Little Fresh Cafe & Bar (已結業)

餐廳由旺角分店開到嚟銅鑼灣🚝鋪面雖然細細地，但都坐得幾舒服😌午餐Set有蒜蓉包同餐湯，個湯又幾足料唔求其的🥣🥣酸忌廉牛柳飯🍋好好食，酸酸個味道好清新都好開野胃～另外啲肉質都唔錯👍🏻青瓜煙三文魚燴意大利扁面🍝好juicy夠多汁，煙三文魚都好香口，不知不覺就食曬😆同一座其他餐廳都$100💰💰一個lunch set, 呢到$80左右免加一，味道又幾好食，性價比算好唔錯👍🏻👍🏻👍🏻

喺銅鑼灣行到超級攰，想搵間餐廳慢慢坐下同埋食吓好嘢！誤打誤撞搵到呢間餐廳！六時正過嚟，職員都有細心咁介紹餐牌！✨頭盤：蒜蓉包即叫即整，而且熱辣辣！表皮香脆！中間充滿蒜蓉味！✨泡菜海鮮湯微辣，而且入邊都好多蔬菜！✨沙律沙律菜超級新鮮！而且蕃茄都幾鮮甜！我哋嗌咗2號4號餐✨法式香煎育鰽魚配檸檬香草汁鰽魚肉質結實之餘，都幾柔嫩！入邊一啲都唔乾，而且沒有魚腥味！下低有超級滑嘅薯蓉！牛油味非常重！薯蓉香滑，簡直有大師級水準！✨拿破崙辣肉腸燴意大利麵分量幾大，而且好多肉！意粉質地剛剛好唔會太硬或者太軟林林！份量味道來講，絕對對得住呢個價錢！飲品✨橙汁用高腳杯來品嚐橙汁，完全係夠晒氣派✨檸檬茶超級大杯，六月天氣熱辣辣，飲落口好爽

呢間餐廳喺旺角嗰陣時候都已經同朋友食過幾次，今日約朋友喺銅鑼灣，諗唔到食咩好，所以又再encore！餐廳座位都闊落，同朋友食飯傾偈都坐得好舒服。是日餐湯 -韓式泡菜海鮮湯佢嘅餐湯泡菜味濃郁，裏面仲有好多海鮮好足料。田園沙律田園沙律份量都幾多，沙律菜好新鮮。蟹肉忌廉汁燴意大利飯首先一讚嘅係佢意大利飯煮得啱啱好，帶少少口感唔會好淋，燴飯入面有唔少蟹肉同埋蘑菇，佢哋蟹肉係有炒過既，所以個香味會仲出啲。佢嘅忌廉味道豐富，除咗蘑菇外仲會加上洋蔥等等，食得出有心思。法式香煎盲鰽魚配檸檬香草汁香煎盲曹魚，魚皮煎到脆口，上面加上唔同嘅香料，令到更加香口味道有層次。魚質幼滑，配菜有驚喜，用上西式經典常見既椰菜仔（Brussel Sprouts）、蕃茄仔同埋薯蓉，睇得出廚師有心機配搭。橙汁 咖啡最後一讚，餐廳職員好sweet 好nice ❤️

今日同朋友去左銅鑼灣百樂中心嘅樓上西餐廳Little Fresh Cafe & Bar.我地一人叫左一個set dinner 再share食。Set配餐湯/沙律，今日餐湯係忌廉蜆湯，味道唔會太重，有微微嘅胡椒味，蜆肉冇沙或者腥味，唔錯~餐包暖熱，外脆內軟~沙律嘅菜都好新鮮，份量剛好，配上莎莎醬，有少少辣味，幾開胃！主菜其中一個叫左法式香煎盲鰽魚配檸檬香草汁。香煎盲鰽魚，外皮煎得好香脆，魚肉肉質嫰滑，幾有鮮味，配上檸檬香草汁食落好清新。薯蓉食到粒粒薯仔，燒蕃茄同忌廉汁煮菇好好食！另一個叫左蟹肉忌廉燴意大利飯， 份量都幾多，飯嘅軟硬度適中，食落啖啖都有蟹肉嘅香味。忌廉亦唔會過濃，食落都唔會好膩。而飲品一杯叫左iced cappuccino.咖啡味好香濃，而且店員好細心問要唔要cream同糖，值得一讚！另一杯叫左青檸薄荷梳打。薄荷份量好足，一飲就有好明顯嘅薄荷香！餐廳細細，幾安靜，如果想避開太多人嘅地方，靜靜地食餐飯係唔錯嘅選擇~

朋友食過旺角Little fresh cafe & bar ,話幾好食叫我一定要去試下，咁岩係銅鑼灣行街睇下附近有咩好食，見到嗰名咁熟🤣就係你啦 今日一定要試下❗️雖然係樓上鋪但環境都算舒適，坐位都算多，而且仲痴住黃豬poster😳大家記得多多支持下✨✨日餐湯是日餐湯洋蔥湯，洋蔥湯望落好清，飲落幾甜唔太苦澀，而且湯落左牛肉粒作調味，令到味道更香濃，蒜蓉包香脆但蒜味不夠突出。✨法式香煎盲鰽魚配檸檬香草汁果然係招牌菜色香味俱全，香煎盲鰽魚香脆可口，魚肉肥厚肉質鮮嫩多汁，份量都幾大，底層用左薯蓉及茄子作伴菜，整體出色！👅👍🏻✨蟹肉忌廉燴意大利飯燴飯濕潤度剛好不會太乾，飯粒飽滿，忌廉味香濃食落creamy ，蟹肉都多配埋蟹籽和洋蔥粒，食落更味道加豐富✨草莓水果茶 熱新鮮水果製作既水果茶，不過飲落有d 甜，建議可以問可否少甜。✨橙汁橙味香甜扑鼻，一點也不酸

星期六出開銅鑼灣行街 但又唔想係咁嘈吵的餐廳食飯 樓上Cafe 變左一個好選擇 百樂中心係我多次造訪的大廈 有好多唔同國家的菜式 今次決定食西餐💕六點鬆d比較早上去 避開少少食飯的人流 大約七點左右人客都陸續入座同朋友一個選左一個set 包前菜/Main 和飲品前菜： 沙律/餐湯沙律菜清新健康 配上沙律醋酸甜開胃法式洋蔥湯 （含牛肉成份）餐湯甚有驚喜 入口洋蔥味濃 帶有牛肉香味而不油膩 主食：紐西蘭天然放牧草飼PS肉眼扒餐廳可以選擇3/5/7 成煮法 我地選左5成肉質鮮嫩 色澤均勻 肉汁亦都保持到 配上蘑菇雜菜等伴碟更襯托返主菜肉眼的香濃口感蟹肉忌廉汁燴意大利飯係一個傳統的意大利飯配搭組合 火喉控制得唔錯 飯粒唔會過於淋糯 配上Creamy ge忌廉汁和彈牙的蟹籽粒 飽肚感十足最後配上兩杯餐飲可以俾客人慢慢飲住傾下計 係鬧市中的一點舒適

今日嚟咗銅鑼灣呢間樓上西餐廳食，結果都幾有驚喜。假日午市時間都有幾枱幫襯。Lunchtime set menu, 最平個餐係$168.另外都有圖文並茂嘅menu睇我同朋友一人叫咗一個set.是日餐湯係洋蔥湯，落咗牛肉熬，食到洋葱清甜得嚟又帶d肉香，而且個湯好清唔肥膩。蒜蓉包微微烤過，好鬆脆。朋友就點咗沙律前菜，上面落咗d莎莎醬，特別開胃。蟹肉忌廉汁意大利飯 ($178)第一啖食已經有驚喜，食到好鮮甜嘅蟹肉味，仲落咗飛魚籽。risotto 飯煮得啱啱好。法式香煎盲鰽魚配檸檬香草汁 ($218)賣相幾靚。個魚皮煎到好香脆，入面魚肉嫩滑有汁。魚肉下面係牛油雜菌同香滑薯蓉，仲有少少車厘茄伴碟。最後叫咗一人一杯americano作結

銅鑼灣分店新開張一個月，like 社交平台page可享減$10優惠是日Today's Special 係豬扒($208)，第一次食煮至7至8成熟嘅豬扒，中間仍見粉紅色肉質🙊 店員表示餐廳採用西班牙豬扒，煮至全熟會嚡口，有需要的話可再煮熟一點。豬扒肉質好嫩滑，蕃茄仔經酒漬醃製及慢焗，非常香甜，好好味！另外點咗香草慢煮雞胸配迷迭香莎莎($198)，雞胸肉肉質略嚡，伴碟配菜跟豬扒相同😍套餐有法式洋蔥湯，味道香甜帶牛肉味，不錯👍🏽 亦有蒜蓉包，香脆好味😋 跟餐揀咗橙汁

今日放工同朋友嚟銅鑼灣行行下街肚餓，聽聞銅鑼灣開咗間樓上Cafe好高質就入咗去試👍🏼 上到店員好快安排咗個窗口位俾地，見我有兩聲咳問我要唔要暖水，好貼心🤩 Menu上面有好多選擇，款款都想試😍 同朋友選擇困難症，最尾都係叫咗dinner set🤣 最後我前菜我哋兩個都揀咗忌廉蜆肉湯，入面啲蜆肉多到嚇親，好良心😚仲配埋四塊蒜蓉包，好香好邪惡😍 到主角 main dish 我哋叫咗店員推薦嘅today specials 紅酒燴牛扒同埋蟹肉忌廉汁燴意大利飯👍🏼 想講份量比想像中大，男仔食都一定夠飽！risotto味道濃郁，加上parsley點綴成件事好夾，同朋友食到停唔到口😍 牛扒超級入味同有口感，店員推介係有道理嘅！另外我哋叫咗兩杯特飲，分別係蜜桃荔枝沙冰同埋迷迭香芒果菠蘿沙冰，只能講十分高質🍧 店員同我哋講係新鮮菠蘿即刻整，仲係我哋面前點迷迭香，即刻覺得個人都放鬆啲💆🏻‍♀️ 最後唔少得甜品！叫咗個雲呢拿雪糕法式多士，西多士即叫即整，加埋開始用嘅雪糕一流👍🏼 係完美嘅一餐，又好食服務態度又好！😍有機會會再返嚟幫襯

今日出銅鑼灣times square 行街，因為要揀買份禮物俾人，買完禮物之後，行到攰攰地又有啲肚餓，即刻問吓有冇朋友一齊食飯，咁我就搵咗間樓上Cafe坐低等朋友。見到呢度好多好評，同埋俾個名吸引到就揀咗呢度☺️想大讚服務勁好，成餐飯侍應姐姐不停fill 水😍我同朋友都叫吃個dinner set， 有湯或者沙律，一個主菜，再加一杯嘢飲。今日嘅餐湯係牛肉雜菜湯，好好飲，好足料呀，牛肉切cube,啲雜菜洋蔥就切碎粒，一大塊肉桂葉，好香！仲要讚佢嘅蒜蓉包，熱辣辣，勁香，烘得勁脆！我揀左today special， 呢個係每日唔同架，今日係煎鴨胸，原來鴨胸係可以做到又嫩又juicy！再配埋蘑菇同埋薯蓉，仲有好特別嘅花鹽，有花香味嘅鹽，好夾呀！朋友揀咗蟹肉忌廉意大利飯，有好多蟹籽同蟹肉，好味好creamy!!好開心今晚揀咗呢度同朋友食飯，一定會再嚟！

星期日係時代廣場行街行街前要差足電 係附近搵到間cafe 唔錯就試下 呢到有set menu 同單點 店員推介左set menu 既today special 慢煮紅酒燴牛臉肉 就試下 另外再叫左個蟹肉忌廉汁燴意大利飯Set 有跟蒜蒜包、前菜同飲品 洋蔥牛肉湯 好甜 沙律個醬汁比較特別 mix 出黎酸酸甜甜咁 好開胃 先黎蟹肉忌廉汁燴意大利飯首先擺盤好靚意大利飯炒得好煙韌除左有蟹肉 仲有菇、菜同香草一齊炒 加埋忌廉汁 食落好豐富 好有層次 讚慢煮紅酒燴牛臉肉份量夠兩個人share 牛臉肉煮到好淋 一切已經化開 牛肉味都幾濃 仲有煎番茄 、炒菇 、薯蓉做配菜 薯蓉仲要mix 埋粟米 好有誠意 最後叫左兩杯餐飲 凍檸茶 解暑一流呀食飽飽就可以行街了

呢一日嚟到Little Fresh Cafe，餐廳嘅旺角嘅分店相當有人氣，幾年前都幫襯過一次👍今次一於試一試銅鑼灣分店嘅水準！餐廳可以遠晀跑馬地馬場以及東半山嘅景觀，用餐非常寫意😎餐湯係蘑菇湯，味道香濃，質感滑溜😜餐包係我鍾意嘅蒜蓉包👻法式香煎盲鰽魚配檸檬香草汁主餐係非常適合煎嘅盲鰽魚，魚肉嘅肉質結實而嫩滑😋魚皮煎到好香脆，油脂感十足！🤪伴碟有蘑菇，薯蓉！拿破崙辣肉腸燴意大利麵拿破崙醬汁主要由意大利嘢唔少得嘅蕃茄醬汁組成，每條意粉都沾滿濃濃嘅醬汁🤩配上辣肉腸就構成咗一碟好地道嘅意大利主食🥳巴斯克香橙蛋糕做到巴斯克蛋糕應有嘅焦香味😍口感細密、幼滑，富有淡淡橙香味😃凍檸茶、橙汁

星期六同老公去銅鑼灣Little Fresh Cafe & Bar食晚餐，之前食過旺角個間，知道佢係銅鑼灣開左分店，唔駛過海都有得食，於是去食下分店。我地叫左兩個Set Menu。前菜可以揀是日餐湯或田園沙律，我地當然各一，就可以食晒啦。是日餐湯係法式洋蔥湯，配以法包，洋蔥已經煮到勁腍，湯清清地帶胡椒味。田園沙律幾新鮮。Today special 係紅酒燴牛尾肉，牛尾煮到非常腍，一切就開，加上creamy既薯蓉、番茄仔、菇，好吃。蟹肉忌廉汁燴意大利飯蟹肉有煎過既香口，意大利飯充滿忌廉汁，夠邪惡。飲品叫左兩杯凍檸茶，好飲喎。

今個weekend黎到朋友介紹既溫馨cosy樓上小店，小店裝修簡約，位於18樓，可以遠眺到大球場～一人嗌一個set lunch share，另加一個打卡必嗌嘅火魔醉蜆，非常圓滿💛Set lunch包前菜🥗/洋蔥湯🥣，main dish同drinks！平時唔鍾意洋蔥嘅我覺得小驚喜，個湯好甜、洋蔥味唔係好強烈，配細細塊嘅蒜蓉多士start the good beginning！<<🐟法式香煎盲鰽魚配檸檬香草汁 $218>>盲鰽魚個皮煎得非常香脆，肉質鮮嫩細滑，同酸甜嘅檸檬汁非常夾，配菜既蘑菇同薯蓉都好好味！<<🦀蟹肉忌廉汁燴意大利飯 $178>>呢個rissoto應該係餐廳嘅signature，見到每枱都嗌，rissoto煮得啱啱好，口感係al dente既，個汁好惹味，份量亦比較大份！<< 🔥火魔醉蜆 $88>>見到隔籬枱嗌，視覺效果一流，即刻跟機😆店員點火之前會提醒我哋先拎手機，非常貼心✅除咗打卡一流，味道都相當唔錯，一盤有差唔多10隻蜆，配合白酒同埋洋蔥蒜頭，非常惹味！<<

呢排落雨真係影響外出心情，最近係銅記行行下又落大雨，都所以索性上樓去食個即慶西餐lunch喇。兩個人點左兩個餐上main dish前黎左兩碗紅羅宋湯同埋幾片蒜蓉包🥖，沾湯食好好味呢。主食一：蟹🦀️肉忌廉燴意大利飯開頭抱住食飽已經好好心態去食，點知由碗湯開始，感受到係用心製作。呢個飯非常高質呀，意大利飯軟硬度適中，不偏軟不硬巴巴，忌廉醬汁非常掛飯粒，入口口感濃厚不會過濕或過乾，難怪要時間等候，因為真係用心之作。蟹肉散落每啖飯中，絕對係手功之選。法式香煎盲鰽魚配檸檬🍋香草汁呢個又係精心之選呢，雖然要ddddd時間先出到碟，但一切也是值得的😃盲鰽經上湯煮過，肉質不但唔會散開，咬落更帶有口感，唔會乾身之餘仲有肉汁連上湯汁，加上配菜都係好精美健康。呢兩個餐仲有餐飲架，性價比高既西餐之選。老闆好好傾，服務貼心週到，用心介紹菜式煮法，大開眼界😀😀😀⭐️⭐️