Loyal Bar (裝修中)

話說早2星期路過食左個lunch，今日又見開客，諗唔唔諗再嚟呢度。今次點了個農夫包，個農夫包嚟到真的嘩左一聲，好精美，足料，味道不錯，仲好飽肚。一路食一 路坐係度閒hea著,睇下街景，mv , 食住包，飲杯熱茶，真的坐3粒鐘都唔想走

前幾日去redmr唱k，望到樓下loyal bar個餐牌出左個農夫包覺得幾特別 好想試， 特登今日下晝來呢邊lunch試試佢。來到叫完果然無令我失望，個包大大個，加埋勁正個三文魚同埋蛋撈埋食真係勁大享受。搵日我呢個芝士控要再試埋另外個芝士農夫包！

和朋友到灣仔附近開會後想放鬆一下就來了loyal bar飲下酒 傾下工作最鍾意食包既我 看見餐單有農夫包 馬上叫了來吃 食店位於灣仔杜老誌道5號煙三文魚農夫包吃下去多汁 夠juice 煙三文魚濃味香口 正包皮脆內軟 好味！係一個值得chill的地方！下次會再來

Lunch 路過見到一間環境唔錯嘅酒吧推出新午餐——農夫包，即刻想試吓～🤩🤩侍應安排了一張對街的高枱，邊飲邊食邊看風景，感覺好chill 。🍻🍻🍻套餐包餐湯和飲品，今次係南瓜湯，口感creamy幼滑，味道唔錯。等了大概15-20分鐘，農夫包終於上枱，滿滿的芝士和煙三文魚，再加上中央有個流心蛋，一刀切落去蛋漿滲透出，非常juicy, 入面原來填滿芝士波菜，每一啖都非常滿足，真係真材實料，如果麵包可以再做鬆軟一點就更perfect! 👍🏻👍🏻👍🏻👍🏻👍🏻飲品可以揀鳥龍茶，用茶壺上好加分，感覺好relax~~蛋黃流心juicy足料波菜餡南瓜湯烏龍茶

呢排少咗帶飯， 同同事去搵Light Food 個時發現有間來佬吧午市有農夫包食，睇落超吸引!午餐包餐湯同飲品， 我地叫咗一份煙三文魚農夫包同一份黑松露蘑菇長通粉。好快就上咗餐湯, 係南瓜忌廉湯， 都幾香濃同幾滑，仲隱約食到啲南瓜蓉。 好快就到重頭戲--煙三文魚農夫包， 一上枱就聞到好香芝士味， 三文魚份量仲俾得好大方， 唔會最後冇野配麵包食，切開先發現入面收埋咗好多忌廉焗菠菜，啖啖都好滋味!黑松露蘑菇長通粉勁Creamy 又邪惡， 濃濃既松露配蘑菇真係好夾， 長通粉又索汁, 食到最後一條都好滿足!

今日同同事一齊Happy Lunch 鋸牛扒😍，第一次黎呢間酒吧食Lunch，Set lunch 包一杯野飲、粟米煙肉忌廉湯同一個主菜美國穀飼肉眼牛扒。忌廉湯味道唔錯！湯料都好足，啖啖湯都會食到粟米同煙肉😋燒美國穀飼肉眼牛扒，因為我唔鐘意食太生，所以叫左7成熟，好抵讚嘅係碟上嘅牛扒都好夠熱， 熟度好準 唔會太熟有咬口。 呢個牛扒係少肥著重肉味，味道非常好👍🏻👍🏻👍🏻環境方面座位都坐得好舒服 侍應姐姐都好熱情招待！ Lunch time 唔使同人迫，可以好好咁輕鬆下，真係幾推介大家黎食啊！

上次去完來佬餐館走嘅時候, 發現樓下間Loyal Bar 原來有lunch Set食㗎喎！ 為食嘅我，當然又心思思想黎試吓啦😋😋首先餐湯， 夠熱又夠香濃正喎👍👍之後我揀咗煙三文魚農夫包😋 嘩個樣好吸引， 包上面圍住啲煙三文魚成朵花咁靚🥰🥰切開裏面啲餡，熱辣辣㗎👍材料又配搭得好好， 有雞蛋，烤車厘茄，菠菜苗，小茴香等等份量十足💯💯 Lunch除咗粉麵飯, Loyal Bar呢個農夫包都係一個好好嘅選擇🤗

係灣仔返工,搵間可以坐得舒服又食得好啲嘅餐廳真係唔易! 見到公司附近有間loyal bar推出左新嘅lunch set, 即刻同啲同事黎試下先😙#芝士控 嘅我一見到 menu 有三重芝士煙肉農夫包🤩, 二話不說就決定叫哩款黎試！ 個農夫包一黎到，我同個同事都即刻嘩一聲🤩份量俾我地想像中大呀! 賣相又靚，好 #打卡able 呀😝話明三重芝士，切開個包就會見到入面有勁多芝士啦🤤 除左芝士,入面仲有其他配料架,有煙肉,蘆筍, 蘑菇同埋啲車厘茄, 個農夫包真係好大個,料又多, 食完真係好飽好飽, 絕對係滿足嘅一餐😌 見到menu 其實仲有個肉眼扒都好吸引到我！下次要再黎試試其他lunch set先得😙

今日過海工作路過，見離下個meeting 有成2粒鐘時間，就嚟loyal bar 呢度食左個休閒午餐。平時好少在酒吧食lunch, 但今日路過，見好四正，又乾淨，加上我又唔想四維行就係呢度慢慢嘆個午餐。原來佢哋都有午餐set, 100蚊左右，有湯，有主菜，有飲品，重點可以坐耐啲都唔趕客，食飽仲可以睇下電視嘅mv, 又睇到街景，都真係幾寫意架。我點左個黑松露煙肉長通粉，黑松露夠香，煙肉帶出咸味，整體好味。下次一定要再嚟，試下佢其他嘢