L's Cafe (已結業)

尋晚同friend o係"百老匯街"行完街攰攰地搵地方食飯飲野，突然發現荷李活樓上有間cafe，就上左去試下... 上到去發現環境都唔錯，d sofa 位都ok 舒服~~ 有2 個set dinner 選擇，不過我同個friend 都冇叫到，反而試左個芝士蝦飯同大板牛肉飯，唔好講少，兩個飯o既水準都真係幾高~ 讚!!! ^__^ 至於drinks 方面，waitor 哥哥介紹左個朱古力奶色俾我，yummy! 好夠chocolate 味又夠甜~ 我個friend 要左個紫色灰姑娘，好重blueberry 味，唔o岩我... 不過，我個friend 就好鍾意...overall 感覺真係幾好，除左有時會有d 煙味之外(因為呢度有酒牌係可以食煙ga!) ... 不過，老闆俾個左蠟燭仔我地辟煙味，又真係ok 駛得喎... 掂!

有次同朋友o係旺角想飲杯野，見到呢間新開張o既cafe，於是就上去試下。呢度o既裝修比較柔和簡約，氣氛寧靜，感覺好似返左自己屋企咁，靜靜地，岩晒D想搵地方傾計o既朋友佢地有D set dinner，但我地去到淨係飲左野，所以我就講下佢地D飲品，果次我飲左老闆推介o既「香蕉朱古力奶式」，朱古力味甜甜地又唔會過火，同時又飲到香蕉o既味道，兩者協調得岩岩好，仲有幾塊香蕉比我食添，飲品方面我覺得好滿意：而我朋友則飲左「綠野仙蹤」，係一種特別o既花茶，我朋友都話好好飲！再講呢度o既老闆同埋老闆娘都好nice，好殷勤招呼我地，呢樣亦都係令我十分滿意的地方。整體黎講，呢度十分唔錯，環境、氣氛一流，飲品好飲，服務令人滿意，下次出旺角我會再去幫襯，我向各位誠意推介！