Lockeroom Cafe (已結業)

進入世界盃四強 🏆 去到邊都見到足球 球衣 ⚽️👕 我喺佐敦恆豐中心經過一間餐廳有好多球衣好多足球裝飾，我以為我眼花發緊夢 🤭 原來呢一間 Lockeroom Cafe 用足球做主題，特別係 Arsenal 粉絲一定好鍾意！座位好闊落何都唔同嘅足球裝飾，例如球衣 波鞋 足球 仲有一個corner 整到好似 stadium 座位。仲有小玩具同公仔，俾啲客人影吓相打吓卡 👍🏼食物方便好豐富 由All Day Breakfast 到 扒類或者漢堡包都有。除咗咖啡類之外都有茶 奶昔 Soda Mocktails 就算咩酒都有 🍻Eggs Benedict with Charcoal Bread & Muesli賓尼迪蛋配竹炭包及麥果泥 可以選擇 煙三文魚、黑松露醬、煙肉 、風乾火腿、菠菜苗、烤大啡菇、車打芝士Soccer Fan 波友菠蘿汁、柚子蓉、檸檬汁 & 雪碧 撈埋一齊好清新呢間餐廳一定好適合阿仙奴fans 或者一家大細一齊過嚟享受吓開氣氛。食物質素同員工服務十分好。佐敦地鐵站上嚟都好近。值得試吓！

同朋友沿彌敦道步行前往尖沙咀，途經恒豐商場見到有間新開Cafe裝修好Sporty，店內七彩繽紛吸引到我哋停下腳步望望，剛好想搵野食，朋友又說想嘆杯咖啡便落去試試。新餐廳設計幾特別，好多波衫做裝修，睇真啲原來係Lockeroom，先前試過佢哋旺角店，食物好好味。我哋叫咗個小食拼盤，脆包同卡邦尼濶條麵，食物真係好好味。朋友叫咗杯Tiramisu咖啡話好好飲，我試多啖真係好Tiramisu ，正！新開張侍應生話有免費甜品，咁當然唔客氣啦！先前响旺角店食過心太軟超正，見到menu呢度都有就叫呢樣。果然無失望，味道依舊同旺角店好味。其實呢度好好坐，可能新張客人唔多，靜靜哋同朋友傾下計食下野唔覺唔贀就過咗個幾鐘。不過其實呢度menu食物選擇比較少，但質素真係好好，希望遲下可以有更多食物選擇啦！