影片
以上資料只供參考, 請與餐廳確認詳情
嚟到金鐘想搵好嘢食，成日都唔知食咩好🤷🏻♀️知道Little Cove Espresso喺太古廣場開 ，好滾動，掂啦掂啦🤩好早喺2017年西貢開已經知道呢間係好嘢，每次幫襯幾乎會點沙律。本來想點三文治，點知下午茶都會賣哂🫠 今次點咗 🥗 Spiced Chicken Salad印度香料雞好出色，係會忍唔住會輕輕發出「唔～～」😋佢哋提供埋嘅醬係必沾，一秒再提昇配菜一啲都唔hea，配搭得好好，有黃瓜、牛油果、羽衣甘藍、番茜等等，各樣嘅獨特香味溝埋一啲都唔會好怪，份量控制得啱啱好，令到成道菜香口而入口完全冇打交嘅感覺，再加埋果仁喺面，呢個沙律繼續令到我好快完成🙈☕️ Flat White，仍然係出色，偏nutty，夠滑😍裝修配合到商場嘅風格，亦都帶有Little Cove嘅簡單線條，坐都算幾舒服👍🏻服務就我幫襯嗰刻一般，唔知係咪因為啱啱忙完午飯時間，加上counter同用餐地方隔咗條通道，想order嘢都要等一等職員先會留意到🥲
繼續閱讀
名氣咖啡cove little express 今次選址Pacific Place 2樓，位置恬靜意外舒適！開放式空間設計用色清新，毫無嘈雜感，瞬間逃離工作壓迫感。🥗 Brunch Bowl 炒蛋嫩滑，牛油果同烤甜薯自然香甜，加埋哈榛子同菲達芝士，口感豐富又健 康。 （$145）🐟 煙三文魚酸種多士用料足，Labneh酸奶醬清新醒神。 （$136）☕ Cappuccino香濃奶泡綿密，飲完夠提神～ （$50） 會encore✨
繼續閱讀
今日唔係太肚餓，諗住係PP食個簡單嘅午餐，點知最後都係食到好飽。Latte冇乜特別，正正常常，味道同拉花都正常發揮。叫咗個牛肉pasta ，擺盤賣相幾靚，牛肉煮到好腍可以撕開一條條，然後啲蕃茄仔都煮到爛晒，成個汁好入味，然後配上pasta送飯一流。三文魚benedict都唔錯，係三文魚煮得老咗啲，唔夠滑。個蛋係流心嘅，可能因為三文魚煮老咗同埋冇乜味，連埋啲包同菜主要係食到蛋香味，口味平淡啲，但都OK。
繼續閱讀
Little Cove Espresso 源自西貢，本身已經係人氣cafe，嚟到金鐘一樣咁受歡迎😂 lunchtime 多數要排隊。🥣 Grain-Free Granola Bowl健康之選，配料包括自家製無穀麥片、希臘乳酪、香蕉、士多啤梨等，味道清新、口感豐富。🍝 Roasted Tomato Calamarata PastaCalamarata掛汁力強，烤番茄醬汁濃郁，帶微酸，配上香草，味道層次豐富。🐟 Flaked Salmon Benedict on Sourdough水波蛋流心，蛋汁同酸種麵包融合，荷蘭醬濃郁但唔膩，夾住三文魚食，整體平衡度高。
繼續閱讀
因為今日落大雨，冇去平時去開喺平台果間Emmar 買咖啡，改去商場入面嘅 little cove. 之前有去過西貢果間，覺得都ok, 所以諗住唔會伏啦。點知…！ 杯咖啡細得可憐，簡直離譜😤, 我不嬲會自己帶杯，我個杯係standard 12oz , 佢竟然可以比得1/3 杯比我，3啖就飲哂😤 , 我係叫Flat white, 我唔以為自己叫左expresso! 我之前都買過一次，係細杯啲但係都冇咁離譜！ 好過份！唔會再幫襯🤬🤬
繼續閱讀