Life Toast (海之戀) (已結業)

呢間店其實本身都幾多人食😋成日見到人打卡影軟殼蟹同雞扒！好大塊好吸引😍但今次冇揀到最人氣嘅款式～泡菜豚五花芝士滑蛋🍞 $60麵包好香好軟熟，食落甜甜地，而且食到牛油香😍泡菜豚肉帶少少辣味，單食有啲鹹，加埋其他配料味道啱啱好！豚肉都幾嫩，但份量唔算好多～炒蛋都好滑，蛋香味唔算太重。唯一要彈就係豚肉有啲軟骨，大大啖咬嘅時候要小心🤣同埋塊生菜唔係咁新鮮🤣希望可以改善下～整體來講份量都好充足，食到最尾都有餡料，食完好滿足😍4.5/5😋忌廉芝士醬香辣雞粒 $48一送到上嚟仲熱辣辣出緊煙😍 相比之下雞粒比泡菜豚肉辣。雞粒炸得好香脆而且有肉汁😋食落唔會話好油！個醬係用忌廉芝士，感覺仲加咗啲檸檬，點雞好解膩！4.3/5😋整體嚟講係好食😍不過當然價錢都唔平。如果可以會想買佢嘅麵包返屋企自己夾餡料😍

每次去到海之戀 都好想試呢間盒子吐司🍞環境靚 吐司都好可愛 超啱打卡😍推介泡菜豚肉芝士滑蛋吐司 成個combination嘅口感同味道都冇得輸😎酸酸辣辣 加埋清甜嘅洋蔥同鹹香芝士 相當惹味🧅🧀

Life Toast (海之戀) (荃灣)♡︎𝗦𝗣𝗘𝗖𝗜𝗔𝗟 𝗥𝗘𝗦𝗧𝗔𝗨𝗥𝗔𝗡𝗧 ♡︎$60 慢煮雞胸牛油果溫泉蛋(8/10🌟)❤️sᴏᴜs ᴠɪᴅᴇ ᴄʜɪᴄᴋᴇɴ ʙʀᴇᴀsᴛ & ᴀᴠᴏᴄᴀᴅᴏ ᴡɪᴛʜ Oʟsᴇɴ ᴛᴀᴍᴀɢᴏ❤️Toast成個感覺清新，雞胸🍗唔乾唔鞋。溫泉蛋🥚一咬就爆醬，蛋黃蛋白比較流質，所以容易滴到四周圍都係。如果唔想食到太麻煩，可以加錢轉其他蛋例如炒蛋🍳。醬汁唔算多，但牛油果🥑俾咗好大份，好creamy ，有醬汁效果。麵包🥪有微微烘底，食落鬆軟。$86 軟殼蟹親子滑蛋套餐（包海苔薯條&汽水）(8.5/10🌟)❤️sᴏꜰᴛ sʜᴇʟʟ ᴄʀᴀʙ & sᴄʀᴀᴍʙʟᴇᴅ ᴇɢɢs ᴡɪᴛʜ ᴛᴏʙɪᴋᴏ❤️🥪Toast入面有炒蛋生菜🥬軟殼蟹同埋蟹子。軟殼蟹🦀好香脆，好容易咬開，配合生菜同蟹子，口感好夾。另外份炒蛋🍳好大份，醬汁唔算多，但食落都會juicy 。海苔薯條🍟較粗身，食落似Macronald 和風紫菜調咪粉，薯條鬆軟得黎仲熱辣辣，好食～食物：9/10環境：9/10性價比：8/10📍荃灣大河道100號海之戀商場1樓1005號舖其他分店：📍銅鑼灣希雲街28號地舖

最近周圍都開滿爆餡三文治🥪個人幾鍾意呢到嘅盒子吐司🍞❤️嗌咗個泡菜豚五花芝士滑蛋吐司 $60都幾抵食！麵包外脆內軟熟 甜甜地～中間夾住泡菜豬肉、芝士、生菜同炒滑蛋 酸酸地辣辣地 幾開胃 份量十足 好抵食！

［荃灣西特色吐司🍞🍳life toast]-之前去荃灣西Donki買野經過發現呢間特色吐司餐廳🍞專賣造型靚靚嘅韓式盒子吐司😋以黃白色作為主色🍳有好多得意雞蛋公仔🥚仲睇到海景tim🏝即刻bookmark 下次黎海之戀一定要試！仲要坐靚靚打卡吐司位💛-於是我襯好曬衫黎到😐好可惜唯一嘅吐司位比人坐咗🥹🤪不過唔緊要！我有好嘢食就得架啦😗呢間吐司嘅味道打破我對麪包嘅觀感🫣原來包都可以咁鬼好食😋-😋軟殼蟹親子滑蛋 $68個賣相非常吸引😍😍望到都流晒口水💦個軟殼蟹係新鮮炸起🔥熱辣辣🤩熱力十足落埋青檬汁食落一啲油膩感都冇😜至於個滑蛋非常嫩滑配埋牛油🧈烘底多士脆卜卜😝非常推薦🥰👍🏻不過佢唯一一個缺點就係因為有軟殼蟹嘅熱氣加埋比個盒焗住放太耐個底會淋🥺所以大家要趁熱食！好味指數：🌕🌕🌕🌕🌗-😋慢煮雞胸牛油果溫泉蛋 $60雖然個雞胸係凍嘅😝但佢一啲都唔嚡😗加埋啲醬食落味道啱啱好至於個溫泉蛋♨️😋真係好正咬一啖爆曬啲蛋漿🤩成個吐司沾滿蛋香😝yum再加埋清新好味嘅牛油果🥑其實唔知個多士係咪搽咗蜜糖食落好甜😂成個配搭好fresh好驚喜😝同埋呢款吐司冇咁快變淋😂好味指數：🌕🌕🌕🌕🌗-😋海苔薯條+汽水🥤🍟 跟餐加$18

荃灣韓式紙盒吐司下午茶輕食之選▫️泡菜豚五花芝士滑蛋🍞吐司非常足料惹味香辣豚五花加上芝士、炒滑蛋同泡菜麵包煎得外脆內軟，加埋配料味道豐富但跟餐嘅海苔薯條炸得未夠透

次次經過都心思思想食之前食過辣雞扒個三文治🥪覺得實在太飽所以都係覺得雙層芝士煙肉蛋三文治最正一個人食晒一個已經好足夠麵包脆脆咁 要加上豐富嘅餡料 好好味加$28變套餐 有辣雞粒同汽水🥤個雞粒都好脆 又唔會乾 好好👍🏻

經過門口俾個窗邊位吸引住，於是決定一探究竟店舖門面唔算大，但乾淨企理，店員比較親切，店舖最入樓梯上去有兩個位比較寫意，中午行完海之戀可以靜靜地咁坐係度，食個吐司飲杯汽水放鬆下，絕對有種身處咖啡店嘅感覺，食物雖然邪惡，但勝在美味。係一個非常好嘅選擇 我地點佐嗰香草腸脆薯餅芝士滑蛋吐司，味道不過不失另外一個係椒麻脆辣雞滑蛋，呢個好有驚喜，店員送到黎件炸雞大塊到嚇親，椒麻味同炸雞好夾，吐司比較鬆軟，食曬成個都唔會覺得膩值得推介

主打即叫即製爆餡吐司的「生命有限工司」全店只有20個位，窗邊特設吐司打卡位，更可以望著海景，打卡一流！泡菜豚五花芝士滑蛋套餐 ($60)黃金紫薯餅 (+$12)黑牛（+$15）泡菜豚五花芝士滑蛋吐司泡菜辣度適中，滑蛋半熟，豚肉帶點軟骨令口感更豐富，配搭生菜減低油膩感。如果芝士烘成半融拉絲必定更吸引。黃金紫薯餅外層炸得香脆，裏面是甜甜軟軟的紫薯蓉，喜歡紫薯一定要試！黑牛即是經典朱古力雪糕球加可樂，吃完吐司喝一口黑牛真是身心舒暢。燒牛肩胛厚洋蔥温泉蛋套餐 ($63)惹味雞搥 (+$16)桂花烏龍（+$6）燒牛肩胛厚洋蔥温泉蛋吐司牛肉軟嫩，獨特的醬汁加上温泉蛋滲入吐司，非常滿足。惹味雞搥外層炸得香脆，怕辣的朋友也接受到。桂花烏龍清香解膩，瓶身也很別緻。另外較早前亦一嚐慢煮雞胸牛油果温泉蛋吐司，雞胸肉夠嫩滑，配搭牛油果絕對是健康之選，温泉蛋的蛋漿流入吐司內味道一流。海苔薯條則比較普通。

搭西鐵屯馬線去荃灣西站，海之戀商場，有一間特色小店，韓色多士 Life Toast。海之戀是一個長條形商場，小店在南端，同層的廁所在商場正式入口另一端，行到腳軟。故此，如果想去這間 Life Toast，如果由正門入，要由頭行到尾。可以由荃灣西站C2出口 (港鐵地圖，C3去Donki)，又或者由街的海旁有一個隱藏的入口和行人樓梯入商場。店鋪很容易認，店內燈光猛，黃色主色也很Sharp。小店大概有20個位，窗邊有個特色位，有海景。這裡的多士特點，第一是很大份，第二是有蛋，第三有芝士。雖然用手機QR code叫餐，但是我建議拿一份實體餐牌，因為多士款式多，套餐加小食的選項也多。慢煮雞胸牛油果溫泉蛋，兩塊多士中間夾了幾大塊雞胸肉，還有清新好味牛油果，不會覺得好膩。香草腸脆薯餅芝士滑蛋，香脆薯餅搭配芝士，又幾好。夾著香草腸，多了一分香氣，而不會太搶。燒牛肩胛厚洋蔥溫泉蛋，牛肩胛好好食。軟殼蟹親子滑蛋，軟殼蟹賣相很吸引，新鮮炸起熱力十足，滑蛋好嫩滑。 我推介他們的小食。海苔薯條就好像加了shake shake粉，好味忘記了影相。脆香薯寶更好味，雞粒一啖一粒炸得幾脆。總評味道：好味的厚多士；環境：

唯一海景吐司卡座❤️Cafe過左打卡熱潮 今日經過人唔多 終於試到～無心插柳地見到吐司座客人岩岩走可以喺全店打卡卡座hea🤤同朋友分享近半年來既生活 將是日約會大大加分！✊🏻試左皇牌軟殼蟹滑蛋吐司！滑蛋份量多到會溢出軟殼蟹/吐司即炸/烘熱辣辣青檸加上沙律醬 冇咁油膩份量是女生可以支撐一個下午的不過包裝係一個長方形盒冇紙巾包住吐司材料好多 食起上嚟反而有啲狼狽材料會向下跌入個盒🥲要細細啖食得好小心 同準備定Tissue啊🖐🏻✊🏻小食拼盤有雞翼，海苔薯條，紫薯薯餅（原本係雞鎚，但賣晒🥲）海苔薯條：海苔味很足夠 薯餅：是一口口暖暖的紫薯蓉希望下次可以試返雞鎚拼盤也是冇餐具提供只有竹籤 可能改善一下用餐具比較好。✊🏻碟豆花特飲/桂花烏龍冷泡茶不過不失～冇咩特別希望下次可以試其他款式嘅吐司！Cafe環境相：轉載自Cafe Instagram

前排韓國興起嘅街邊小食盒子吐司喺香港都可以食到啦🥰！今次試咗佢嘅招牌吐司 — 軟殼蟹親子滑蛋～ 成個吐司都幾多材料，擺盤擺得好靚👀，加上荃灣有個對著海景嘅位置😛，啱晒大家去打卡😍 ！吐司大致上可以分為四層，軟殼蟹，滑蛋，生菜同麵包😋。軟殼蟹外層炸到脆卜卜，入邊嘅肉亦都保持到一般軟殼蟹嘅標準，咬落去幾有滿足感，唔會話太少肉唔過癮😬。滑蛋係偏水凝嘅狀態🥚，非常香滑！配埋生菜香脆嘅口感🥬，同吐司擺埋一齊令到個層次感豐富咗😌👍🏻。最值得讚賞嘅係佢嘅吐司🙈，又香又甜又唔會好乾😙，加上佢搽咗啲特製嘅醬汁(我估😅)，夾埋一齊食都真係幾過癮㗎🤩，而且仲有半粒青檸仔可以自己加添😎～雖然賣相好靚不過預咗食嗰陣一定會整污糟隻手🥲，可能係軟殼蟹擺得太出搞到啲喊係咁跌出嚟🤣 如果佢哋有手套提供就好啦🤧整體來講非常滿意！下次經過嘅話會試埋其他口味😋 係值得一試嘅小店嚟^_^ 唔知大家又食過未呢？除咗軟殼蟹滑蛋仲有咩其他好推介😛推介指數：🐘🐘🐘🐘Life Toast 生命有限公司🦀 軟殼蟹親子滑蛋 $68

去海之戀donki行街順便醫肚, 由於唔係好肚餓就叫左一人一份韓式多士試下(前)慢煮雞胸牛油果溫泉蛋(後)軟殼蟹親子滑蛋由於所有多士都係即叫即製, 所以落左單等左大約15分鐘就上檯軟殼蟹賣相好吸引, 靠近少少仲feel到新鮮炸起個種熱氣湧出黎, 滑蛋都好嫩滑,唔駛幾分鐘已經成份多士食哂😂反而雞胸牛油果就比較失色, 可能因為食材都係慢煮處理, 所以就算啱啱上檯, 溫度都只能夠叫做微溫, 同剛剛食既軟殼蟹比較呢個缺點就更加明顯啦見到旁邊食客既椒麻脆辣雞都好吸引, 睇嚟都係炸物比較成功, 下次可以試試😋

行完Donki之後，經過呢一間賣多士嘅店舖，之前一直都好想試，依家見到冇咩人流，所以要入去試吓佢嘅多士，加上仲見到店家擺咗Anson Lo教主代言飲品嘅人形牌，即刻變心心眼😍。餐牌上面有好多唔同款式、唔同配料嘅多士，突然間好想食牛油果，所以就叫咗呢一個慢煮雞胸牛油果🥑溫泉蛋多士。慢煮雞胸牛油果溫泉蛋多士🍞兩塊多士中間夾咗好大塊嘅雞胸肉，仲有好清新好味嘅牛油果🥑，再咬多啖溫泉蛋之後，蛋汁流落去配料嗰度，令到多士唔會好乾身，每一啖都食到唔同嘅配料，而且唔會覺得好膩，食完仲好飽肚。

復活節假期到啦！趁著放假第一天跑出來逛逛，由於疫情很久沒有堂食，而且這間餐廳一直都很火爆，常常沒有空位，難得看到有打卡位能坐就衝進來了！這次點了兩個吐司套餐，燒牛肩胛厚洋蔥溫泉蛋，香草腸脆薯餅芝士滑蛋，搭配海苔薯條，飲品是紅西柚香橙冰茶。海苔薯條的海苔超級香，薯條也炸得很香脆，沒有油膩感。燒牛肩胛厚洋蔥溫泉蛋吐司。一口咬下溫泉蛋就流心啦！很好吃不過容易滴到手，牛肉軟嫩，醬汁滲入吐司好好味！香草腸脆薯餅芝士滑蛋吐司，香脆薯餅搭配芝士，絕配！吐司有微微甜甜的味道，夾著香草腸，多了一分香氣，讓我想起在韓國吃的吐司啊！飲品是紅西柚香橙冰茶，香香甜甜的水果茶，很解膩邊吃邊望向窗外，今天天氣真好！這個view真的很美！份量很足，餐點都很好吃，店員服務也很親切，會再來品嚐的！