Little Mario's Pizzeria (珀麗灣)

營業中

休息中

今日放假入咗馬灣行吓，呢度真係好舒服，遠離市區，好安靜，被海包圍住嘅小島，一路行有海風吹住，真心好放鬆，呢度係低密度住宅，周圍又唔多人，入嚟行吓真係身心都好舒暢，又可以行落沙灘踢吓海水，坐喺沙灘度睇日落，聽吓海浪聲，好enjoy呢啲寧靜嘅時間☺️☺️行到咁上下係時候搵啲嘢食啦，揀咗呢間望住海嘅西餐廳，有得揀indoor或者outdoor食嘢架！原來佢哋仲請咗人現場彈琴架😍咁我哋就揀左坐indoor, 欣賞吓人哋嘅表演啦Indoor仲有個小 corner有玩具比小朋友玩，不過店員話呢個corner唔係每日都開放架Menu都有好多選擇，揀咗個 Hawaiian pizza, carbonara pasta 同埋 Mario’s beef burger食物都好有質素呀，會再回頭😍😍

入到嚟馬灣，感覺同去咗度假冇分別。今日星期四，可能平日嘅關係，唔係好多人去馬灣，整個地方都好舒適。我哋喺荃灣西坐巴士入嚟都係用咗大概15分鐘嘅時間就到，非常方便。首先要介紹間餐廳，係位於挪亞方舟酒店隔離嘅商場2樓，飽覽整個青馬大橋景色。我哋今次特登坐喺餐廳戶外嘅環境進食服務員亦都非常之好，非常之細心，我哋嗌咗兩杯特色飲品，好襯呢一個景丫。如果夜晚仲更加靚。淨係欣賞個景已經值回票價。環境又清幽，真係可以坐足全日。食物方便我哋嗌咗一個千層麵同一個夏威夷菠蘿pizza 。另外仲有一個兒童餐添佢哋嘅Pizza係自製pizza，千層麵亦都好好食，唔會好油。兒童餐嘅配搭亦都豐富坐喺餐廳門口食飯係一種享受。有小朋友嘅話仲可以去沙灘玩添。

上次嚟係2個月前，冇帶狗狗🐕，試過lunch set啲嘢幾好食，今次就帶埋狗狗，等佢都試下🍴。因為係假日，所以冇set lunch，直接從餐牌點菜，叫咗1個9吋的all day breakfast pizza🍕同埋芝士焗大啡菇2隻🍄。all day breakfast pizza🍕：我唔知有冇得揀薄底，但嚟到批底係厚嘅，好似pizza hut果種，我對厚批麻麻哋，覺得食到邊位時會難咬、有啲靭。不過呢個pizza的配搭真係幾有趣，完全係all day breakfast的核心食材：煙肉🥓、煎蛋🍳、焗豆🫘（冇茄汁），另外仲有一種材料就係芝士🧀。啲煙肉份量都唔少，全部由狗狗爸爸包辦。呢款薄餅好好食，好喜歡佢有蛋，仲有少少流心，諗諗下，可能厚批先兜得住咁多材料。如果唔大食，9”批🍕2個人食啱啱好，可以試埋其他食物。芝士焗大啡菇🍄：隻菇有啲細，但用芝士🧀焗好好味，又juicy，仲有少少沙律菜🥗，輕怡好味！服務方面，兩次嚟食嘢俾我感覺店員比較laid back，少主動留意食客的需要，不過我諗同人手都有好大關係。點餐、埋單都係我自己行入餐廳搵店員幫忙，而佢哋三兩個人都企咗喺水吧，用餐過程中冇侍應埋嚟

暑假唔一定要外遊留港消費都可以搵到好野食😋😋😋聽講係馬灣有間海景pizza 🍕好受歡迎入面仲有兒童遊戲區，真係好啱幾家大細一齊嚟呢到聚餐👍🏻👍🏻👍🏻👍🏻環境好闊落光猛仲有戶外座位，可以一面欣賞青馬大橋海景一面享受美食😋😋😋呢個景真係一流，大推👍🏻👍🏻👍🏻👍🏻👍🏻但可惜嘅係我今次係外賣😭😭😭😭下次一定要堂食😠😠😠拎咗20分鐘左右依然好靚仔14”Meat lover $188焗得啱啱好，好好味好足料👍🏻👍🏻👍🏻👍🏻忌廉雞肉闊條麵$118好香、調味啱啱好，一啲都唔膩👍🏻👍🏻👍🏻🥲炸薯條配松露醬$58拎到返嚟都仲好脆口，大大碗，正👍🏻👍🏻👍🏻個個朋友都話好味😋

🔷 🍽️🥩🥓〰️ 講到馬灣，一定諗起青馬大橋，所以今次入咗嚟馬灣就揀咗間睇到青馬大橋靚景嘅餐廳😃景色超開揚。〰️ 餐廳主打意大利菜同薄餅，所有醬汁都係餐廳自家製，薄餅每日新鮮製造。🍽 🔹 脆炸辣雞椰 8件長長一條條，炸得勁脆，咬落卜卜脆。少少辣，蘸醬幾好食。🔹 焗芝士火腿通粉超多芝士😳比想像中大兜，芝士焗得好creamy，火腿咸咸地，通粉唔會太乾太腍，夾埋一齊食好滋味😋➰🔹TRUFFLE PIZZA 🍕 9’好多火箭菜喺面配埋黑松露好香，手工Pizza批邊鬆厚軟屬，口感煙煙韌韌。➰🔹Tiramisu 口感綿滑，擺盤幾吸引，大大粒士多啤梨。幾香咖啡味，唔會太甜。🔹 Limoncello Martini 酸酸甜甜味道balance，易入口。🔹 Lime Soda好fresh好清爽，好有夏日氣息。🔹Pear Cider清甜啤梨味，有啲氣泡增加層次感。➰🔍 題外話環境真的很舒服，即使不是特意走入來都會想去逛個圈😂❐❑❒❏❐❑❒❏❐❑❒❏❑❒❏❐❑❒❐❑❒❏❐❑❒❏❐❑📌 Little Mario's Pizzeria 📍 馬灣珀麗路8號珀麗灣臨海廣場2樓1B號舖❐❑❒❏❐❑❒❏❐❑❒❏❑❒❏❐❑❒

今日係休息日，由葵芳站搭NR332前往馬灣，車程20分鐘左右就到達，都幾快捷上網好多人讚little mario's pizzeria的薄餅芝士係拉絲我一場黎到當然要食餐廳位於臨海廣場的2樓，搭NR332係馬灣入閘後第一個站落車餐廳位置係u 購同馬灣沙灘旁邊窗口望住青馬大橋，夜景仲靚可惜今日一號風球，所以想傍晚前回家餐廳播放住流行曲，有半圓卡位同長table今日我未食午餐一睇到餐牌見到有食肉獸薄餅簡直為我度身定做，仲有松露卡邦尼意粉，卡邦尼意粉係我係意粉中最愛❤️所以我叫晒2樣，因為未食午餐先上檯係松露卡邦尼意粉$138舖滿芝士碎有洋蔥，煙肉，白汁，松露每條意粉都掛著濃郁的醬汁非常美味😋食肉獸pizza$128辣肉腸，火腿，雞肉，芝士自製薄餅底好似意大利麵包有咬口拉絲非常好味😋由於天氣熱，飲左杯冰涼的青檸梳打$42好fresh總結職員說平日仲會有午餐同happy hour下次可以再黎嘆靚景同美食😋

是日入馬灣做嘢，做完搵間餐廳食嘢，然後打開電腦做嘢，馬灣呢個location係成間餐廳都靜，座位仲有插頭，都喺到打開電腦處理咗少少工作題外話，一開門行落去就去餐廳，環境100分！我同朋友叫咗兩個lunch set，appetizer可以揀湯同沙律，主菜我哋要咗grilled sole fillet with paprika mayo同chicken skewers and fries，再跟兩杯lemon tea沙律 - 正正常常，不過食落啲菜都新鮮，呢樣嘢好基本，但都唔係好多餐廳做到.....Grilled Sole Fillet with Paprika Mayo-賣相唔錯，用嚟擠檸檬汁嘅檸檬仲專登煎咗一煎，幾靚，overall 幾好食嘅，個汁唔係好食得出paprika，不過有mayo都唔會唔好食得去邊，魚煎得幾香，略嫌有啲油同太軟，如果肉質實淨少少清爽少少會更好Chicken Skewers- 薯條炸得幾好幾香，雞肉都好香，唔會太濃味，不過肉比較鞋口

Sat 3 June 2023 熱嚟呢度食嘢，如果淨係食嘢，就不如唔好嚟。一碟乾炒牛河永遠都唔係淨係碟乾炒牛河。喺呢度8成食環境3成食食物。唔好以為香港淨係有愉景灣先有呢啲環境，馬灣都有，我覺得比愉景灣更加好，呢度除咗比較貼地親民，喺村屋嗰邊仲有好多選擇。餐廳開陽光猛對住海景大橋好舒服。周邊嘅梳化位設有叉電設施俾大家慢慢玩。望住咁嘅景，聽住佢哋啲悠揚嘅Jezz，樂也。Lasagna，正常冇驚喜，Lasagna 火候適中、 ground beef 有肉味有汁水、香料齊、Parmesan+Mozzarella 份量夠 拉哂絲….. 交齊功課。都好大份，如果嗌多個薯條小食，應該夠2個文青食。呢個就中伏。冇bake bean 冇sausage 冇太陽蛋 (佢有隻蛋，不過熟晒)、冇hash brown ……. (其他咩 mushrooms、Black pudding都唔好講啦)，嘅all day breakfast pizza。

今晚叫左一個14寸嘅松露pizza同埋一個肉醬意粉去朋友屋企開party👯‍♀️首先講吓個pizza，佢嘅松露味非常出色。14寸嘅大細啱啱好，可以滿足兩個人嘅胃口。松露味濃郁，香氣撲鼻～火箭菜同芝士亦都係好好嘅配搭🤎批邊外表香脆，內裏軟熟。再嚟就係個肉醬意粉，酸酸甜甜，唔會過咸，份量適中。佢同一般快餐店嘅肉醬意粉好唔同，佢地嘅蕃茄醬非常之清新，意粉十分之濕潤。個人認為，呢個肉醬意粉絕對係Little Mario嘅一大亮點，必叫之選。雖然今次係外賣自取，但去拎餐嘅時候留意到餐廳出邊對正沙灘，夜晚可以欣賞青馬大橋嘅景色😎餐廳入邊裝修好playful，整體氣氛非常舒適同埋悠閒。下次如果有時間，會去試下堂食。總括嚟講，Little Mario絕對值得一試。無論係松露pizza定係肉醬意粉，都有驚喜。

🌞🏖️👙今日天氣好好，搭船入馬灣泳灘游下水，游完之後都好肚餓，去完商場二樓洗手間行翻出來，見到有新開西餐廳景色一流，可以涼住冷氣望住青馬大橋，二話不說就走咗入去，因為佢喺正二樓，比起一樓嘅餐廳嚟講更加安靜，又唔俾沙灘d大樹遮住晒啲靚景，揀咗個面海嘅梳化位坐，望住日落同大橋，好似去咗外國咁Chill🍅🐷Meat lasagna $138肉醬千層麵Classic Italian pasta with meat sauce 醬汁酸酸甜甜，千層麵入邊夾滿肉碎，芝士做到拉絲嘅效果，啱晒游完水之後肚餓嘅我🥚🐷🍅Bomba -all day breakfast $158全日早餐薄餅Bacon, egg, cherry tomato mozzarella煙肉、雞蛋、車厘茄、莫扎里拉芝士見佢有呢個咁特別嘅組合，好奇心重嘅我即刻叫咗來試試，薄餅皮薄香脆，餡料比較清淡，夾埋枱面可以任磨嘅黑椒粒同埋辣椒仔，飽腹感一流，個芝士都係同樣做到拉絲嘅效果🌄對住個咁靚嘅景食嘢，心情當然好好，店員都好Nice，有傾有講，斟水亦都非常快手，氣氛好好，好適合度假🏖

今日帶小朋友嚟呢度沙灘玩，近近地屋企，玩到肚餓就搵嘢食，同佢上一層商場洗手間嚟做簡單清潔嗰陣，見隔離呢一間餐廳環境闊落，望落又有渡假氣息，上網睇openrice評價都好唔錯就入去試下。呢度仲有兒童餐啱曬佢口味，我同屋企人就揀咗個parma pizza一齊食因為見到網上都好多人介紹佢哋嘅pizza，另外就加咗個梳打水同埋啤梨汽酒。呢個啤利氣酒都幾好飲，唔會太甜飲落都幾清新。兒童餐好快就準備好，有炸薯條，雞翼，卡邦尼意粉，仲有啫喱仲有一個果汁。小朋友話個意粉好好食，我同爸爸試咗之後確實真係同西餐煮比大人食嘅意粉一樣咁好味！雞翼同薯條嘅份量都唔少，飽滿嘅薯條同埋香脆嘅雞翼，小朋友靜靜地嘆美食就係我同爸爸休閒嘅時間！我哋嘅大pizza轉頭都準備好，一拎上嚟見到都覺得好正宗意式style又好香，而且真係材料份量十足（parma ham同蘑菇都好多）。平時我哋食pizza都好怕食嗰邊但係呢度嘅pizza啲邊外面烤得少少香脆反而入面係軟軟煙韌，熱辣辣食好好味！而且佢個pizza食完唔會好似美式嗰種感覺口渴，簡單鮮茄醬，所以好推介！呢度環境輕鬆聽住輕快嘅音樂，真係好有渡假氣息，好羨慕住喺呢度嘅居民呀！

I would not even name this a pizza, its a bread with toppings The pizza was overcooked too.Also ordered Spaghetti and it was  tasteless and cold.  The food was bad and very overpriced for what you get. Not gonna try again.有史以來最差的pizza，其實不能叫它做pizza ，味道像是麵包加些醬料在上面且還燶燶地還點了意大利粉，味道很淡和凍。食物很差，這種質素要給這個價格是完全不值以後也不會再去

今日好難得黎到馬灣 真係人生第一次😝😝 當然要搵下好野食 呢間餐廳喺臨海廣場 真係對都正個海灘 所以個景色好好 加上餐廳裝修用咗落地玻璃 這個感覺好空曠舒服講番野食 午餐有lunch set 黎得pizzeria 當然要食pizza 叫左個pepperoni 餅底做得唔錯 外脆內軟 邊邊唔會太厚 係手工造嘅 所以咬落比較彈牙另外闊條麪都好ok sauce係比較creamy嘅 加上闊條麪唔會煮得太冧 整體口感我好欣賞而我最中意都係小食🤭 薯條配松露醬上枱勁新鮮 熱辣辣 而且夠厚身 咬落好滿足 好少見松露醬完全冇咸味 係單純非常濃烈嘅松露 不過佢亦比左碟茄汁我 然後我發覺2個sauce一齊罔原來係絕配😍 食到停唔到最後有個脆炸辣雞柳 好大碟 啖啖肉 食肉獸食得好高興🤭🤭

今日去咗馬灣玩，帶埋小朋友，我哋幾個一齊去咗馬灣個沙灘玩，玩完就去附近呢間餐廳食, 呢間西餐廳環境優美舒適，令人放鬆，望住個沙灘都好寫意。店員都是用簡單英文下單，好nice又有笑容，加分！食物選擇都多，有多款pizza同意粉，最後點左pizza， 卡邦尼意粉 同羊架，另外一個兒童餐，都好優惠，價錢合理，先揀了印度烤雞pizza，原來是少少辣的，幾惹味，pizza的餅底香脆，熱辣辣上碟，更加好食。卡邦尼意粉大大碟，芝士味濃，煙肉同配菜增加口感，好味道。另外羊架最有驚喜！有3大塊咁多，而家烤得恰到好處，不會過老，仲保留肉汁，肉質嫩滑，仲有瓜同菇做配搭，很出色。最後小朋友的兒童餐，見小朋友食得很開心，先是用車車碟裝食物，小朋友一見已很喜歡，有雞翼， 肉醬意粉， 啫喱同橙汁，都是小朋友喜歡食，份量都幾多，都食吾晒！橙汁可另改蘋果汁的。整體很滿意，會再來。

今日一家大細一齊去左馬灣玩， 雖然落雨，但係搵到呢間好餐廳，坐低食下野望下個風景都好開心， 呢間位於馬灣臨海嘅餐廳，叫little Mario's Pizzeria, 大玻璃可以邊食邊望住個沙灘同大橋，都好chill架，店員都好有禮貌，環境乾淨坐位又舒適。估吾到價錢都吾貴，388元2人餐，有得揀個pizza, 意粉，同羊架！超值啊，本諗住食少少野當避雨，點知份量大大份，食到好飽，羊架有三大件，超抵食，而且仲好好味，肉質嫩滑，好味，仲有吾少配菜都出色，有瓜，菇同露筍等，都燒得美味。意粉可以揀 肉醬意粉同卡邦尼意粉，我就揀咗卡邦尼意粉，又係好大碟啊，同埋加了很多芝士，煙肉炸香好好食，增加口感，不錯啊。整體很喜歡呢間餐廳，下次再去馬灣一定會再來。