影片
和肥髀在赤柱閒逛，呢間店以前賣精品！近期門口放咗部好搶眼嘅雪榚機！店內有好多雪櫃！賣各國嘅雪榚雪條！入內有個叔叔好熱情招呼，話雪榚機係韓國雪榚，有好多味道，肥髀揀好佢就開始唧雪榚！店內有地方坐低食！不過唔成套，好隨性擺放！店內仲有賣手袋之類嘅櫃臺！同地產公司！蜜瓜雪榚（$36）韓國雪榚！杯上，雪榚軟滑，蜜瓜味清甜，好清新，中間夾雜朱古力碎！好味西瓜雪條（$38）本地製造，全水果無添加！西瓜味雪條偏硬！冰感重，味道清甜唔假！菠蘿雪葩（$38）肥髀最喜歡雪葩，呢款叔叔話係南非雪葩！椰子最好賣，菠蘿味第二名，肥髀揀菠蘿，菠蘿殻做容器，菠蘿雪葩唔太酸！菠蘿味清甜爽口！唔太甜好味！叔叔好熱情，剛開店有啲位未係最好，好似食完發現無垃圾桶咁！呢啲應該要改善！呢度真係搵到啲少見嘅雪榚都食到！正！
繼續閱讀