Little Prince

營業中

休息中

食物賣相同味道都真心唔錯。但真係同大家講嘅一樣態度差。當日我同老公兩個人11點15分到，店面只有我地兩個客，咪諗住隨便坐，點知侍應強烈要求我地坐好細嘅兩人枱，話咁就唔洗搭枱喎，但語氣態度就似命令我地。平時少黎呢間，見附近嘅食肆都唔係咁早爆，唔知佢咁早都會爆場要搭枱，但我地最後照佢意思坐，免得爭拗。最後我地12點左右食完意粉，都只有我地同另一枱兩個人。飲緊野之際，有客人被指定坐吧枱，雖口講麻煩晒，但語氣似威脅多啲😂 而嗰位客人亦比較火爆，立刻取消order走人。客人走後，收銀阿姐就鬧左幾句，話個客痴線🙂我地見唔趕時間，而個場又未爆，仲有兩三枱空位，咪坐多陣飲埋杯野，但當然比人砰砰嘭嘭收晒啲碗碟，再要求盡快交枱啦。講真lunchtime當然要體諒食店，但自問一開始都唔係話唔體諒，亦無做啲咩西客行為，所以唔係因為我地做左啲咩先比佢咁樣對待，亦有睇住店面情況，如差不多坐滿，必即時交枱。莫講話對客，普通待人接物都應該保持禮貌啦，好食都唔會再幫襯。

#煙三文魚煙肉忌廉白汁意粉 $56 (凍飲+$2)估唔到都幾足料三文魚同煙肉嘅份量都幾多 一路食都仲有咁仲有加咗少少菜同紅蘿蔔絲感覺上健康咗🤣個汁夠creamy意粉又唔會太淋 整體唔錯評分:7/10-Little Prince葵涌葵昌路72-76號活@KCC地下G05號舖

第一次幫襯此餐廳係响幾個月前，一試便愛上，差唔多好多款意粉都好好味！我選擇的都係時時會再叫既～真心推介：1. 冬陰功鳳尾蝦意粉2. 香蒜蜆肉意粉3. 白汁煙三文魚意粉4. 蕃茄腸仔煙肉意粉5. 芝麻醬吞拿魚意粉6. 蘑菇湯第一次嚟幫襯嘅時候，都有同感覺得收銀小姐都幾惡下，但食多幾次之後，完全覺得你係「有需要」咁做！我鍾意你地呢間餐廳，唔係因為什麼服務，而是食物質素，餐廳乾淨、企理、整潔！老實講句，明知道你只會做到午市咁短暫時間既生意，連晚市都冇得開（因為根本唔會有生意），倘若你係任個個客人都慢慢食慢慢坐，你遲早都做唔落去！既然係真心欣賞你嘅食物，我自然想你繼續生意好，繼續好好咁做落去！就好似澳洲牛奶公司，夥計都成日俾人話唔好態度，難道想要酒店式招呼茶餐廳價錢嗎？你事實上提供了有效率的盡快入座及最緊要你經營好、返枱快，生意多，咁你就會keep到食物質素同保持繼續咁新鮮既意粉煮法，我係一定會繼續支持的，因為如果同朋友食飯要霸住張檯好耐既時候，我係唔會選擇去呢間細餐廳的，因為我想呢啲細餐廳都可以好好咁長遠經營落去，物有兩面，佢比你慢慢坐，唔計較生意或最後賺唔到錢唔做，誰損失？我唔想只食連所餐

之前同同事去過幾次已經發覺收銀既老板娘態度差，今次再去估唔到態度係十分差，個老闆娘成日黑口黑面，仲呼喝員工，人地都係打份工，對客人又差，成日趕人快d食晒快d走，大佬未食晒野仲要係咁收野，好騷擾！我地今次同隔離坐得好埋，而家咁既時勢都係咁既安排！仲見住有一枱兩個人一個食晒野，而另一個等左20分鐘仲未有野食，個老闆娘仲態度好差叫食飽果個人走讓位比其他人，咁都講得出口！見到咁我地以後都唔會幫襯！野食：普通（偏油）服務：好差環境：差

食物是有水準的, 可見廚師有用心做, 可是收銀阿姨會當客人面前鬧店員, 好似阿媽鬧仔咁,又對食客無乜禮貌, 講真我入嚟比錢食野唔係想在鬧人嘅氣氛下進食, 這樣開食店来做甚麼? 有冇尊重坐上客? 食物縱好食, 吃後都唔會覺得開心, 感覺是處處逼人,負能量嘅餐廳。

Little prince-葵興KCC食肆一到午飯時間就好多人排隊。今日難得同同事兩個人比較易搵位，所以就決定食平時要等位既little prince-抹茶latte(左）香蒜蜆肉意粉（右）1. 意粉軟硬適中、有好多蜆肉、蒜味好夠，食完之後成個下晝都係蒜味😂分量以女仔計都會食淨，男仔就應該勉強夠飽-2. 抹茶latte係加$8，$8都加得好抵，佢有cream又靚靚地，抵過去coffee shop買30蚊喇！-不過要有心理準備係lunch time呢啲peak hour啊食完野就會俾人趕走呀！😫

香辣蒜片蜆肉意粉🍝 $50意粉一上枱好重蒜香 份量都幾多有菜有紅蘿蔔又有蕃茄仔 又估唔到心理上幾健康💪🏻而且仲好多蜆添🤩估計啲蜆有蘸粉漿爆炒過🔥冇曬啲雪藏味 蜆到都比些少粉漿包住意粉唔會太腍或太硬 岩岩好👍🏻最好嘅係佢嘅意粉食落唔會太油食到尾都唔會拖到成碟油😶不過...食完咁重蒜味嘅野 戴返個口罩焗住就真係😃😃((蠢左了

諗住上嚟打返篇食評先至見到，原來唔止我一個人覺得佢態度差囉，前面就已經有幾篇覺得佢態度差，呢間野態度差到係唔可以再去，冇下次。1） 明明啲餐具喺隔離枱，叫侍應都係唔會幫你攞㗎，問佢之後佢用眼神示意你自己去攞，答都唔答你，最後係隔離枱主動遞俾我2） 雖然我已經飲完個凍檸茶，但諗住放張紙巾落去等佢收野嘅時候方便啲，但佢係強行搶走我個杯，完全唔理我放緊紙巾入去。3）收走晒你枱面啲嘢之後，坐咗5分鐘都唔夠，明明出邊冇人等，行埋你同你講係咪食完喇，食完就交枱，唔該都冇聲。認真呢間野其實啲嘢食唔差，但態度真係惡劣到唔想做你生意咁，食到一肚氣，唔食好過

Kwai Chung 葵涌 • Little Prince📍葵涌葵昌路72-76號活@KCC地下G05號舖史上最差劣的食飯經歷！不可一，不可再！！是日同同事食lunch，點了雞肉菠菜忌廉汁意粉、黑松露雜菌忌廉汁意粉和松葉蟹蓋意粉，份量算多，味道普通，但餐廳態度真是惡劣到無法接受！由落單開始個收銀定老闆已經一臉不屑，我和同事食了大概半小時，還未食完又再三催促我們離開，真是一肚氣，食物相片都沒時間影😠😡➰👅 味道：🌟🌟💫👀 環境：🌟🌟👩🏼‍🍳 服務：想俾負分💰 抵食：🌟🌟

店舖環境不大 但乾淨企理可能係平日下午 人流不多餐點亦都好快上枱可供選擇的款式也算多更有些特色款 例如 冬蔭公 青咖哩最後就選擇了青咖哩雞肉意粉本身意粉和雞肉都很足分量可惜青咖哩味略嫌不足 而且意粉汁亦不太夠雞肉亦沒有青咖哩味另外還有煙三文魚煙肉忌廉白汁意粉同樣 三文魚跟煙肉分量都很多這款意粉汁很充足 啖啖都很濃厚味道又juice整體其實也算很好吃 而且價格都比較相宜 60多元一個意粉另外也可以跟餐轉特色咖啡或果茶會再有光顧的想法

終於等到星期六，想搵個輕輕鬆坐低食飯既地方。行到黎呢間一直都冇試既小小西餐廳，由於佢外表似一間cafe，都怕冇飽肚既野食，睇睇餐牌，係有午餐既，於是入去一試～我地叫左兩個意粉午餐，分別係黑松露雜菌忌廉汁意粉同西班牙辣肉腸煙肉茄汁意粉份量還可以，配料都足料，總體味道不錯黑松露都幾香幾惹味，茄汁意粉唔會好酸，d汁既味做得幾平均，辣肉腸味道都冇令人失望，因為真係幾惹味，我地好快就食完，但唔會好飽，係唔會有負擔的一餐，環境靜靜地幾舒服，適合放假同幾個朋友黎傾計聚會下既地方。

/工廠區中的小店🏠入到去見到都坐左六七枱😀聞到好香既咖啡都忍唔住叫番杯☕️落地玻璃窗令到成間餐廳光線好充足好溫暖🥰..🍝釀蟹蓋蟹醬意粉$64第一次黎既時候食唔到😢第二次終於食到啦😋係蟹蓋釀左啲滑上去，個滑都幾大份，蟹味都幾出下🦀意粉仲有好多蟹柳條係入面🤣起碼都有六七條👍🏽啲料好足，性價比真係好高🥰..🍝青咖喱雞肉意粉 $54小小既餐廳估唔到有fusion菜食😂忍唔住比個機會佢😆上到黎既時候都好多咖喱味☺️啲雞肉都幾多，佢地同意粉都幾太夾，但偏辣（可能我唔係好食得辣🤣）都唔錯想試fusion野值得一試😋..☕️Mocha +$10一入到黎比佢啲咖啡香吸引住😌唔飲既都要叫一杯，如果唔係會後悔🙈佢啲咖啡同朱古力粉平衡位拎得好好😋一開始係飲到咖啡既苦最後係飲到朱古力🍫既甜😀.

坦白講野食真係幾好食，但d服務態度真係奇差，馳名中外嘅澳x都無你咁寸，我知食飯時間係多人係出面等位，但你想個客讓位，d語氣同態度可唔可以好少少？學習下「唔好意思，lunch時間人比較多，介唔介意讓一讓個位，多謝你支持」唔係比面色個客睇囉，唔該！返工已經夠大壓力，放lunch都要受氣，谷到成肚氣都飽曬，已經唔係第一次係咁，我d同事去都係咁講都唔知話你係咪一視同仁好 ：）唔係似住自己d野食好少少就可以咁對d客

呢到嘅意粉口味係味係平時唔會食到！👅1️⃣「吞拿魚秋葵芝麻汁意粉🇯🇵($54)」個醬汁好日式！香口麻醬混雜左少少芥茉醬 好開胃🤪2️⃣「青咖喱雞肉意粉🇹🇭 ($54)」一開始仲以為會係求其淋一pat醬係面！原來唔係 麵條唔見汁但食落香辣惹味 有泰式青咖喱嘅精髓！😎仲有啖啖雞肉🐔鍾意食辣嘅朋友可以一戰！注意⚠️：雞肉菠菜忌廉汁意粉好快賣哂-The flavour of spaghetti here is very special! 👅1️⃣ Tuna and Okra in Sesame Sauce with Spaghetti🇯🇵 ($54) is a Japanese style x Italian fusion dish. The sesame sauce is mixed with a little mustard. It is very appetising!2️⃣Chicken in Green Curry Sauce with Spaghetti🇹🇭 ($54) tastes spicy and savoury. Although there is not much sauce, the s

經過門口好香咖啡味 好自然就行咗入去啦 店舖唔算大 坐到40-50人左右 開放式廚房而且唔算大 如果坐滿人嘅話 一個order都要等一段時間 雞肉菠菜忌廉意粉 用咗雞胸肉但係一啲都唔鞋口 個忌廉集材好香奶油味 一啲都唔似罐頭醬汁禁 意粉煮得啱啱好 整體好自家製茄汁辣肉腸煙肉意粉 醬汁食落一啲都唔酸有蕃茄味 煙肉唔薄唔細塊 辣肉腸都好香好辣 鮮奶咖啡 入口好香滑 咖啡味好甘香 意粉整體質量都唔錯 煮熟程度餸同意粉嘅比例 醬汁嘅味道同份量 都做得好好因為唔算多人 坐左三份一 所以落單到上菜 都係20分鐘左右 唔建議大家喺繁忙時間去食 因為廚房真係好細