Little Prince

營業中

休息中

呢間餐廳食過幾次，平時午飯時間呢間餐廳一定滿座，門口仲有人等位。今次選擇左星期六黎食午餐，黎到唔使等位，立即睇下有咩特色意粉食先。我選擇左冬蔭公鳳尾蝦意粉同香芋鮮奶，朋友就選擇左西班牙辣肉腸、煙肉、茄汁意粉同梳打。一碟意粉好唔好食，除左味道，意粉既質感都會影響到食物整體表現，呢度既意粉質感剛剛好，唔會煮得太軟或太硬，食落仲有啲煙韌。茄汁意粉朋友話唔錯，因為每條意粉都掛滿醬汁。比較特別既係冬蔭公鳳尾蝦意粉，感覺係泰式與西式既結合，酸酸辣辣甘，好開胃，加上一杯好夢幻嘅香芋鮮奶，係一個好配搭。

今日嚟葵涌開會 落雨嘅星期五 就喺商場附近搵間餐廳避下雨 + 食嘢呢間西餐廳 裝修光猛 乾淨 仲有好多位 一啲都唔覺得迫 嘅就入去試下 lunch menu都好多選擇 好多種意粉 牛角包等等 主打西餐 價錢真係好親民 意粉真係有驚喜 揀咗個煙三文魚煙肉忌廉白汁意粉 勁creamy之餘超級多料 勁多三文魚 仲有煙三文魚切嘅花花 即係又靚又美 味道比能夠媲美高級餐廳餐飲加錢 飲咗個荔枝玫瑰梳打感覺好少女 甜甜嘅玫瑰加荔枝味 配上有氣嘅梳打水 感覺高級成件事好lady 呢度坐得舒服啲嘢食好有質素 服務都好好上菜速度仲好快仲有一衆後生廚師 真係要支持下呢啲隱世小店

葵興工業區人來人往, 餐廳都同樣豐富。今次就係葵興KCC食左一間以意粉為主既cafe - Little PrinceLittle Prince 主打特色意粉同飲品, 係人來人往既葵興可以搵到一個咁chill又好食既餐廳都幾開心冬蔭公鳳尾蝦意粉冬陰公汁好濃好好味，酸辣香兼備調得啱啱好，令意粉非常掛汁配菜都非常有冬陰公感覺，分別有草菇，車厘茄，鳳尾蝦美中不足係鳳尾蝦有留蝦尾殼，如果去埋尾殼，啖啖肉咁會更爽Black Sesame Latte 黑芝麻鮮奶黑芝麻鮮奶唔算好常見，濃香既奶味加上黑芝麻既口感，簡單一款飲品帶有一款甜品既感覺, 非常值得一試

今日去工廠區做嘢…做完落勁大雨，等咗陣都未停，就不如食埋lunch先起行🫠入到黎坐，我以為係🙋🏻‍♀️落order😂叔叔就拎咗menu 俾我，好有禮貌同我講係岀面點餐🙈(呀…我好樣衰呀🙃)食物泰式蝦醬肥牛忌廉汁意粉 (6月新口味)呢個真係好食😋啲意粉好有彈性！啲肥牛超入味，食到有好香蝦醬味❤️個份量岩岩好！個忌廉汁好滑。煙三文魚、煙肉、忌廉白汁意粉超愛三文魚嘅我☺️☺️☺️對呢個超讚❤️❤️❤️首先佢個花花煙三文魚好靚😃下面啲三文魚唔係碎🙈係一小塊，好有口感(食完帶口罩呼吸都闻到三文魚味😂😂😂）即整架！熱到岀煙，但太光影唔到煙🙈凍啡、凍檸茶😩😩😩早知我都嗌凍啡啦！我試咗1啖，頂😩好滑好鮮奶咖啡味！又唔係好甜，超鐘意！🤭🤭不過凍檸茶都好正架！茶底濃而唔澀，檸檬片夠厚夠鮮❤️其實都好難揀邊個好🥳其他等停雨嘅時候都好多人係到食..到啲人開始食完走，我哋就決定食完先走…平時都會睇下食評有咩推介先，不過今次因為坐低嗌咗先黎睇😂唔睇由自可…一睇就好驚😨5月咁多人都話…到餐上枱，戰戰兢兢咁試下啲野飲，即刻心心眼😍再試食物😃都係Cp值高過，絕對對得住呢個價！再講，因為第一次食，我唔知係岀面點餐，個叔叔都好禮貌拎餐牌俾我

一直都覺得應該唔會係好難食！係難食到想秒速放棄個意粉，如果唔係因為趕住依飽個肚應該會想去第二間餐廳🫠叫咗一個忌廉意粉，點知係鹹到懷疑人生！極度懷疑係落咗好多鹽同味精🙄千祈唔好去食😤

真係人生第一次遇到一間咁差服務態度嘅餐廳，明白午餐時段比較多人要等位但係店員係當你放低餐具嘅時候立刻把你所有枱面嘅東西即刻收哂，我係連咀都嘴都未抹真係不得了！店員嘅態度都係極度之差包括老闆娘。真係可一不可再！食物都係麻麻好食的🥲

早餐時間叫外賣，等咗10幾分鐘都仲話欠一杯咖啡，但全場員工行行企企，完全無意欲去幫手跟一手，廚房員工亦都遊手好閑，完全不明白為什麼一杯咖啡需要咁長時間，一份外賣足足等了15分鐘。另外，早餐外賣了煙肉炒蛋牛角包，煙肉太油了，牛角包完全吸收了煙肉油份，變得好油膩，而且牛角包係淋的，味道亦好一般。難怪咁多劣評，真係無下次。

以前一直有幫襯Little Prince，最鍾意食佢個炒蜆肉意粉，直到今次…. 發誓唔會再幫襯-我知道lunch time時間特別繁忙，所以大約13:45到，咁我去揀咗少啲人嘅大枱，點知個老板媽唔俾我坐，我問點解，佢答我：「陣間如果有五人嚟咁點？」我回覆：「如果有五個人入嚟我可以讓位比佢哋！🤔」但佢拒絕，我唯有同人搭枱-好，跟住上餐，炒蜆肉意粉完全冇味😅蜆肉仲有沙，搞到我要係咁落Tabasco -及後食到一半就走，同佢反映問題，佢完全冇望過我，跟住拋出一句：「係咪同你炒過蝶？」交談過程令我覺得好唔受尊重😔所以先第一次上open rice寫劣評

因為就腳食過呢間幾次今日先去睇下open rice食評發現竟然大量負評 話態度好差我自己就食過起碼4-5次，其實都冇遇過話態度特別差嘅情況。今日就試香辣蒜片意粉，超重蒜味好正 ，蜆份量略少，但配埋少少辣好惹味，食下食下清晒！其實個味唔差，$55 有埋飲品，意粉份量唔算少，上菜快。呢個價錢黎講其實可以接受因為依間真係好多人食，所以店主先會好似趕人走咁。當然，佢緊係想賺多啲所以先想入多啲客，但對於返工lunch hour好短嘅人黎講，咁樣可以令食客唔洗排咁耐隊。我每次去就算坐滿晒都唔洗點等位，好快搞掂！至於服務態度方面，可能我冇乜大期望，就咁落單，食完就走人。冇理佢係咪黑面，亦冇比佢趕走體，所以整體其實冇話咁負面😂

昨天來吃過午餐職員態度非常惡劣毫無品格可言價錢是便宜食物質素一般只是貼錢買難受的感覺真不想有下一次難怪正午午飯時間還有空位全場只有幾位客人在玻璃窗外反而看到旁邊茶餐廳人龍非常長笑而不語

上星期第一次黎左食，原來真係差到爆，我比錢黎食要我受氣？呢d咁既服務態度我都第一次見！永遠唔會有下次！！！收銀既應該老闆娘？完全無禮貌！！！！好過份！！！！！！

我係第一次出post同第一次投訴，呢間我都嚟過幾次，呢次我真係認唔住，唔該注意下對客態度，唔使非常之好有禮貌又唔使客人永遠是對的咁，好簡單識尊重人就得。pls!唔好覺得啲客嚟幫襯變成阻住，搞到我好似走嚟乞食咁要比人趕!（對小朋友及老人家都係咁）

今次係我第一次寫食評。我唔係第一次幫襯，頭三次食我都覺啲職員唔係好有禮貌果啲，到我第四次食先覺得差，話說我同我母親70幾歲，當時係食飯時間開始多人等位，果度啲人(女人)覺得我媽食得慢，係咁走嚟吹我哋食快啲，門口好多人等位，做生意做到佢咁，少少尊重都冇好失望囉，一心嚟幫襯點知會比人覺得我哋阻住佢做生意，真係好笑，餓死都唔會再去呢間食！

由於食物上檯都無乜特別，所以一開始無影相，但食食下覺得好鹹。講真，唔係話勁難食既，但都未好食到要再幫襯。味道鹹之餘仲好重味精，成個下晝不斷飲水都搞唔掂。我呢d千年CD-ROM都走出唻寫食評，一係就好正一係就好劣，今次就正正因為服務態度極惡劣喇~早幾個月同同事想去試下，一行三人，但嗰個疑似老闆既中年女人就話要2+1分開坐(?!)，咁我地就問可唔可以等一張差不多食完既4人檯，佢話唔可以，然後問我地究竟入唔入，我地都未答佢，已經叫左後面等位既熟客入去，非常無語，唯有放棄唔食。今日同事二人經過，見無人等位就諗住畀多次機會啦，可能上次佢地只係太忙燥底姐。當時店入面有幾張空既4人檯，但侍應都示意我地去搭一張已經坐左兩個人既4人檯，呢點我地明既，留返張4人檯招呼4人客。隔籬兩個女仔食得好快，我諗佢地大概15分鐘食完，諗住慢慢飲杯野傾下偈，但呢個時候店員已經急不及待要去收野，搞到個兩個女仔好唔好意思咁走左。環境睇落四四正正，不過勁迫，傾偈差不多要嗌出唻咁，因為人同人之間太密集，每一檯客都傾緊偈，非常局促。我同同事繼續食緊個兩碟好鹹既意粉啦，然後呢個時候個男侍應走唻問我地可唔可以轉去二人檯，我話我差不多

上次食完個下午茶都覺得幾好食，今日經過唔知食咩好，又無意中行咗入去呢一度啦，今次試佢個忌廉意粉，性價比來講唔算太高，因為$60一碟意粉來講，佢嘅份量其實算係偏小嘅，如果以佢嘅地理位置來講呢，附近會比較多工廠嘅男人食份量應該就唔多夠，不過都見到好多人嗌佢嘅蕃茄意粉，相信都係質素保證。我今次叫嘅忌廉意粉質量爆燈，雖然意粉數量唔係特別多，但係佢嘅忌廉汁非常香濃，食得出係落咗幾多料嘅，雞肉都唔少，每一啖嘅材料比例都算係偏多，所以性價比都可以俾佢拉高少少啦！短時間內嚟咗呢間Cafe兩次，兩次嘅經驗都覺得唔錯，有機會會再嚟試吓其他蕃茄意粉，因為真係見到好多人叫呀。