影片
LITTLE TWIN STARS CAFE 九月一日開學日隆重開業...進軍旺角朗豪坊十樓...等待粉絲朝聖...LITTLE TWIN STARS 主題... 100 BITES ...勢頭不下於 MY MELODY & KUROMI POP-UP CAFE ...長長的人龍已經一步步移過對面...排隊唔知排幾耐...一直未敢去 MY MELODY & KUROMI 排呢...呆等食一餐...恕我未去到瘋狂的程度...幸好...100 BITES 採用了派籌方式...營業時間分為 LUNCH ... TEA ... DINNER ...每餐兩個時段...每個時段各有二十個籌...額滿就明天請早啦...我可以博一博...食到就食...九月六日...星期六...我們十點五十分到場...人龍已經在兩間 CAFE 各自出現...好多人呢...在場有工作人員指示...唔怕出現混亂情況...十一點派籌...一個接一個...好有秩序...我見到攞到籌的人開開心心咁離開...一定是選擇自己想要的時段呢...唔知我們會唔會排到 LUNCH 時段...第一時段滿左...只有第二時段了...一點至兩點半...一點一定可以準時入場...可惜...一個多小時唔知去邊...好彩...有 SANRIO 星級甜品學府...可以讓我們排下影下相...打發一下時間...時間尚早...人流唔算太多...唔需要排好耐...影完岩岩好...可以上去食 LUNCH ...一去到唔需要等已經叫號安排入座...誰不知...竟然安排一張二人枱加一張圓櫈俾我們三口子...我當然唔制啦...一張枱仔點放三份餐呀???剛好有客人埋單走人...三口子隨即換另一張枱...CAFE 有兩個靚靚的卡座...可惜...我們只有三口子...未能有緣坐 LALA 同 KIKI 的卡座...只供四至六人...只有靜待卡座的客人離開...我們就快快手手咁影相留念...其實...CAFE 同我想像有一段距離...佈置唔算吸引...我覺得有點求其呢...值得影相留念的地方太少了...我只見一對 LITTLE TWIN STARS 公仔供客人影相...出手未免低左一點...餐牌分左三塊...我只見其中兩塊...請問你想食咩呢???三口子點了三個餐...100 BITES BRUNCH...百嚐全日早餐...100 BITES EGG BENODICT...百嚐班尼迪克蛋...士多啤梨窩夫配雲呢拿雪糕...LITTLE TWIN STARS COOKIES...LALA 士多啤梨香橙特飲...KIKI LATTEE...LALA CAPPUCCINO...COFFEE 賣相好吸引...我唔太捨得飲入口呢...一睇已經聯想到 KIKI 同 LALA ...味道又好...值得一讚...LALA 士多啤梨香橙特飲...顏色吸引...入口甜甜酸酸...岩哂小女口味...ALL DAY BREAKFAST...一塊星星薯餅...我想是唯一聯繫了...味道唔算特別...不過不失啦...班尼迪克蛋...唔係插左一支星星旗...我完全想像唔到同 LITTLE TWIN STARS 有何關係...不過...味道出乎意料的好...一切開有蛋汁流出...好似食蛋太軟咁...配上煙三文魚...味道好夾...二人行...一人一份...你切俾我食...我切俾你食...感覺好浪漫呢...見到一份咁 COLORFUL 的 窩夫...小朋友一定從心笑出來呢...士多啤梨窩夫配雲呢拿雪糕...頂頂有一塊白朱古力星星牌...配上一粒粒粉色系的棉花糖做襯托...勉強可以想像啦...杯子蛋糕...同下午茶限定的星星班戟...我覺得最有心思...賣相最令人想到 LITTLE TWIN STARS 的兩道食物...可惜...我冇得影...印有 KIKI 同 LALA 的曲奇...一塊十元...你要有心理準備...曲奇不是賣味道啦...十分感謝我的老公同我的女兒...晨咁早陪我去排隊...食個 LUNCH ...陪我渡過左一個愉快的星期六...如果唔需要排隊...我想去多次...不過...一定揾多一兩個人...我想坐 KIKI 同 LALA 的特色卡座呀...純粹個人意見...請大家多多指教呢..
繼續閱讀
晚餐唔抵食，套餐$168-$188,食物有點冷，味道唔好味，完全唔值得去食。下次唔會黎食。飲品味道更似藥水味，主菜得3款選擇，沙律三文魚同雞肉都太咸，只有甜品正常。。。失望。
繼續閱讀