係包薯條+1罐罐裝飲品）。整體來講漢堡包不錯，麵包鬆軟，入邊餡料十足，另外漢堡扒都幾厚身，好有肉味同juicy，特別要講嘅係芝士漢堡有好多芝士，好rich! ❤️而薯條就一般，炸得太耐令到好乾，如果啲薯條粗返啲會好啲。如果經過開荃灣可以試吓😉

年初6🧧開工大吉🎉 放工見到呢間鋪門口好多人排隊😆 紅卜卜~門口寫住行運漢堡 - Lucky Smash 😍相當應節 ~ 緊系要排隊去買黎食行番個運拉 ~店內用左開放式廚房，望住佢地煮好過隱 ~ 所有漢堡包即叫即製🙈 熱辣辣🤩今次外賣左個🐂芝士牛肉漢堡餐🍔$78，包埋汽水同薯條 ~加多$10 仲可以試埋隻行運熱狗🌭 超抵食!! 🤭 一路等外賣，不停有人黎買，排長龍😬 食好野要等下在所難免 ~ 結果果然無令我失望🤩漢堡牛有牛味，好Juicy，配搭埋新鮮既蕃茄同生菜，濃郁既芝士，仲有我最愛既千島醬，直頭系perfect match🙌🏻 好豐富嘅口感。薯條相信大家成日都食嫁拉🤣起初以為無咩特別，點知今次呢個薯條超有薯仔味🥔 食到停唔到，好好食好邪惡呀😆！食左個餐巳經夠哂飽😎 再食埋隻行運熱狗🌭 熱狗一般多數都系面包夾腸，佢地配埋生菜用千島醬，好惹味😋 。麵包系有烤過嫁👍🏻好香好脆 ~ 唔跟餐就咁單點都系 $18 隻熱狗🌭 真系物超所值 ! 💥 荃灣享和街小店 😙 經過真系要入去試下 😂食完會好飽好滿足🎉

呢間Lucky Smash開咗喺荃灣廣場後面 行過去嘅途中 隔一條街已經聞到burger香味飄過嚟🤤 買左外賣翻屋企再焗熱黎食一份雙層芝士牛肉漢堡餐配鮮炸薯條 一個牛肉漢堡加配熱狗 雙層芝士牛肉漢堡入面真係鋪咗好多芝士😍 牛肉厚得來又好入味 見到佢係即叫即煎 就算再焗多次都不失其風味👍🏻呢個薯條係幼薯 炸得好脆好好味牛肉漢堡有蕃茄仲有啲生菜 又係好多sauce~😍牛肉巧juicy另外加多$10就可以配一個Hot dog 佢嘅味道同牛肉漢堡好相似 好香好多sauce ❤️😘下次再想食fast food就黎呢到 好高質！💕

又係一間網絡上有不少好評的美式漢堡店，見到唔係好多人排隊，所以又來試伏但係又係一個令人失望的一個漢堡個包首先我覺得漢堡包的包係決定個漢堡包好唔好食非常重要的一環但這間店用的包無論外觀上同口感上都似係用嘉頓貨（麥當當魚柳包個隻包）＝＝既唔柔軟又無彈性再加上廚房煎烘包烘得唔夠時間，個包唔香脆而佢啲配菜，椰菜絲同埋蕃茄係凍的，配上剛剛煎起的漢堡扒，形成強烈對比佢的蕃茄因為無預先處理一下，例如煎下先，所以除左係凍的呢個問，也有出曬水的問題，咬左２啖個包，成個包已經濕曬，至於佢的漢堡扒不算多汁濕潤，但也吃得有肉味，只是太薄，所以無咩口感整體來說，１４８元的漢堡包不貴，只是出品跟價格不成比，因為我覺得呢間店並不是太用心做好佢的出品，很多細節也沒有考慮。漢堡扒又不是特別出色，所以試了不會回頭。在荃灣有很多更好選擇。

先喺度祝各位牛年行大運🐮 同大家食盡天下😆 仲越食越瘦越有福氣😎 牛年第一擊梗係要食得夠牛🐮 試試荃灣呢間「超紅」嘅Burger Joys副線「行運」漢堡🍔行個大運🧧😎 1️⃣ 🐮雙層芝士牛肉漢堡套餐🍔💰$98遠遠已經聞到香到不得之了嘅漢堡味道, 食慾即時大振🤤～ 午餐過黎記住要預鬆d時間呀！因為🍔係即叫即製👍🏻 同埋實在太多人喇😱 一路聞住一路等勁肚餓🥺 同埋佢無堂食架😉 3款選擇揀左最有份量嘅雙層芝士牛肉漢堡🍔🍔🐮🐮唔單止門面, 連包裝都夠曬紅噹噹🤗 真係勁有新年氣氛🎊 打開見到餡料豐富到滿瀉😳 雙層牛肉🥩、爆醬芝士🧀 豐富到連上層麵包都頂唔順移曬位XDDD 係咪寓意新一年大家各方面都盤滿缽滿😆😆😆軟腍質感食得出係手打牛肉👍🏻 芝士🧀濃郁嘅味道充斥住成個口腔🤤🤤🤤 套餐仲會包埋鮮炸薯條🍟同汽水🥤 溫馨提示😃👉🏻👉🏻 記住自己喺雪櫃拎汽水🥤同埋打開個薯條盒🍟 如果唔係焗到淋曬就太可惜了～

平時成日喺港島嘅burger Joys食burger, 但係我平時蒲開荃灣，下下過去都幾唔方便，最近知道burger Joys喺荃灣開咗一條副線叫做Lucky smash, 簡直就係我嘅福音！即刻去試！唔好睇佢間舖頭紅噹噹，又只係得三款burger咁少選擇，就驚咗佢，呢度嘅漢堡係貴精不貴多。漢堡全部都係用澳洲嘅安格斯手打牛整成，而且薯條更加係喺你面前即刻切開個薯仔，即刻鮮炸，絕無欺場！再加上你可以完全見到員工喺入面係點樣製作你嘅漢堡包，係信心保證。由於唔係太肚餓嘅關係，叫咗一個Cheese Burger就算。果然係即叫即整嘅澳洲手打安格斯漢堡，牛味好重，肉質鮮嫩多汁！正！芝士雖然唔係雙層，但係都好足料，非常惹味！個包都絕對有心思，查咗牛油之後微煎過，令到件事更加香口。下次一定會再嚟食！

喺荃灣返工，勁多嘢食，有一咁啱經過享和街，聞到超級大陣勁香嘅牛肉漢堡味，於是放棄食本來想食嗰間，過咗嚟呢一間lucky smash 食burger!!門面紅噹噹，超醒神，舖頭只買外賣漢堡，而且選擇唔多，無返咁上下信心應該都唔夠膽開舖，一於試試佢！雙層芝士牛肉漢堡餐 $98牛肉全部都係來自澳洲嘅安格斯手打牛肉，即場見佢即刻煎，鎖住晒啲肉汁，超juicy同非常香口。加埋半溶芝士，真係好味道一口接一口咁食！入邊仲有蕃茄、菜等配料，等個包唔會太油膩！正！薯條真係唔講得少！原個薯仔即切即新鮮炸，仲見到啲樹皮喺度，超脆口，食唔停口！

一向超鍾意食漢堡包的我看見這間專賣漢堡包的店，十分開心，便買返屋企做晚餐。😋😋雖然是外賣，但因兩個漢堡包都是即叫即整，食物返到家中仍然是熱熱的，讚呀👍👍。我一看見有雙層芝士牛肉漢堡($78)就眼睛發光，一下子叫了兩個，好想今晚要食個滿足。看著廚師煎即刻炮制，已經好想食。回到家中已經急不及待地把兩個漢堡打開，兩件牛肉漢堡真係好夠厚，又好有牛味。加埋溶晒的芝士同埋好開胃的醬汁，成個漢堡好好味。

成班食評話漢堡包迷有福，又話CP值高，真係當食漢堡包嘅人係垃圾口，乜都食咩，漢堡本身唔係話難食，但一定唔係好好食囉，塊肉冇汁又有少少好似有根嗰種硬，根本成個就係一個普通到唔普通嘅漢堡包，包薯條就係最大敗筆，M記外賣返到屋企最多都係淋晒，呢間就衰到變左又硬又韌，好辛苦食左一半真係食唔到，$78食D咁嘅野何來cp值可言？最慘仲要鬼咁多人走去排隊，等唔係問題，但前題係等完食到好食嘅食物，呢間我真係覺得完全唔值得去等囉