Little Mario's Pizzeria (珀麗灣)

營業中

休息中

嗰日去馬灣探朋友，佢話附近有間Pizza店唔錯，就落咗去買外賣食。印度香料烤雞及夏威夷薄餅餐廳主打pizza，仲可以雙拼，我哋點咗個大批，總共有八件。兩款Pizza都好足料，印度香料烤雞輕微帶辣，食落好惹味，夏威夷口味就有好多芝士，Pizza係傳統薄底，焗得好香脆。蒜蓉包6塊蒜蓉包唔係想像中長方形，而係扭扭紋，但都幾好食，咬落夠軟身。雜菜咖哩角8件咖喱角有啲辣，反而點嗰個汁就係唔辣嘅，炸得好金黃香口，充滿印度風味。牛油薄餅呢個不過不失，同我想像中有少少唔同，係比較厚身個種印度薄餅，但用黎點咖哩都唔錯。總括嚟講，Pizza非常高質，其他食物都唔錯，重點係餐廳環境非常優美，有海景睇，性價比超級高。值得一讚外賣餐具係木造嘅，非常環保。

今晚我同朋友去左馬灣行，然後就去左呢間Pizza店食晚餐。另外順帶一提，餐廳是在沙灘附近的。不得不說，入到去個view真係好靚，直接望到個海同條橋。小食：自家醬汁雞翼（8隻），（$88）雞翼咸咸地幾好食，幾惹味，都唔錯。忌廉雞肉闊條麵（$108）：忌廉味好香濃非常creamy,好幼滑好好食，闊條麵索哂d忌廉汁，好好食。然後雞肉鮮嫩，又唔會韌，好滑好好食。帕爾馬火腿Pizza: 入面有帕爾馬火腿，火箭菜，莫扎里拉芝士，巴馬臣芝士 $118（M)我地選了M size,9寸大，份量好夠同好足料，帕爾馬火腿咸咸地，配埋火箭菜又好fresh, 然後pizza的芝士味又好香，好好食😋。埋單連加一總共$345，2個人食呢個價真係唔算貴。