Little Prince

營業中

休息中

今日LUNCH我去咗搵女朋友食個LUNCH咁我地就去咗葵興既KCC搵食啦平時呢到夜晚係咁開既所以得LUNCH食咁LUNCH時段都幾多人既咁我地行咗一陣咁就黎到地下呢間叫做LITTLE PRINCE既主要原因係因為門口睇落比較少人等位所以我地揀咗呢間食等咗五分鐘左右餐牌如圖望下都ok嘅全部都係意粉黎由入座之後不儆弓聽到個女人鬧鬧鬧環境極度不舒適間鋪已經細好影響食飯心情煙三文魚煙肉白汁意粉味道一般般份量適中煙三文魚味道啖西班牙辣肉腸煙肉茄汁意粉微辣 有啲酸酸地咁份量一般總結係環境惡劣全程聽到個女人鬧自己啲員工 帶個位收個錢落個單又鬧又大叫咁 好嘈吵

之前都有食過幾次呢間嘅意粉覺得幾好食，都唔介意等吓位(附近都冇乜餐廳可以選擇)，但今次嘅用餐經驗真係非常不愉快，需要提醒下其他用餐者。原本lunch time多人等位外賣食飯，我明。坐咗半個鐘等嘢食等嘢飲，中間仲見到聽到老闆娘係咁趕人走，各食客唔滿意其服務態度，熱飲太熱，座位安排差，我同同事都冇催過一聲或者不耐煩。但竟然食食吓碟意粉有隻野喺度，我真係接受不了。 人生第一次喺OpenRice留comment，而且係負評。

又係收工最苦惱嘅事 就係諗食啲咩嘢 行行下發現呢間下午茶幾抵食 通常啲cafe價錢比較貴 而呢間價錢非常親民 啱哂我呢啲窮L😂出前一丁麵 $35呢個下午茶餐係出餐一丁配兩個餸 我揀咗法蘭克福腸同煎蛋🍳🇦🇼而腸有兩條 仲要好大條 食落好juicy 蛋就正常發揮 而出前一丁🍜同平時茶餐廳嘅水準差唔多朱古力鮮奶 (+$8)原本套餐免費加配咖啡☕奶茶🥛檸茶🍋檸水🍋不過我特登加多$8轉飲朱古力鮮奶🍫🍶就係貪佢有個拉花 嗰拉花算拉得唔錯 而且飲落有驚喜 杯朱古力都算濃郁 飲完仲有啲鮮奶回味 都幾好飲😋

我本身不嬲唔寫食評，真係睇唔過眼。啲嘢食ok, 但成個早餐都食得唔安樂 老闆娘不停鬧啲員工 又大聲又尖酸刻薄....不停咁鬧不停咁鬧...打工姐....洗唔洗同一件事diu咁耐... 睇到都陰工 我可能都考慮下咁嘅老闆仲值唔值得幫襯....通粉好食嘅 個湯唔油唔會太重味 亦都唔係一味搏命落茄膏果種味 牛角包好crunchy.份量一個女仔食啱啱好。總結黎講.....唔係太認同一間公司對員工咁差...對於我黎講呢樣緊要過嘢食好唔好食

最近我公司有間西餐廳， 我食了早餐覺得不錯，今次試下午餐， 我點了有呢個煙三文魚煙肉配白汁忌廉意粉， 好creamy 又新鮮， 下次都要再去品嚐！little prince 新界葵興葵昌路72-76號

晏就放lunch 12點幾左右去買外賣 最後等左半個鐘先有 知道lunch hour人多係正常 但半個鐘的確過份左。等得耐都算啦 收銀女人態度極差 連係鋪頭外面探頭睇下個餐出左未 都比佢鬧返轉頭。另外有位樓面 做野完全唔醒目 成個人棟係鋪頭中間望夫石咁睇人有冇量體溫only? 客人想入去想拎籌都依然係成碌木 眼dupdup咁棟係到。老實講野食係正常ok的，但服務態度大打折扣。希望會有人同佢反映下，唔好大安旨意覺得自己生意好就態度咁曳。

Aeound 12點3 黎食Lunch ， 一人一碟意粉加野飲。食物質素中等， 以價錢同周圍餐廳比較，算係合理。 但成個用餐體驗極差， 老闆娘（收銀） 態度惡劣， 食完個意粉， 杯咖啡未飲兩啖已經沖埋黎收你個杯同叫你交檯。到走果陣先係12點40分， 又唔係食完坐左好耐，門口又冇人等位， 又冇講明用餐時間係25分鐘， 感覺上老闆娘（收銀） 有啲情緒上問題， 建議可以休息一排， 睇下醫生放鬆下。 最後，如果有人想食呢間野最好唔好叫餐飲， 除非你可以一啖飲哂杯咖啡。

本身諗住試吓對面嗰間咖啡店，咖啡好香，但係去到已經落咗半閘，見到呢間都有人食嘢，又有咖啡飲，咁就入咗去，啲意粉好香，但係我唔肚餓，所以叫咗個香蕉朱古力pancake，同埋加左$10叫咗個cappuccino。落咗order大概10分鐘就到齊啲嘢食同嘢飲，其實佢啲意粉真係幾香，見到隔離枱食好似都幾吸引。香蕉朱古力pancake，就係香蕉加朱古力醬加pancake😂不過佢個pancake正常，唔會太粉。Cappuccino啲咖啡豆一般，唔係好香。

第一次寫食評不吐不快食物本身冇問題，個意粉幾好食，但係個老闆娘定唔知收銀大媽態度差到一個點！！！當啲員工係狗咁呼呼喝喝，態度極差，勁冇禮貌！！！真係見到佢都以後唔想再幫襯！食到成肚氣！明明啲員工好勤力好快手，對客態度都冇問題，但嗰個收銀大媽好似當人哋殺咗佢全家咁呼呼喝喝！以後唔會再去！今時今日咁嘅服務態度完全唔得！俾錢你賺仲要俾你鬧！不知所謂！值得一題啲意粉夠熱好有鑊氣咖啡都幾好飲定價偏平如果冇咗嗰個女人可以再去！

未去過一間餐廳嘅職員態度咁差咁差， 長期企喺收銀位，有一位上咗年紀嘅女士戴著黑框眼鏡， lunch時間不停見到佢不停鬧人無論顧客員工 不停鬧。 食物黎遲咗，有位同事食得比較慢其他三位同事都差唔多食完，明係舖頭嘅問題但係呢位上年紀女士就不停催促， 話有限時， 但係其實食咗都唔夠45分鐘， 最後叫咗杯價錢咖啡 叫佢畀個外賣杯 唔想再度受氣 外買杯係穿的， 畀錢叫嘢食嗰陣仲要黑口黑面 好似欠咗佢咁，唔會再去. 點解有啲咁衰嘅人 咁樣對啲員工同顧客

全間舖頭，由員工到客人都要受老闆娘氣！簡直係冇禮貌到不得了嘅極品！成餐飯淨係聽見佢不停呼喝員工，食都食得唔安樂！客人等左半個鐘追單，沖講埋晦氣說話，叫客人自己追廚房喎！大佬啊，我食飯啫，仲要幫跟埋你個廚房點運作？你比返錢我呀？如果你自問係又迫又趕嘅午飯時間，可以頂得順各種煩音，都可以挑戰一下！講返食物，其實係好食的，員工亦勤力，無話hea做。所以真心替佢哋唔抵，要幫個咁嘅人打工！係得呢度食飯嘅，都肯定係附近返工嘅人，連客人都唔怕得罪的，不得了！

食物賣相同味道都真心唔錯。但真係同大家講嘅一樣態度差。當日我同老公兩個人11點15分到，店面只有我地兩個客，咪諗住隨便坐，點知侍應強烈要求我地坐好細嘅兩人枱，話咁就唔洗搭枱喎，但語氣態度就似命令我地。平時少黎呢間，見附近嘅食肆都唔係咁早爆，唔知佢咁早都會爆場要搭枱，但我地最後照佢意思坐，免得爭拗。最後我地12點左右食完意粉，都只有我地同另一枱兩個人。飲緊野之際，有客人被指定坐吧枱，雖口講麻煩晒，但語氣似威脅多啲😂 而嗰位客人亦比較火爆，立刻取消order走人。客人走後，收銀阿姐就鬧左幾句，話個客痴線🙂我地見唔趕時間，而個場又未爆，仲有兩三枱空位，咪坐多陣飲埋杯野，但當然比人砰砰嘭嘭收晒啲碗碟，再要求盡快交枱啦。講真lunchtime當然要體諒食店，但自問一開始都唔係話唔體諒，亦無做啲咩西客行為，所以唔係因為我地做左啲咩先比佢咁樣對待，亦有睇住店面情況，如差不多坐滿，必即時交枱。莫講話對客，普通待人接物都應該保持禮貌啦，好食都唔會再幫襯。

#煙三文魚煙肉忌廉白汁意粉 $56 (凍飲+$2)估唔到都幾足料三文魚同煙肉嘅份量都幾多 一路食都仲有咁仲有加咗少少菜同紅蘿蔔絲感覺上健康咗🤣個汁夠creamy意粉又唔會太淋 整體唔錯評分:7/10-Little Prince葵涌葵昌路72-76號活@KCC地下G05號舖

第一次幫襯此餐廳係响幾個月前，一試便愛上，差唔多好多款意粉都好好味！我選擇的都係時時會再叫既～真心推介：1. 冬陰功鳳尾蝦意粉2. 香蒜蜆肉意粉3. 白汁煙三文魚意粉4. 蕃茄腸仔煙肉意粉5. 芝麻醬吞拿魚意粉6. 蘑菇湯第一次嚟幫襯嘅時候，都有同感覺得收銀小姐都幾惡下，但食多幾次之後，完全覺得你係「有需要」咁做！我鍾意你地呢間餐廳，唔係因為什麼服務，而是食物質素，餐廳乾淨、企理、整潔！老實講句，明知道你只會做到午市咁短暫時間既生意，連晚市都冇得開（因為根本唔會有生意），倘若你係任個個客人都慢慢食慢慢坐，你遲早都做唔落去！既然係真心欣賞你嘅食物，我自然想你繼續生意好，繼續好好咁做落去！就好似澳洲牛奶公司，夥計都成日俾人話唔好態度，難道想要酒店式招呼茶餐廳價錢嗎？你事實上提供了有效率的盡快入座及最緊要你經營好、返枱快，生意多，咁你就會keep到食物質素同保持繼續咁新鮮既意粉煮法，我係一定會繼續支持的，因為如果同朋友食飯要霸住張檯好耐既時候，我係唔會選擇去呢間細餐廳的，因為我想呢啲細餐廳都可以好好咁長遠經營落去，物有兩面，佢比你慢慢坐，唔計較生意或最後賺唔到錢唔做，誰損失？我唔想只食連所餐

之前同同事去過幾次已經發覺收銀既老板娘態度差，今次再去估唔到態度係十分差，個老闆娘成日黑口黑面，仲呼喝員工，人地都係打份工，對客人又差，成日趕人快d食晒快d走，大佬未食晒野仲要係咁收野，好騷擾！我地今次同隔離坐得好埋，而家咁既時勢都係咁既安排！仲見住有一枱兩個人一個食晒野，而另一個等左20分鐘仲未有野食，個老闆娘仲態度好差叫食飽果個人走讓位比其他人，咁都講得出口！見到咁我地以後都唔會幫襯！野食：普通（偏油）服務：好差環境：差